食的回憶

人總喜歡回憶﹐我也是﹐由其是這些“食”!


好啦﹗又係回鄉探親既時間﹐下星期見﹗

紀念日

幾天在YOUTUBE看大地震的特備節目﹐除了慘慘的中國人﹐還有無記新聞事事關心﹐哭了幾張紙巾。


除了紀念大地震﹐多謝魚絲舞既咭。原來日子可以過得好快﹗

Freebies

米國真係好多免費餐
5-15 有Ice Coffee, 不過要10am之後
https://www.dunkindonuts.com/

老麥7:30am 開始買野飲有包送
http://cep.mcdonalds.com/foodnews/sandwich/

遲人

雖然知道早睡早起身體好﹐但我總喜歡夜夜未睡﹐以至遲遲不起床。就這樣本來上班時間返開八時半﹐現在差不多九時半才到公司。

其實公司上下都有遲返遲放的習慣。今早因為鄭生在Princeton有個Seminar﹐我有順風車搭。八時回到公司﹐咦﹗一大個停車場得兩架車﹗鄭生說他的同事們都很早上班﹐他七時返到公司﹐已經要泊到老連禁遠﹗有很多同事返五﹑六點﹗嘩﹗天都未光就要返工﹗辛唔辛苦架﹗

話說回來﹐米國人大多都是晨早人﹐返早放早﹐所以七點出門﹐一定交通擠塞﹗返九點便沒有這問題﹗

懶散

近日有點懶散﹐原因可能是天氣﹐可能是無人工加﹐可能...十萬個可能。

要交的工作做得八八九九﹐要等其他部門完成才可一拼測試。同事督促我不要做得那麼快﹐於是唯有一面上網聽著“以色列歷史”﹐一面發下白日夢﹗

本來想寫寫食﹐但為了華頭的幸福﹐暫時不寫。



上星期在教會圖書館(已經好耐無去過﹗)借了麥希真牧師的“工人的講道”﹐超正呀﹗以前聽過這系列的書﹐但一看書名覺得不關我事﹐沒有興趣看。現在看了一半﹐原來走寶﹗﹗

唔~教會的工人真的要看看﹗

是日下午茶

昨日在韓人超市買的﹐$2.5 四件綠茶蛋糕卷。無乜綠茶味﹐但蛋味都幾濃。

近日每逢三點三便開始眼訓﹐要靠食點東西使自己清醒一點。這樣下去一定肥硬﹗

南澤西

不經不覺搬進南澤西已經一年。比起費城﹐當然這邊的居住環境好一點。這邊比較清靜﹐閒雜人沒那麼多。但換轉﹐出城比較麻煩﹐要過橋(橋費越來越貴﹐而這邊地稅亦要貴幾倍﹗)。要多選擇用膳﹐又要駕車到CHERRY HILL。無車無可能出街的地方﹗

昨晚去了南澤西聚會﹐參加的都是南澤西人。板頭﹐CREAM頭﹐DEEP﹐年青的都只有這三位﹐其餘都是一眾爸爸媽媽級人馬﹐ 我和鄭生夾在中間﹐(又未到爸媽級﹐又唔夠啊DEEP禁年青﹗)食食飯﹐談談天。

始終覺得吹水唔係我既強項﹗

烘烘聖火

常說我這一代很幸福﹐因為資訊發達﹐要知道什麼﹐上網一查便有得聽﹐有得看﹗

昨晚開完會﹐回到家差不多十時半。想起聖火已經開始傳遞﹐於是快快上TVB.COM網上直播。嘩﹗一睇就睇到志雲跑緊﹗還一面跑﹐一面揮手﹗好好笑呀﹗

再上YOUTUBE﹐見到藍衣人﹐珊珊。再看新聞報告就知呢期邊個最紅啦﹗

1 Mill人的故事

又係志雲呀﹗今次話題係窮人﹐hit中啦﹗如果佢搞個節目係訪問中產﹐我諗仲多人睇﹗

加插了藝人﹐不過在對話中就顯得佢地好低B囉﹗