2007回顧與前瞻

今年這篇回顧與前瞻來得比較遲﹐忙呀馬﹗

當回看“2006回顧與前瞻”和“2007要做D乜 ”感恩的實在太多﹗﹗當然有很多事沒有如願進行﹐但亦有不少意想不到的收穫。

感情上﹐FUN前FUN後的確有很大的變化﹐很多朋友都會問我們FUN後如何? 誠言﹐在最初的一兩個月是有點辛苦。要多謝身邊的導師和長輩朋友﹐他們的聆聽和分享帶給我們很多鼓勵。要學習“愛與尊重”將會成為我和鄭生2008的目標。

事業上﹐自從好男人離職﹐和現時有如大雜工的工作岡位﹐有一段日子﹐我是極極極情緒低落﹐不過幸好有李老闆間唔時開解一下﹐在GMAIL又可以和板頭“伸”下﹗對2008年﹐同一工作岡位沒有太大的期望﹐已經知道在六月前有一大project要完成﹐但六月後方向未明。而且公司口口聲聲話轉用JAVA﹐又無培訓﹐又無資源﹐只好做得一日等一日。

教會生活上﹐因為FUN前FUN後﹐放了差不多半年假﹐不需要負責太多的事奉﹐又不用在Core Group和任何Team開會﹐開會又開會﹗(只是很多時鄭生要開﹐我只是陪坐等﹗)事奉生活輕鬆了不少﹗﹗2008。我將會又再從投CSMT的懷抱﹐當然我是極不願意開會﹐但願大家開會有建設性﹐唔好超時﹗

踏入2007下半年﹐繼續和姊妹A查經﹐妳最後決志信主﹐為妳高興﹗﹗2008﹐繼續和妳查經﹐希望妳會更明白神的心意。若果神許可的話﹐我是想與其他姊妹有福音性查經的﹐繼續為你們禱告﹗

今年的尼希米52~團契人生﹐只參與“看”的部份。雖然沒有像去年那麼多活動﹐但總算看畢全書。聽說2008﹐會有“事奉人生”﹐十分期待﹐希望大家可以在事奉方面有進步﹐不用一些弟兄姊妹事奉都氣咳﹗

感謝主給我“期望已久”的事奉機會。教主日學﹐帶領團契查經一點也不容易﹐而且每次都戰戰兢兢。白頭髮﹐脫髮亦又此起﹐不過相對自己所學到的亦是很多。2007上半年為小組準備﹐所以只上堂﹐不用教。下半年﹐教了三課﹕“從舊約看聖經人物禱告” 雖然每準備都用上很多時間﹐不過“No Pain, No Gain”。2008﹐已經應承了第一季的“尼希米記”﹐再與板頭合作﹐不過今次再加上彼得李和神學生姊妹A一起教﹐我肯定所得的比付出的多。(因為彼得李已有很多年Reading assignment 比大家啦﹗)

至於團契﹐來年將會返兩個團契。雖然我和鄭生都是不太願意﹐不過人生走到某一階段是需要不同的成長環境。希望可以適應。

飯局一星期

放聖誕﹐一個接一個的大小飯局﹐令本來過得很快的時間更像光速的流走。

平安晚﹐本來悶悶地﹐幾個電話便有十幾位弟兄姊妹朋友賞面出席的飯局。

聖誕夜﹐李老闆一家﹐歐陽家的飯局終於食得成﹐差丁點兒又要電喚板頭﹐Cream頭補上。

Boxing Day﹐B子一家想食住家飯﹐於是煮個菜﹐食舊(食送)﹐三(食送)一湯﹐估不到的是﹐就連E太郎也可以食一碗飯﹐我這個姨媽﹐還以為你們只吃小小便飽肚﹐沒有準備多點米飯﹐(因為姨媽姨丈都只是吃半碗飯而已﹗)原來你們是這般的大食﹗﹗

星期四﹐驚喜的菜頭﹐華頭出現﹐當然還有板頭一家+Cream頭。於是變成了blog友版聚。希望不會使菜頭﹐華頭覺得招呼不周﹐因為是晚飯局﹐我當“你地係一家人”﹐要自己夾(食送)囉汽水﹗

星期五﹐又輪到親戚飯局。飲茶﹐打邊爐。食得飽飽又一晚。

星期六﹐終於去了婚後都沒有到過的KOP Mall。大出血的B子﹐買的盡是小朋友用品﹐而我﹐為了用掉姊妹在婚前送的禮物卷﹐買了瓶聲稱可以減眼紋的La Mer眼霜。可惜在付錢時才發現貴氣十足的百貨公司原來是不接受VISA禮物卷。搞了一大輪﹐最後還要以AE付款。之後到了Morton's The Steakhouse鋸扒﹐貴囉﹗不過幾美味﹗

星期天﹐歡送B子一家後﹐又再擔起灰姑娘的角色(當然係做家務那一部份﹐不是坐南瓜車那段)﹐收拾一下﹐吸塵﹐洗廁所﹐洗床單。多謝Jac Jac的電賀。最後和鄭生吃Hibachi。不知是否市道好﹐Hibachi店滿坐﹐連帶那些Hibachi師傅的表演都有點“求求其其”的感覺。

相信﹐未來一星期﹐除了今晚會去靚靚和stitch家倒數﹐應該會晚晚留在家中清清靜靜的渡過。“Chur”得太盡﹐好鬼倦﹗

安份守紀

過了星期天的主日學﹐領詩﹐教會的事奉都過得八八九九﹗還以為可以在公司安安份份等收爐。誰不知突如其來的一個人為問題﹐搞了好幾天﹐由上班的一刻﹐做到這幾天也要在家進入公司網絡繼續那未完成的工作。工作本身不難應付﹐是人事上令我身心疲倦。不禁又問自己“為乜”。

沒有像華子般灑脫﹐所以還是繼續苦幹﹐希望星期五早點來臨。下星期放聖誕﹐等B子一家回國﹐還有不同的大小飯局。還有兩天便可脫離人間地獄啦﹗我會努力忍咪佢﹗

拍施要唔要成日見?

和姊妹談起拍施需不需要日日見。

當然陷入熱戀階段的男女﹐總是24小時想起對方﹐但我總覺得見得太多會有反效果。可能性格使然﹐我不喜歡痴纏關係。要日對夜對我會悶死﹐況且對得太多﹐被發掘缺點的機會也會越多。

平衡發展﹐當有共同信仰﹐共同為神一起工作﹐一起事奉﹐這樣和行街﹐食飯﹐睇戲的拍施節目一樣的好。

仲有一堂

本星期要教主日學﹐當然又要忙碌地將所看過的資料一一整理﹐而且腦袋會時時刻刻的想著要教的題目。

今次要學哈巴谷的禱告﹐三章聖經其實不太多﹐但要處理歷史問題﹐有點吃力。(我D中西史都好差﹐鄭生D中史仲好過我﹗)仲有一堂咋﹗真係時光飛逝﹗

聖誕限量版

各大商場﹐電台﹐天天都播放著聖誕廣告﹐還有各大品牌﹐糖果爭相出聖誕限量版禮物包。紅色﹐綠色﹐真的看膩了。這天頭重重﹐去買藥﹐咦﹗又係紅色﹐綠色既﹗唔會係聖誕限量版呀?﹗

選舉論壇

對於政治﹐一向都沒有深究。

但最近看著香江舖天蓋地的兩太之爭的補選﹐原來香江現在也有像花旗的選舉論壇。好睇過台慶十倍。

看完這場非常搞笑的的論壇﹐八位候選人﹐除兩位阿太﹐有個菲傭﹐有個黃師傅(連助選的都穿唐裝長衫)﹐有個台灣阿扁﹐有個生意人﹐有個維園阿伯(連助選團都無)﹐有個自由行。

其中有幾個好笑位﹐好似當葉太介紹自己既時候﹐後面有位助選既妹妹仔不停搖旗﹐真係葉太一面講﹐個4號牌不停搖。之後佢格離位阿伯要叫佢停先停。

而維園阿伯o係提問既時候﹐問D問題真係超低能。唔知廣大既市民睇完佢既發問﹐會唔會選佢啦﹗

至於拿著碗的黃師傅﹐去賣“家和萬事興”既廣告就非常適合啦﹗

葉太其實都好慘﹐天生個樣太招積﹐比起陳四萬既可愛笑容﹐比我不懂政治的都會選陳太﹗

1540

從來都沒有聽過李老闆的福音節目﹐你既然電郵傳來﹐當然要留心細聽。首先﹐我要佩服李老闆的事奉心志﹐相比下﹐我體貼自己多於先放神在首位。因為面皮薄﹐一早推卻了事奉的機會。

好啦﹗讚完﹗等我笑爆o下﹗
我聽唔到佢既節目係乜野“寶區”﹐不過佢一話自己係“安仔﹐我差D跌落地﹗好在我唔係“唯獨你是不可取替”的mi o者﹗﹗
唔知電台有冇比版稅﹐如果有﹐做乜唔播D全城熱爆既“演唱會”既?﹗播天下無雙好OUT囉﹗
仲有節目訪問路易士﹐聽熟朋友既訪問﹐感覺總是覺得怪怪。

希望安仔見諒﹐不過真係好好笑﹐多謝你在這星期五的下晝﹐送給我一段笑爆的時光﹗

>>收聽

唐佑之書籍半價

有買襯手

勵志文萃-箴言精讀
創始與成終-創造神學與倫理
主日的禮讚
南山日久長

頻頻撲撲

嫁雞隨雞﹐感恩節當然是與鄭生回鄉探親。雖然在鄉下的日子每天如常的飲茶﹐睇美東﹑美西﹐行公司﹐生活無聊﹐不過無聊生活都可令身體疲累不已﹗

早已知道芝加哥很冷﹐不過今次回鄉﹐又下雪又下雨﹐所以比平日冷多一點。最後鄭生亦抵不住寒風買了件米之蓮羽縷﹐我呢﹐亦要破費買了冷帽抵擋冷風。


今次去了兩間新茶樓﹐食物當然好本城十倍﹐價錢還比紐約平。吃了新款的脆皮腸粉和玉子豆腐腸粉﹐非常美味﹗﹗還有綠茶椰汁蒸﹐我相信這個可以自己試試弄。

你睇下張點心紙﹐有好多款點心﹐好好味﹗

至於美東美西台的節目﹐去Cream頭度睇啦﹗佢講晒我想講既野。

今次回鄉﹐我準備了手信行奶奶政策。哈哈哈﹗非常成功﹗一向覺得會弄蛋糕西餅的主婦特別賢淑(所以我一向話板頭係賢淑型﹗)經過今次﹐我會好好向這方面下點功夫﹐務求賢淑指數繼續上升。

飛機Delay

搭七點九機變了九點二﹗好在有無線上網﹐睇台慶。不過今晚無得打邊爐啦﹗

北上尋歡

因為表姊要剪髮(噢﹗連表姊都要北上剪髮﹐本城既飛髮事業真係越來越唔掂﹗)﹐上星期六﹐飛起鄭生同表姐夫﹐兩個小女人北上消費。


因為無鄭生和表姐夫在身邊“提點”﹐我們當然不會錯過Shopping機會。時間緊迫﹐只去了附近的日本豬魚村UNIQLO。依然像行花市般其門如市。其實UNIQLO所買的貨色﹐只是顏色搶眼的毛衣衛衣。相比GAP﹐蕉共可以說是豪無款式。但我想紐約人就是喜歡那種“簡單就是最好”﹐一款十色。換轉在其他的窮鄉僻壤﹐絕對沒有紐約人的時尚﹐一早便要關門(聽說在新澤西那間已經關門大吉了)。

至於食﹐無鄭生在旁﹐一定唔會飲茶。其實來來去去都是那幾間﹐未試過午飯食煲仔飯。就是那間數碼煲仔飯﹐不知是否已經轉手﹐照呼的人不同了(操國語的)﹐個煲不同了﹐連帶以前很香的煲仔飯味都沒有了﹐無下次啦﹗

下午茶﹐香港站啦﹗發現原來開多o左間係鹿鳴春附近﹐港式奶茶仍舊香濃。因為太飽﹐所以無叫奶醬多。

表姐要外買小籠包﹐一張訂單﹐要了九籠(有兩籠係我既﹗)未試過買未蒸的小籠包﹐不過始終是堂食好﹐難怪無論什麼時分﹐店小二的服務多麼的差﹐那間小店依然被人龍包圍。

十分愉快﹐十分滿足﹐如果可以每三﹐四個月有一次這樣的“女人北上尋歡”禁就爽囉﹗

靜了幾天

嘩﹗成個星期無掂過個blog﹐印象中﹐好少發生。無辦法啦﹗公司忙到死﹗教會﹗好多應承o左既計劃﹐要交貨啦﹗屋企﹗鄭大少一聲令下﹐經過週年檢查﹐三角膽固醇高了點﹐下令要介飯﹐所以日日煮菜﹐真係做到無停手。

本來想寫下與表姊的NY遊﹐聽o左廣播劇~東京鐵榙的感受(幾好聽呀﹗所以而家o拿o拿聲係YOUTUBE搵下有冇得睇﹗)仲有好多感恩既事要分享﹐睇來都要得到下星期放假至有時間寫啦﹗

講飲講食

我喜歡看香港食評﹐因為香港多野食﹐只看人家的食物相片已經好滿足(自從成為FUN後的女人﹐飲食習慣被迫改了很多﹗無得食﹐睇下都係好既﹗)。

最近看了openrice.com的:
>>http://www.openrice.com/restaurant/userinfo.htm?userid=10604
呢個食評家﹐真係日日都有update﹐唔知佢係唔係一日三餐都係街食。D相仲好睇過飲食男女。
>>http://hk.where.yahoo.com/dining_home.html
呢個Yahoo 去邊度網站都幾好﹐D 相都好吸引﹗

唔知蔥頭﹐BBT返o左香港未(我估未﹐因為仲見到佢地有update個blog。我記性差﹐佢地之前提過日子﹐但係我都唔記得﹗)唔知佢地做好香港遊既功課未呢?未既去個度睇下啦﹗

60歲的情書

已經聽說過這本書好幾年﹐上次回港在書局沒有遇上。最近在網上書店看到﹐買了下來。

這書是本集結了百多篇60多歲公公婆婆的情書﹐日文翻譯。日本人真的比香港人有詩意。

看了幾篇﹐再次感受到要白頭到老並非容易。有的在情書中感謝對方多年的照顧﹐有的在叮囑另一半好好照顧自己。

不知道自己可否有60歲﹐就算有又可否像這些公公婆婆寫起情書來。

鄭府宴客之火鍋篇

我對火鍋的興趣麻麻﹐因為不喜歡那種熱騰騰和每次都會食到120%飽的感覺。但鄭生卻十分之喜歡﹐而且時常提意就算得我們兩口子﹐也可火鍋一番。當然我沒有理會。

今晚鄭府宴客第五輪﹐請鄭生在第一州的朋友﹐成存鄭生既心願~烚下烚下﹐昨晚洗菜洗o左我成個幾鐘﹐成雪櫃都係菜同丸。

無香江人禁招積﹐今晚湯底係芫茜豆腐湯和青紅蘿蔔竹絲雞湯﹗

主日學

忙了幾天準備主日學﹐想花點時間寫寫blog都沒有機會。不過都想在這裡記下我所學到的﹐好使鼓勵一下板娘和錢生﹐佢地真係教得好好﹗
今期主日學講“從舊約人物看禱告的操練”﹐雖然預備是辛苦﹐但自己學了很多關於禱告和各舊約人物與神對話的一點一滴。
第一課:亞伯拉罕的禱告
我就覺得亞伯拉罕不愧為神的朋友﹐他為罪惡之城求﹐他知道神的心意。我祈禱未必知道神的心意。
第二課:哈拿的禱告
哈拿的信心真的很大﹐相比如果我是哈拿﹐我未必可以做到奉獻兒子終生給神﹐話晒神只答應給她一個兒子而已。
第三課:雅各的禱告
一個死都唔肯認輸﹐最後都要神祝福他的人。我會不會也會像雅各﹐用盡自己的方法去解決事情﹐原來最後神已經幫我解決一切困難呢?
第四課:摩西的禱告
至於摩西﹐一個零自信的人﹐如何帶領成千上萬的以色列人出埃及﹐全因為神對他的應許。在事奉上﹐我對神又係唔係零自信呢?

而本星期我會講雅比斯。嘩﹗得一句祈禱﹐仲難講過第一堂。或者神就是要我禱告﹐禱告再禱告才可分享這一課。

電視節目

最近睇緊呢幾個節目﹐好好笑﹗

爭分奪秒之午飯時間

雖然自己所做的工種不用打卡放食飯﹐但都有不明文規定放飯一小時。這一小時我都會盡量充份利用﹐匆匆忙忙渡過。

因為自己帶飯﹐少了排隊買飯的情況﹐但就要排隊“o都”飯。一面食飯一面會上網看電郵﹐回電郵。看蘋果新聞﹐看靈修小品﹐同阿花﹐阿菜MSN一下聯誼聯誼一番。有時寫咪個Blog。如當日是出外買'食送'日﹐便會順便去埋Target買日用品。有時亦要去銀行一趟。

至於今日的午飯時間﹐ 我到了圖書館借“The Lives of Others”今個週末看。話晒都係Academy Award得獎作品﹐ 希望好睇。再行過隔離的郵政局寄信﹐買郵票。是花花郵票﹐十款花花。十分漂亮。

午飯時間仲忙過返工﹗

保險

在花旗生活﹐買保險已成生活的一部份。不論是人壽保險﹐醫療保險(還分牙齒﹐眼科和普通醫療)﹐意外保險(又分工作意外和旅行意外)﹐有車的一定要買汽車保險﹐有屋又要房屋保險。幸好我無蕃狗﹐有的話真不知要否為寵物買保險(唔知靚靚有冇買?)。就是這樣一份糧已經去了幾成。

保險還有分等級﹐不是買了就不用付賬。買了保險,看醫生還需要付一點錢。而且不是每位醫生都接受所有保險。年尾﹐因為改用鄭生公司的醫療保險﹐我所有的家庭醫生﹐專科醫生都要轉換﹐煩到呢﹗

保險我對你又愛又恨﹗

網絡勢力

終於輪到我講Facebook(haha! out到唔out) ﹐其實對這個個都會加入的網絡﹐我又不是太有興趣。一來要花時間去開戶口﹐加入什麼圈子等﹐家庭煮婦那有時間搞這些小玩意呢﹐二來總覺得加入後會收到大量廢電郵(希望唔會﹗)我的雅虎電郵不知從那時開始﹐每日收十幾廿個廣告﹐真的不想連豬電郵也是如此。

不過表姊表妹有玩Facebook﹐好像BL一樣﹐好啦﹗好啦﹗我加入啦﹗加你地啦﹗移椅﹗見到林積﹐邊個係西門陳呀?哎呀﹗原來係你﹗見到你個女張相先知你姓陳﹗仲有華華﹐呀deeb﹐禁其實除o左睇到你地D相﹐有乜好玩o者﹗

激賀BB蕃茄生日快樂

遲o左兩日﹐唔好意思﹗
大個女啦﹗越大越靚唔在講﹗(都做人地個波士囉﹗)
祝你靈命都越來越成長﹐多D同“你既下屬”一齊事奉﹐互相認識多D﹗
健健康康﹗(先至會靚o架﹗)

時間溜走﹑他來自上海﹑300

一次過寫幾日既事...

不經不覺﹐時間溜走得太快。星期六忙完團契﹐星期日再忙崇拜﹐睇過兩位好姊妹的Blog,我不禁又要加一句﹐週末的確是忙過週日上班的日子。

來自上海的Lenovo 終於到達﹐衰身痕﹗要了Vista。搞了兩日﹐好多用開的軟件支持不到﹐唉﹗又要使多一筆﹐Upgrade軟件﹐又要買RAM。一闊三大﹗

300﹐在圖書館排了兩個月﹐終於輪到我借。都唔明白鄭生猛禁話好睇﹗太血腥啦﹗太三級啦﹗好在背後亦有點意義﹐不過下次呢D古裝片真係唔好搞我﹗

收買人心的禮物 - 好過無啦﹗

我知﹗我知﹗不可在蛋裡挑骨頭。
為了報答這陣子開夜﹐過時無補水﹐趕工。老世給了五十元禮物卷。
有少少獎勵好過無啦﹗
但想到今年無人工加﹐又無雙糧﹐心又沉了﹗

激賀靚靚生日樂樂

一年靚過一年
愛情﹐健康﹐學業﹐事業﹐今年勝舊年﹗
嘩﹗再講就會話龍馬精神架啦﹗

補充:做乜近排大家好似鷹狼傳奇禁﹗連電話都講唔到﹗

藍o者喱

近日手腕附近時常忍忍作痛。極其擔心自己患上電腦職業病。於是火速上網購買這保護手腕的藍o者喱。用了兩天﹐手腕沒有那麼痛了。不過覺得好麻煩﹐移動滑鼠時要與o者喱一同移動。Keyboard那條o者喱還會阻住keyboard。希望遲D會慣。

鄭府宴客

昨天鄭府宴客﹐雖然很多好友公私繁忙未能出席﹐但都有成廿個人。希望大家都食得開心﹐玩得暢快。再次要鳴謝朋友S同姊妹A啦﹗幫我又煮又洗。我還是雞手鴨腳在廚房﹐幸好有她們相助才可七時入席。又要鳴謝姊妹W借出十張摺椅﹐不用玩 Musical Chair。


當然要多謝你們的禮物﹐星爺發揮其喜劇之王本色﹐送上一箱好大個既水晶梨。


甜品當然有富貴超市的Fruit Tart 和Fruit Top Cheese Cake 啦﹗不過鏈人話個Cheese Cake 太軟﹐硬D會好食D。

因為太忙招呼賓客﹐所以遺忘了影下食物相片。不過睇呢張“Trash in the Party”就知我地有幾大食啦﹗

手提電腦

自從在教會事奉﹐因為要為退修會籌劃﹐我購買了人生第一部手提電腦 - IBM ThinkPad。大大話話這部當時Bottom of the line既手提電玩為我服務了四年﹐最後換掉是因為他的容量不夠用﹐只得10GB。經過兜兜轉轉﹐由C太郎轉到表外甥。現在那部IBM ThinkPad仍然活得好好﹐只是老一點﹐行動緩慢一點。難怪以前林牧師 (一名ThinkPad 死心粉絲) 換來換去﹐都是用回ThinkPad。

ThinkPad過後﹐以為平平地﹐買部DELL﹐有齊心儀功能﹐卻比ThinkPad平一大節。好啦﹗證實平野係Cheap D 既﹗用了兩年幾﹐除了大食(舊電用唔夠半個鐘就話無電)﹐熱D唔得(而家我買多o左把專用風扇比佢)﹐有 時個“芒”會跳之外﹐都尚算可以。

等了又等﹐終於等到減價6折。我又回復ThinkPad的懷抱﹐但今次ThinkPad已經嫁了到祖國﹐改了姓Lenovo。希望他不會像假蛋﹐假髮菜﹗我諗住會用三﹐四年架﹗

討厭有線

上星期四﹐有線上網又出現問題。搬入新居﹐整了四次﹗好麻煩﹗打電話叫人黎整﹐又要有人係屋企﹗我都話唔關我屋入面既事﹗ 我地都無掂過Modem。我同鄭生都要早出晚歸﹐邊有人係屋企等你喎﹗星期五晚呢? 無人得閒﹗星期六有冇人可以黎整呀?無﹗星期日呢?放晒假﹗終於要等到星期一晚。

無得上網﹐好唔開心﹗乜都做唔到﹐睇唔到YOUTUBE﹐check 唔到電郵﹐做唔到主日學的預備。好啦﹗終於尋晚七點幾黎到。哪﹗哪﹗哪﹗都話唔關我屋入面既事啦﹗係你出面有條線痴o左﹗唔明白點解佢地唔可以搵人Check出面既線先至入屋﹗

浪費大家既時間﹗如果唔係因為裝唔到DSL﹐我一定唔會用有線﹗

甜甜圈的誘惑

花旗老世都喜歡請吃甜甜圈作為早餐﹐顏色鮮艷﹐花款多多﹐的確十分吸引﹗不過一件甜甜圈差不多有三百幾卡路里﹐就算不是甜到漏﹐有果醬的都有二百幾。食後會後悔死﹗(我又唔係Cream叔﹐呀菜禁有本錢) 老世﹐下次請食早餐﹐可不可以買D無禁肥。

發夢:如果是白粥炸樑就無得頂啦﹗

唐伯虎野史

我終於明白﹐為何當日上達文西密碼電影時﹐各方教會都十分緊張。恐防各人因電影的虛構情節而將真實的史實混淆。

話說某日同鄭生談起唐伯虎﹐鄭生第一時間搶答唐伯虎點秋香的情節。他以為唐伯虎真的有三妻四妾﹐有“求神﹗求神﹗...”禁去點秋香﹗野史電影影響深遠。

插曲: 鄭生還問我"係唔係仲有個蘇丁多呀?" o下!佢叫"蘇東坡"唔係蘇丁多呀!

大牙祭

今日中秋﹐中國人同事們搞了個中秋大牙祭。什麼“大牙祭”?“尾牙”就聽過(好似係新年好闆請食飯)。台灣妹話“大牙祭”即是大吃一頓的意思。中國人始終都是食﹐食﹐食﹗

激賀魚絲舞大壽

你地得閒既,送個貓比佢﹐Dum o下佢歡喜啦﹗雖然"Dum佢歡喜"應該係魚木做既﹗

Mooncake

好想食月餅﹐不過始終過不到“好肥架喎﹗”既提醒。好啦﹗唔食﹐望o下都好﹗

月下獨吃中秋月餅

出書

多謝B子﹐雖然只是實驗性質﹐但是蘋果的包裝﹐的確是美麗過其內涵。
有BL同Cream叔既文章﹐Sorry!無版稅比番你地﹗

頻果娛樂版

平時睇娛樂大八掛﹐睇完就算﹗不過今次好好笑囉﹗記者只係抄都抄錯﹗去費城使乜十個鐘呀?問華子就知大西洋城同費城有幾近啦﹗

紅 Blog Blog ： 方 力 申 為 牛 扒 撐 10 粒 鐘

方 力 申 去 了 美 國 登 台 可 能 不 是 太 多 人 知 道 ， 他 曾 經 在 費 城 住 過 一 段 長 時 間 的 事 更 加 是 聞 所 未 聞 ， 不 過 日 前 凌 零 發 瀏 覽 小 方 的 網 誌 ， 就 發 現 了 他 透 露 這 個 秘 密 ， 更 張 貼 了 今 次 出 訪 美 國 的 照 片 ， 當 然 不 少 得 長 伴 他 左 右 的 緋 聞 女 友 鄧 麗 欣 （ Stephy ） 啦 ！

Stephy 伴 登 台 小 方 先 到 大 西 洋 城 登 台 ， 更 有 與 他 《 好 好 戀 愛 》 的 拍 檔 Stephy 同 場 。 完 騷 之 後 ， 小 方 坐 了 10 小 時 車 到 費 城 去 探 望 姑 媽 姑 丈 ， 他 在 最 新 的 網 誌 中 ， 更 張 貼 了 多 張 在 當 地 出 名 的 牛 扒 店 大 啖 心 愛 芝 士 牛 扒 的 照 片 ， 他 更 說 為 了 這 的 牛 扒 才 會 千 里 迢 迢 回 到 費 城 ， 若 凌 零 發 是 小 方 的 姑 媽 姑 丈 ， 聽 到 這 番 話 實 會 激 死 ！
方 力 申 Blog
http://hk.myblog.yahoo.com/alex-fong

錫身

看了梁芷珊一篇寫有關下屬離職的一篇Blog

嘩﹗新鮮畢業的確不同。一星期七日﹐一日二十四小時。
起初畢業﹐第一份工作的確是可以這樣做。
老闆問: “可不可以加班”
答: “無問題﹗”
老闆問: “可不可以返夜”
答: “無問題﹗”
老闆問: “可不可假期返工”
答: “無問題﹗”
老闆問: “可不可以到其他城市工作”
答: “無問題﹗”

當工作了幾年﹐有了經驗。
老闆問: “可不可以加班”
答: “最好唔好啦﹗有冇OT先﹐無既採你都傻﹗”
老闆問: “可不可以返夜”
答: “最好唔好啦﹗﹗返夜傷身﹐又危險﹐有事邊個負責?﹗”
老闆問: “可不可假期返工”
答: “最好唔好啦﹗我有好多其他野做架馬﹗”
老闆問: “可不可以到其他城市工作”
答: “無可能啦﹗我一家大細”

頻果愚見

見Cream叔提起﹐等我呢個小女人講下對新一系列既感受。

一向很喜歡看Steve Jobs介紹新產品﹐因為經佢一講﹐本多平平無奇既shuffle,classic, 都會變成好勁﹐令你好想擁有一部。

新一系列的shuffle, 只係多o左顏色。無乜特別﹐(我都有舊既shuffle,都仲未壞﹗)唔買﹗

nano就多o左個兩寸既營光幕。講真﹐係ipod Classic睇我都厭佢細﹐而且nano得8GB,太細啦﹗都唔夠用﹗我就唔買囉﹗

Classic﹐薄o左﹐而且容量大o左﹗160GB夠用架啦﹗不過就要三百幾。而且睇Video﹐好快就無電﹗

至於部iTouch﹐係型既﹗不過得個8GB,都係個句﹐唔夠用囉﹗而且個WIFI function,無join D 上網plan 都係無用既﹐係屋企﹐公司﹐我部PDA都可以做到Streaming啦﹗唔使買佢﹗

部iPhone啦喎﹗減價係件好事黎﹗證明佢真係唔值六百幾蚊。重要只係一家AT&T電話用得﹐最憎就係呢D獨使生意﹗

講到尾﹐呢D新潮玩兒無十全十美﹗都係句“不在乎天長地久﹐只在乎曾經擁有”禁咪大家都開心囉﹗

國粹

說起來有點羞愧﹐身為中國人﹐對於麻雀﹐象棋這等國粹不精而且不太通。但偏偏鄭生這不太懂中文的人﹐對這兩項玩兒十分雀躍。這幾晚他沒有打他的三國PS2了﹐但要我陪他下棋。好悶﹗你知我啦﹗唱K搵我啦﹗要用腦既﹗唔使預我﹗

暑假過後

聽說在香港過了中秋便開始涼快﹐花旗比香江早﹐過了勞工節便會進入“秋去秋來”的季節(唉﹗又傷感啦﹗)。

以往幾年都會在長週末出外﹐今年反傳統。在家打掃油牆渡過﹐終於廁所﹐廚房都完成了。還有客廳﹐飯廳。現在正想怎樣可以偷懶油少一點。那麼﹐十月假期﹐便可要請朋友到訪BBQ了。


插曲﹐本來是出外用膳,但在勞工節 on sale 最後的一小時﹐終於賣了梳化(最後只吃了個寶加勁的一蚊雞包作晚餐)。客人到訪﹐(希望)不用自備椅子。鄭生和我都喜歡這可以彈出剩腳的梳化。方便可以躺 臥著看電視﹐看書。爽呀﹗

FUN後的女人 ~ 韓潮風

早前在附近的韓人超市買了包韓人pancake mix﹐昨晚拿出來試試。因為家中沒有量杯(仲未有動力去買)﹐只用眼估計﹐用了五湯匙的粉加小半支礦泉水﹐再加上四條蔥﹐半盒急涷海鮮。弄出三件韓人薄餅。

頭一件﹐嘗試落少許油。煎出來總是沒有濃濃的感覺(呢﹗咪就係面頭個件禁)。於是在煎第二片的時候落多D油。煎出濃濃的感覺了﹐但好油囉﹗唔係﹗係勁油﹗要用張紙在底吸油後才吃。

吃了一件就已經好濟﹗下次都是等人多才弄比較好﹗

傳教士日誌

傳教士日誌記載港歷史 近200年歷史中文聖經展出

嘩!邊個傳福音,幾時,幾次也記得清清楚楚.

沉一沉

原來人懶開﹐是會繼續的懶下去。怪不得神要我們不可以停止聚會﹐因為懶開便不想返教會團契。近排很懶寫Blog﹐不是想不到寫什麼﹐只是懶﹐無心情。

收到好男人另謀高就的消息﹐雖然心是沉一沉﹐好人買少見少﹐但也為他高興。既然這裡沒人欣賞﹐何不出外看看﹐外面的世界總比這裡好。

另一叫人沉一沉的消息是﹐昨天大老闆趕忙開全公司會議。會議一個小時﹐其實只是他重複又重複的說辛苦大家在過去一年的勞苦﹐業績正上升中﹐但有其他部門業績平平﹐所以唯有今年沒有工資調整。o車﹗即是沒有人工加﹐何用說這麼多呢?其實消息已在數星期前已流傳於各部門﹐反應援慢﹗

我相信一輪Farewell熱潮很快將至﹐真的要努力一點send resume。

忙亂

嘩!從那時開始,由日記變成週記.

最近的確有點忙亂,原因當然是在公司要應付那每天沒完沒了的工作,還有可怕的人事問題吧!

但大家大可放心,我竟然可以在忙亂中看罷了兩本屬靈小品.或許就是因為不想回家想到公司事推使我更專心看書.但願忙亂的日子快點過去.

為妳高興

其實要信耶穌不難,只要口裡承認,心裡相信便可以.但是那份要信主的勇氣,不是人人願意表態.

當聽到妳說,"我願意接受耶穌基督為你個人救主"的時候,我真為妳高興和感動. 希望妳在往後的日子,慢慢成長建立.信了主不一定會一帆風順,不一定風平浪靜,可能有時更會見到教會中的不是,但只要注目在神,妳會看到神的奇妙作為!

YOUTUBE

講保育題目是OUT了丁丁,不過今日至得閒上YOUTUBE睇片,嘩!好精彩呀!YOUTUBE.... YEAH!

http://www.youtube.com/watch?v=8rcJ9JLgdGg&NR=1

eToken

我不喜歡工作了四十多個小時後﹐仍然要在家做公司事。放工了﹐應該身心都不想公司的任何人和事嘛﹗(你看我是多麼的沒有拼搏精神﹐已經不能回歸工作﹗)
經過上次二十四小時Support事件﹐老世為我們每人申請了eToken.即是說以後無論去到那裡﹐那時﹐只要可以上網﹐我們也可以為公司賣命﹗
eToken昨日從以色列運到﹗我的賣命生涯開始了﹗

酷熱警告

估不到花旗的酷熱警告也和香江的不相伯仲。feels like 101F﹐實在熱死人﹗
好在鄭生和我也正在趕工程。各自各留在公司努力﹗努力﹗再努力﹗今晚我會太陽下山才回家﹗

患病

這陣子﹐身邊有不少朋友﹐朋友的朋友﹐朋友的家人﹐家人的朋友﹐家人的家人都在患病中。可能聽了蘇牧師講的末世時代是怎樣﹐更覺得要把握時間﹐珍惜和每個在生命中出現過的人。又再一次從新排列一次人生的重要次序﹐但願不要再浪費神所賜的時間﹗

從黑暗到光明

最近正在聽94年﹐蘇穎智牧師在港九培靈研經會的啟示錄(從黑暗到光明)。十分精彩﹗﹗

未信﹐初信和信了很久的都好適合。再次要多謝十甲的上載﹗(唔知佢有冇得閒入下0黎啦﹗佢禁鬼忙﹗)


有興趣可到http://www.box.net/shared/7xutefvaph#1:6131228下載

而家家俬

我們終於都裝好個電視架和茶几啦﹗

旅..旅...旅...旅行

在半自願之下,過了一個悶熱的下午.年紀大,當然是較喜歡有冷氣,而且不用乾曬的活動.不過看著眾男士的吃西瓜大比拼,也是很有趣的.相片已在我的spaces.live.com.有興趣咪去睇下囉!

志雲飯局

在YOUTUBE,找志雲飯局.
可能八掛! 一向喜歡看時事,訪問節目.
咦!做乜會見到阿菜o架!~


林夕訪問

面膜

已經有一段時間沒有敷面膜,對上一次應該是大婚日前的intensive care.嘩!在公司耗盡腦汁,回家敷個面膜!爽~!

搞笑一part: 給鄭生發現了敷面膜的一刻,佢"嘩!嘩!"幾聲仲係度笑!真的想知道已婚姊妹在家如何敷面膜又唔比老公見到架!

我不是膠袋

早前報導過香江如何為此袋瘋狂.估不到,我家的C太郎竟然和朋友十數人北上購買.據他報導不是太多人排隊,而且還可以一人買三個,於是我家三姐弟可每人獲派一個.哈!哈!哈!

不勞而獲的確令人開心十倍!

激賀B子

生日快樂﹗係東瀛玩得開心D啦﹗

人生無常

是今早駕車上班時聽新聞知道的。上星期天在餐館遇上何生,何毛﹐我還介紹鄭生給他們認識﹐估不到事隔數天就出事了。

想起這段經文: 雅各書4:14-15
其實明天如何，你們還不知道。你們的生命是什麼呢？你們原來是一片雲霧，出現少時就不見了。
你們只當說：「主若願意，我們就可以活著，也可以做這事，或做那事。」

新聞詳細內容>>
Philly News
NBC 10

On Call 支援

已經很多年不用On Call支援﹐今天晴天霹靂...

下兩星期都要On Call。o下﹗全組走剩三個人都要On Call?我星期天要返教會架﹗....

最後爭取到的是四天﹐24小時﹐每朝六時要回到公司打報告。

萬幸的是星期天可以返教會啦﹗

舊照片

秘書姐姐傳來的舊照片﹐嘩﹗我都唔知佢地影o左我!

Cooking WaWa

國慶﹐沒有什麼特別﹐只到了免稅城Delaware﹐行街睇電視﹐晚上朋友飯局﹐就這樣放了一天假。

鄭生心儀42吋平面電視﹐我倒沒所謂﹐只要電視能接駁上電腦﹐讓我可以看無記電視﹐我已經心滿意足。

鄭生說:“如果買部PS2打三國就爽囉﹗”
我:“唔係o瓜! PS2! PS3 出o左好耐啦﹗”可想而知鄭生是多麼的OUT。仲要係打三國Game﹐睇三國既電視節目仲唔夠﹐仲要打機都要三國﹗ 悶﹗
我:“不如買部Wii 啦﹗你睇D Game幾得意﹗咦﹗Cooking MaMa﹐我諗起積積喎﹗”

不過﹐再想還是不買了﹐我現在都差不多每日是Cooking WaWa啦﹗洗乜買o者﹗

知﹐覺

在細想﹐“知”“覺”是不是得以下幾種:

先知先覺
先知後覺
先知不覺
後知後覺
後知不覺
不知不覺

十年

既然十年慶回歸,呢D時候係要回憶一下既!
嘩!都唔記得呢個廣告已經十年

N52 2007

好啦﹗又到了一年一度﹐暑期進深之“尼希米52”﹗今年團契人生,因為皇恩大瀉﹐什麼也不用負責﹐只是要在一次的分享主日學內﹐做下梅﹗引下大家談論多一點便是了﹗ 心情特別輕鬆﹗

大家準備好未呀?我等食完飯便會開始啦﹗你地呢?

FUN後的女人~現代"煮"婦

常覺得現代家庭主婦總比A媽年代的幸福﹐雖然我們要每日拼命上班﹐下班又要拼命買食送﹐煮飯。但因我們有著現代化的玩意﹐可以Multitasking。不懂弄的菜﹐今晚想食乜﹐也可在網上走一轉便有好多主意﹐不用走到隔鄰問張太李太啦﹗

四十集的溏心風暴﹐我想是沒有機會坐定定看完吧﹗唯有Convert了﹐放了在Ipod。一面炒菜一面睇。(哈哈哈﹗已經睇到第十集啦﹗希望唔好爛尾﹐越黎越鍾意司棋姐同關菊英既演技﹐一流呀﹗)



見華子唱"講不出聲"唱得那樣開心﹐我覺得這主題曲十分容易唱﹐好耐無聽過關菊英既歌啦﹗

誰人無得到一切的渴求
誰人無攻於心計的理由
平凡人生 天真過後
要怎麼走

如何從委曲中再相信人
誰無狂想 不可告人
難忘時光 必須散席 留下我

# 快樂時 抱著時
那是至死不渝朋友
決裂時 你為何以為再拖一會
還有時候

即使多風光都要清醒
有幾多掌聲也是孤清
你只可聽到我大笑聲
哭泣 也未放聲

講不出聲 講不出聲
任由自己 半夜驚醒
我只不過偶爾受了驚
於是 才遺忘本性 #

誰人能甘心一世一個人
如何才得資格可愛人
誠惶誠恐 只得我是 明白我

Repeat #

香江寬頻

嘩！雖然我身在花旗，心繫香江。但是接到香江的誇國電話推消服務，真的有點意外。

話說今早手機響起，咦！"Anonymous"不是表姐又在香江求救吧！

“Hello” 了幾聲，“This is a call from Hong Kong, do you speak Chinese? 你係唔講廣東話架？...（下省數十字）”

嘩﹗生意難撈。推消服務也要誇國。因為正在與電腦搏鬥中，於是說了聲“唔好意思，我依加唔方便講電話，拜拜。”還未等他回答，我已經掛了線。

我估﹐他是推銷VOIP長途電話,因為他說可以免費打電話返香江。咦？香江寬頻做乜有我電話既？唔通佢偷睇我同B子既電話紀錄？

一車書

魚木話﹐“做女仔要有內涵﹗”

記得BL曾說過﹐“一日不讀書,言語無味。 三日不讀書,面目可憎。”(但係我又搵唔到佢係邊篇Blog寫過)。因為搬屋﹐油牆﹐做家務﹐可止一天﹐三日不讀書。自己也覺得面目可憎了。

昨天﹐適逢鄭生要探訪﹐自己便把握時間回娘家收拾一下物件。其實最主要的都是多年積聚的新書﹐舊書。以前也寫過自己的書癮。本來是想只收拾自己會看的到新居﹐怎料拾下又一本﹐拾下又一本。最後還是來來回回車屋數十轉。

最後還被鄭生贈句﹐“賣D比人啦﹗”

唉﹗舊書又不值錢﹐而且對某些書又有感情嘛﹗

再計計﹐如果沒有買這些書﹐真的可以買數部電腦。好啦﹗好啦﹗在鄭生油完書房前﹐我會收拾些成長書籍送給人。

哎呀﹗突然醒起BL有本書係我度﹐等我快D睇完還比佢先。o椅﹗我都有D書﹐VCD﹐DVD係人地度喎﹗唔知大家借o左D書﹐VCD 同DVD睇完未呢?

Fun後的女人~阿四生涯

不經不覺﹐原來已過了一個月。還是那句:“乜D時間過得禁快既?﹗”
由細屋搬大屋的確是不容易﹐洗廁所﹐吸塵都要Double時間。還有買食送﹑洗衫﹑煮飯﹐其實以前做女都要做﹐但就是不知時間溜到那裡去。想靜靜看“溏心風暴”﹐想看完本“職場特工”真的難過登天。所以呢﹐又再次不得不佩服那些要帶孩子﹐又要上班的職業婦女。

多謝體量﹗不用準備主日學﹐帶預查﹐時間真的輕鬆一點﹐想快點裝修好﹐將日常生活較回正常﹐這樣便多些時間上網﹐睇電視啦﹗哈哈哈﹗

衣錦還鄉

表姐衣錦還鄉五星期﹐昨日浩浩蕩蕩送她們到Newark上機。益我和鄭生可以承機去日本市場﹐再到紐約強人街﹐剪個靚髮。

今次到紐約強人街又有新發現:
鄭生發現強人街有多間腳底按摩﹐四十多元﹐一小時。據鄭生報導﹐評級為可以。

瘋魔一時的芒果軟糖﹐上次鄭生回鄉﹐好友拿出這芒果軟糖招呼大家﹐還說在鄭家村找不到這種軟糖購買.。而上星期的團契﹐細電亦承蒙細電媽回美﹐與我們分享這珍貴軟糖。既然到了紐約強人街﹐鄭生說不如找找有沒有這軟糖﹐說時遲﹐那時快﹐優之良品姐姐已經聽到我們的對話﹐還說“係唔係呢隻呀?”嘩﹗十元一磅﹐鄭生話“買一點回來召呼客人。”
(後記:鄭生已在回程時吃了數粒﹐所剩無幾﹐我想...用來“召呼客人的”要待下次出強人街再買。)


晚上﹐鄭生嚷著想食火鍋。“唔係化﹐九十多度食火鍋”“禁有冷氣架馬﹗”鄭生說。好啦﹗我又不太想吃小籠包﹐蛋撻王和糖朝。再問優之良品姐姐﹐被介紹到位於乜街的“廣東人家”。火鍋在下層﹐廣東菜在上層﹐下層沒有太多人﹐只得數張檯。但上層人流比較多。唔﹗下次都唔會幫襯下層﹗上層可以考慮﹗

背

恕我“背”...呢個環保袋有乜好? 連表姐D香江朋友都想托人係花旗買。 做乜禁瘋狂既?

普通話

這數天也在公司練習普通話。原因是蘇聯老世要我跟另外兩位大陸同事學習。其實在公司平日我是跟他們說英語﹐但不知怎地他們總愛跟我越說越多中文。當然我是可以要他們跟我說英語的﹐但為表我也是他們的一份子﹐說起話來親切一點﹐我還是硬著頭皮說些中英混雜國語來:“對﹗對﹗對﹗對﹗... 那麼...”(...是英語)

以前在大學讀過兩個學期的國語﹐而且又經過流星花園的洗禮﹐所以聽是可以﹐但講就麻煩少少。讀兩句中文要用一句英文解釋。唔﹗要練習多點﹐返到屋企要鄭生陪我講至得﹗

夏威夷(蜜月聖地)的吃喝

選擇夏威夷是因為聽說生果新鮮﹐日本菜好正...
選擇夏威夷是因為美元疲弱﹐ 還是留美消費比較著數...
選擇夏威夷是因為不想和鄭生行至腳抽筋﹐一時大家過於疲勞發生爭吵就無畏啦﹗

不是說渡蜜月一定要到夏威夷﹐但經過了九日八夜﹐個人認為如果是一班人去玩﹐而且又願意花上千多二千元﹐我會選擇歐洲好過。在夏威夷沒有歐洲的文物景點﹐而且機程要十二小時﹐如不是以上那三大原因﹐食完睡﹐睡完食﹐日日與自己喜歡的人在一起幹什麼也沒關係﹐那麼你說是不是只有渡蜜月才選上夏威夷呢?

玩樂下篇講﹐先講吃喝。

小妹這次是乘搭夏威夷驕傲郵輪七天六晚(多謝羅伯既好介紹)﹐另加兩晚Honolulu酒店(多謝呀Bi同佐治既結婚禮物)。Embassy Suite 比 Hilton Village 好住﹐可能是比較細﹐酒店員工服務比較好﹐早餐(當然又是包肥啦﹗)比較好吃。兩晚也獲得套房安排。嘩﹗間房仲大過以前鄭生個Apartment。

的確﹐夏威夷景色宜人﹐生果新鮮﹐每餐也會吃到新鮮菠蘿﹐大大塊﹐甜到漏。

如一般人所說﹐坐郵輪不會餓。一天N餐﹐雖然不像Las Vegas的豪華包肥﹐但已經食到鄭生有b字肚﹐餐餐都Ve~ry~ Good~。當然我是不會讓鄭生包肥下去﹐有兩三餐強行要他陪我到其他餐廳。其實其他餐廳所食的食物是與包肥餐的大同小異﹐但有侍應服侍﹐而且食物上檯比較靚。至於再豪一點的餐廳是要另外加錢﹐我們沒有試。情願上岸找間好吃的。

喝方面﹐因為鄭生不沾酒﹐而船上是沒有汽水機。要喝可樂﹐多謝成惠$1.82。第二天看見人家從岸上帶一箱可口可樂回船﹐我們亦隨著做﹐一箱可樂也只是$4﹐真賺錢﹗

最喜歡的其實是在Honolulu大型Shopping Mall內的Food Court。日本菜的壽司﹐拉麵﹐Soba﹐咖喱飯都有專門店﹐還有四菜一“食送”的韓菜。泰菜﹐中菜﹐越菜都沒有機會試。噢﹗十分懷念那碗蕎麥麵﹗

今次沒有影太多食物相﹐鄭生影了些但在船上最後一晚意外地洗掉。只剩下這幾張。

回來了

整整放了兩個星期假﹐在沒有電郵﹐沒部落格﹐只有鄭生和很多很多食物﹐在陽光與海灘下我是十分想念各網友。

經過極﹑極﹑極忙碌的婚前生活﹐一下子飛到另一小島上﹐每個清晨都是安樂醒﹐晚晚吃完了晚飯便可呼呼大睡﹐令我不其然有種內疚感﹐大抵我這等是辛苦命吧﹗因為家中仍未安裝上網服務﹐相片﹐日誌遲一點才會上網。

再次多謝身邊好友幫忙﹐自己在大日子當日都已經累過半死﹐更況朋友們呢﹗多謝板娘﹐四點幾便起身掛著我。多謝魚木﹐魚氏﹐走上走落﹐辛苦了你們。多謝羅伯﹐個煲好靚。多謝表姐﹐表姐夫﹐買了燕窩給你們﹐記得弄冰糖燕窩時預我一份。多謝C太郎﹐禁勞禁怨。還有多謝蔡氏一家﹐出錢出力﹐男家那邊見蔡氏一家的精力﹐都驚嘆:“唔怪得佢地兩個禁瘦啦﹗”

送上一些相片以示答謝。

24

很快便要上演 24 A子版﹐ 本來心情一點都不緊張。但當各方好友﹐親戚陸陸續續到達本城﹐人生真的沒有幾次。
A子暫時收爐﹐各位賓客星期六見﹐酒微菜薄﹐招呼唔到啦﹗

無理人

最近除了忙結婚﹐忙搬屋﹐還有忙在公司應付些無理人。其實自己算是幸福一族。工作這麼多年﹐遇過的無理人不多。相比其他姊妹﹐常聽到她們公司的無理事件﹐我這等也算不得什麼。但在待嫁的日子遇見﹐的確影響心情。新居還沒按裝上網服務﹐真的雪上加霜。心情壞透了﹗

還有一天﹗挨埋佢啦﹗

FUN 前的女人~快到我唔信﹗

時間過得真快﹐名付其實的“捉不到的時間”。晚晚搞結婚事兒﹐搞新屋都已經是零晨一點﹐兩點了。你們問我準備好了沒有? 唔﹗....未架﹗而且仲有小小婚前恐懼抑鬱症的感覺。希望不用搵鍾姑娘傾心事啦﹗

成田離婚

(禁多人叫華子o既﹗)

多年前﹐看過一套日劇~成田離婚﹐是講述一對年輕夫婦在渡蜜期發現大家的生活習慣不同﹐在渡蜜月回國後就在成田機場鬧番而離婚收場的愛情故事。

近日再明白多點“拍施容易﹐同住難”。兩個人在不同環境長大﹐有著不同的生活習慣。突然身邊多了個Roommate﹐而且大家有著不同期望﹐的確是需要一點時間去適應。

但願我和莊少不會上演一幕“Philly Airport Divorce"。

三年來

艱巨的清洗工程繼續進行﹐其實自己都不是個太乾淨企理的人。但相比莊少﹐在某程度上我是有潔癖。

那個微波爐有成寸積﹐還有電飯煲的那些“咦﹗有幾粒飯o既﹗”

我的天呀﹗莊少﹐你是否三年來沒有洗過電飯煲呀?

囉哩賤﹗

幾天沒有寫Blog﹐只因莊少榮升業主。不用恭喜了﹐因為有屋未必是件好事。由其是我這等妹仔﹐要幫手搬屋洗廁所。真的辛苦過上班。

在花旗沒有在香江的幸福﹐粗重功夫有賓賓可以幫手﹐裝修也大可找個裝修師傅﹐一個價錢便可將所有功夫做好。花旗人以節儉為主﹐樣樣自己落手落腳。要付數千大元油漆﹐未免是過於奢侈﹐所以最後還是自己買油買工具。本來想盡快開工﹐速戰速決﹐但仍有很多結婚細節未辦好﹐而且人人也說油漆要一次過油﹐千萬不要每日油少少。噢﹗我們那有幾天假用來油漆。看情況﹐工程還是婚後進行比較好。

其實人生活不用需要太多地方﹐一個廁所﹐一個廚房﹐一處放得下床﹐小桌﹐椅子便已經足夠。再大的地方﹐只有做死自己。係啦﹗囉哩賤﹗

生命見證

擇自壹週刊﹐又一生命見證

非常人語 : 癌是糖　勞念慈

九 六 年 ， 美 國 單 車 天 王 岩 士 唐 （ Lance Armstrong ） 經 歷 男 人 最 痛 ： 患 上 睪 丸 癌 ， 醫 生 說 他 只 有 一 半 生 機 。 他 奇 蹟 康 復 ， 並 且 連 奪 七 屆 環 法 單 車 賽 冠 軍 ， 醫 生 才 說 真 話 ： 其 實 當 時 岩 士 唐 沒 有 希 望 活 過 來 。 勞 念 慈 沒 此 福 氣 ， ○ 三 年 罹 患 女 人 最 痛 ： 末 期 乳 癌 ， 主 診 醫 生 不 理 人 死 活 ， 說 ： 「 你 無 得 醫 。 」 她 曾 是 博 益 出 版 社 大 當 家 ， 掌 管 出 版 及 零 售 ， 《 香 港 電 視 》 （ 《 TVB 週 刊 》 前 身 ） 、 Cosmopolitan 、 Bazaar 、 地 利 店 、 健 怡 坊 事 無 大 小 都 要 問 過 她 ， 衰 人 醫 生 打 不 倒 這 個 女 強 人 ， 「 你 話 無 得 醫 ， 我 偏 要 醫 俾 你 睇 ！ 」 手 術 帶 走 她 左 邊 乳 房 ； 癌 病 捲 土 重 來 ， 她 切 除 右 邊 ； 蔓 延 肝 臟 ， 電 療 搞 掂 … … 四 年 過 去 了 ， 她 屹 立 。 「 在 生 病 的 過 程 中 ， 我 曾 失 去 人 生 ， 但 是 在 死 亡 的 經 歷 中 ， 我 再 次 發 現 它 。 」 丈 夫 與 兩 個 兒 子 幾 年 無 話 ， 也 因 這 個 病 再 走 在 一 起 ； 也 只 有 她 ， 在 電 療 時 開 心 到 唱 聖 詩 ， 「 苦 難 之 中 總 有 祝 福 。 」 今 年 三 月 八 號 婦 女 節 ， 上 天 給 她 這 個 祝 福 ： 癌 細 胞 殺 入 骨 髓 。 她 跟 老 公 說 ： 「 老 朋 友 又 返 喇 ！ 」 四 十 五 歲 ， 暗 來 明 往 。

眼 前 這 名 個 子 不 高 的 女 子 笑 容 可 掬 ， 很 難 想 像 她 身 上 滿 是 癌 細 胞 ， 卻 又 違 反 常 規 地 比 絕 大 部 分 末 期 乳 癌 病 人 活 得 久 ， 「 盆 骨 、 尾 龍 骨 等 共 有 五 處 地 方 有 （ 癌 細 胞 ） ， 剛 剛 最 新 發 現 ！ 」 語 氣 像 說 八 卦 新 聞 般 輕 鬆 又 興 奮 ， 甚 至 似 有 一 絲 竊 喜 。 共 同 進 退 幾 十 年 的 細 胞 反 噬 ， 豈 能 快 慰 ， 眼 淚 ， 她 流 過 。 四 年 前 一 個 週 五 晚 上 ， 她 摸 到 自 己 胸 部 有 硬 塊 ， 「 check 到 自 己 有 塊 石 仔 … … 唔 係 石 仔 ， 係 大 石 。 」 心 知 不 妙 ， 次 日 一 大 早 跑 到 醫 務 所 檢 查 ， 醫 生 說 胸 部 黑 影 「 大 得 好 交 關 」 ， 是 惡 性 ， 第 四 期 。 她 當 場 哭 了 出 來 ， 「 多 年 來 經 營 的 事 業 王 國 ， 我 好 錫 的 兩 個 仔 ， 一 夜 之 間 無 晒 。 」 兩 日 後 的 星 期 一 ， 她 重 整 旗 鼓 ， 急 不 及 待 跑 到 瑪 麗 醫 院 ， 下 令 醫 生 即 日 替 她 動 手 術 ， 「 醫 生 叫 我 休 息 幾 日 ， 作 好 準 備 ， 我 話 唔 使 ， 我 不 能 容 忍 癌 細 胞 留 在 身 體 。 」 當 時 她 已 脫 離 博 益 ， 一 擲 數 千 萬 豪 購 十 三 間 會 所 、 廿 一 間 幼 稚 園 食 大 茶 飯 ； 對 待 身 體 ， 也 真 有 點 生 意 人 的 壯 士 斷 臂 ， 「 當 初 諗 住 胸 部 有 事 ， 切 佢 ， 裝 個 新 的 ， 科 學 咁 昌 明 … … 覺 得 仍 可 捉 緊 生 命 。 「 我 沒 有 像 楊 千 嬅 說 『 告 別 乳 房 』 或 者 『 哀 悼 乳 房 』 ， 這 些 都 只 係 外 在 的 ， 無 隻 手 都 唔 緊 要 ， 有 條 命 俾 我 就 得 。 我 潛 在 性 格 係 咁 。 」 手 術 後 再 檢 查 ， 醫 生 說 ： 「 你 的 骨 無 事 ， 個 胃 都 無 事 ， 不 過 … … 」 這 段 前 奏 讓 她 知 道 大 禍 臨 頭 ， 「 不 過 ， 個 肝 有 事 。 」 女 強 人 第 二 次 哭 ， 又 來 個 壯 士 斷 臂 ， 叫 醫 生 切 肝 ， 可 惜 癌 細 胞 已 擴 散 到 淋 巴 、 血 液 ， 醫 生 那 句 殘 忍 的 「 你 無 得 醫 」 就 是 這 時 說 的 。 她 不 肯 供 出 那 醫 生 姓 名 ， 「 我 好 蔑 視 佢 ， 佢 可 能 已 經 令 好 多 病 人 放 棄 了 ， 但 激 發 我 一 定 要 醫 好 。 」 加 上 七 十 多 歲 的 母 親 對 她 下 了 最 後 通 牒 ： 「 你 一 定 要 送 我 終 ！ 」 勞 念 慈 便 上 網 找 癌 症 康 復 例 子 ， 包 括 上 述 岩 士 唐 的 個 案 ， 以 及 下 面 這 則 ， 一 一 收 錄 在 著 作 《 勇 闖 癌 關 ． 活 出 新 命 》 。 屯 門 醫 院 骨 科 醫 生 吳 家 榮 ， 約 十 年 前 還 只 是 十 四 歲 時 便 不 幸 患 上 骨 癌 ， 要 切 除 左 腳 ， 但 他 沒 有 放 棄 ， 成 為 了 骨 科 醫 生 ， 用 患 病 的 經 歷 和 愛 心 去 醫 人 。

為 三 個 男 人 而 活
她 證 實 患 癌 時 ， 大 仔 讀 小 一 ， 細 仔 K2 ， 「 我 身 上 有 計 時 炸 彈 ， 若 說 ： 『 我 唔 死 得 』 是 騙 自 己 ， 我 只 想 長 命 一 點 ， 希 望 兩 個 仔 長 大 些 ， 懂 得 面 對 沒 有 媽 咪 ， 我 才 去 ， 否 則 ， 現 在 去 都 幾 開 心 ， 唔 使 日 日 食 化 療 藥 ， 你 知 唔 知 真 係 好 苦 ？ 」
有 一 次 跟 兒 子 說 ： 「 即 使 我 死 了 ， 會 在 天 堂 等 你 們 。 」
兒 子 好 擔 心 ： 「 我 怕 到 時 唔 記 得 你 個 樣 。 」
「 你 們 合 上 眼 ， 記 不 記 得 我 個 樣 ？ 」
「 記 得 。 」
「 你 們 就 記 這 一 刻 。 」
做 媽 媽 的 怕 兒 子 情 緒 化 ， 要 他 們 答 應 不 自 殺 ； 兒 子 聰 明 絕 頂 反 建 議 ： 「 我 好 想 你 見 到 我 個 仔 出 世 ！ 」
丈 夫 做 過 政 務 官 ， 跟 過 羅 范 椒 芬 ， 做 過 民 選 區 議 員 ， 目 前 從 商 。 勞 念 慈 在 書 中 多 處 提 到 這 段 婚 姻 多 風 多 雨 ， 「 好 不 容 易 捱 過 最 艱 辛 的 歲 月 。 」 林 燕 妮 替 她 寫 序 言 ， 也 說 ： 「 上 天 還 要 試 驗 她 ， 在 感 情 路 上 顛 簸 了 不 少 時 間 。 苦 戀 、 失 戀 ， 就 是 不 讓 她 嘗 幸 福 的 滋 味 。 」 按 理 說 ， 男 人 老 狗 可 走 的 歪 路 來 來 去 去 總 是 那 一 條 ， 但 無 論 記 者 怎 樣 旁 敲 側 擊 ， 她 始 終 不 肯 證 實 ， 「 他 天 生 不 適 合 做 人 丈 夫 、 父 親 ， 真 係 好 唔 適 合 ， 自 我 中 心 得 太 緊 要 。 」 一 家 去 旅 行 ， 他 給 她 兩 條 路 走 ： 一 是 遺 下 兒 子 ， 兩 夫 妻 去 也 ， 一 是 乾 脆 一 齊 留 家 ， 誰 也 不 去 。 「 他 未 適 應 如 何 做 爸 爸 ， 本 來 以 為 O Ｋ ， 生 了 大 仔 出 來 才 知 應 付 不 到 ； 細 仔 則 是 意 外 。 」 即 使 難 得 舉 家 出 門 ， 老 婆 拖 住 兩 個 幼 子 ， 再 拿 行 李 ， 再 負 責 酒 店 check-in check-out ； 他 則 是 浪 漫 殺 手 自 由 人 ， 獨 行 。 兩 子 從 小 輪 流 發 高 燒 ， 無 數 次 半 夜 入 院 ， 做 媽 媽 的 無 論 如 何 要 送 他 們 入 院 ， 老 公 則 說 ： 「 任 得 佢 燒 ， 唔 會 死 人 。 」 他 呷 兒 子 的 醋 ？ 「 男 人 係 咁 ， 他 日 你 都 會 。 頭 幾 年 父 子 之 間 不 說 話 ， 他 不 懂 跟 小 朋 友 溝 通 ， 兒 子 則 不 敢 跟 爸 爸 講 話 。 「 這 些 只 係 冰 山 一 角 ， 我 唔 講 細 節 ， 唔 講 （ 夫 妻 關 係 ） 如 何 惡 劣 ， 總 之 好 惡 劣 ， 他 曾 在 半 夜 奪 門 而 去 。 我 想 過 是 否 繼 續 忍 下 去 ， 不 如 帶 住 兩 個 仔 離 去 ， 反 正 我 經 濟 獨 立 。 」 丈 夫 九 歲 喪 父 ， 一 年 內 母 親 及 兄 長 先 後 離 世 ， 後 來 連 老 婆 也 患 癌 ， 「 他 看 見 生 命 脆 弱 。 」 勞 念 慈 堅 持 抱 病 上 教 會 ， 丈 夫 陪 伴 ， 聽 到 牧 師 說 到 丈 夫 、 父 親 的 責 任 ， 才 想 到 這 正 是 自 己 的 角 色 ， 慢 慢 放 下 主 觀 ， 信 耶 穌 ， 受 洗 。 「 你 不 要 以 為 我 一 病 ， 他 就 變 好 ， 但 他 每 日 都 有 改 變 。 以 前 我 唔 敢 發 脾 氣 ， 現 在 懂 得 看 風 使 舵 ， 風 水 輪 流 轉 ， 我 大 喝 一 聲 ， 全 家 收 聲 。 」 從 前 父 子 相 對 如 同 陌 路 ， 現 在 玩 騎 牛 牛 ， 大 仔 七 十 磅 ， 細 仔 五 十 磅 ， 一 同 壓 在 老 爹 身 上 ， 還 要 他 像 做 掌 上 壓 般 上 下 起 伏 。 她 犧 牲 自 己 健 康 來 改 善 一 家 關 係 ？ 「 係 ， 所 以 我 話 苦 難 中 總 有 祝 福 。 唔 好 話 犧 牲 ， 我 經 歷 這 場 病 ， 令 老 公 改 變 好 大 ， 小 朋 友 獨 立 了 好 多 。 「 若 我 現 在 離 去 ， 有 八 成 信 心 老 公 會 帶 大 兒 子 ， 還 有 兩 成 尚 待 改 善 啦 ！ 」
一 個 自 負 的 年 輕 人 患 上 胃 癌 ， 治 療 過 程 中 瘦 了 四 十 磅 ， 又 掉 光 了 頭 髮 ， 他 不 敢 照 鏡 。 一 天 離 開 醫 院 返 回 家 中 ， 被 十 多 個 熟 悉 又 陌 生 的 面 孔 包 圍 ， 原 來 都 是 他 的 親 友 ， 全 部 剃 光 了 頭 歡 迎 他 。

電 療 室 內 的 聖 詩
大 約 只 有 十 分 一 乳 癌 患 者 另 一 邊 乳 房 復 發 ， 去 年 三 月 她 證 實 了 屬 於 這 十 分 一 ， 「 我 在 三 月 生 日 ， 每 年 生 日 都 要 經 歷 這 些 。 」 電 療 為 期 五 週 ， 每 週 五 日 ， 一 眾 病 人 排 隊 ， 苦 口 苦 面 如 面 對 滿 清 十 大 酷 刑 ， 勞 念 慈 心 想 ： 「 電 療 ， 使 乜 驚 呀 ？ 」 對 電 槍 高 歌 ： 「 神 是 愛 … … 」 眾 護 士 圍 她 ， 醫 生 開 口 問 ： 「 你 是 否 基 督 徒 ？ 」 化 療 時 種 痘 ， 試 了 靜 脈 五 處 都 失 敗 ， 白 色 床 單 沾 上 了 血 ， 變 成 玫 瑰 花 圖 案 。 她 突 然 低 頭 祈 禱 ， 嚇 得 見 習 醫 生 大 叫 ： 「 不 要 給 我 壓 力 ！ 」 又 逗 病 友 傾 偈 ， 像 大 學 舊 生 聚 首 互 訴 第 幾 屆 畢 業 ， 「 你 第 幾 期 （ 癌 症 ） ？ 我 第 四 期 ！ 「 so far 我 在 醫 院 未 見 過 堅 強 的 人 ， 全 部 被 癌 病 打 沉 。 雖 然 開 心 未 必 一 定 醫 得 好 ， 但 條 路 一 定 走 長 一 點 ； 如 果 終 日 話 死 梗 ， 咁 你 一 定 死 。 「 我 係 由 極 度 憂 鬱 ， 變 成 極 度 開 朗 。 之 前 工 作 了 廿 年 ， 雖 說 一 帆 風 順 ， 一 人 之 下 幾 千 人 之 上 ， 但 未 開 心 過 ， 每 日 睇 住 生 意 ， 想 如 何 向 老 細 交 代 ； 現 在 不 用 取 悅 任 何 人 ， 近 幾 年 去 的 旅 行 ， 多 過 之 前 廿 年 的 總 和 。 」 今 年 三 月 生 日 ， 第 二 次 復 發 ， 骨 髓 失 守 ， 她 竟 執 包 袱 跑 上 郵 輪 優 哉 游 哉 ， 再 舉 家 遊 北 京 ， 「 下 年 復 活 節 ， 我 唔 知 是 否 還 在 。
「 如 果 我 仲 有 命 ， 希 望 ○ 八 年 你 見 到 我 仍 然 醫 緊 病 啦 ！ 」

數 十 年 前 張 德 培 的 祖 母 患 上 胃 癌 ， 醫 生 舉 手 投 降 。 當 時 一 名 牧 師 向 她 傳 福 音 ， 她 信 了 耶 穌 ， 沒 有 接 受 任 何 治 療 ， 卻 多 活 了 廿 五 年 。

垃圾叮噹

我時常諷刺鄭生是垃圾叮噹﹐因為他口袋時常裝滿垃圾。上星期﹐他終於收拾他的錢包。

錢沒有﹐但垃圾紙大把﹗ 你睇﹗

共同信仰

在午飯時間﹐碰巧遇見台灣妹。她好奇地問我﹐鄭生是不是基督徒。

那當然啦﹗沒有共同信仰怎樣溝通呀?﹗好像如何使用金錢﹐如何對待家人﹐還未計如果有小孩子怎樣教導等問題﹐如果沒有共同信仰﹐一定有意見不合的一天。

所以各位姊妹﹐記得記得﹐一定一定要找個敬虔的弟兄做對象。正如魚木引述魚絲無既禱告﹐“只要魚木對神好﹐禁佢就自自然然對魚絲無好﹗”找個對神好的弟兄﹐禁佢就會自自然然對自己好架啦﹗

各位弟兄﹐請盡心、盡性、盡力去愛神。就算無錢﹐無屋﹐無蕃狗...不懂做家務﹐不懂煮飯﹐不懂討女仔歡心﹐都會有好女仔肯嫁架﹗你睇鄭生就知啦﹗

Social

自己一向都不懂得交際應酬﹐亦不太喜歡。或許如此﹐我比較喜歡自己獨坐在工作﹐在公司是少有到處與同事傾談(收風搵李老闆得啦﹗準好多﹗)。

最近在公司正低調處理婚禮事兒。其實我只請了三位同事﹐都不想太過張揚嘛﹗奈何紙是包不住火既﹗同事香江漢致電給我說恭喜﹐還說幾位同事想給我一個Shower。o下﹗不要說笑吧﹗我不是太想其他同事知道﹐知道又不要請到婚禮好像不太好吧﹗

他說:“只叫幾位中國人同事吧﹗上次台灣妹我們也是如此﹗”
好啦﹗好啦﹗說了幾次“不太好﹗”你還是要堅持。

我沒有台灣妹那麼懂交際架﹗到時無人出來吃飯就瘀到卑啦﹗

迷

又身痕啦﹗

其實早前已經想買部GPS比鄭生﹐因為他時常迷路﹐又沒有用心記著本市的路。買部GPS給他﹐可以省回我看地圖的精力。但閒閒地也要三百大元的才算可以﹐太平的又怕功能上太簡單。

見C太郎極力推介﹐因為有部PDA﹐為何不盡用PDA功能。只要買部藍牙GPS Receiver﹐再買TomTom地圖。百多元﹗經過昨日測試﹐尚算合格。問題在一闊三大﹐現在可能又要買PDA車上充電器。買下﹗買下﹗又幾舊﹗