收爐

唔覺唔覺又過o左成個幾星期。B子回歸雖然只係短短逗留數天﹐但係日日都好充實。同小C子﹐E太郎玩下。畫下畫﹐睇下Thomas Train﹐之後行下MALL禁又一日﹗難怪要照顧小朋友的全職媽媽時常說時間會過得好快﹗

放完聖誕﹐公司仲有好多人放緊假﹐好靜﹗﹗但係D MANAGEMENT為o左迎合客戶既需要﹐有好多RELEASE想趕出街﹐最後搞到大家要返工既日子多o左好多野做﹗仲以為可以收爐﹐點知放假前仍然要做到七點幾至走得﹐可能相比香趕呢D時間係正常﹐但係我呢D懶蟲公司﹐五﹑六點D人就走晒啦﹗邊到會有人留得禁夜呀﹗之後仲要十一﹑二點回覆D EMAIL至搞掂﹗如果唔係諗住係收爐吉日﹐真係未必會做到禁夜﹗

尋日同今日就放咪D假﹐尋日出NY諗住產前剪短D頭髮同咪行下UNIQLO。凍到呀媽都唔認得﹗戴晒帽頸巾都好冷下﹗D鼻水不停禁流。凍到禁﹐都無影到相﹗頭髮剪o左好多﹐回復中學時代既短髮。爽晒﹗好易打理﹗連洗頭水都可以用小D﹗﹗

UNIQLO超多人﹐尋日都算係閒日﹐但係排隊比錢排o左成廿分鐘﹗唔算勁減都禁多人﹗如果佢好似GAP禁上市﹐我一定會買佢﹗見到香趕好多人提及既199羽絨﹐D COLOR 係幾SHARP 既﹐不過我覺得太薄呢邊未必夠用﹗反而+J D絨褸 $70 幾就有件都心郁郁﹐不過而家禁既身世﹐完全無MOOD買衫﹗﹗

之後行返去唐人街﹐食吊片肉餅煲仔飯 + 薑蔥魚頭煲﹗好好味﹗鄭生唔飽要加多個咖喱牛尾煲﹗食淨半煲打包返屋企。

假期前的最後星期五

印度同事提議慶祝聖誕﹐同事們一同出外午餐。

平日大家都是各自帶飯﹐為要與同事們多一點溝通﹐這種飯局唔想去都要去下。因為係印度同事提議﹐所以食印度包肥。係南澤西﹐都幾多印度包肥餐﹐其實唔算好貴﹐$13.5。不過與中國包肥相比﹐真係少好多野食。食黎食去都係咖喱﹐有肉得兩種:一係雞﹐一係羊。反而我幾欣賞D雞心豆咖喱。

食完飯﹐與同事吹水一番﹐個個又問我幾時生得﹐佢地又講下佢地D湊仔心得。容乜易又個幾鐘﹐食飽一陣咖喱味返到公司!

年尾

話禁快又到年尾﹐今年亦不例外﹐B子一家會到訪﹐所以一早請了假。又請了假過年﹐這樣還有明天要返工﹐聖誕之後再返兩天工﹐就可以收爐﹗諗起都開心﹗﹗希望可以在全無工作動力下平平淡淡渡過﹗

假期總是食﹑食﹑食﹐為o左唔好增太多磅數﹐這星期都以蒸餸為主﹐亦係無飯夫妻﹐昨晚弄了芋頭蒸排骨+豆腐牛肉+烚菜﹐不過聽聞芋頭都幾肥下﹐而且吸收了排骨既精華﹐味道OK﹐不過我諗唔可以時時食。幾天前又買了火雞餃肉和豬餃肉﹐今晚會試下將兩者結合加冬菇粒黎蒸﹐希望唔會好似淨豬肉禁肥﹗﹗我知D餸唔肥唔好食﹐但係太好食又話唔健康﹐真係人生一個大矛盾﹗﹗

多謝晒﹗我唔客氣啦﹗

剛過去的週末﹐雖然天氣唔係話禁好﹐但係好多謝一班姊妹安排既SHOWER﹐我厚面皮﹑唔使SURPRISE我﹐當然o係禮物與禮金之間我比較鍾意後者﹐而且你地又唔使諗暴頭要送乜﹐不過你地送既我一定鍾意﹗﹗仲有星期天的夫婦團契送既禮物﹐我地唔係時時參加﹐你地都送禮﹐真係搞到我都唔好意思收﹗仲有大家寶貴既湊仔經﹐真係買都買唔到﹗放心啦﹗單身團契我地唔去得架啦﹗點都會升團。仲要多謝其他弟兄姊妹﹐有遠方既﹐近方既﹐你地既禮物﹐我代我肚入面o個個多謝你地﹗﹗

多謝完畢﹐又要多謝CREAM頭個“下流上游”LINK﹐因為鍾意睇新聞透視﹐由佢個LINK﹐仲比我搵到萬千星輝頒獎禮﹐本來唔諗住睇四奶奶同柴九﹐但係有o係到就睇咪啦﹗我覺得李添勝實至名歸囉﹗

情迷蒸肉餅

最近時時想食蒸肉餅﹐好啦﹗今晚本來想買外賣既蒸肉餅飯﹐不過賣晒﹗禁不如買餃肉自己蒸啦﹗再買o左樽冬菜﹗原來真係好易整~下次唔使再係唐人街買呢個餸﹗

加過粉絲菜﹐加咪Za姐既靚湯﹐買o左個支竹羊腩飯﹗成為三餸一湯既晚上﹗﹗

唔覺唔覺﹐D時間快過到呢

當晚晚有野做﹐D時間真係過得快到你唔信。

週末﹐報讀了摩西五經。最初都怕自己頂唔順﹐要坐成廿個鐘聽書﹐個肚又頂心頂肺。雖然中途都有D攰﹐好似每次食完飯都會想瞓禁﹐不過﹐好好彩有三位姊妹一整報讀﹐聽唔到可以問返佢地﹐再一次睇到人唔可以獨家村﹐有其他人陪著係開心好多既﹗咪就係聖經話“那人獨居不好囉﹗﹗”馬牧師又教得好好﹐如果可以用廣東話教仲好﹗好可惜本城粵語人喜歡上這類課的不多﹐不能獨立開班。下一次既課程係周牧師既基督論﹐下年四月﹐唔知仲可唔可以報讀﹐希望可以啦﹗﹗
因為課程是密集式﹐星期六﹑日的膳食都在唐人街解決。發現唔係好多間食市可以一食再食﹐不過多人悶人既介紹發現到蒸肉餅飯﹐真係唔錯﹗麻煩在要等好耐o者﹗

星期一﹐經過之前既三日腦力透支﹐返工都幾攰下。又要放早上瑜珈﹐話禁快仲有一堂就完。番到屋企諗住o拿o拿淋煮飯﹐好在鄭生CALL到﹐話要去BB R US買GIFT CARD比同事﹐又唔煮得飯啦﹗買完全GIFT CARD﹐食墨佬野﹐去番CHILIS食廿蚊餐﹐鄭生要了MINI TACO﹐我叫番燒雞通粉。個MINI TACO真係好細下﹐但係我就食唔晒個燒雞通粉﹐可以打包做第二日既LUNCH。超飽回歸﹗﹗

星期二﹐如常上班﹐之後要覆診。嘩﹗人多到呢~唔怪得D醫護人員個個都面黑黑啦﹗我早到o左十分鐘都要等o左45分鐘先入房﹐又係見唔夠五分鐘就出番黎。上次驗血糖OK﹐但發現鐵質唔夠﹐要食鐵丸。我已經食多o左肉架啦﹗特別係牛﹗D媽媽們又叫我唔好食禁多牛﹐食得多牛會無得去廁所(我覺得食番多D菜平衡番就得﹗)。所以話呢﹐如果聽晒所有意見去食野﹐我諗我會更加營養不良﹗﹗

感恩節的感恩

禁又過o左幾天的感恩節假期﹐的確十分感恩。節日中食o左好多野﹐睇o左好多電視﹐ 瞓o左唔係好多﹗﹗

星期四晚﹐家人聚餐。最暢消既係焗雞翼﹐食剩最多既係排骨同火雞胸。禁樣睇黎出年如果再搞家人聚餐﹐都應該唔會整火雞胸﹐至多整火雞腿。不過之後用火雞胸煲又真係好好味﹗食完飯﹐家人們就開始網上購物行動﹐等待BLACK FRIDAY 既來臨。不過未到BLACK FRIDAY﹐所以價錢企硬。

星期五CHECK BLACK FRIDAY ON SALE既野﹐好啦﹗大減特減﹐豪買了嬰兒車﹐ BOUNCER﹐遲o左起身已經買唔到床仔。仲有出o左兩部電話﹐財散人安樂﹗﹗是夜有幸被要請到CREAM氏夫婦家晚宴﹐所以去了車喱山MALL走一趟﹐人頭湧湧﹗o係米國真係好少見到禁既場面﹐行o左一陣無野想買﹐又熱又焗﹐於是逃離現場去BARNES & NOBLE睇雜誌好過﹗睇o左一陣﹐CALL板頭﹐殺上CREAM家﹐唔係第一次到訪﹐不過仍然唔記得房號碼﹐唯有CALL CREAM頭落黎開門﹐辛苦晒﹗等咪其餘兩PAIRS﹐傾下﹐食下﹐笑下﹐打機﹗﹗一樂也﹗

星期六鄭生要幫朋友搬屋﹐我因為太攰﹐留番係屋企上網睇宮心計﹐睇o左幾集﹐集集都會重複乜野係三好﹗都幾洗腦下﹗都好既~而家既城市人都係需要多D呢種再教育﹗﹗ 不過正如華子話齋﹐呢個世界有冇人會好似佘詩曼個角色禁好得交關架?仲要係好人有好報喎﹗

星期日﹐受洗+福音主日﹐唔知點解次次見到有人受洗都會好感動。希望各位受洗既弟兄姊妹﹐好似麥牧師禁講要長進﹗﹗ 之後去o左櫻花食飯﹐都幾好食既﹐細細碟﹐都貴貴地啦﹗食o左D上海菜﹐圓蹄OK喎﹗至好食都係三杯雞﹗﹗

BLACK FRIDAY

這幾年的BLACK FRIDAY 都不在本市渡過﹐今年總算不用回鄉探親。於是上網睇睇BLACK FRIDAY 有乜野減價﹗當中真係有好多好低既DEAL。不過相機又未壞﹐電腦又有啦﹗禁又無理由再使錢買既﹗所以而家都係得個睇字﹗仲要一路睇一路忍﹗﹗

心郁郁想買電話

收到公司送既十年木牌﹐時間飛逝﹐禁就獻出o左我既黃金十年﹗﹗木牌背後竟然貼有一張400大元既GIFT CERTIFICATE。哈哈哈﹗雖然我鍾意現金多D﹐不過﹐好過五年服務既禮物包。

有錢就身痕(阿大劉話既)﹗﹗個腦即刻浮現出想買既IPHONE﹐係好OUT架啦﹗不過仲係十五﹑十六﹗﹗唔知好唔好買﹗﹗之前想買BLACKBERRY﹐不過問o左好多人都話唔好買﹗﹗用緊IPHONE既同志﹐好唔好買呀?

之後CHECK下張GIFT CERTIFICATE﹐好多地方都用唔到既﹗﹗唔係間間SHOP都收﹗﹗一場歡喜一場空﹗﹗可能用張GIFT CERTIFICATE 買KITCHEN-AID算啦﹗﹗

臨放工李老闆打電話黎傾o左兩句公司既是非﹐搞到成六點八至走﹐即刻飛車番屋企煮飯﹗昨日晚餐

芥蘭牛 + XO 醬炒意粉

家居急救常識 - Don't Panic

雖然我唔係醫護人員﹐但係就越來越覺得每個家庭成員都需要學一些家居急救學既知識﹐就算唔識急救都要識一樣野"Don't Panic"。

話說鄭生個鼻一向都會好易流血﹐佢又時時多手搞佢﹐令流血的情況越來越嚴重。有見及此﹐我哦o左佢好耐要佢睇專科醫生﹐前個星期終於睇o左。佢話醫生放o左D藥物入鼻﹐令佢唔係好舒服﹐不過醫生話過幾日D藥會自己出番黎唔使擔心。

就係尋晚食完肉球意粉﹐佢又係到搞個鼻﹐終於個鼻又出血。初初都無乜野﹐佢用D紙塞住佢都無流血。禁我就去梳洗啦﹗沖到一半聽到鄭生大叫話好多血。搞到我要o拿o拿淋沖咪個半去睇下佢乜野事。好在我以前中學時代學過下D急救既常識﹐一睇之下﹐係D血不停禁滴﹐但係唔係水柱個種﹐禁我咪要鄭生坐定﹐用手同D紙按實出血地方等半個鐘﹐睇下仲有無流啦﹗

雖然按o左半個鐘仲有流﹐不過無好似個水喉禁滴滴滴都已經好好啦﹗所以Don't Panic真係好緊要﹐就算唔知點做都要識得打電話CALL白車﹗

見佢個騰雞樣﹐我真係有D擔心﹐佢係產房會唔會暈低﹗

今日借o左

天陰陰﹐毛毛雨﹗﹗

本週末鄭氏劇場會睇﹕The break-up﹐舊野黎既﹗仲未睇﹗

尋晚開會﹐樑木講起呢本書 The Case for Faith﹐見圖書館有﹐借咪番屋企睇﹗

仲有WARREN BUFFETT 既 THE SNOW BALL﹐好鬼厚﹗都係借AUDIO BOOK 好﹗

網上購物

網上購物其實唔係新鮮﹐不過就好似只有外國才盛行﹐香趕買野實在太方便﹐而且時時都有減價﹐唔使係網上買平野﹗﹗
之前一路搵﹐想買對無尾波鞋﹐方便出街唔使著鞋著得辛苦。去OUTLET見唔到﹐去KOHL’S﹐ TARGET﹐TJ MAXX個D都無﹐唔知係唔係就快冬天換季﹐定係已經唔興OUT晒﹗一路都搵唔到﹗今朝先醒起﹐可以去SHOEBUY.COM睇睇。

初初去錯o左SHOES.COM﹐發覺D價錢比SHOEBUY.COM貴$5 左右一樣款式。好在發現得快﹐去番SHOEBUY.COM買。到選o岩﹐又再搵下有冇網上COUPON﹐嘩﹗有20%OFF COUPON﹐SAVE番10蚊﹗唔使SHIPPING﹐唔o岩可以退換﹗真係好方便﹗﹗

南瓜月

十一月是吃南瓜的季節﹐今年多了位農夫弟兄﹐又有新鮮南瓜食﹗


不過切南瓜很吃力﹐唔似冬瓜﹑節瓜禁易切﹗我又無大菜刀﹗

我用這南瓜燜了豆豉排骨﹐因為本週比較忙碌﹐晚晚都有節目﹐這味餸應該可以食成個星期﹗﹗

如果可以住係車喱山

星期一如常早返工﹐早放工去大肚瑜珈﹗到o左第三堂﹐D女人開始發揮本色~雞啄唔段。五點開始﹐大家一路傾下D流感針荒﹐背痛問題呀禁﹗就講到五點二先開始。五點五十五就完啦﹗

老師問我住得禁遠都黎上堂?禁我係附近返工呀馬﹗

其實平時買餸﹐買其他野都係o係公司附近。車喱山都間唔中去下﹐而家上瑜珈﹐生仔堂都係o係車喱山.我都覺得好方便。乜野都有齊﹐唔似我住個度係荒山野領。如何唔係地稅貴﹐鄭生返工遠﹐樓價貴﹐我都想住車喱山﹗

完o左三福

星期六都做o左好多野﹐上晝去驗血﹐飲o左一支糖水﹐甜到呢~希望無超標(後來D媽媽們話第一次驗多數都超標﹐最後可能要驗多次三個鐘既測試﹗真係希望經過鄭生既非一般飲食訓練既我可以一次過PASS) 之後買BAGEL﹐整大早餐。


下午無驚無險終於都完成三福﹐之前板頭問若果考試唔合格O唔OK。禁其實學三福又唔係為o左考試﹐唔合格唔使死﹗不過真係好耐無考試﹐心情有D緊張﹐就連肚入面個個都緊張咪﹐星期五晚都無乜點訓﹐係到轉﹗

考完三福個個都話好肚餓﹗ 順便都要謝師既﹗﹗ 去了弟兄相熟中日餐館開餐﹗四時半出發﹐以為有大把時間﹐可以趕及七時團契﹐點知出餐好慢﹐眾女子又想食咪甜品至走﹐最後滾水淥腳﹐飛95公路﹐又遇到塞車﹐真係呢~唔好意思遲大到﹗﹗




晚上團契﹐陳牧講“應唔應該係教會講潮語”﹐因為遲到﹐大家已經好投入討論啦﹗又見到板頭同CREAM頭對打﹗好好笑﹗不過一聽個題目就知﹐負方會好難講﹗雖然最後係正方羸o左﹐不過我就覺得負方表現得出色D﹗可能正方既同學對聖經既認識唔係話好深﹐都無用聖經督負方﹗就係輸o左係呢度﹗﹗

完o左團契返到屋企﹐沖完涼就訓到死屍禁﹗半夜差D唔使去廁所﹗﹗

我懷疑睇唔睇得晒﹗﹗

首先要多謝身邊每一位給我意見的朋友﹑弟兄姊妹﹑長輩﹗人家與你非親非故卻每次見面都會慰問一番﹐雖然與這姊妹並不太熟識﹐但她卻借了這些書給我﹗希望可以好好的讀一下﹗﹗

考試+背默

已經好耐無考過試﹐仲要背默既﹐可能要數返大學要TAKE既歷史課。背書係我既弱項﹐由細到大都唔鍾意背書﹐所以亦因如此最後選了理科﹗

最近因為參加了三福﹐初初以為學多樣野係好既﹗既然唔識向人傳福音就學啦﹗估唔到由七月開始﹐一讀就讀到而家十一月。無諗過會讀禁耐之餘﹐亦無諗過原來自己既記性又再一落千丈﹐因為三福都要背幾多野﹐有經文﹐有大綱﹐真係有D壓力﹗ 好啦﹗明天是最後一堂﹐有大考﹗今晚要好好背咪D書﹐希望明天可以嘔返出黎﹗﹗

改名

原來改名好難﹗我才疏學淺﹐識字又唔多﹐想用既字用黎做名又有D怪﹗英文名既組合又唔多﹐要改到用其他語言﹐又好似浮誇o左d。

最近開始被人問及會改乜野名﹐講真仍然無乜頭緒﹗當然唔會用了華華的Precious 慕文﹐什麼欣宜﹐秀文﹐希兒都唔會用啦﹗

如果要改D好聽但無乜意思既名﹐身邊既朋友名字好多都用o左﹗如果要用聖經人物呢?!個範圍仲窄﹗﹗

之前鄭生話佢會改英文名﹐中文名留番比我﹐但係佢上網睇完D NAME LIST﹐一個個比我否決晒﹗真係佩服D小說家﹐改D名禁鬼型﹗﹗

萬聖節無乜特別

今年唔派糖﹐唔留係屋企避開萬聖節﹐感覺良好﹗只係去到唐人街買飯見到不少小朋友去D餐館 trick or treat。D小朋友一D都唔得意﹐好多都係志在拿糖﹐所以講真見到有D煩﹐而且還下著毛毛細雨﹐更加煩上加煩﹗

星期日 DayLight Savings, 撥慢一粒鐘﹐雖然多了一小時﹐但五點幾就天都黑晒﹐乜MOOD都無晒﹐又要適應天黑黑的日子。

係唔係又販賤呢﹗D無劇又要睇又要鬧﹗﹗之前睇o左一集攻心計﹐見到禁多女人﹐個樣又似長今﹐真係無晒心機去睇﹗富貴DOOR﹐ 尋晚睇o左一集﹐全部都係老戲骨﹐雖然我都唔後生啦﹗但係睇完第一集覺得自己好似後生o左﹐呂良偉演四十歲既男人﹐袁靚靚都係三十歲鬆D﹐做人呀妹﹗家燕媽媽就慘D﹐大呂良偉唔係好多就要演佢阿媽﹗我覺得好似睇緊十年前既創世紀差唔多﹗﹗

經姊妹極力推薦﹐報了大肚瑜珈班﹐唔係好貴﹗$64/8堂﹐個老師教得好好﹐雖然要早放工去上堂﹐但係上完真係成個人好思服﹗每次上完課個晚都會訓得好好﹗就算對生既時候無幫助﹐我都誠意推薦比各位姊妹﹐他日大肚都去TAKE o下呢D Class﹗

ABC 茶餐 + 販賤

唔知係唔係真既﹗移o左民既香趕人骨子裡總係好想食個D ABC茶餐。但係無奈本城附近(去到紐約都唔覺有)無一間好味既茶餐廳(聽聞係維真尼亞個邊有間好D既﹐不過車程都要三﹑四個鐘) 唔通開間好食既茶餐真係禁難?﹗

話說﹐本城最近又有一間自命趕式茶餐開張﹐於是星期日完了崇拜就大伙兒話要試下間新野。雖然有姊妹I話間自命趕式茶餐唔掂﹗但係我地唔信點都話要試下﹐好啦﹗販賤既時刻來臨﹗

經典既侍應姐姐﹐每落單一樣野就問我地幾錢架﹗係邊到架﹗真係呢~啤一聲﹗﹗

姊妹叫o左白汁唔知乜野焗飯﹐佢地話無白汁。禁改為黑椒豬排飯啦﹗出到呢~個黑椒汁有D怪﹐個飯又唔熱﹗

姊妹們叫o左奶茶咖啡﹐我無飲呀﹗不過佢地話好麻麻﹗﹗

姊妹叫o左窩蛋牛肉飯﹐但係因為D飯唔熱﹐隻蛋真係好RAW﹐我又無食﹗

我叫o左個鮑魚汁乾燒伊麵﹐D麵碎到呢~個鮑汁味有D怪怪﹗

仲有比我地笑呀靚靚叫既餐蛋治﹐出到呢~咦﹗得個荷包蛋治既﹗片餐唔知去o左邊﹐真係笑死我﹗

混醬腸粉﹐食得出係丁熱過囉﹗好彩有芝麻醬﹐都幾OK既﹗

滷水牛湯意﹐都OK既﹗無乜特別﹗

沙爺牛公仔麵﹐係個麵淰o左小小o者﹗

最正常既就只有個西多士﹐內有花生醬既﹗算係全場至好味架啦﹗

總結呢個販賤經歷﹐我深信呢間趕式茶餐應該唔會開得好耐~唉﹗好味既茶餐唯有等

1.去加拿大食
2.去加州食
3.返芝加哥食
4.返香港食

一拖再拖

原來寫BLOG唔可以拖﹐一拖就開始唔想寫﹐而且新野不停發生﹐真係拖拖下都唔知由邊度講起。

一向唔鍾意放題﹐但係偏偏鄭生又鬼禁鍾意﹐所以間唔時都會去佢認為好食既放題放肆一下﹗我覺得米國既放題大多數都係唔好食﹐米國人CHEAP﹐貴既放題唔捨得食﹐人家將價就貨﹐變了一大堆都要十幾蚊落樓既祖國放題。至於食壽司放題﹐得個一兩間﹐閒閒地亦都要廿蚊落樓﹐晚市更加去到成三十蚊位﹐我寧願去D貴餐廳叫餐好過啦﹗

好啦﹗講下上星期五去過既新開張壽司放題﹐以十多元的午餐來說﹐算係抵啦﹗門口寫十一時半開﹐我地十一點九去到﹐D野食先o岩o岩出﹐見到幾檯外國人都係坐係度等﹐只有鄭生第一個去睇下有冇野食﹗真係失禮街坊﹗食到十二點半﹐D野食先出齊﹗

鄭生同我都唔食生野﹐果D三文魚﹐吞拿魚既壽司無食﹐所以唔知新唔新鮮。食D熟既ROLL﹐即係富貴超市賣既7元8粒熟ROLL呢﹗都有四﹑五款選擇。我反而對熱食比較欣賞。有蝦﹑有蟹﹑有蜆﹐無食﹗不過睇落都幾好既﹗鄭生食o左幾多蜆﹐因為唔係個D豆豉醬蜆﹐而係好清既蒜容蜆﹗ 魚有四款:薑蔥龍琍﹐teriyaki三文﹐炸flounder卷同甜酸flounder卷。唔知係唔係祖國人開﹐始終都會有D蒸物﹐好似燒買﹐蝦餃﹐仲有奶皇包﹗ 湯例牌都有酸辣湯﹐蛋花湯同麵豉湯﹐鄭生好衰﹐BUTT 了碗有很多紫菜的麵豉湯。BUTT 晒D渣﹗﹗





甜品唔係太出色﹐不過都有紅豆雪糕﹐綠茶雪糕﹗當然唔係話好好食﹗紅豆雪糕無紅豆味﹐綠茶雪糕無綠茶味﹗但係有鄭生鍾意食既糯米慈﹐鄭生食o左三個﹗總括不太識食既鄭生就好滿意啦﹗我都覺得OK﹗話晒十一蚊一個人想點呀﹗



食完LUNCH就去JACKSON個OUTLET MALL﹐個MALL唔係好大﹐不過都有晒我要行既店舖。因為有雨天陰陰﹐行一陣又無乜野減價就返屋企訓啦﹗晚飯都只係飲湯就算啦﹗可能食到o齊o左﹗﹗

食舊餸的晚上

昨晚因為家中還剩下舊餸﹐鄭生今天又不用帶午餐﹐所以晚餐我只吃了湯渣+兩粒餃子便飽﹐省時省力。八時已經可以安安樂樂上網看FACEBOOK﹗

睇睇下﹐諗起前幾日買了幾個蕃薯。因為在靚靚生日飯吃過很好味的蕃薯伴碟﹐想試試自己整一個。材料很簡單﹐蕃薯+粟米片。因為怕肥﹐無加牛油﹐只係加了少少黃糖去焗。係無禁香﹐不過都OK喎﹗﹗算是飯後甜品﹗﹗


唔知呀靚仲記唔記得佢送既兩個花盆?

近排好懶﹐好耐無真真正正拎起本書睇﹐食完甜品想睇書﹐拎起本陳濟民既“保羅神學的十堂課”講因信稱義與信徒行為既矛盾。希望有心機睇晒佢﹗﹗

雨過天晴之後

過了三天又凍又濕的天氣﹐好天氣終於回來。這幾天都忙忙地﹐事原老世唔記得借o左我比TESTING﹐但又安排我其他工作﹐就係禁﹐一人分演兩角﹐要係D休息位做咪TESTING組D野﹐好在死線是下星期﹐仲有時間﹗﹗

週末因為天陰有雨又凍﹐雖然放假但係都無乜出街。唔出街係屋企就會身痕整野食﹗﹗

星期五的午餐整o左焗三文魚+炒意粉

星期五的下午茶﹐見支豆漿要飲就快過期﹐整了豆腐花。就禁買支豆漿整豆腐花都OK喎﹗不失為一個偷懶既方法﹗﹗


差D唔記得﹗﹗多謝菜氏夫婦既禮物﹗﹗好鬼潮﹗﹗好鍾意﹗﹗我會用佢去儲o個四百萬﹗﹗祝我成功啦﹗﹗

放假之後

唔知係唔係哥倫比亞日訓得多o左﹗之後個日訓得好差﹐醒o左又訓唔番﹗唔通真係食幾多﹐訓幾多係整定既??

自從鄭生與同事CARPOOL返工後﹐朝朝未夠六點就要起身﹐連累我亦被嘈醒。平日攰到隻積禁就可以訓番﹐一夠訓就訓唔番唯有起身﹐早D返工。

因為早起﹐食完午餐就想訓﹐再出去行o左陣﹐就更加想訓。捱到五點幾都係頂唔順早D收工﹐返到屋企﹐已經見到鄭生訓o左﹗ 我~為免夜晚又訓唔著﹐當然係去煮飯叫大少食飯﹐之後睇三福﹐玩o左一陣CAFE WORLD (又話無聊又要玩﹗﹗)都搞到十一點至訓。攰到呢﹗訓到好似死屍禁﹗今朝又回復八點先起身既情景﹗﹗

睇呢我都係賤命一條﹗﹗

哥倫比亞日

今日都做o左好多野﹐成十二點先起身﹐CHECK o下CAFE WORLD﹐FACEBOOK。煮個麵食D舊餸之後就去CHERRY HILL MALL 行下。想買運動褲。去了GAP﹐入o左D貨。再去FOOT LOCKER﹐又買o左兩條黑色運動褲做百搭﹗再行咪蘋果睇下部NANO好唔好玩﹗又行下蕉共﹐MACY’S。夠晒運動﹗﹗還是喜歡一個人行街買野﹐可以快快手手﹐又唔使人多意見多﹗﹗

再去美東買豬骨煲湯﹐奶奶教我煲黃黑豆豬骨﹐加幾片薑﹐都唔錯﹐又易煲﹗聽聞呢個湯水對女性好﹐黑豆可以預防頭髮變白﹗

去完美東再去SUPER-WALMART﹐最近在家附近開了一間SUPER-WALMART二十四小時服務﹐好方便又有SUPERMARKET 野買﹗不過無富貴超市D野禁新鮮﹗﹗

之後拿拿淋回歸準備晚餐﹐清蒸豆腐+竹笙雲耳素菜。初初唔識點切﹐上網CHECK CHECK﹐第一次整竹笙都OK喎﹗包竹笙買o左好耐都未有時間煮﹗今日終於開齋﹗﹗

再上網CHECK o下個CAFE WORLD﹐我覺得呢D禁既GAME真係有D無聊﹗又大食﹗開o左個GAME就唔使用部NETBOOK做其他野啦﹗

呢幾日

都係禁過啦﹗無乜特別﹗係晚晚有夢﹐搞到我十點半訓﹐八點半都唔願醒﹗攰到呢~

過了中秋﹐知道天氣一路會冷下去唔會再熱。昨晚就一於換被﹐薄羽絨換厚羽絨﹗係暖o左﹐唔使再訓到朝早變蝦米﹐但係張被重o左﹐轉身﹐反身就更覺難度﹗﹗

近排工作唔算好忙﹐同事J時時走過黎吹吹牛。這個同事J是上海人﹐都好好傾下﹐時時會講下佢眼中既中國上海﹐又講下佢工餘教既圍棋班係點樣訓練思維。我不懂圍棋﹐象棋亦不精﹐所以每次都係得個聽字。

星期一﹐哥倫比亞日﹐有得放假﹐但係鄭生要返工。睇黎都會留係屋企做屋企野﹗

中秋週末﹐紐約還是馬利蘭

星期五請了假。原先想放假不如去海灘啦﹗去馬利蘭海洋市啦﹗不過早幾日開始冷﹐去海灘怕冷死﹗禁不如去內陸睇鐘雨石啦﹗雖然我去過...但係鄭生又唔係話好感興趣﹗所以最後都係去MITSUWA食下野﹐再去紐約唐人街食晚飯就算﹗

好耐無去MITSUWA﹐原來裝修過晒﹐唔止食堂大o左光猛o左﹐連個廁所都大o左好多﹗同鄭生食o左炸物飯﹐我點了炸雞扒﹐鄭生食炸蠔﹑炸魚﹗一時唔醒起鄭生唔食得飯﹐最後我食o左一碗半飯﹐好飽﹗鄭生之後再去買煎餃子﹐食完仲話唔飽又叫多個紅豆雪糕﹗兩個人食LUNCH都食o左成$30﹐真係大食﹗﹗

之後行下超市﹐書局﹐碗碟舖﹐無乜野想買。鄭生話去下隔離既DRIVING RANGE睇下貴唔貴。一籃70個波$10﹐價錢OK﹐當然相比我家附近的高球場﹐這裡比較貴﹐不過風景宜人﹐可以望到河景﹐鄭生話D波仲好乾淨下。鄭生二話不說就買了一籃波﹐租了球掍﹐打到四點﹗

之後再去NY﹐都幾好無乜塞車。四點幾就去到唐人街﹐又未夠鐘泊免費街位﹐於是泊入停車場。嘩﹗貴o左一倍﹐之前$4﹐ 4個鐘而家要$8。唔怪得停車場有大把位﹗

未禁早食飯﹐要鄭生陪我行UNIQLO﹐嘩﹗唔係呀﹗要排隊入﹐好在都係排o左兩分鐘就入到去﹗人頭湧湧﹐有金濕咩?﹗個個原來係睇條新LINE +J﹐點知...唔知係唔係唔夠人手﹐女裝部CLOSEo左﹗真係頂頂上心頭﹗唔夠幾分鐘就兩手FING FING出翻去﹐又行翻去唐人街食飯...運吉﹗﹗

鄭生想叫餸食飯﹐我就無所為﹐唔係BUFFET就得啦﹗但係好耐無o係唐人街叫餸食飯﹐唔知邊間好﹐邊間唔搵笨喎﹗於是每行過一間所謂既酒家都望一望入去﹐睇下有冇唐人食先﹗最後行到一家叫三哥既酒家﹐見到三﹑四圍唐人﹐應該無錯啦掛﹗又有大大隻字寫住鄭生想食既一魚兩吃。就係禁﹐係間三哥叫o左一魚兩吃﹐蒜蓉豆苗﹐XO醬炒花蜆。一魚兩吃OK喎﹐豆苗都唔錯﹐係個花蜆唔係好得﹐都無XO醬既﹗食o左五十幾蚊﹐算係做節啦﹗

之後去買豆腐花﹐又去達昌買熟餸﹐好低喎﹗臨收工既熟餸﹐$2.5就一大盒﹐買咪佢星期六唔使煮飯就有得食﹐又去寶榮行買冬菇。拎住好鬼多野返車﹐下次真係要帶架買餸車去買餸﹐唔使拎到死死下﹗

次次宴客都有野學

星期天鄭府又開飯局﹐今次只係要請了BERTS氏夫婦﹐所以唔使好早準備﹐又係煮D瓜瓜菜菜就得啦﹗唔係好難﹗不過因為去完崇拜﹐又有鏈人既BABY SHOWER﹐所以時間都好趕。

BERTS氏夫人唔食得糖﹐所以無煮甜餸﹐我地仲特別買了代糖雪糕做甜品。我以前未買過﹐一心諗住代糖雪糕應該是SUGAR 0g 至係。點知搵黎搵去都無﹗最後唯有買o左EDY’S牌﹐最少都有 3g 糖﹗我同鄭生講﹐如果真係一D糖都唔食得咪好慘囉﹗又話NO SUGAR ADDED﹐其實都有糖﹗



飯後﹐將我地尋找既經過話比BERTS氏夫婦﹐BERTS氏夫婦解釋﹐原來雪糕點整都會有糖﹐因為牛奶有好多糖﹗而家時時飲既牛奶無論係WHOLE MILK﹐2%﹐定係SKIM MILK都有好多糖﹐BERTS氏夫婦話D糖唔係人加入去既﹐係牛奶本身有糖﹗哦﹗牛奶有糖我都係第一次聽﹐我再望望我0個一加侖SKIM MILK﹐嘩﹗有成12g糖﹗咁咪好肥囉?

話時話﹐個隻EDY’S牌代糖雪糕幾好味﹗一D都食唔出係代糖﹗

炒一丁

不知是不是趕人發明的﹐一個本來是湯麵食﹐變做炒都好好味﹗自從一丁入唔到美國境﹐我都好少炒。鄭生想食o左好耐﹐係街又無得買﹐試了用韓國公仔麵去炒﹐都幾好喎﹗唔會太霖﹗﹗

咪就係星期六完o左三福﹐拿拿聲在滿天煙霧彌漫下衝去買叉燒同韭菜花
加入半磅叉燒﹑韭菜花一扎:



話時話啦﹗做乜所有D一丁都唔入得口既?早知上次去楓葉國時入D貨啦﹗

BACK LOT PICNIC

以前公司兼得多錢時﹐仲多野搞﹐今年乜都無﹗得番個後園燒烤﹗

唔好以為好似香趕禁燒烤有好多野食﹐米國人D燒烤得漢堡同熱狗﹐無其他野燒啦﹗有菜沙拉﹐薯仔沙拉﹗薯片﹗好唔o岩我食﹗好在仲有雪糕車﹐我今次叫o左杯士多B梨奶式﹐好耐無飲過啦﹗肥死就肥死啦﹗

結婚BLOG

最近好鍾意睇YAHOO BLOG既人氣榜﹐睇下時下既網上人鍾意睇D乜野BLOG﹐隨o左D明星﹐明人﹐好多人鍾意飲食BLOG﹐旅遊BLOG﹐結婚BLOG﹐婚後生活BLOG﹐同仔女BLOG。

今次講住結婚BLOG先。聽說好多香趕既情侶會影超過一輯既婚紗相﹐又會拍影片﹐玩新郎呢D一定唔小得﹗終於明白華菜聯婚既一切從簡﹐相比其他人又真係好簡﹗禁係香趕結婚咪要使好多錢囉﹗香趕真係多有錢人﹗﹗

星期五﹑六﹑日

星期五﹐放假唔使返工﹐無PLAN要做D乜﹐行行企企﹑準備一下﹑等到夜晚鄭府宴客。不過一星期返四日工真係好爽。因為宴客﹐弄了六食送一湯﹐糙飯任裝﹗唔想嚇親AUNTIE﹐UNCLE﹐無影相。只係早上同碟齋影o左一幅﹗好耐無整呢D發菜冬菇支竹齋﹐煮好鄭生試味話唔係好入味﹐不過等到夜晚食﹐我又覺得OK喎﹗前一晚要出唐人街﹐順便買條鱸魚﹐未試過切開一半呢蒸﹐原來蒸好食過焗好多﹐以後都係切開一半呢蒸﹐唔焗啦﹗焗會老﹐又怕中間唔熟。

星期六﹐安樂醒﹐睇一陣三福既功課﹐食咪D隔夜食送(D齋呀﹐排骨仲好味過尋晚)﹐又要出唐人街上課。探訪完已經四點幾﹐再返CHURCH同板頭﹐姊妹I﹐A﹐M傾兩句又五點幾﹐本來諗住買個夏門炒米返屋企食﹐點知記起LA MER PROMOTION﹐見時間尚早都係拿拿林去KOP買咪佢一了百了。點知76勁塞﹗好在我唔係住係KOP個頭﹐要時時塞車﹐我實唔去唐人街。最後搞到七點半先返到屋企﹐煮D菜﹐食夏門炒米又一晚﹗

星期日﹐主日學﹐中傑牧師教﹐分享好好﹗講到好似一堂講道禁﹐無訓著﹗跟着崇拜﹐好鬼眼訓﹐ABC傳道講道。其實個題目好好﹐不過唔知點解就係好眼訓﹐比鄭生met o左幾下都唔醒。鄭生話因為無內容﹐所以唔知ABC想講乜﹐我訓鬼o左更加唔知講乜﹗之後都係大圍食飯﹐買食送返歸﹗本來諗住去IKEA行下都無去﹐好鬼眼訓麻﹗﹗訓晏教﹐晚上三食送一湯﹐越來越鍾意蒸魚﹐又快手﹐又好食﹐半個鍾就煮好﹐食完飯都係七點幾﹗ 睇o左一集蘇GOOD+絕代雙蕉﹗ 又要迎接星期一既來臨﹗﹗

等醫生

係米國睇醫生要先預約﹐好少可以就禁行入去睇。如果個醫生禁無客就禁行入去都有得睇﹐我諗都轉過個醫生為妙﹗

雖然預約了﹐但往往醫生是大忙人﹐預約了十時﹐十時半才會叫名見到護士﹐量血壓﹑量體重﹑探熱﹑問你做乜要見醫人﹐十時四十五分才會見到醫生真人﹐無乜大件事的話十分鐘後就會睇完。有好幾次在等醫生真人出現時倦極了﹐訓著o左﹗

幸好一年不用見太多次醫生﹐不用浪費太多時間﹗﹗

絕代雙蕉

B子話好睇﹐好好笑﹗連佢老爺係海外華僑都識笑﹐仲笑到o卡o卡聲﹗於是週圍搵黎睇﹗無TVB.COM﹐無得睇重播﹐好在有廣大既網絡﹗

真係幾好笑﹗雖然唔係話好鍾意黃子華﹐但係佢做咪呢D衰形衰格既角色的而且確好適合佢﹗蛇詩曼都OK﹐係李以紅﹐好耐無拍劇﹐表情有D怪﹗鄭生一聽到佢把聲就識出佢係當年同黎明拍過劇既港姐﹗仲問我佢係第幾名﹐真係考起﹗

係頭兩集悶D﹐大家既演技誇o左D之外﹐睇到第三集開始好笑啦﹗希望唔好虎頭蛇尾﹗

係唔係收得好密呢?

無無聊聊禁又過o左幾日﹗

放完週末假﹐話禁快又到星期三。星期六紐約行﹐無乜特別﹐都係食野﹐我剪頭髮﹐鄭生足底按摩。只是今次加埋姊妹I同弟兄T。晚上去了台式小菜館﹐又應該無下次啦﹗招呼仲差過鹿鳴春﹐我地又唔係台人﹐叫了不太好吃的台(食送)。下次都係去返潮舫或旺角比較穩陣﹗

星期六﹐行了一整天﹐成個人散晒﹗星期日﹐無主日學又唔記得。好在出門口時﹐一時醒起﹐去完崇拜﹐想去KOP行下﹐點知去到KOP食完LUNCH都係太(支力)﹐最後回歸休息﹗煲下碟好過﹗

星期一﹐無諗住去邊。去買(食送)﹐煲湯﹐煮飯又一日﹐繼續煲碟﹗終於睇完兩套日劇﹐無無聊聊又過o左幾日﹗本來想講下FACEBOOK與私隱既問題﹐不過又唔知其他人點睇﹐都係唔寫啦﹗寫番D 無聊野﹗

要放假

老世放了三星期假﹐昨日終於回朝﹐ 沒有老世的日子又要終結。計計下今年我都無乜放假﹐一年十七天的有薪假期只放了五天。未來日子又無諗住放長D假去遠D地方﹐唯有要求放星期五﹐所以十月我會一星期返四日工﹐十一月又有感恩節﹐十二月有聖誕節﹐一定放假放到個心散晒﹗

苦家

多謝姊妹C既苦瓜﹐真係好新鮮。切落o爽o爽聲﹗用o左盬o拿過﹐又拖過水。我試o左小小﹐都係覺得苦﹗唔o岩我﹗鄭生食晒成碟話個苦瓜好味﹗﹗

講起苦瓜﹐大家都話如何阿花係度﹐佢一定會要一條黎榨汁飲﹗﹗

拍拖時捨得使錢D﹑到結o左婚就完全CHEAP晒﹗

唔知係唔係常理﹐不過睇到板頭話BUY EXPERIENCE﹐NOT BUY STUFF。我都有D認同。而家自己想買既野鄭生會極力反對﹐到鄭生話想買D野比我﹐我又極力反對。到最後生日呀﹗什麼週年都只係食下飯﹐行下街就算﹗

笑鬼死我﹗

【本報訊】名店林立的置地廣場突然有人跳樓，昨日在現場出席新錶發佈會的藝人、名媛得知後均驚愕萬分，其中徐濠縈知悉事件不禁叫出來：「好慘喎！」稍後在商場出席另一秋冬化妝品發佈會的藝人黃婉佩（ Race）則說：「仲以為係女人冇錢 shopping（購物），要死o係置地。」

老餅一番

星期五下午﹐無拿拿想起華華講葉倩文﹐跟着無拿拿諗起呢一大堆舊歌。
仲估唔到WWW.EZPEER.COM有齊呢D勁舊歌﹗

偶遇
風爭
幾分鐘的約會
荳芽夢
彩雲曲

又諗起荳芽夢個o個識打TENNIS既RONALD。

MEMORIAL SERVICE

早陣子公司有同事病逝﹐同事五十幾歲﹐其實知她患病多年﹐但見她如常返工﹑放工﹑加班﹐總沒想到不到一年就已經唔係到啦﹗

今日公司搞了個MEMORIAL SERVICE記念這位同事﹐還將其中一間會議房間以同事名字命名。同事的姊姊在SERVICE中分享﹐同事生前仍希望可以返回工作岡位繼續工作。聽到呢度﹐覺得同事佢真係敬業樂業﹗不知是否與同事無結婚生仔有關。

真我總於回歸

終於都可以煲番D鍾意飲既湯。估唔到急凍既則魚都可以做到奶白魚湯既效果﹗


豆腐節瓜滾則魚

不過最近好想食甜野﹗我要忍﹗﹗

野菜湯 + XO醬白菜雞肉餃

多謝靚靚既指導﹐早前煲落的野菜湯可以混在餃子中吃﹐省了不少時間﹗



餃子是自己包﹐無味精。加入白菜﹑XO醬好食好多﹗但價錢就貴過買現成餃子啦﹗
近日發現自己越來越似A媽﹗以前A媽喜歡吃有湯的如湯麵﹑湯餃﹑湯飯﹗取其濕濕地易入口﹗我仲未去到食湯飯﹐不過就好鍾意湯麵﹑湯河﹑湯餃﹑湯烏東﹗

米蘭路

一向好甜﹐其中呢隻曲奇好得我歡心。好耐無食﹗好好味﹗

林9

o岩o岩見到林9既新搞作﹐咪就係正正講而家D結婚囉﹗有D VIDEO 好好笑﹐呀~點解有人會POST自己D結婚精華片段上網架?嘩﹗有個仲好似做SHOW禁﹗

http://www.my903.com/my903/janlambIdo/profile.jsp

豬展尾聲

尋晚我睇BLOOMBERG﹐講HK BOOKFAIR。主持人問主辦單位高層對o靚摸寫真有乜睇法。最後主持人問高層有冇買周秀蘭寫真呀?佢話無﹐主持人叫高層襯豬展最後一天買番本﹐之後鏡頭影住大大張周秀蘭夏日POSTER。我覺得張POSTER影得佢幾靚喎﹗不過睇番蘋果D相﹐佢又唔係禁靚o者﹗唔知邊個係攝影師同化妝師呢?

豬展

真係呢﹗未見過禁多娛樂頭條講豬展﹗仲有就係好多財女啦﹗o靚巫架禁﹗睇到人地眼花繚亂﹗想問下呢?個D財女﹑o靚巫既書有冇字架?

華華﹐你快D出書對抗呢D o靚巫風氣啦﹗

咳到死﹗

這幾天咳到死﹗都咳o左差不多成個星期。又無痰﹗ 講野既時期先咳多D﹐唔講野﹐可以忍到咳﹗睇醫生﹐佢話我可能敏感又或者係飲唔夠水﹐叫我去買ALLERGY 藥。不過食o左好眼訓﹐訓o左當然無咳(就算唔食藥訓o左都無咳﹗) 返到公司﹐見幾個同事都有差唔多既病精﹐係到“key key kam kam”唔知係我野佢地﹐定係佢地野我。鄭生問我會唔會豬流感﹗比佢激死啦﹗都無睇新聞既﹗豬感會發燒架馬﹗我都無﹗又無鼻水﹗

我睇今晚都係要燉番D雪梨南北杏食下﹐睇下有冇幫助﹗

今餐繼續

香趕人喜歡日本餐﹐又再一次證明我骨子裡仍然流著香趕人的血﹗

自從上次食完日本便當﹐因為無禁油﹐覺得好o岩胃口﹐所以今日試了公司附近另一間日本飯店。價錢貴少少(大約貴10%左右)﹐仍然是老外式的店子。白飯可以用糙米代替。食送比較多﹐而且多了些罐頭菠蘿作飯後果。

現在開始唔想食麥當當啦﹗幸好便當太大﹐我可以分兩餐食(唔係我食晒﹐夜晚鄭生會食咪我D口水尾﹗)﹐如果唔係﹐禁樣食法唔窮至怪﹗

是日午餐

突然任性起來﹐很想食這個


總比食麥當當好﹐但價錢是麥當當的三倍﹗﹗鄭生請繼續努力工作﹗﹗

多遊

時間過得快到你唔信﹐好似o岩o岩先同阿菜食過晚飯﹐北上消費了幾天﹐又要歸回原位﹐ 繼續苦幹﹗

四日三夜多遊﹐游閒自在。雖然要駕八個多小時(辛苦鄭生啦﹗) 但短期內都應該不會回港﹐所以唯有北上止住咳先﹗途中又遇上青蛙王子同王妃﹐多謝佢地指點迷津﹐春秋食軒飲茶的確係正呀﹗仲有營火星﹐萬錦既意大利雪糕﹐真係好好食﹗

第一天﹐約好積積先食LUNCH﹐後整容。
“嘩﹗小B你禁大個啦﹗”
“嘩﹗識得叫姨姨叔叔啦﹗”
“禁乖識得講多謝﹗﹗”
“唔好意思﹗遲o左出發﹐搞到要你地捱肚餓﹗”
一輪客氣話﹐要積積請食營火星(無法啦﹗無加紙﹐又未搵到ATM)﹐收到積積的神秘禮物一份﹗人生第一次收到這種禮物真的驚喜萬分﹗

之後趕著到預約好的美容店﹐鄭生就到對面的足底按摩店。疏乾後都已經四點幾﹐再到酒店CHECK-IN﹐沖個涼。今次住在HIGHWAY 7的HILTON GARDEN INN﹐超方便﹐有中文電視台﹐又有得免費上網﹐US$80一晚﹐好滿意架啦﹗

話禁快又到晚飯啦﹗本想會合鄭生家人一起用膳﹐但他們去了野生動物園﹐最後還是我們兩口子到了鼎泰豐。願意搭檯不用等位﹐坐底即叫豆漿﹐瑤柱小籠包﹐蒜蓉豆苗﹐紅燒牛筋麵。豆苗﹐豆漿﹐牛筋麵都超好味﹐係瑤柱小籠包發現不到瑤柱比較失望。

第二天﹐一早去春秋食軒飲茶。唔多人唔使等位﹐一睇就知係高級茶市﹐D乜餃乜餃粒粒都可以夾得起﹐唔會夾到爛晒﹗腸粉是與腸粉豉油分開上﹐收碟換碟又快。價錢只係貴少少﹗我覺得物有所值。下午鄭生家人去瀑布﹐我地去了N次﹐當然唔去﹐轉投太古商場。我睇日劇﹐家居用品﹐鄭生睇大陸古裝劇﹐各有收穫。再食個沾仔記淨雲吞﹑油菜後回酒店睡了個美人覺(係唔係好滋陰呢?)之後接到鄭生家人電召﹐晚餐食包肥﹗噢﹗我至不喜歡的包肥﹐看在鄭生家人份上﹐無法﹗

第三天﹐鄭生又說飲茶﹐鄭生家人要試其他茶市。瀨野﹗去了對面商場X王朝﹐嘩﹗與本城茶市差不多。鄭生說下次還是回春秋食軒好了﹗歡送鄭生家人回美﹐我們繼續大統華﹐太古﹐旺角行程﹐買買買﹗夜晚本來想去稻香﹐但搬了新址後見唔多人排隊﹐如果要任食都要$19.99一個人﹐鄭生又不是太肚餓﹐於是去了名味村(唔係好記得係唔係呢個名)﹐ 食物OK。

第四天﹐去證主書室﹐世界真細小遇到陳牧師朋友。之後約好回美前要見積積﹐積媽和積B多一次。去金沙茶餐﹐積B在窗口見到我們步近已經揮晒手﹐好鬼可愛。飯後同積積爭比錢﹐鄭生不敵積積﹐多謝積積﹗又要佢請我地食多餐﹗行o左一陣﹐同積B high 5, low 5 再hug hug就say goodbye la!希望係不久既將來再可以屈積積請食飯﹗


唔見得人的鄭生與乒乓球大的雲吞


正豆苗

放假前夕

又到放假前夕﹐心情係"熱切期待"。所以幾日無UPDATE﹐因為日日都想快一點完工﹐這樣可以早一點放工。

要係度多謝積積﹐辛苦你幫我地安排整容﹐腳底按摩行程。期待見到小B同你們一家的一刻﹗上次見小B時﹐佢都未出世﹐今次見唔知識唔識叫姨姨同叔叔呢?

鄭生講了好幾次要食小肥羊火鍋﹐又說要食包肥餐﹗但我提出抗議﹐只容許鄭生在當中選一﹐只係去多倫多四天﹐邊度食到禁多野呀?﹗一如以往行程應該以食為主﹐飲茶﹐ABC茶餐應該係MUST架啦﹗希望可以買D蛋卷呀禁做手信。

估你唔到

從來在挑選生果上都是以碰運氣的心情來應付。實在遇到太多外表靚靚﹐原來內裡壞透的生果。有好幾次買西瓜﹐以為重重地﹐外面無凹凸﹐深色表皮﹐應該會甜o瓜!最後還是失望將半只西瓜棄掉﹐因為全無甜味。

今次見你黑黑實實﹐從陽光充沛的加州運來﹐又認為應該好吃吧﹗點知你酸到“阿媽都唔認得﹗”鄭生問“做乜唔試下先買?”我在超市買的﹐點試喎﹗禁肉酸﹗又污穢﹗

點先至選出靚生果呢?真係難學﹗

漢堡

一向小食牛肉﹐所以對於那一家的漢堡最好吃﹐我從來沒有研究。加上我只愛麥當當薯條﹐所以來來去去都是光顧麥當當多於其他品牌。


這幾天口味有點轉變﹐在鄭生極力推介下的 Burger King Whopper Jr. 1蚊個﹐細細個又唔會太飽﹗不過因為是燒牛肉﹐有燒焦的邊﹐吃後有機會生CANCER。間唔時食下我諗OK o瓜!

磅食

從未試過到公司附近富貴超市的飲食部﹐話晒$7.49 一磅中國菜對於我是貴了一點。見無帶LUNCH﹐人一世物一世都要乜都試下﹗﹗

個盒好硬淨﹐真的可以清完RECYCLE再用。雖然食小小﹐呢度已經$4.50。D麵好咸﹗其他都OK。應該無下次啦﹗

美菰惡夢

夢境中﹐我由美菰第八期行返第三期既屋企。途中遇上握手師﹐比得李﹐執事ANNA問我做乜係度行來行去﹐仲唔快D羅紙考琴。跟住見到教琴老師ANNA媽係度安排大家考琴﹐之後我聽到有人話我考乜琴﹐今日要帶詩﹗帶詩~今日係星期日咩﹗我仲未選歌喎﹗於是走返去第三期屋企﹐途中又遇到乞兒。我唔肯比錢﹐於是佢一路沿著百老匯街追我﹐之後見到一輛綠色小巴掟o左個靚彎﹐無撞到途人。一身濕透就這樣醒了﹐仲支力過做運動﹗唔知發呢D夢可唔可以BURN到卡路里﹗

繼續...“我就喜歡”

雖然大家都好反對我喜歡你﹐
雖然你有成500卡路里﹐
但係我唔埋﹗

勁笑爆

無諗過香港先生原來係模仿大賽﹐D攝影既哥哥叫佢地做乜野POST﹐就乜野POST。勁好笑﹗﹗

晚晚有夢

最近晚晚有夢﹐極其討厭﹗因為大多數的夢境是追巴士追極都追唔到﹐有一次係見到板頭同CREAM頭去渡蜜月﹐又唔關我事既﹗都唔知發黎做乜﹗好想快點放假﹐日日等緊JULY 4TH的來臨﹗好快架啦﹗仲有三個星期﹗﹗

燒捍帽與IPOD

已經開始了兩星期﹐每天LUNCH後行二十分鐘。這是外出的必須品

不過今天開始熱﹐再熱下去就要改晚飯後才行得啦﹗

每日一杯

星期一至五﹐只要是上班日﹐早餐通常會是懶健康的脫脂乳酪一杯+半杯麥片。這習慣已經維持了好幾年。以前A媽還在的時候﹐她會每天從唐人街買一只雞尾包給我當作早餐﹐就這樣一年過後重了十多磅﹐嚇得立即叫停﹗現在食脫脂乳酪+半杯麥片﹐便便暢通﹐好過食豬油包啦﹗

最近半年﹐發現食開的DANNON的LIGHT&FIT時時出新口味﹐比較今天吃的西瓜味﹐我較喜歡早前推出的Pomegranate Berry﹐蕃石榴味幾重。這西瓜味我覺得有D假假地。還有菠蘿椰子﹐西檸未試﹐下次見到會買黎試下﹗﹗

作文~憑空想象

寫了幾天DOCUMENT﹐悶到呢~

最慘係無資料寫﹐只係比o左個新RELEASE PRODUCT 我﹐要自己作。作完比人改到七彩﹐又繼續作。希望改咪呢次可以收貨﹗呢D本末倒置既工作﹐寫到想鬧人呀﹗

吃粽的季節

幾天的回鄉探親團又完滿結束﹐今次天氣尚好﹐可以天天出街走動一下。比起上次﹐感恩節天天下雪好得多。每次回鄉節目都是大同小異﹐每天都會有港式點心(起碼隻蝦餃唔會一夾就爛)﹐香濃奶茶。

鄭生家附近最近開了間粵菜小館﹐裝修完全無﹐ 但其門如市。記得前數次經過都是沒有人影的﹐原來最近新廚頂手。又一次證明﹐只要好食﹐地方位置都是次要。這次回鄉我們還在這家小館吃了兩餐﹗ 十個食送﹑大大碟﹑只係$105找數底到爛啦﹗

今次亦試到這家“祖璵麵家”聽說這裡時常要大排長龍﹐今次相約鄭生朋友飯局﹐是間馬拉FUSION。價錢OK﹐ 點了越式牛粒紅飯﹐泰式椰青燉飯。好好味﹗不過無影到相﹗飯局中鄭生友人大談到以色列的十五天團﹐好羨慕~﹗聽說鄭生友人的教會明年會搞保羅行縱團﹐唔知到時有冇機會參加啦﹗

因為天氣好﹐我們還到了BROOKFIELD ZOO 和我BOTANIC GARDEN。D相放晒係FACEBOOK啦﹗ 去個度睇啦~

回程奶奶塞o左十幾隻粽給我們﹐今天試了她的新品種糙米粽﹐雖然買相就~ 但好好味﹗沒有普通的咸肉粽那麼膩。亦幸好有粽相伴上機﹐飛機出到跑道後﹐機長說飛機不能起飛要延遲兩小時。最後我和鄭生食o左隻鹼水粽和咸肉粽頂肚。搞到十點幾至返到屋企。

十個累~

洗手﹑洗手﹑洗手

雖然在流感疫情的陰影下﹐米國依然無人帶口罩。今晚我和鄭生回鄉探親﹐希望無人有豬流感啦﹗

前幾天公司派發消毒液﹐可以上飛機用﹗

回來再POST﹗﹗

記念日~瑪住安奴

一向記性麻麻﹗所以請不要再問我幾時與鄭生認識﹐幾時開始拍施﹐First Kiss係幾時啦﹗你去問我部PDA啦﹗白底黑字存入檔案﹐比我腦袋可靠得多。

所以對乜乜﹑物物記念日都不是太熱衷慶祝﹐可能未到金婚﹑鑽婚的年紀吧﹗今年只去了Maggiano's食個飯便了事。依然好好味﹐大大碟﹐一餐可分兩餐吃。

吃完還行了一陣MALL(因為隻錶要換電)﹐再去板頭度比番D野佢。再一齊參觀CREAM頭﹑板頭的高級住所。果然係高級住所令鄭生樂而忘返﹗﹗

凡勞苦擔重擔的...

本來是想寫下充實的週末﹐CREAM 結君實錄既﹗但呢幾日都會好忙﹐要坐下來寫幾百字不如POSTo左呢個先啦﹗

在其他BLOG見到﹐我諗都應該係基督徒開既公司


之前係韓國雜貨舖買野﹐見個膠袋有約翰福音3:16

聖經經文無處不在﹗﹗