STM分享(十) - 生命影響生命

如果你有去上上星期的團契﹐其實我已經o係o個度分享o左小小﹐禁我D讀者又未必係個個去團契﹐作為第十篇(所有分享的總結)﹐我也想係呢度分享多一次。在巴西的時候﹐魚生帶領了一次靈修﹐分享了“生命影響生命”的道理﹐令我有很深的感受。人一生所遇過的人與事真係多不勝數﹐藉著我所講﹐所作的無論是好﹐是壞都會影響著我身邊的人。這些impact可能會令你無動於衷﹐但係亦有可能會影響你的生命有所動搖。就好似個撞撞波禁。

你可能是中間的那一個﹐又或是最後的一個。但無論你是那一個﹐你也可以將動能傳給下位。這亦提醒我千祈唔好只係做吸能量﹐而又唔去影響他人的那一位。所以如何作神所喜悅的事呢﹖真係可以窮一生的精力去學習。

所以弟兄們、我以　神的慈悲勸你們、將身體獻上、當作活祭、是聖潔的、是　神所喜悅的．你們如此事奉、乃是理所當然的。 不要效法這個世界．只要心意更新而變化、叫你們察驗何為　神的善良、純全可喜悅的旨意。(羅12：1-2)

等我又賣o下廣告﹐我剪了大約六分鐘我們在巴西的精華片段﹐會係明日的Mission Conference 度播﹐如果係本城﹐不防來看看啦﹗

萬聖節的扮野大賽

又到萬聖節﹐每年到呢個時候﹐公司都會搞o下下午聯歡會﹐讓員工可以帶他們的小朋友來公司“trick and treat”﹐因為治安唔好﹐現在已有很多家長不讓子女到自己所住的區域 trick and treat 啦﹗所以我都覺得係公司問人要糖﹐總好過係街上唔知會遇到D乜野人好。除了小朋友會扮野之外﹐有D公司同事都會扮o下野。就好似我以前老細﹐蘇聯女人﹐她每年都會十分投入。今年佢亦有率領她的部下扮鬼扮馬﹐哈哈﹗或者有機會的話﹐影D相比大家睇o下﹗

The Incredibles

o係DJ度﹐見到蔡瀾講起這套The Incredibles 電影﹐都等o左好耐﹐記得好似係o係睇 spiderman 時睇到的預告。我一向也是Pixar製作的fans﹐所以都十分期待。只係睇片頭﹐我已經笑死了。十一月五號就上啦﹗有冇人有興趣一齊睇呀﹗

STM分享(九) - 去巴西短宣必備

聖經 - 我極力推介NIV Study bible﹐因為資料詳盡﹐萬一要“食雞”(即臨時要你講道﹐帶查經﹐帶靈修)﹐都有o野可以講呀馬﹗
傳單 - 呢樣野大家都知道用來做乜﹐唔使驚會唔記得帶﹐領隊一定會提醒你的。
詩歌集 - IG幫我地整o左本好好的詩歌集﹐以前都唔覺得有禁多詩歌禁好聽﹗
怕蚊水 - 我就唔係搽了很多﹐但係啊魚太就無怕蚊水不歡o羅﹗
防晒 - 基本上﹐我逢親旅行都會帶備﹐驚會變成隻黑豬返花旗﹐無人認得我呀馬。不過﹐今次其他人都有搽﹐因為巴西D太陽都幾勁﹐唔想晒傷﹗
止癢膏 - 呢支藥膏真係好有用﹐因為D蚊實太利害﹐針一針真係腫到雞蛋禁大。
藥品 - 頭痛藥﹐感冒藥﹐止瀉藥等都十分有用。我今次就係帶小了感冒藥就病到死o下死o下返花旗。
小筆記 - 除了要記低係當地發生的一點一滴﹐仲有就係可以用來寫低人地個名﹐地址等﹐可在等日後有個聯絡。
筆- 多支不同顏色的筆會比較好﹐可以用來寫下不同的感想。
膠紙 - 用來貼你們的小紙仔的。
書籤- 帶備這些有金句的小書籤﹐可以當作卡片之用﹐寫低自己的名字和電郵地址送比人﹐好好用。

我諗仲有好多必備﹐不能盡錄...

STM分享(八) - 生活習慣

我們所到的巴西里約其實並不是個十分落後的地方﹐最小在當地的弟兄姊妹所用的手機﹐是比我們所用的先進幾倍。不過唔知係唔係佢地其他o既生活水平比較低﹐所以生活比較節儉。有很多地方﹐如餐廳﹐商店﹐的士等雖然有冷氣但係唔會開。我們去的時候﹐有幾天是差不多40C﹐真係熱力沒法擋o架﹗但佢地依然只係開著把風扇吹吹﹗而我們所用的紙杯紙碟紙巾﹐亦和花旗的相差很遠。花旗o既紙品類產品﹐有好多真係可以用完洗乾淨再用﹐而相比巴西個D就比較脆弱。有時大力一點拿著個杯都會將個杯弄破。我個人都十分支持環保﹐但我都明白﹐D碟同杯用一陣就溶的麻煩。如何在當中取得平衡﹐真係好重要。

好的開始

很耐之前﹐已經很想深入D睇o下使徒行傳同保羅書信的關係。但係人始終係有懶根﹐況且我唔止有一條﹐所以都仲係o係得個“講”字既階段。多得你地推一推我。雖然只會睇其中的部份﹐而我又唔知我有冇恆心睇落去﹐但係都叫做有個開始。或者多D分享會刺激我,勤力D睇聖經﹗

莫再悲

詞：鄭國江　唱：林子祥

莫再悲　莫再傷　遇到悲哀休誇張
誰亦要經風與浪　誰遇挫敗不受傷

逝去的　莫再想　路正崎嶇更漫長
何用嘆息風裡望　寶貴光陰笑著量

愁和哀　風與霜　不會天天都探訪
用幻想　與夢想　編織那遠大理想

斜陽好　花正香　跟那寂寞和著唱
歌聲一句句　跳越屏障赴遠方

默默的分享　默默的欣賞
路上一切美麗況
人生總會碰著悲哀苦惱
為何流淚看

幸運不希罕　熱淚不輕淌
願做真正既硬漢
何必口說快樂心中一個樣

實力派

尋日睇勁歌﹐聽到近期安仔同葉德嫻的“美中不足”﹐嘩﹗唱live真係超正。其實我都好少click去睇勁歌現場﹐因為實在有太多偶像唱到走晒音﹐所以我是比較喜歡追看勁歌的MTV多於現場勁歌(Twins 呀﹗Boy'z 呀﹗ 的MTV是比較好睇)。大家得間不防click 去睇睇﹐今年年尾D的頒獎禮﹐我又會支持安仔。希望啊Larry﹐唔好過來踩場...哈哈﹗講o下笑o者﹗

“美中不足”Live

當年情

已經好耐無玩得禁癲﹐星期六一整天的朋友S婚禮﹐聚舊﹐返回本城。星期日又再上去朋友S教會度崇拜﹐然後再和好友J見面見面﹐仲要黃昏趕返本城去STM分享會。幸好有BL陪我一齊癲﹗坐幾粒鐘上上落落 哈哈﹗其實論癲的情度﹐我是比不上BL的。

今次參加朋友S的婚禮﹐真係有幾多感想。回想當年同朋友S在揚恩的日子﹐還有一齊take circuit 101的經歷﹐真係好似剛剛發生的事一樣。人係會成熟既﹗見朋友S改變了不少﹐而且對神的心越來越堅定。怎會想到當年的他會現在為神奉獻自己的一生呢﹖而且還在主內找到他的另一半﹐一同服事主﹐真係“鄧”佢開心。今次他的婚禮﹐還見番一D老朋友﹐雖然有D在威爺的婚禮上見過﹐事隔原來已經都年幾了。日子過得真係﹗

好友J雖然在星期六已經見到面﹐但因為人太多都冇乜點頃計。所以預先已約好星期日再見﹐真係明智之舉。BL醒目﹐決定去飲茶﹐這樣便有個地方可以“飲淡茶﹐食個包”﹐慢慢頃了。我地去o左Flushing 的金豐大酒樓飲茶﹐水準唔錯嫁﹗有幾多款式的點心﹐我地都點o左十幾碟點心﹐而且在本城是沒有見過的。

我地三個女人一個墟﹐由朋友的近況到教會生活﹐由未來的動向到大家的工作大計。真係頃得好鬼開心。好友J無乜點變﹐依然是ca ca大笑﹐但做起事上來又十分有分寸。雖然今次一別又唔知幾時再見﹐但我同BL都同時間要求好友J多D上來我地個blog度﹐同多D上YM﹐禁大家咪可以成日見面囉﹗

趕到去魚生屋企﹐各位短宣的弟兄姊妹已經到達晒。約翰帶備他的無線上網卡﹐我們在魚生屋企竟然可以和巴西的姊妹啊群啊英MSN IM 上網通訊。我地又即刻影相上載上網﹐比佢地見o下我地個貓樣。哈哈﹗科技日新越異﹐越來越發覺個世界越來越細﹐神既國真係好快就到﹐我地要怎樣準備自己見神的面?噢﹗我還有很多親戚朋友還未信耶穌﹐真係為你們心急同擔心﹗

STM分享(七) - 為福音而食

有很多弟兄姊妹﹐朋友問我今次係巴西﹐在“食”方面如何﹖哈哈﹗我可以答你﹐是比我在花旗國的好。除了每日在酒店有任食超正早餐(最小吃一個木瓜﹐養顏ma﹗)﹐還有真正的巴西燒烤﹐珍姐的住家飯外﹐我們每到探訪的店舖或家庭﹐人家總是叫我們吃吃吃喝喝喝的﹐十分客氣。我們雖然搬出“唔水law”﹐但他們仍將食物﹐飲品放在我們面前。泉哥同魚生都教我地盡量食D或者飲D﹐表現得親切一點ma。

位於南美的巴西﹐生果特別正﹐而且好平。一箱木瓜都只不過是六蚊巴紙即係差唔多兩蚊美金。而任食的超正巴西燒烤都只不過是二十多元巴紙。所以大家都在此行增磅不少。幸好我們每天都要行好多路﹐都burn到唔小fat走。如果唔係真係"為福音而肥"了﹗

人肉旅遊雜誌 - 羅伯

去o左羅伯屋企食飯﹐雖然係美其名幫佢整部電腦﹐實質係去“痴o下餐”﹐食o下住家飯。羅伯同羅太同是愛好旅遊之人﹐每次去佢地屋企食飯﹐大家都會好雀躍談論近期去過邊度玩﹐佢地更加會介紹在網上發現什麼超“荀”的旅遊package。今次亦唔例外﹐我地講起去東歐﹐北歐等地。他們喜歡join團﹐因為唔使煩﹐而且佢比我睇o個D團費又唔係好貴﹐包酒店﹐機票而且又有領隊帶﹐都係幾“抵”。哈哈﹗佢講得非常吸引架﹐真係唔做sales﹐"sin"晒﹗忽發奇想﹐唔知有冇機會同佢地一齊去o下旅行﹐我諗會幾好玩。唔好睇羅伯有番禁上下﹐其實佢好玩得。

我個人唔係禁鍾意參加旅行團﹐因為要好早起身﹐自由度又無禁大﹐但係羅伯話去旅行﹐當然係要睇多D o野啦﹗禁我都明。羅太話羅伯每出外玩﹐都晨早就起身﹐玩到夜夜到唔訓。所以論體力﹐我呢D未必可以和他相比。

今次佢介紹o左以下三個sites 比我﹐我想,不如在此處和大家分享一下﹐話唔定大家會發現有超“抵”package一齊去玩﹗

http://www.go-today.com
http://www.affordablegate1tours.com
http://www.friendlyplanet.com

用倉頡,速成打中文

最近有很多朋友問我點樣學打中文﹐因為佢地都好想學識打中文﹐寫文章﹐寫電郵﹐YM都傳神一點。其實我都係打得麻麻地﹐有好多字都係查字典查番來﹐而且有好多中文字已經唔記得點寫﹐所以好多時寫錯字。而我一學就學倉頡﹐所以始終對倉頡有好感﹐不過去完巴西﹐魚生教o左我用速成﹐原來仲容易用﹐大家不防試試。其實速成同倉頡差唔多,都係用同一部首輸入﹐不過速成只需要頭尾兩個部首﹐就可以搵番個字出來﹐唔使好似倉頡要知道全部部首至出到個字。我誠意推介比想學打中文的朋友。

雖然已經電郵過比團契的email list。但我也想籍這個小小的空間﹐再post多次條link﹐
http://www.fed.cuhk.edu.hk/readwrite/typing/
除此之外﹐還有這個 http://www.ied.edu.hk/cj/ 都有很多關於倉頡輸入法的網站。希望幫到大家打中文啦﹗

p.s.如果你想知道點樣切定速成輸入法﹐可以email我。

STM分享(六) - 中秋節晚會

兩個星期的短宣﹐其中之一的重頭戲係同當地的弟兄姊妹﹐朋友﹐鄉里共渡中秋。正所謂“每逢佳節倍思親”﹐據說有很多鄉里已有很多年無玩過燈謎﹐食o下月餅。今次我地帶o左十二盒月餅﹐三十幾個燈籠加D零食呀水果禁﹐真係幾有氣氛架﹗而我最深刻印象的是一個叫做華姐o既女士﹐佢o既經歷真係幾慘架﹗唔知係唔係禁o既原因﹐我見到佢成日都係好愁眉苦臉。但係o係中秋節個晚﹐我見佢玩得好開心架﹗成個人都唔同o左。好在佢已經信o左耶穌﹐我地可以用聖經鼓勵佢。唉﹗人生唔如意的事﹐實在有太多﹐有時都會諗o下點解呢D事會發生﹐不過睇到聖經話﹕

他對我說、我的恩典夠你用的．因為我的能力、是在人的軟弱上顯得完全．所以我更喜歡誇自己的軟弱、好叫基督的能力覆庇我(林後12：9)

神容許每件事的發生都有其目的﹐以平常心去面對﹐神必會使你學到要學的功課。

<金枝慾孽>限量珍藏版DVD

最近成日係“大飲茶”﹐蘋果等度睇到呢套劇如何如何收得。昨日老死電郵來﹐因為佢o係無記度做﹐最近佢收到公司電郵話可以內部認購﹐問我有冇興趣買。嘩﹗睇o下佢地張poster﹐無記只出三千套﹐每人可以內部認購一套。如果多過三千人買﹐就要抽籤﹐認真誇張﹗

香江夜景

一向我都有追看無記的勁歌金曲MTV﹐無辨法生活苦悶﹐要看網上的MTV來調劑一下。近日看了梁炳的“艦隊”。嘩﹗有幾個鏡頭影得香江夜景幾靚。香江夜景真係正﹗
艦隊MTV

忙碌的週末

好友J電郵來說要隨夫在十一月遷移到上海﹐所以諗住在這個星期過來東岸見見D朋友。於是打個電話和她聊聊。她依然是十分可愛﹐一聽到是我就尖叫同哈哈的大笑。估唔到一轉眼又已經幾年了﹐上次大家見面是和BL參加她的婚禮。噢﹗日子過得真係快﹗哈哈﹗有D懷念以前一齊返團契﹐一齊去祈禱會的日子。大家講o下近況﹐我依然是那份工作﹐同一住所。唉﹗仲比佢笑我依然住o係D禁悶o既地方﹐無乜點變。大家已經相約好這個星期天見面﹐真係十分期待。噢﹗還有舊同學S的婚禮和STM的分享檢討會﹐這個週末真係節目多籮籮﹗

對不起﹗錯過了你的電郵

o岩o岩至得閒check check 呢個blog個email﹐嘩﹗成五十幾個電郵﹐check check o下嚇然發現一個由香江傳送過來的電郵。雖然我並不認識你﹐雖然我唔知可唔可以幫到你﹐但如果仲要我幫的話﹐再電郵我。

STM分享(五) - 你們的小紙仔(little message)

在未出發之前﹐已在本blog介紹過﹐教會和團契所給予一份愛心禮物包。內有一包小紙仔﹐是弟兄姊妹寫給我的一些鼓勵。初初打開來看時﹐是有點失望的。只得六張紙仔﹐噢﹗原來我只有這些朋友關心我的短宣。到上機o個日﹐魚太先至將其餘三十多張的小紙仔交給我。原來是分兩次比的﹐嚇得我呀﹗

o係度多謝大家的小紙仔和禱告﹐好多小紙仔都好有心思。有D係首詩﹐有D係幅畫﹐有D係書籤。有很多好搞笑o架﹐又有鼓勵性﹐睇唔出大家係禁creative。 據說我地有人收到張紙仔係有包鹽﹐真係有意思啦﹗

青蛙王子的心意

我對於詩詞歌賦真係一D都唔認識。某日青蛙王子來電﹐話想送首詩比本blog讀者。睇過之後﹐覺得青蛙王子文采頂瓜瓜﹐一D都唔似讀“Sin銀子”。

北風不來﹐
冬的逸興不飛﹐
暫惜光明一刻﹐
問問幾時舞於自然。

捕捉一縷風﹐
軟得無可追從﹐
何時變得溫馴﹖
借來人間一用。

牆的另一隅﹐
擺著神的禮讚﹐
何以至今仍幽幽﹖
何以你只在牆外﹐停留﹖

* * *

踏步﹐踏在紫色的路﹐
邁向未知的未來﹐
散溢著蓄發的神采。

願為誰在佇候﹖
聆聽水波輕奏﹐
金風玉露相逢﹐
人間依舊。

微光中的清晨﹐
寧願取長途(或窄路)
擷摘靜裡的一片溫馨﹐
多走人生幾步。

- 青蛙王子

STM分享(四) - 台山話

我們所接觸的大多數巴西新移民﹐都是來自中國大陸的四邑。所以如果你能說得一口流利的台山話﹐開平話等﹐對於和他們交談是很有建設性的。最小他們會留心聽聽你這個鄉里﹐做乜千里迢迢來到巴西去探望他﹐ 又或者o係打開話題時比較容易。他們有很多為了生活﹐離開自己的家人﹐兒女﹐偷渡到巴西。當中的辛苦﹐真係唔係每個人都可以明白。而我地探訪他們的目的﹐都只不過係聽o下佢地講野﹐比佢地訴o下苦﹐介紹耶穌基督比佢地。要知道我地跟本做唔到D乜o野﹐聽佢地訴苦都只不過聽兩三個鐘﹐點會好得過神可以廿四小時聽佢地訴苦呢﹗

後來我更加發覺﹐如果你不是鄉里﹐但懂得用鄉下話同佢地溝通﹐佢地更加會對你另眼相看。或者你下次係本城的唐人街可以試試﹐最最要緊係學識這句“係mor”,“唔水law”﹐真係十分有用。

原地搭步

和日語同學I同C講開電話﹐問起大家的近況。因為要照顧媽媽﹐已經有年幾無返日文。哈哈﹗真係連Konnichiwa都唔識講。佢地話因為老師近日都身體不適﹐所以上課的日子都不是十分穩定﹐大家依然係用緊同一本書﹐學緊同一樣o野。所以如果我上返堂﹐都唔會錯過太多。有時我覺得“學如逆水行舟﹐不進則退”。禁樣原地搭步的學習﹐我又唔係禁想﹐所以仲係掙扎緊join定唔join。懊惱﹗

STM分享(三) -我最enjoy的時間

有好多人問我﹐今次STM最鍾意係乜﹖唔﹗我最享受的是每天的靈修時間。 每天的靈修時間是這樣的﹐我們八個輪流帶自己在聖經中領受的。之後每人都會feedback一下自己的睇法。分享的不是單單聖經的經文﹐還有我們生活上的掙扎。是坦誠﹐有感動的﹐有感恩的﹐真係有血有淚兼且有virus。記得有一日﹐有人分享,行神的道路是窄的﹐會感到孤單的。但神話﹐不用怕﹐因為佢會背起你行。就好似詩篇120篇﹕

“我要向山舉目﹐我的幫助從何而來﹖我的幫助從造天地的耶和華而來”

唉﹗唔知要幾時至有機會有呢D禁正的分享時間啦﹗

一切由誤會開始

朋友I投訴我最近的行為﹐沒有好好關心朋友(其實我唔係太清楚佢係唔係投訴我呢樣﹐因為佢只有講o左話有人投訴﹐但又無講投訴D乜)。老實講﹐係未去巴西之前﹐我已經週旋係朋友E同朋友I的誤會上(噢﹗ 還有朋友E與朋友E之間的瓜瓜菜菜)。我已經覺得好倦﹐其實我要講的都已經講晒﹐誤會又唔可以一朝一夕解釋晒﹐禁點解唔可以放鬆一點﹐站係別人的立場諗o下呢﹖自己的立場又係唔係100% o岩晒呢﹖我諗人真係做唔到D乜﹐唯有交返比神﹗

我珍惜每個朋友的關係﹐因為在你們每一個﹐我都可以學到不同的東西﹐但請不要要求我對每個朋友都是一樣﹐交情有深有淺﹐有高矮肥瘦。有時可以同你談天說地﹐講o下娛樂新聞眼﹐而家興D乜,但我都想同你講o下神在每日要我學的是什麼。

噢﹗好似發o左好耐up瘋啦﹗如果我有得罪o左邊個﹐唔好意思﹐小妹無心﹐請各位大人多多原諒﹗
(朋友I﹐如何我誤解了你的意思﹐請你解釋解釋﹐因為我比較鈍﹐真係get唔晒你的意思)

STM分享(二) - 傳說中的泉哥與珍姐

在未去Nova Iguacu之前﹐也聽過BL﹐魚生等提及上年短宣的情況。對於泉哥同珍姐有大概的認識﹐但係都要相處過先至認識佢地。佢地比我的感覺係對神的信心很大﹐很單純﹐做事好有衝勁。或許有這種性格的才可以做宣教士﹐好似D慢ton ton 的年榚就做唔到啦﹗

佢地雖然唔係什麼知識分子﹐在未作宣教士之前﹐他們做過角仔格﹐士多﹐雞舖﹐正正這些背景﹐可以和當地辛苦經營角仔格的人分享﹐產生共鳴。好多時傳福音會顧慮好多﹐面皮又薄﹐又驚講o左唔知其他人點睇自己﹐其實傳福音唔係傳自己﹐話知你點睇我﹐最要緊係你在我的見證上見到耶穌基督。神在每個人的身上都有唔同的經歷﹐所以不可少看神在你身上的作為﹐唔好怕要分享﹐因為小小的見證會成為他人大大的祝福。

所以我會繼續係呢個自由講﹐發下up瘋﹐將我要講的十萬九千個字同大家係呢度分享

有興趣睇佢地o既見證可以click去恩雨之聲

短宣STM分享(一) - 團友

昨晚在想﹐要用什麼形式同大家分享今次短宣的體驗才好﹐如果又用日記形式的話﹐你們可能會覺得又係好似兩牙遊記禁﹐唔想禁悶﹐所以我決定用十篇單元形式去分享一些我覺得幾特別的感覺﹐禁樣我可以留番一D唔係禁特別的感想係團契同Mission Conference 度同大家分享呀馬﹗希望你能在這小小的空間感受到STM 的快樂。
時間﹕9/23 - 10/6
地點﹕Nova Iguacu
人物﹕STM 團友

等我首先介紹一下我D親愛的團友。內有﹕外剛內柔的青蛙王子﹐搞笑的約翰﹐被人多次稱呼為靚仔的安生﹐無可樂不歡的魚生﹐魚生成功背後的女人魚太﹐我的輔導員IG﹐賢內助HY。

今次STM一行八人﹐原本是“九男女”的﹐但係但以理因工作關係未能隨團出發﹐只有他的賢內助HY做代表。經過兩星期共同生活﹐對各團友又加深了一層認識。

神o係每個弟兄姐妹都有不同的恩賜﹐在每個人身上我都可以學到唔同o既o野。再次多謝這班團友.你們使我看到人的工作很有限﹐但神卻在我們有限的工作上顯出無限。

改名

尋日﹐靚靚大壽。一班姐妹同佢慶祝。無諗過壽星女竟然話自己下廚整餐勁o既比我地嘆﹗正﹗再次係度多謝壽星大廚﹗小妹無以為報﹐唯有o係度送上香吻一個﹐以表謝意﹗

大家閒談﹐講起大家在blog上的名字﹐其中有兩位姐妹話佢地叫 雲呢拿豆同草莓冰淇淋﹐真係各色其式。

巴西沙士仍未離我已去﹐身體是有點疲倦。雖然身體返o左花旗﹐但係個心都好似仲係巴西。希望physically 同Spiritually可以快D復原。

又返來啦!

令到三朵小花禁懊惱,真係有d唔好意思.係呢度我又再次鳴謝三位才女,在這兩星期為本blog增添不少色彩.哈哈!各位讀者又要睇小妹發up瘋啦!
其實,今早已經由巴西的里約返回本城.d巴士(巴西沙士)菌十分利害,係飛機一路發燒發到返花旗.好在有眾團友一路上無微不至的照顧.真係好鬼感動.唉!本來諗住快d返家好好休息,點知我心愛的VWJ竟然比人撞個Pat Pat.就禁泊係街都比人撞,真係冇陰功.好在o個司機都有d良心留低電話,又係teenage.剛剛的一次又係teenage.真係唔知佢地點考個車牌.傷心!

Ice-cream 獻給三朵鮮花

四月IT同靚靚
日日寫blog顯心思
題材豐富不在話
睇到你我笑哈哈

--Ice-cream 托四月刊登

鮮花語錄 之 忍著淚說 Goodbye

靚靚: 唉! 好懊惱呀!
四月: 又做乜呀?
靚靚: 冇…諗起 Angie 今晚就飛返黎, 我地冇得再 post 野上自由講, 有 D 空虛 o者. ‘Sayonara, 忍著淚說 Goodbye 啦. Thanks, thanks, thanks, thanks…Angela’
四月: 我又何嘗唔係咁失落! ‘請君試問東流水,別意與之誰短長’.
IT: 喂, 做乜咁傷感呀? 正所謂 “不在乎天長地久, 只在乎曾經 blog 過” 嘛.
靚靚: 咁熟o既?
IT: 好似係唐詩三百首o掛.
四月: 我諗過…咁都好, 我地係高峰時引退, D fans 永遠記得我地係盛放既小花, 總好過第日睇厭左, 寫乜都冇反應, 捧住成籮蛋走咪仲淒慘.
靚靚: 係…其實我地表現又真係唔錯架. 依家淡季, 好多熟客又出左埠, 我地都有咁高收視, 真係值得驕傲!
IT: 亞靚, 驕傲呢種心態間中一次就可以, 唔好成日有呀. 我前兩日同隔離亞闆娘傾過, 佢都話近排生意難做, 睇既人就多, 不過個個都忍手.
靚靚: 佢間開左幾個月都未改名既 ‘無娘印 Blog’, 都要兼賣 smoothie 同蛋糕o黎幫補啦!
IT: 啊, 你真係一視同仁, 排字不分先後喎. 係 ‘無印娘 Blog’, 唔係 ‘無娘印 Blog’. 比亞闆娘聽到你話佢無良, 真係大件事囉! 得閒叫四月教下你中文啦.
四月: 無問題, 有時間咪一齊研習下囉. 我唔係自誇呀, 我 post 既詩詞歌賦, 就連蘇東坡同徐志摩都慢慢咀嚼架.
靚靚: 係唔係睇唔明先要慢…慢 … 咀嚼呀?!
IT: 四月, 詩詞歌賦無錯係高級文化, 不過亞東坡同志摩都唔係成日得閒流連自由講架嘛. 要反應好, 始終係走 大眾化路線穩陣 D, 好似幾許瘋語咪唔錯.
靚靚: 我就只係知道日日都要搵 D 吸引話題真係唔簡單. 寫 blog 同做人差唔多, 隨心咪得囉!
四月: 我地三個分工寫個 blog 都搞到熊貓眼, 朝朝都唔知查乜至可以遮到個黑眼圈, 真係佩服 Angie 一個人獨力支撐呀.
IT: 知辛苦呢, 以後唔好投訴 Angie 個 blog update 得慢啦.
四月: Hey, 我前幾日 call 亞東坡, 問佢可唔可以為三朵小花題首詩, 寫下我地過去兩星期既酸...甜...苦... 辣, 喜...怒...哀...樂.
IT: 都好喎, 送首詩比 D fans, 多謝佢地唔停手咁日又click, 夜又click, 就連食 lunch 都不停咁 click 個 blog.
靚靚: 係唔係古詩呀? 睇唔睇得明架?
四月: 何只睇得明呀, 包你哼兩次識唱添呀. 唔信試下…

三朵小花口多多
快樂不知時日過
Angie 完成巴西遊
小花暫時要榮休

過去兩周密密寫
晚晚打字到半夜
各方反應好與壞
視乎有冇獎品派

有獎遊戲受歡迎
留言信箱 click 不停
敏感話題反應大
改名換姓再來嗌

讀者來頭唔野小
東坡,小鳳, Dr. Phil
專程到訪扮代表
古今中外齊齊笑

有幸做嘉賓主持
實在感激亞 Angie
日日寫 blog 考心智
真係唔寫過唔知

小花暫別自由講
各位 fans 勿淚淌
Angie 出埠或登台
小花一定會再來
保證下次更精采!

呀! 仲有… 如果唔記得講呢句, 下次可能冇工開!

Angie 個 blog 認真爽 繼續支持自由講

活到一百歲

唔講唔知, 原來香港現時有近七百名年過一百的人瑞. 按人口比例, 數目僅次於冰島和日本.

長壽秘訣係乜? 飲食有節制, 不煙不酒和常做運動, 通通都對, 但這些就人人都知啦. 數名人瑞在接受訪問時教路, 原來擁有一顆善心, 與家人朋友融洽相處, 和久不久嚎啕大哭, 紓緩一下抑壓的情緒, 都可延年益壽. 男人很少痛哭, 不知是否這個原因, 女人通常比男人長命呢? 對於那些不是太眼淺, 不輕易掉眼淚的人, 多些留言自由講, 盡訴心中情, 也有異曲同功之用. 還有一個小貼士, 就是多與性格開朗的人走在一起, 苦瓜乾未必會變笑匠, 但肯定心情會被感染.

我曾問過身邊很多親朋戚友, 如果可以選擇, 會否想活到一百歲. 結果, 差不多個個都耍手兼擰頭. 有些擔心塊面咁皺點見人, 有些又話到時 D 朋友個個香晒好寂寞, 有些就怕住老人院. 不如各 blog 友話我知你對活到一百歲既睇法, 到你生日時, 我就知應唔應該祝你 ‘長命百歲’.

句短情長寄友人 (完)

我以這首詩作為這個系列的終結。很多謝東坡兄,坡叔,蘇軾及志摩的留言﹐帶給我無限的暖意。尤其是志摩﹐在幕後做我第一位讀者﹐給予很多寶貴的意見。本想送他們一本小妹作的詩集﹐厚五吋﹐精裝版﹐有本人親筆簽名﹐想想還是把它當枕頭用算了…

我說我句短情長﹐詩中的朋友又何常不是。不求甚麼﹐只求她看到這篇﹐我便滿足了!

情人節卻不見情人
只收到你寄來的深深慰問
(恍恍惚惚﹐惚惚恍恍)
想起那夢中情人
我要他溫柔敦厚
你要他身材夠高
黎明的曙光何時才指引
我們的情人
把我們從黑暗中接去
(恍恍惚惚﹐惚惚恍恍)
接去那溫柔之鄉
不為那綿綿情話
只為那一句:不離不棄,莫失莫忘

註﹕詩中的他並非一人﹐請勿誤會!

靚靚,Sandy,Anthony

靚靚除了送溫暖牌外,最近又送了我倫永亮,林憶蓮與港樂合作的最新演唱會VCD。這場演唱會要借Ah Ben常用那句: ”好正”來形容。聽倫唱"你知道我在等你嗎", "我為你而生" 及 "心仍是冷", 令我感動不已。他既為歌手又是創作人,雖然有點兒feminine,又在演唱會中表現跨欄動作,但這樣有才華的音樂人實在難得。演唱會選曲方面亦很多元化﹐有古典有現代,再加上一點Jazz, 很全面! 這個VCD我極力推薦!

靚靚﹐我無以為報,唯有…說聲謝謝!

生日

呢排好多人生日﹐例如八月的ZZ同LS﹐九月的花蝴蝶同我阿爸﹐十月就有我阿哥同佢個仔﹐當然重有小妹啦﹗今年非常開心﹐因為我的摯友會同我慶祝﹐十分感激。我的摯友3 個A﹐2個K﹐2個I﹐1個F﹐1個E 同1個S啦。我相信各姊妹都同我一樣非常開心﹐哈哈哈﹗ 雖然我有一些姊妹唔能夠參加﹐但係她們都好有心﹐我都好感激。真是非常想快點到啦﹗﹗

記得兩年前﹐我去了New Mexico做野﹐我渡過了一個 寂寞的生日(新曆和農曆)﹐雖然我的好友預早同我慶祝﹐但是在正日就非常忙碌工作﹐我重要返5:30am 放6:00pm (放早是因為我上司知道我生日)﹐之後就買了那裡出名的BBQ Prime Ribs 回酒店食﹐非常之簡單地渡過﹐不過各方好友同家人都有打電話比我﹐我開心都喊了出來﹐所以我話過我以後唔會在生日去了第二到做野﹐點都會留返Philly同我的好友見面﹐唔會miss﹗

重有﹐我相信呢一個會係我last posting啦﹗雖然Angie 咪返﹐但是有一D唔係禁開心的事發生了﹐所以我唸我都係到此為止﹐我好開心Angie比我有呢個機會在呢個地方講下我的感覺﹐同時我都學好了一些中文打字﹐快了小小啦﹗希望第日可以同大家見面啦。

句短情長寄友人 (二)

貼士﹕ 這位和這個blog 關係蜜切

話題不絕如滔滔江河
你說你是蜻蜓
飛過了阿金﹐到了Cold Mountain
飛過了莫奈﹐到了Warhol
從Browning 到Plath
從Bach 到Orff
納古典入現代
由Trader Joe’s 到粟一燒
初而娓娓繼而滔滔

想今夕與君侃侃
他朝君又在何方
巴山夜雨漲滿了秋池
再回頭,誰又會--
和我說那巴山夜雨時

在巴西報導

Oi!
好辛苦至可以係巴西上網,係Nova Iguacu D天氣不是太好,時冷時熱,我們幾個都病了.最初由青蛙王子先病,現在只有Anson,John 同魚太無事.希望d細菌唔好禁勁.有好多野想同大家分享.等我返來慢慢講
三朵小花,多謝你們在這短短的兩星期令到本blog收視率禁高.等我返來每人咀一啖!

Angie@Brazil Chau!