面書見

估唔到呢個部落格要關門了。我個心已經去o左FACEBOOK﹐有興趣聯絡我﹐請去FACEBOOK搵我﹗

Adobe Ideas

某一晚，鄭生攞咗阿女張相黎玩！

爆炸頭

同阿女係梳化玩完，之後就變成呢個頭啦！

矛盾曲奇

一向喜歡吃甜，曲奇是其中一款。不過怕肥，迫自己少買。

某天，見有減價（又係＂減價＂累事）買了極肥曲奇一包。


吃兩片便120卡路里。佢仲賴健康禁加咗燕麥！要跑成半個鐘至burn得番！怕肥但又想食，好矛盾！

BlogPressLite

Download 咗呢個App都一排，無乜用！近排用電話寫blog多咗，覺得呢個App幾好用！又可以post咪相唔使upload去photobucket先再搵番個link再post禁麻煩，不過就好似要放係佢個server度。

唔使錢既！算係禁啦！

希望我呢個blog可以復活重生啦！

發晒mold

無寫blog都好耐啦！發晒mold！無法啦！次次寫咗一半，跟住就有野要做，之後又會不了了之。

等我快d update下。工作方面都幾忙下！暑假好多同事放假，甘我就要backup，乜鬼都要做。好在暫時都無驚無險！

教會生活幾好，生完阿女好多野都推得就推。推推下我竟然有d掛住教主日學的日子,黎緊九月會教半堂。都有d期待！

阿女方面，五個幾月啦禁就。時間過得快到你唔信。阿女而家時時轉身。頸、背、腳都開始有力，比佢撐一野都幾係。因為未買highchair,所以仲未比糊仔佢食。不過我諗就快，因為佢見我地食野都咀lam lam，好似自己食緊禁。


生完阿女，睇既書，blog，website好多都係有關育兒。有幾個幾好，希望遲d有機會講下。

Download 咗微博個App，係用黎追星既！好睇過d娛樂雜誌！

Hello Kitty

我唔係Kitty迷，不過見到呢個crossover 幾得意下。尤其係黑白武士，隻蝴蝶結仲係度。

微搏

係唔係要注冊咗先睇得架?!


- Posted using BlogPress from my iPhone

o拿o拿聲

又返o左工一個月﹐本月內既改變係覺得自己樣樣野都好似好趕禁。食飯好趕﹐沖涼好趕﹐渣車返工好趕﹐買餸好趕...等等﹐口頭禪係“o拿o拿聲啦﹗”有時真係唔明白做乜多o左個人仔一齊生活﹐會係禁忙既﹗

每一日既生活都係差唔多﹐六點鄭生起身返工﹐我又被迫要起身﹐睇睇亞女有冇醒﹐未醒既話﹐我會o拿o拿聲起身沖涼﹐搞掂好自己就叫醒亞女起身(通常到呢個時候亞女都唔使我叫醒﹐佢都應該肚餓醒架啦﹗)﹐我又會o拿o拿聲放亞女落CAR SEAT﹐去姑姐到先食奶同換片。如果亞女六點既時候醒就會o拿o拿聲餵咪佢先去姑姐度。

放底亞女就o拿o拿聲返工﹐而家好早﹐八點幾就會返到公司﹐無乜人可以靜靜地做野。放食飯﹐如果要買野﹐寄信﹐去銀行呀禁﹐就會o拿o拿聲係呢一個鐘頭做晒佢。

到o左五點幾﹐又o拿o拿聲趕去姑姐度湊女。同亞女玩下﹐餵奶﹐換片。之後到我o拿o拿聲食飯。而家係姑姐到搭食咪﹐已經節省o左好多時間。

跟着又o拿o拿聲拎餸返屋企比鄭生食。到鄭生食完﹐就o拿o拿聲洗碗﹐有時又要洗衫。坐一陣﹐玩一陣就八點幾九點﹐o拿o拿聲搞亞女沖涼﹐又要餵奶﹐搞亞女瞓。

亞女訓o左之後﹐就到我o拿o拿聲沖涼﹐終於唔使o拿o拿聲上網﹐上FB﹐ CHECK o下EMAIL﹐ 睇下書﹐睇聖經禁。

日復日﹐週復週禁﹗真係好想知其他D媽咪係唔都係禁o拿o拿聲架? DOWNLOAD o左D星期二檔案﹐女王辦公室都未得間睇﹗﹗

鏡頭

一如所料﹐復工後工作大增﹐都唔知個D有幾個仔女﹐無工人﹐仲要返工既職業女性生活係點過既﹗

亞女其實係兩個半月既時候都開始可以瞓過夜﹐所謂瞓過夜其實係一次過瞓到五﹑六個鐘。之前未返工就由得佢夜晚九點幾瞓﹐三﹑四點起身食奶﹐之後再六﹑七點起身再食。而家復工後﹐為了大家有覺好瞓﹐點都要迫下亞女十點幾至食最後個餐﹐想佢十一點瞓﹐五﹑六點起身。頭兩日都係失敗﹐亞女九點就喊到死死下要瞓﹐但係我又唔比佢瞓。見到佢都幾慘下﹐禁細個人仔就要睇住D時間做人。

到o左星期日﹐返教會D時間大混亂﹐朝早七點食奶瞓o左一陣﹐返到主日學就醒﹐十幾幾食奶﹐上完主日學又瞓o左﹐瞓o左唔係好耐去到崇拜又醒﹐可能見得多人﹐就係禁醒下瞓下。搞到下午三﹑四點返到屋企就攰到爆﹐食餐奶呵o左屎就大昏迷啦﹗瞓到七點又再食﹐又昏迷到九點幾﹐又呵屎﹐又沖涼。沖完涼太思服﹐見佢又想瞓﹐拿拿聲開奶比佢食o左至瞓﹐好囉﹗今朝瞓到六點先起身食奶。希望呢個PATTERN可以KEEP住﹗﹗

個個生o左B都會買DSLR﹐無法... 傻瓜機影唔到﹗唯又節衣縮食都買部。多謝表姐夫﹐送o左個鏡頭比我地﹐表姐夫話呢個鏡頭影人像好D﹐對於我呢個攝影白痴﹐未睇到又乜分別﹗真係要抽D時間上網睇下部機點用﹗﹗

係唔係好多人轉玩微博

B子話而家已經無乜人寫BLOG﹐轉晒去玩微博。唔知係唔係真既呢?﹗我仲未有時間去睇下微博點玩﹐唔該識玩既朋友介紹下﹗﹗

生活依然係圍繞住個女﹐無法啦﹗仲有兩個星期就復工啦﹗到時想多D時間陪佢都無﹐唯有而家陪多D。

剛過去既兩個月亞女普通複疹﹐已經十二磅﹐屬75-90%﹐身高22.5吋﹐屬25%。係肥肥矮矮形。而家仲要每晚三﹑四點左右醒一次。不過就食少o左﹐只係食三安就夠。朝早又醒多o左﹐叫佢自己玩手指﹐當然唔肯﹗要同佢玩。有時比塊白布佢玩﹐佢都可以玩一陣。

因為亞女食BREAST MILK食得好唔舒服﹐我又好唔舒服﹐所以在各種壓力下﹐堅持唔到啦﹗﹗轉o左食FORMULA﹐無BREASTFEED啦﹗所以D書講得好o岩﹐要全人奶個B﹐真係要全家人一齊支持﹐事但一個有意見都會好易放棄。又明白多一D點解禁容易有產後抑鬱症啦﹗因為實在有太多轉變﹐又實在太多意想不到既生活要面對﹗﹗

睇番紀錄﹐到5/7就寫o左個BLOG六年﹐如果再無乜時間UPDATE﹐可能真係o係週年紀念日執鬼o左佢。轉投FACEBOOK算啦﹗FACEBOOK快夾容易麻﹗﹗

而家既FAVORITE STORE 係BABYRUS﹐星期六﹐表姐睇女﹐有時間去一去行下﹐見到PAUL FRANK有出尿片袋。拎住呢個尿片袋會唔會比人話低能架?﹗

堅持

為o左唔好比阿菜批死我要執BLOG﹐點都打幾隻字﹐堅持一下UPDATE﹗﹗

近排阿女唔再係訓﹑食同呵啦﹗醒o左之後有要求﹐要見到人﹗而且開始識得妞計﹐要人抱﹗禁我既私人時間就開始買少見少﹗雖然奶奶未走﹐仲有人幫下﹐但係要處埋既事務都好多下。

例如:要睇下見工既資料﹐雖然未有得見住﹐不過話晒好多年無見過工﹐都要練習一下。買o左部APPLE MINI﹐又要花D時間玩下。o係鄭生既要求下﹐又執下亞女D相﹐晒相等奶奶帶返鄉下。其實係想整番本MAC相簿既﹐於是又o係櫃底搵番B子係我結婚時所送既MAC相簿黎睇﹗﹗所以話o者點會唔忙架﹗﹗




奶奶星期六走﹐真係唔敢想象到時仲可唔可以上網﹗可能到時只可以係FACEBOOK見﹗

不過話時話啦﹗仲有冇人CHECK個BLOG架?我見呢排無UPDATE﹐都好似無人入過黎啦﹗﹗

相認

之前唔鍾意玩FACEBOOK﹐覺得好無聊﹐又用好多時間下。之後由唔知幾時開始﹐寫BLOG的次數少了﹐上FACEBOOK次數多o左﹗

最近因為亞女既原故﹐又開始同D失散多年既朋友係FACEBOOK聯絡番﹐好似D中學同學﹑以前GRACE既朋友﹑學生組既導師禁﹐真係滕LUNG瓜﹑瓜LUNG滕禁一個一個相認。咪話FACEBOOK既網絡唔利害﹗﹗

湊女生活依然充實﹐唔覺唔覺進入第六週。呢個星期我覺得亞女多o左清醒既時間﹐開始要人同佢玩﹐講野﹗好在奶奶未走﹐可以幫幫手睇佢一陣﹐如果唔係邊得閒有禁多野同亞女講野娛樂佢。尋晚亞女由晚上十點瞓到零晨三點﹐食o左兩安奶﹐又再瞓到今朝八點先至醒。對於呢個轉變真係好興奮下﹐十分期待亞女一覺瞓到大天光既日子﹗﹗

舊既唔去新既唔黎

前幾晚終於的起心肝﹐整理一下個衣櫃。一路整理一路自我催眠“舊既唔去新既唔黎﹐太細既唔好要啦﹗”就係禁有一整大袋衫係唔要。我所指既太細﹐其實係十個月前一直著緊既衫褲﹐雖然預o左﹐但係無諗過所有既牛褲﹐經過o左十月懷胎就一件都著唔番。已經向鄭生申請o左FUNDING﹐等暖D得閒D就去SHOP下D衫褲。多謝大家既安慰﹐話我無乜點變﹐但係自己知自己事﹐仲有七磅肉未減得番﹐其他媽媽話到返番工之後會瘦叫我唔使擔心﹐又話半年左右會回復當年模樣﹗o下﹗到時夏天﹐D肉無得收收埋埋啦喎﹗真係有D擔心﹗﹗

南澤西的日與夜 + 雜談

唔覺唔覺已經過o左四個多星期﹐剛過去的星期日已經正式出關﹐成家返o左崇拜﹐攰到呢~﹐食完午餐返到屋企成家都要午睡片刻先補得返﹗滿月食飯就等到呢個星期五去慧卿姐度食﹐因為奶奶鍾意慧卿姐﹗

而家日日都係餵奶﹑泵奶﹑換片。家人之間既話題都係圍繞住亞女今日瞓得好唔好﹐食得開唔開心﹐呵o左幾多次屎呀禁﹐無乜特別。不過唔好講笑﹐呢份工真係唔係野少﹗﹗辛苦過我原來既工作﹐所以話呢﹐生o左之後就會更加覺得父母既偉大。如果唔係身邊有唔少親朋戚友幫忙﹐慰問再加上可以時時上網﹐一定抑鬱到跳樓啦﹗

產後更加覺得IPHONE低玩﹐而且物有所值﹐當一手抱住個B﹐又或者一手泵緊奶﹐另一隻手就可以上FACEBOOK﹐睇GOOGLE READER﹐SEND EMAIL﹐上網..如此種種﹐真的可以節省唔少時間。由其是而家分秒必爭﹐嚴重缺乏睡眠狀態之下﹐可以瞓得一秒多秒﹗

除了IPHONE﹐另一生仔要買係NETBOOK。因為NETBOOK用電量比較小﹐而且輕便D﹐用NETBOOK好過我用部LAPTOP(可能係因為我部LAPTOP係VISTA﹐BOOT 機慢到瞓得著﹐又要時時插電﹐幾痳煩下﹗﹗)。 現在TVB既互動新聞網亦變成我既好朋友﹐可以即刻知道香趕新聞﹐感覺自己好似返o左香趕禁﹐好多新進記者﹐好好睇﹗﹗加上為奶奶尋找香趕節目﹐比我發現好多幾好睇既綜藝節目﹐好睇過D劇集。睇o左好多集新聞透視﹐星期二檔案﹐華子講既SO GOOD 煎荷包蛋(嘩﹗落禁多油﹐點解華妹話想食煎荷包蛋架?﹗禁肥膩﹗)﹐絕世好麵(作為麵既朋友﹐我覺得幾好睇喎﹗﹗)

想搵個靚D既尿片袋﹐搵極都搵唔到﹐最後用o左B子送比C太郎﹐但C太郎嫌太女仔既PORTER大袋﹐而家益o左我個女。好多格﹐好o岩用﹗

發o左場夢

唔POST又POST﹗未得閒寫下UPDATE﹐POST住生女過程先啦﹗怕唔記得﹐都係快快脆記下發生既過程。再過多幾個月﹐我怕我真係唔記得﹗

1.26.2010
表姐打電話問:“有冇動靜呀?”
我: “無乜喎﹗今日公司同事仲比o左過 Surprise Baby Shower 我﹗”
表姐:“乜佢地禁鬼遲架﹗”
我:“我都無諗過公司D同事會搞Shower既﹐我盡量保持低調呀馬﹗”

臨瞓前﹐我問鄭生﹐“APPLE聽日出部TABLET﹐如果阿女聽日出世﹐不如為o左紀念呢個PRODUCT﹐不如改阿女個名做APPLE啦﹗”
鄭生無理我﹐進入睡眠狀態。

1.27.2010
瞓到MIDNIGHT 兩點﹐發o左個夢(好似係見到蘇施黃﹐唔知係唔係因為前一晚陪奶奶睇SO GOOD~)之後個肚痛一痛﹐痛醒o左﹐覺得一陣暖流經過。成個人醒o左﹐即刻去洗手間﹐嘩﹗穿水﹐有D血﹐但係一D都唔痛。於是叫鄭生打比醫生﹐醫生好快打返電話比我地﹐叫我沖個涼入院。因為一D都唔痛﹐所以我可以斯斯然沖﹑洗頭﹑吹頭﹐囉住個走佬袋﹐帶保險咭﹐車牌﹐電話去醫院﹐途中仲可以FACEBOOK話比大家知入緊醫院。

其實真係唔使拎個走佬袋﹐去到醫院都要換醫院D衫架啦﹗去到醫院急症﹐靜IN IN﹐得D醫護人員。順利上到婦產科﹐登記﹐換衫﹐護士姐姐開始問我既資料﹐鄭生就搞保險咭。打點滴﹐嘩﹗痛呀﹗不過頂得住﹐比護士姐姐CHECK開o左幾多度﹐嘩﹗痛呀﹗得o個1CM﹐唔怪得完全無陣痛啦﹗容乜易又到五點﹐醫生出現﹐係道斯先生﹐佢都係好NICE既不過就好鬼粗魯囉﹗係女醫生黎﹐不過個樣真係好似道斯先生架﹗心一沉﹐以為會係佢接生﹐禁我一定痛死啦﹗原來佢個SHIFT做到早上七點﹐七點後溫柔醫生會接班﹐感謝神呀﹗道斯醫生七點前再CHECK﹐都只係2CM﹐開得禁慢﹐要食藥催生。道斯醫生問要唔要無痛分娩﹐其實心中有數已經諗定如果要催生就無痛分娩﹐如果順順利利就試下唔打epidural。 最後當然係事與愿違﹐食o左藥等到早上十一點都只係到4CM﹐我問護士如果唔落epidural﹐等陣想落要等幾耐﹐護士姐姐話放心啦﹗佢放工前一定會生得出﹐因為醫生會落多隻催生藥﹐之後佢話我知佢生o左六件﹐六件都有用epidural﹐仲叫我唔使怕用o左epidural無禁痛好D禁話﹗之後道斯醫生黎睇過我話今日好多人開肚生仔﹐如係要epidural就早小小通知﹐禁我就唔使等到死都未有藥﹐既然要用多種催生﹐都係用epidural啦﹗唔想未生之前就已經痛死﹐到時無力生﹐要開肚就唔低啦﹗

痳醉醫生好快就到﹐初初都好驚o係條腰到打D藥唔知 O唔OK 既﹗到要插條野落藥﹐又唔係好痛咋喎﹐起碼無係手打點適禁痛啦﹗係有D卑卑地囉﹗右邊無左邊禁卑﹐痳醉醫生再落多藥﹐好啦﹗兩條腿都卑晒無晒感覺﹐連陣痛都唔覺啦﹗等到下午三點﹐溫柔醫生再黎檢查﹐10CM可以生得啦﹗教鄭生扶住一邊﹐又教我PUSH。沒有感覺的PUSH﹐真係唔知PUSH o左D乜出黎﹐根據鄭生既描述﹐第一輪既PUSH係PUSH晒D屎﹑尿﹑屁﹐禁又過o左一個鐘。第二輪既PUSH﹐護士姐姐等閒就會黎PUSH下﹐無乜進展。到o左第三小時﹐咦﹗我開始FEEL到陣痛﹐乜唔係落o左藥唔痛架咩?﹗溫柔醫生話唔再落藥等我可以FEEL多D幫助生產﹐o下﹗唔係o瓜﹗禁即係無痛分娩都會痛啦﹗其實下身依然唔痛﹐不過右邊腰位就開始痛﹐痛既密度又多o左﹐去到兩分鐘一次。呢個鐘﹐護士姐姐同溫柔醫生都認真好多﹐原來之前個兩個鐘都係練習黎既。B子時時提我陣痛係十級M-COME痛﹐都係好o岩既﹐不過好彩兩分鐘痛一痛﹐個PEEK TIME又用o左黎PUSH﹐所以都唔係話會痛死個隻﹐最後就係禁生o左啦﹗以為亞女唔會禁重﹐又以為亞女會血淋淋禁出現﹐都唔係喎﹗護士姐姐將亞女放係我心口﹐咦﹗都幾重手下﹗紫粉紅色既B﹐口震震禁﹗個樣都幾可憐下﹗﹗

原先鄭生怕幫亞女剪臍帶﹐但係溫柔醫生話唔使怕﹑叫佢剪﹐o係護士姐姐同溫柔醫生既催促下﹐鄭生剪臍帶﹐事後鄭生話好似D UN UN地既腸禁﹐都唔係好難剪。之後鄭生就係禁同亞女影相﹐我個樣衰都無輪﹐唔願上鏡﹐但係點都會影一兩張。睇番D相﹐唔影相係正路﹐我當時真係腫o左一個碼﹐見到個樣嚇死街坊﹗

之後都無乜特別啦﹗過o左一個鐘等D藥力過o左D﹐比醫生檢查過無乜事就轉去兩人病房。因為成日無食過野﹐生女個時又一D都唔餓﹐生完就餓到屎啦﹗普通病房既護士姐姐聽我心跳就聽到我個胃古古響﹐之後送來一個LUNCH BOX﹐有三文治﹐薯片個隻﹐我食晒﹗﹗而亞女就送去沖涼﹑洗頭﹑磅重﹑做體檢。搞o左成日﹐終於有覺好瞓。

難為了車公

為o左唔好比人誤會個BLOG執o左﹐點眼瞓都寫幾隻字啦﹗

亞女出世後﹐如大家所料生活起了很大變化。之前都知有幾辛苦﹐但係當要晚晚當夜班﹐朝早瞓幾多又補唔返D眼瞓﹐都幾辛苦下。所以話呢﹐真係唔好未婚生仔﹐又或者做未婚媽媽﹐如果唔係身邊有老公﹑家人支持﹐真係容乜易有產後抑鬱。

本來想寫下入院經歷﹐但係寫完又怕嚇親D想生仔既BLOG友﹐所以都係唔POST啦﹗

幫奶奶搵無記新聞﹐發現原來可以網上24小時看互動新聞﹐幾好無乜停下播下﹐都幾流暢。睇到新界發哥求籤﹐又見到80後求籤﹐好好笑既﹗基本上都係睇個求籤人點解讀支籤﹐求乜都無所謂﹗﹗

仲有得睇廣告﹐見到謝偉俊賣廣告﹐笑死﹗

咸湯圓

就係上次係B子奶奶度食過既咸湯圓﹐鄭生同奶奶講起﹐奶奶話好易整﹐一定要教識我為止﹐所以尋晚就係食呢個咸湯圓做飯﹐今日又食佢做午餐﹗其實都好多卡路里下﹐因為係用糯米粉整呀馬﹗再加o左星期日買既新鮮雞﹐新鮮冬菇﹐白蘿蔔﹐蝦米﹐蔥﹐ 正正就係鄭生既口味啦﹗ 真係幾好食﹐不過我都係鍾意食甜湯圓多D﹗

悶人問同奶奶住慣唔慣呀?其實都OK既﹐因為唔係好似香趕禁﹐呢度地方大D﹐大家空間多D都無乜問題﹐佢係一樓﹐我係樓上。我係怕佢悶瓜﹗我地又無中文電台。朝早我地又返o左工﹐尋日返到屋企﹐見到個門口乾淨o左好多﹗搞到我都唔好意思﹐原來奶奶無乜野做﹐幫我地抹乾淨個門口同洗衫房﹗我叫鄭生去清潔真係叫到口水都乾晒﹐而家有人幫佢清潔o左﹐佢都不知幾開心啦﹗

只可以怪自己唔小心

都話米國既保險業複雜到無論架啦﹗

話說2008當時改用鄭生公司既健康保險﹐我如常繼續用番我個普通科醫生去撿查身體﹐問過醫生收我個新保險。但係勢估唔到﹐醫生SEND我的血去驗既化驗室係唔收我新保險。禁即係點呀?禁即係要自己比囉﹗

事件2008既時候無通知我﹐直至最近﹐收到張追數信﹐話我無比八百多元既化驗費。八百幾﹐仲要2008既事﹐邊到會記得做過D乜啦﹗好在而有INTERNET﹐有電腦系統可以CHECK番﹐不過回到2008既時候﹐保險公司唔再受理﹐化驗公司又話知你死﹐一定要收足數﹐我都費事打去比以前個醫生診所鬧佢啦﹗SEND錯晒D地址同保險資料。

黎緊將會睇多次醫生﹐又要出入醫院。以前覺得鄭生問保險既野﹐問得禁詳細好煩﹐而家我唔會話佢煩啦﹗因為我會學佢一樣問完又問﹐問完再問去保證我個保險係包﹐先至會比佢地去驗去CHECK。

QQ雞

要鳴謝姊妹送贈的一張名片﹐這張名片還好過眾多的優惠COUPONS。當然仲有借給我們的影碟﹗



事原奶奶星期六安全到步﹐已經問我們在那裡買新鮮雞。聽就聽o左好耐仍未有機會去買﹐其實黎o左米國禁多年﹐都已經忘記新鮮雞是什麼味道。估唔到現在竟然可以吃到。而且價錢比想象中便宜﹐一只黃毛雞﹐大概十元﹐兩只竹絲雞也只不過是十五元。而且還有去皮﹑去肥﹑斬件服務﹐好合我心意。唔使自己切到死﹗所以吃完午飯就去買雞﹗

買完雞再去四街的中國人超市﹐又係第一次去﹐都好大間o下﹐而且有停車場﹐唔使好似係強人街拎住D重力力既餸由街頭行到街尾﹐唔錯﹗唔錯﹗

奶奶買o左好多菜﹐又買魚﹐好豐富禁﹗不過今日第一餐都係我煮﹐無為要佢老人家禁辛苦﹐清清地﹐兩個清炒菜﹐一條蒸魚再加豆腐蒸蛋白﹗﹗係唔係好清呢﹗﹗

正在讀什麼

自從要每星期見醫生﹐生活好像忙碌了一點﹐時間亦過得特別快。在等醫生的過程﹐學識了用電話看新聞﹐CHECK FACEBOOK﹐上CHAT﹐睇VIDEO﹐睇DOWNLOAD書﹐節省了不少時間。終於明白點解禁多男人係個MALL度將部電話按來按去﹐如果無o左電話上網﹐真係浪費好多時間﹗﹗至於生得未?? 大家請放心﹐仲未﹗仲有一個星期﹐希望唔使催生。

因為電子科技發達﹐用了DATA PLAN之後﹐都是想盡辦法可以用到個電話盡為止。最近試玩了AMAZON的KINDLE IPHONE APP﹐幾好﹗都有好多書係唔使錢既﹗時時見到D雜誌話今期電子書應該會好HIT﹐禁又係既﹗D書又重到死﹐網上買又要等佢寄來﹐如果可以即刻有得睇﹐D書價平過紙印﹐仲要如果係睇成寸幾兩寸厚既書﹐真係睇電子書好﹐唔使重力力帶出街﹗ 不過二百幾蚊買KINDLE﹐我就唔買架啦﹗等APPLE出TABLET好過啦﹗ 唔知下星期蘋果部TABLET會唔會又成為至HIT電玩﹗到時就無人提KINDLE﹐NOOK﹗

除了玩KINDLE﹐仲有玩GOOGLE READER。之前都係用IGOOGLE 定閱D網頁﹐以為這樣可以節省時間﹐最近發現原來可以用MOBILERSS﹐將自己鍾意睇既網址加入GOOGLE READER﹐就可以一次過睇UPDATES﹐無論係電話睇﹐上網睇都得。唔使再去BROWSER CLICK 黎CLICK去﹗好鬼方便﹗仲可以FOLLOW 其他人睇既野﹐我就FOLLOW o左CREAM頭同板頭﹗GOOGLE既一條龍服務真係方便到暈﹗﹗

美源髮彩

前幾日奶奶打黎問我呢邊有冇美源髮彩賣﹐真係考起﹗無係呢度買過﹐不過依稀記得A媽以前都係用美源髮彩。其實老外牌染髮水大把﹐去TARGET﹐WALMART買就得啦﹗奶奶會下星期到訪﹐佢話如果無得賣﹐會係芝加哥買定兩支過黎用。而家搭機好多野都唔比帶上機﹐我地叫佢唔好帶過黎﹐係呢邊買就得啦﹗希望呢邊有美源髮彩賣﹗


諗起曾江個經典廣告

米線

自從七月上楓葉國發現有小橋米線﹐有D後悔無買多D回來﹐一PACK得四包﹐容乜易食晒呀﹗

聖誕前﹐姊妹ZA話NY有得買啦﹐幫我地買o左一PACK﹐唔夠一陣又食晒啦﹗ 今次呢包係上兩個星期去剪髮既時候買既﹗雪菜火鴨絲味都幾好﹐都係榨菜肉絲味好食D﹐下次如果有車又唔係禁凍真係要買咪個蕃茄味試o下﹗都貴貴地成$3.2一PACK﹐ 得個四包﹗﹗

我知阿靚又會話大肚婆唔好食呢D什麼榨菜雪菜既PRESERVE食物﹐不過當一個人又唔想食其他野﹐天寒地凍﹐食包呢D米線真係方便到暈呀﹗

蘋果魅力

B子批死我﹐買o左個iPhone之後就會想買咪部MAC機全線擁有蘋果品牌既產品。

用了一個月既iPhone﹐的確對於我這等普通人﹐iPhone真係好易用﹐又好似好多野玩(最重要係好多都係FREE既﹗o岩我呢D CHEAP人)。好鬼OUT禁﹗最近先發現有樣叫做iTune U 既項目﹐來自各大學院﹐好多好特別既科目都有。好似點寫iPhone APPS 既又有﹐學習BIBICAL HEBREW又有﹐學日文既又有﹗﹗唔使錢﹗﹗DOWNLOAD黎睇就得啦﹗我求學不是求分數﹐唔使錢有得睇至o岩我﹗

而家睇緊寫APPS個個CLASS﹐但係要有MAC機至可以試玩。搞到我真係想買部MINI玩下。而家要諗下有冇辨法說服鄭生比我買﹗﹗

天氣既野﹐真係估計唔到

天氣報告話今早會落1至3吋雪﹐於是在想﹐不如WORK FROM HOME 啦﹗唔使凍死﹗‘線’死﹗點知之後原來天朗氣清﹐D雪到下午都溶鬼晒啦﹗

工作並沒因WORK FROM HOME而減少﹐反而好似多過平時﹐唔知係唔係老世怕我o係屋企蛇王﹐都要做到六點先收得工。鄭生今日唔使返工﹐仲問我可唔可以蛇出去食BUFFET﹐更係唔得啦﹗最後佢走o左去買PIZZA 乞返黎食﹐食足兩餐。成日就係坐係部腦前面做﹑做﹑做﹗真係唔健康﹗﹗

因為WORK FROM HOME﹐可以開下D ONLINE RADIO 聽下﹐好耐無聽﹐商台好悶下﹐叫D人打去講野~﹐聽新城仲悶﹐第一次聽o卑梨﹐打電話入去既多數係移民。唯有開番D只係播歌既ONLINE CHANNEL。 其實而家除o左晴朗﹐仲有冇D好聽既電台節目架?﹗

最新動向

最近無乜動力去UPDATE個BLOG﹐可能係因為日日都好唔PRODUCTIVE﹐排都排唔到時間去UPDATE下。放工>買餸>煮飯>洗碗>沖涼>再上o下網就已經十一點﹐夠鐘訓啦﹗

見我仲可以打禁多隻字﹐就知我未生得既﹗不過唔知係唔係比人問得多﹐都發過幾次生仔夢﹐因為瞓到o蒙查查﹐都唔知係真胎動定係假胎動﹐搞到我無覺好瞓。雖然唔會由五十開始COUNT DOWN﹐但係日子臨近都咪話無壓力。野就準備得七七八八架啦﹗要買既床仔話無貨﹐CANCEL o左我地既ORDER﹐搞到要o拿o拿淋事事但買過張﹗要搞既產假申請﹐因為唔知邊日係個B出世日子﹐所以又要HOLD住﹐煩到呢~