再次多謝﹗

收到各界朋友的恭賀電郵﹐電話與短訊。再次丁橋大家﹗雖然你未必會送我禮物或請我食飯﹐但仍希望若你有這意思的話﹐請將禮物折現送到紅十字會或Amazon.com。同樣﹐若你是近期生日的朋友﹐(對不起﹐沒有經你的同意﹐相信大概你也不反對吧﹗)而我亦會將你的禮物節現送到紅十字會或Amazon.com。希望這小小的力量能幫到災區有需要的人。

無所不在

在今天這特別的日子﹐我還是要用這歌來感謝您﹐妳﹐你﹗

無所不在
作曲: 梁詠琪 填詞: 梁詠琪/陳少琪 編曲: 張人傑 監製: 趙增熹/陳少琪

我奮勇去過繁忙　過於心碎
你會教我痛心　好像你也豁出去
日夜十分匆忙　無暇問你會否太累
你仍微笑去扶持我　加緊去追

＊你給我的心愛　是無所不在
　凡事百般寵愛　用你未來換我未來
　你給我的心愛　就算大雪怎掩�
世界已沒其他東西
　讓你再放開(令你再喝采)
　世界已沒其他可比　是你的溺愛＊

我每次跌痛　仍然有家歸去
你有你挫折　總不斷叫我掛心裡
在睡夢中醒來　仍然為我抹乾眼�
有誰留意你眉頭有點點雨水
你給我的心愛　是無所不在
凡事百般寵愛　用你未來換我未來
你給我的心愛　就算大雪怎掩�
我縱太倦　無聲感激　但有心裝載
原諒我總不太用心　初生般貼著你心
你善良　我善忘　你萬能　我未能
如像你　去為我著緊

Repeat　＊

沒想到

開始在各大傳媒看到印尼海嘯的新聞片﹐見到各人尋找親人朋友﹐無論是生﹐是死。真的令人心酸不而。在遠方的我﹐雖然沒有親人朋友在災區﹐但渺小的我可以作什麼呢﹖沒想到Amazon.com 有以下的網頁﹐或許大家也可以出出綿力﹐令有需要的人得到適當的緩助。

抱抱佳音

其實早陣子已發現這抱抱佳音網頁﹐但沒有時間與大家分享。雖然不是什麼紅歌星演繹﹐但仍不失是一首用音樂去激勵各人要開放自己﹐關心身邊的親友。得間的話﹐不仿下截來聽聽﹐是免費的。

"如今常存的有信、有望、有愛、這三樣、其中最大的是愛。" - 林前13：13

海嘯的儆醒

今天仍帶著放假的心情上班﹐我享受在不多同事上班的辦公室內工作。全組同事包括老闆大人也要到出年才見面,真開心!四天的假期﹐就這樣完了。還好﹐這幾天過得蠻開心。只是昨天在網上聽到印尼大地震的消息﹐真的令人驚訝萬分﹐而且還有點欲哭無淚的感覺。我不知道這是否末世的先兆﹐但我知道神的審判有一天會來﹐那麼你還等什麼﹖

誰為你我而生

這幾天陸陸續續收到各方好友親朋的聖誕電郵﹐有相片﹐有閃客檔案﹐有近況﹐有搞笑。多謝你們還記得我這個不可愛的朋友。我知道在這年尾的節日﹐真的十分適合和朋友問候一下﹐交流一下近況﹐要不然很快便會和朋友失散﹐等下次見面時﹐都不知從那兒說起。但在眾多聖誕電郵﹐真的小之有小提及聖誕是為誰慶祝生日了。或許這題材的電郵已經不合時宜﹐又老土﹐沒有人喜歡用作聖誕郵件傳送吧。那麼恕我老土講句﹕“但願眾親朋戚友在這歡樂的假期﹐仍不忘是誰為你我而生。Merry Christmas!!”

白色聖誕

在娛樂大飲茶﹐眾歌星詳談心目中最想過是怎樣的一個聖誕﹐十分有趣。有幾位說最好是過一個白色聖誕﹐十分浪漫云云。誠言﹐下雪的那一刻是十分美麗而寧靜﹐我亦曾經為此而瘋狂了一陣子。但美麗之後﹐那些產雪﹐清理是多麼的痛苦。走在那些冰雪街上﹐跌到過無數次的經驗﹐使我不再喜歡下雪了。浪漫始終勝不過現實的殘酷。

眼腫

任性在週日一口氣看了六集的慘情日劇﹐帶來的後果是眼腫﹐眼痛﹐有點後悔。以前常告訴自己﹐只可以在週末看慘情電影﹐因為在週末還有時間將眼腫問題整理一下。週日趕上班﹐那有時間敷冰袋。噢﹗還是怨自己的自制能力差吧﹗

星星月亮太陽

應承了你...

星星月亮太陽 (順德嘉信城市廣場-嘉崙台廣告主題曲)
歌手：Twins | 作曲：伍樂城
填詞：林夕 | 編曲：伍樂城


大家都只得一個心　但不只喜歡一個人
我愛人愛物多到不可能
什麼都也可閃爆燈　獵豹或蝴蝶各有吸引
天下之大　給我所有我都肯　愛得狠

＊又美艷　又清淡　兼高貴　但糜爛
　熱過熱鬧　又怎麼可算貪
　面對現實　又想浪漫　得到跳舞想逛沙灘
　什麼都好　選擇卻艱難

　我有我愛月亮　鑽戒卻更閃亮
　我也愛太陽　哪個有獎
　假使搞選美會　各有各得獎
　冠亞季也頑強
　我愛上我月亮　卻也愛看星象
　我既愛太陽　也愛晚霜
　欣賞的喜愛的　日夜在轉換
　冠亞季軍太無常＊

在伊館看show好氣氛　在公園裡散心都誘人
要我們固定一個怎可能
十幾大也都不夠分　樂與怒弦樂各有吸引
天下之大　不要逼我太專一　四選一

REPEAT＊

為何定要選abc王　才夠搶
我要有太陽和星星
只可惜得到星星沒太陽
為何大世界必須選一人來領獎
你與我有無窮信仰
不只得一派一個值得景仰

我有我愛月亮　鑽戒卻更閃亮
我也愛太陽　誰又得獎
假使搞選美會　各有各擅長
冠亞季也頑強
我愛上我月亮　卻也愛看星象
我既愛太陽　也愛冰霜
欣賞的喜愛的　日夜在循環
冠亞季軍太無常


如想聽完再聽請right click這處, save target as, 去download。謝謝﹗

o的起心肝上學去

最近正計劃出年的放假大計。我算是幸福的一群﹐公司容許將兩星期的假期帶到下年度﹐算是比上不足﹐比下有餘。但為了善用這些假期﹐也需要計劃計劃一下﹐以免浪費。其實放假之餘﹐亦要將假期配合返學的時間。十分懊惱﹗原本在Fall II是想讀一科﹐但就是因自己賴﹐貪玩﹐沒有報名﹐就這樣又過了兩個多月。現在又想二月返香江行個圈﹐我想返學的日子仍是無期。

給Twins的fans

在找歌時無意中找到﹐看娛樂大八掛時都有聽聞過這個閃客檔案﹐估不到真係幾搞笑。係度link 去作者個site度﹐給大家欣賞。

朋友仔

越來越喜歡Twins的歌詞﹐送給我的朋友仔

朋友仔

作曲：陳輝陽@好好笑
填詞：林夕
編曲／監製：陳輝陽@好好笑

最多握握手 一起散散步 你大量 你寬容 你是未來濱崎步
無論是為什麼都好 首先最錯我的態度
懊悔昨日那麼嘈 然後在霎時之間想起我父母
我也不想記起 為當天襯衫似你 便心急妒忌
其實我 都很小器 對不起 只因常常在你附近 便拿著你出氣
* 原來朋友仔感情再天真 亦是我永遠也會愛惜的人
明日愛他人 也記住學會不要緊 原來朋友比戀人更高分
亦讓我開始懂得不記恨 若大家 都敏感
我更要永遠記得拒絕再因小事怪人 為何沒有這條校訓
再次握握手 只想你以後 有眼淚 放心流 冷淡令人很難受
無論日後路怎麼走 彼此老友角色似舊
以後在動氣關頭 回望著這場爭吵想想 也很醜
Repeat *
像望著自己的至親 往往太奮勇鬥嘴
以後再不懂事過人 如何共我戀人熱吻



為免不夠bandwidth,請不要不停click play去re-play, 如想聽完再聽請right click這處, save target as, 去download。謝謝﹗

做個狠心的女人

有時做女人,狠心一點也未必是一件壞事。

上星期﹐細佬C太朗外遊一星期﹐我除了享受了一星期的獨居外﹐亦不忘在家收拾一下。在媽媽返天家之時﹐亦在部落上分享過我家族遺傳的垃圾婆性格。在這半年﹐我盡量去改變這不要得的性格﹐但家中仍有不少東西是我不捨得的。在收拾的時候﹐我發現了一大盒老死們的書信﹐是我初來花旗的時候﹐因相思之苦遺下的禍根。我知我十年也不會拿這些書信出來看一看的﹐但一拿來看時﹐又捨不得將它們碎撕萬段。

若你有更好的方法去處理﹐請你“教我如何不愛它”﹗

年尾感想

不知道是否快到年尾﹐近日總想將今年所發生的人與事整理一下﹐然後定下明年的目標與期望。人越大﹐越有很多東西想做﹐想學﹐想睇。好怕這一生就這樣過了。有些我知道我可以完成﹐有些我知我盡最大努力﹐仍然是得個桔﹐但又偏偏要追呀追(~無奈~)。但生命有限﹐如何使用我有限的去見最多﹐去試最多﹖﹗或還是應該“得力在乎平靜安穩”呢﹖真的要求神給我有智慧與能力去追求合祂心意的。

大減價

年尾各百貨公司﹐商店也在大減價。估不到Christian BookStore也有得減。唔知有冇人有興趣一次過買﹐因為可以節省郵費。有興趣者﹐請留言或email我。截止日期﹕12-11-2004

美證思書店

誠意推介﹕
工作自由人
步祂後塵 I：成長與試探
步祂後塵II：宣講與教導
步祂後塵III：禱告與不渝
每逢佳節倍思神：節日信息
你都冇解：反思聖經正意

帶腦上班

看過花蝴蝶談及自己的“做錯o野”經驗﹐令我想起前陣子看到我偶像李敏的一篇散文﹐同樣談及“做錯o野”的笑話。希望大家返工時﹐要記得帶腦上班。

轉載自蘋果日報﹐2004年12月02日
最 原 創 的 錯 - 李敏

記得一次與另一位作家談編輯植字笑話，他試過寫「設法」卻變成「沒法」、「雪櫃」變成「靈柩」。把遺體放入雪櫃的確會發生，但把食物放入靈柩的話就… …
我字體草劣，植字同事像能看穿我的心似的，I will not complain 。但有一次遇到一位「大概」是新同事，他不明白出版界中打三角代表「保留」，他真的打了一個三角在文中。
最近一次，在工作人員名單中有些名字打錯了，我希望那位「大概」是新同事致電給某某問，結果文中出現「插圖：請致電 Rita Confirm」。
前者是沒有經驗，還可以原諒，後者是沒有帶腦上班。沒有帶腦的人 ，怎能累積工作經驗而變得醒目。真不明白為甚麼某些人可以犯些意想不到、啼笑皆非的錯。
世上只有錯誤是最原創。

廣播劇

十分喜歡聽廣播劇。最近聽了一個﹐當中有句金句覺得幾特別﹕

“鍾意一個人好容易﹐要放棄鍾意過的人好難﹗”

你點睇﹖

暫別Messagebox 留言板

既然有人投訴每次開comment 會hang 機﹐我暫時拿走JUGEPI 留言板﹐看看會不會好一些。

好男人

我的上司是個結了婚的男人﹐而且有三個小朋友。平日一到五點便會急急腳走人﹐說要回家接力﹐替太太照顧小朋友。如此好男人﹐有時見到他勞碌了一整天還要趕頭趕命回家﹐真的登他辛苦。不過好男人也有他的弱點﹐他不是個浪漫的人。他說起今年結婚週年紀念﹐他太太買了部Palm記事薄給他﹐但他十分慚愧﹐他只買了部waffle maker 給太太﹐讓她可以弄些新鮮的威化餅給孩子和自己吃。不知道他的太太收到這份結婚週年紀念禮物會有什麼反應﹐突然想起朋友問我在週年紀念應該送些什麼給太太。雖說“物輕情義重”﹐送什麼也可以﹐最要緊是個心。但女人都是喜歡人逗的。太實際的禮物真的要小心挑選﹐無謂送了,她不喜歡啦﹗

打機大合奏

真係好利害﹗

http://www.1101.com/nintendo/band_bros/DS-demo.html

問題少女

上星期天﹐到了楓葉國的城北崇拜。李非吾牧師講創世記5章﹐有關亞當的族譜﹐各人的壽數﹐以諾怎樣與神同行﹐十分有趣。於是這幾天也拿了聖經CD來聽聽創世記。在半小時往公司的車程﹐雖只聽到挪亞方舟的一段﹐但已很精彩。神與人之間的關係﹐真的很微妙。神造人﹐為什麼要人放祂為第一位。神有後悔做人﹐祂的後悔與我們的後悔感覺是否一樣﹖真的有很多問題要問問神。不知道你有否問題要問神﹖希望他日返天家時能見到你也在問神﹐“您搞邊科”,“點解o既﹖”...

第一次

今次北上消費﹐試了蠻多新奇的東西。讓我一一為大家介紹﹕

Hair Culture - 剪頭髮
六個人一齊剪頭髮﹐這算是第一次。我們去了積琪蓮推介的Hair Culture。門面是有香江的高尚Salon格局﹐收費中上﹐而且是按不同師傅收費。我們已經選了做緊promotion的那位﹐剪髮也要CAD$23﹐但剪得不錯﹐好有香江Style﹐唔娘。小妹還試了它的負離子直髮(包焗油)﹐但我個人覺得在NY的那間做得比較好﹐不過NY就貴差不多USD$40-50﹐所以我整體覺得Hair Culture數唔錯﹐可以推介。

知足樂-腳底按摩
記得數年前﹐腳底按摩盛行之時﹐老媽亦曾經拿我當實驗品。那次的經驗是痛到“啊媽都唔認得”﹐所以一直對腳底按摩有界心﹐亦沒有想過會再試。今次既然大顆兒說起要試試楓葉國的腳底按摩﹐而且計落又不是那麼貴﹐於是再試。唔痛就假﹐不過做完還算舒服。那位“姐姐”手勢算唔錯。如果之前未試過腳底按摩﹐我覺得不防一試﹐或者你會愛上呢﹖

鼎泰豐-豆漿
我以為鼎泰豐的小籠包出名﹐原來豆漿仲好飲。今次係第一次去楓葉國這間鼎泰豐。因為“目及”到每台也叫豆漿﹐於是試試﹐嘩﹗好好飲架。極力推介給大家。所以話﹐“去食野﹐記得“目及”o下隔離食乜野﹗”

許留山-炖湯水
食完鼎泰豐的小籠包和豆漿﹐想食甜品﹐於是行過隔離的許留山。這間許留山和NY的那間﹐有點不同。佢竟然有炖湯飲。我同BBT試了他們的“杞子准山花膠炖水鴨”.嘩﹗超正﹗可能我這個孤兒仔﹐對湯水特別喜愛吧﹗

鴻福堂-楊枝甘露
但以理極力推介給我們﹐要去食這個“楊枝甘露”。我之前未曾試過﹐所以比較大鄉里﹐不知道原來楊枝甘露是一些生果加果汁。可能我們不是堂食﹐經過了六﹐七個小時車程﹐味道大減。不過仍然十分清香。下次一定要試下堂食。

MHQ-唱K
雖然不是第一次在楓葉國唱k﹐但今次試了在Pacific Mall的MHQ。C太朗已告知這間算是貴K房﹐不過就腳麻﹗D歌幾新﹗只係唱Joey﹐twins D新歌都唱了整晚。蕭公子當然係唱晒克勤D歌﹗仲有古巨基同安仔D歌都好新o架﹗唯一美中不足係我們房的那部電腦Hang機兩次﹐不知道是否我們太過激烈﹐不停入歌所導致。

思福書室-Christian Bookstore
講了那麼久飲飲食食﹐都要講些精神食糧。以前都是到證主和使者﹐今次我們到了思福書室。相比證主和使者﹐他的書種比較多和齊全﹐但價錢比較貴一點。今次給我發現了李思敬的釋義CD﹐破產都要買啦﹗

新浪潮-舊書
之前賢內助介紹給我們的﹐原來新浪潮是一所租書﹐VCD和漫畫店﹐可惜書種﹐數量不多﹐我買了兩本李敏小說。不過﹐因為係租書﹐每本小說也只售七元。如果諗住買舊書﹐不防看看他們有沒有你的心頭好。

鳴謝

尋日,唔記得?多謝積琪蓮.你d料好正啊!

飲飲食食

好味!好味!好好食!太多好野食,唔知食乜添!

獅子山下

為了記念黃霑先生...

獅子山下 唱：羅文
曲:顧家煇 詞:黃霑

人生中有歡喜
難免亦常有�
我地大家在獅子山下相遇上
總算是歡笑多於唏噓

人生不免崎嶇
難以絕無掛慮
既是同舟在獅子山下且共濟
拋棄區分求共對

* 放開彼此心中矛盾
理想一起去追
同舟人 誓相隨
無畏更無懼 *

# 同處海角天邊
攜手踏平崎嶇
我地大家用艱辛努力寫下那
不朽香江名句 #

Repeat * #

即時留言板

在其他部落游來游去﹐見到其他人在自己的部落中有不同的功能﹐非常好玩。有的可以在部落上養寵物﹐聽歌﹐看電視。總之要玩的功能多得很。最近我想嘗試即時留言板﹐比大家o下留言﹐講o下費話。選這個留言板﹐是因為有很多得意icons。大家不防試試右下方的留言板吧﹗

有興趣裝番個玩o下﹐可到http://mukuchidesu.2friend.com/archives-2004-8-9-6558.html#

你喜歡咀嚼嗎﹖

看到這報導﹐覺得甚為有趣﹐原來面圓圓是有根據的。既然整容有副作用﹐唔知咀嚼少些會否有幫助呢﹖


女士愛咀嚼致方角面

不少女士為「方角面」而煩惱，醫生分析，原來亞洲女性「方角面」的主因，是咀嚼肌發達。

這或與愛好咀嚼魷魚乾、肉乾和高纖蔬菜等飲食習慣有關，故除施手術削腮骨和注射肉毒桿菌，市面流行的塗瘦面膏等方法根本無用。

根據面孔的美麗「黃金定律」，亞洲人的比例應為面長比面寬是<1.618:1>，故「瓜子面」常被視為標準面孔。一項於本年7月進行的「香港準新娘對瘦面看法和需求調查」發現，100對受訪準新人中，68％準新娘認為就算身形纖瘦，只要面孔較脹，別人也覺得她胖﹔60％準新娘更不能接受婚紗相中自己的面比新郎的面更闊更脹。不過，整形外科專科醫生何維新指出，由於亞洲人的基因令其咀嚼肌特別發達，加上飲食習慣，如愛好咀嚼魷魚乾、高纖蔬菜等，令亞洲「方角面」女性特別多，當中以中國北方和韓國尤其嚴重，這情_與坊間常說的水腫問題無關，水腫飲料、瘦面膏、面部美容按摩等亦無助瘦面。

何維新更說，目前根本沒有任何一種化學物質僅需塗在皮膚表層，便可以令發達的咀嚼肌降低收縮張力，而醫學上證明有效的改善方面，只有削腮骨和近年新興的注射肉毒桿菌素。注射肉毒桿菌素的原理，是令咀嚼肌肉萎縮，以達瘦面之效，臨殭研究顯示，肉毒桿菌能平均降低咀嚼肌的張力達22％，大部分於療程後1個月便達最佳瘦面效果，效果可持續3至12個月。不過，由於咀嚼肌注入較多劑量的肉毒桿菌，故亦會出現腫痛和初期咀嚼困難的副作用。
[+/-] 原文

再睇台慶

睇D阿姐介紹珠寶﹐好好笑﹗

香港的禱告 - 我是罪人

雖然只得兩分鐘﹐我覺得幾有意思。

如果你是無記迷

又到台慶
http://tvcity.tvb.com/special/anniversary2004/firstline/text.html

以“飛黃騰達”之名

據聞香江正熱播放著飛黃騰達<The Apprentice I>﹐而花旗亦不弱﹐The Apprentice II 亦進入最後六強。對於第二集的飛黃騰達﹐我個人覺得沒有第一集好看﹐可能今次的應徵者沒有上次的那麼醒目﹐而且本集好像多了很多不同公司的贊助﹐有點賣廣告多於應徵的感覺。有點悶﹗

講開The Apprentice,放工到書店行行﹐發現第一集的Bill Rancic,Amy Henry還有Donald Trump的左右手Carolyn Kepcher相繼以打工皇帝身份出書教人打工仔成功之道.利害!這樣又可以賺一筆.看了數頁Carolyn 101,相當吸引.本想立即買下,但想到家中仍有不少書還未看,唯有忍手.不知你會否買來看看?

至於Donald Trump的著作﹐不知怎地﹐總是沒有興趣拿來看﹗

甩手運動

在某處見到有人談及這甩手運動﹐據說十分有效﹐更有人說做了三個月後那些拜拜肉不見了﹐血氣運行得不錯﹐而且還減了數磅﹐的確吸引。心想﹐這樣 FING 來 FING 去也會有用嗎﹖雖然那篇文章說這療法是由「易筋法」變化而來﹐而且還叫人一面擺動一面默念經文﹐但如果一面擺動一面背聖經金句﹐這樣就不怕走火入魔啦﹗不知道有沒有用呢﹖我諗住試一試。眾讀者們有冇人試過呀﹖

另一金曲 - 分身術

不知道是否接近年尾﹐樂壇突然熱鬧起來﹐每個歌手要趕快推出新歌用來領獎。連帶我們幾個台都日日有歌張貼。近期對這首歌十分有共鳴。唔通你練成了分身術﹐還是"我滿懷執著﹐不甘心的一個是我"。



歌名：分身術
歌手：容祖兒
作曲：徐繼宗
填詞：黃偉文
編曲：唐奕聰
監製：舒文

一出街　暗中遇你不禁心中暗喜
一轉身　為何又有一個分身的你
這裡有你　那裡有你
每個途人　亦似足從前的你

彷彿將　藏在下意識中黑盒揭起
鎖起的　舊愛記億集起傾巢逃離
四百個你　八百個你
企滿行人　路裡步步露殺機

無謂太過　我欠你甚麼這麼迫我
你不是那一天已撇下我麼
還是我被害後幻象太多

＊怎麼我眼內人人像你　人人是你
　沿途萬里　完全被封鎖
　前方街角尚有幾多個
　徘徊著未散的靈魂在共我拍拖
　你的分身怎麼緊貼著我
　到底真的假的經已混和
　還是以前的事　不捨得的一個是我
　（最拋不低的那是我）

　小小的　提示亦會將你清楚記起
　不小心　望見某君像你一堂濃眉
　看進眼裡　也拼著你　
　陳年舊戲　幕幕又揭起

　無謂太過　我欠你甚麼苦苦追我
　你不是那一天已撇下我麼　
　還是我極念舊後患太多

Repeat＊

沒有人懲罰我　完全是我　難平伏淒楚
憑空的塑造出幾千個　
徘徊著未散的靈魂在共我拍拖
那些追憶本可一躍就過
我偏喜歡給他一再折磨
其實滿懷　執著　不甘心的一個是我
[+/-]歌詞

武士

看了這套武士 - 中日韓合資的電影。其實我對於這血淋淋的電影﹐並沒有多大的興趣﹐但為免浪費食飯時的時間﹐還是開著電視﹐播放著那打打殺殺的影片。


估不到睇下睇下﹐竟然將全片看完。韓國武士為要和中國求和﹐中途在蒙古軍中救出元朝公主。就是這樣簡單﹐由開場的幾百人﹐殺殺殺﹐殺到完場只剩女主角﹐一個男配角和數件林記。但每個人的內心戲都幾多的。

武士為了完成承諾﹐將自己的生命也放了次位。我一向都不明白這武士道精神﹐但就十分欣賞那種堅持。有時想﹐有很多事本來不能做到的﹐卻就是這份堅持﹐將事完成。願我也可好好學習這武士道精神的堅持。

傷風也幸福

同BL談起聽歌之道﹐在聽她的“瀾之選”﹐“BL﹐DJ之選”等﹐發現有很多歌我也沒曾聽過的。沒辦法﹐沒有時間﹐唯有只聽那些流行榜﹐十大金曲來更新自己的樂壇消息。最近我聽到容祖兒的“心病”﹐聽說是首廣告歌。我對上一次聽這品牌的廣告歌是湯寶如的“感冒”。唔知下一次會用什麼歌名來宣傳呢﹖

十分喜歡最後的一句﹐“有藥能自救　何必等它擴散”.有陣時人就係好衰﹐無論在生理﹐心理﹐知道有藥都唔會食﹐到擴散o左﹐已經太遲。



歌名：心病
歌手：容祖兒

作曲：BC／Nigel／曾家瑋
填詞：黃偉文
編曲：唐奕聰
監製：舒文／陳永明

傷風也值得　猶如床上假期
悠然停下細味　失戀的過渡期
想想我自己　如何能沒了期
憑心痛記念你　過去沒法抽離
從此應該斷尾　不該推三推四
借失戀逃避 　誰沒有　哪個也並不會死

＊仍然剩下病假有幾晚　要復元為何會這麼慢
　懷念你定了時限　過後忘了這憂患
　明日我會再上班　從前途著眼 無暇來嗟嘆
　再病來病去　永遠學不識　心淡＊

失戀最幸福　人人陪在我旁
輪班去照料我　怕我沒法起床
情願身體更壯　飾演苦主這個角色很無望
沉下去　哪裡有什麼曙光

Repeat　＊

再勉強　撐一撐　大病就消散
要是還未淡　還未慣　還在怨　還在嘆
再病發　註定更慘　假使命運任我揀
狂瀾能力挽　怎可因病而偷懶
存亡聚散　靠我努力渡難關
終於我會再上班　從前途著眼　無暇來自嘆
再病來病去　永遠學不識　心淡
有藥能自救　何必等它擴散

[+/-]歌詞

I Y NY

B子常說紐約是一個鬼地方﹐去極都唔悶﹐野食又食極都唔厭。據BL的資料顯示﹐可以在網上尋找到的紐約食府卻有四千多間﹐如果每一天都到不同的食府用膳﹐也要食足十年才會試盡所有美食﹐認真誇張。

今次﹐我們慕名來到這“來來軒”﹐吃拉麵。地方不是寬敞﹐只有十數個吃麵的坐位。餐牌 上亦只有三款不同的拉麵﹕Shoyu Ramen, Shio Ramen, Miso Ramen.十分簡單﹐一點也不會花多眼亂的。食落味道唔錯﹐不過碟頭就細D﹐男仔去就一定唔夠食。價錢唔係話好貴﹐我同BL點了拉麵外﹐還點了餃子。可能我比較喜歡食un un 地的餃子皮那種﹐所以我唔係太欣賞他的餃子。我覺得下次可以不點。因為這是一間很細的拉麵巴﹐食完就要走,唔可以慢慢頃o下計﹐所以如果係想搵地方食o下頃o下﹐我就不推薦這間了。其實那一帶還有很多不同的日本菜館子﹐已經列在我的試菜明單當中﹐睇o下幾時又再出城。

我無BL禁瘋狂﹐隨時隨地也可拿著相機不停地影。所以如要睇相﹐請移玉步到BL部落。今次“I Y NY”之旅﹐我們還吃了Beard Papa's cream puffs (BL大叫好味)﹐雞蛋兒子﹐蟹粉小籠包。仲買了很多不同款式的公仔麵。禁樣消費法﹐唔知“I Y NY” 定 “NY Y I” 啦﹗

想飛就飛

在網上游來游去的時候見到國泰假期﹐乜去曼谷三日兩夜﹐包機票﹐酒店都只不過HK$1699﹐又幾低喎﹗

愛與誠

近期幾鍾意這首歌﹐係BL度見過佢post。等我post 這個有讀白的板本。希望你會鍾意。真的做隻貓做隻狗比做人還好嗎﹖



歌名：愛與誠
歌手：古巨基

作曲：曹雪芬＠宇宙大爆炸
填詞：林夕
編曲：T.Lo
監製：雷頌德

其實自己一個更開心　只等你講
其實大家早已嫌大家卻扮忙
恨有多一點碰撞　仍然無聊事幹不敢打攪對方
要是你願意　誠實講一趟
彼此都起碼覺得釋放

不要哭　我也忍得了這些年來的委曲
沒法真心愛下去　只好真心真意的結束

＊別再做情人　做隻貓做隻狗　不做情人
　做隻寵物至少可愛迷人
　和你不瞅不睬　最終只會成為敵人
　淪為舊朋友　是否又稱心
　沒有心　只像閒人
　若有空　難道有空可接吻
　註定似過路人陌生　你怎麼手震
（這預告　發自虔誠內心）＊

長期被迫戀愛也真比　失戀更慘
長期扮演若無其事般　更困難
是我專登反應慢　明明為時甚晚　
牌一早該要攤
再像我伴侶　仍望多一眼　
一生都將會記得今晚

Repeat＊

對不起　自動分手錯愕的你怕會傷感
盲目的我　現在也可轉台來賀你新生

別再做情人　做隻貓做隻狗　不做情人
做隻寵物至少可愛迷人
和你相交不淺無謂明日會被你憎
淪為舊朋友　是否又稱心
沒有心　只像閒人
若有空　難道有空可接吻
註定似過路人陌生　你怎麼手震

[+/-] 歌詞

好人家

天陰陰﹐落雨濕濕﹐真係有D愁雲慘霧o既感覺﹐唔知係唔係個天都為了我的MP而傷感或喜極而泣。等o左成十一個月﹐我的MP終於找了住好人家。本來諗住睇o下有冇慈善機構會收留佢﹐點知搞搞o下﹐又會比人睇中﹐收養。有D唔捨得﹐不過希望佢去到新屋企﹐好好服侍新主人啦﹗

Music Only

試o下禁樣聽唔聽到

悠長假期主題曲音樂

我太強

在某處看到有人抒發﹕
我不需要你的長期飯票 (我能自食其力)
我不需要你的鈔票 (我可能多過你的)
我不需要你幫我付款 (我自己還有)
我不需要你買金銀首飾鑽石給我 (我並不喜歡穿金帶銀)
我不需要你買名牌貨給我 (我喜歡簡單的服飾)
我只需要...

有時會想﹐雖然“我太強”, 但還有很多東西是自己不能賺取的。


作曲編曲監製：伍樂城
填詞：梁芷珊

一般測試中得知 我機智
處理庶務與人事 我精於
坊間一百本好書 我是博士
我有過百好處

自給自足 是可以
十億年薪 不會滿足一輩子
生活都不缺 心頭只想望
披嫁衣

即管揭穿我 諷刺我毫無大志
我無名指 只想多一隻戒指
如明白我 滲透我內心深處
看似剛強 實質小女子

即管貶低我 諷刺我難成大器
今非昔比 始終需要愛情包庇
無人受理 領教了慘遭拋棄
我再精明 卻得不到你

哪處旅遊是聖地 我知道
世界政局與時事 我都知
關於演奏或拍子 我是博士
隨時表演一次

自給自足 是可以
十億年薪 不會滿足一輩子
生活都不缺 心頭只想望
披嫁衣

即管揭穿我 諷刺我毫無大志
最大投資 將青春給你透資
豪無運氣 輸光所有的賭注
我再堅持 敵不過天意

即管貶低我 諷刺我難成大器
家中餐? 不想招呼三五知己
床頭位置 我永遠關守給你
就算卑微 我只想抱你

自給自足 是可以
十億年薪 不會滿足一輩子
生活都不缺 心頭只想望
披嫁衣

即管揭穿我 諷刺我毫無大志
錯誤投資 不懂得點到即止
豪無運氣 輸光所有的賭注
我再堅持 敵不過天意

即管貶低我 諷刺我難成大器
家中餐? 不想招呼三五知己
床頭位置 我永遠關守給你
就算卑微 我只想抱你

[+/-] 歌詞

十二蚊的誘惑

近日都有唔少朋友加入部落一族﹐好開心架﹐又可以大家一齊玩。對於我們這一群專業人士來說﹐要將個部落加添色彩﹐要有留言功能又要放相﹐放video﹐的確要花一丁點時間和心機。就係幫朋友搵其他功能的時候﹐我先發現原來自己這個部落的留言功能﹐因為免費的關係﹐只會提供四個月的顯示。四個月前的留言是不能顯示及下載的。又係錢作怪﹐正在掙扎比唔比十二元作為主要會員。等我仲同BL講﹐"如果佢地收錢﹐我就搵地方搬添。" 而家好似係度自打嘴巴。唉﹗

MTV

連個video都係“美中不足”有瑕疪﹗ 唉﹗

p.s.我都係試o下禁樣 post 唔 post 到。

相由心生

在某網頁上﹐見到有人討論梨渦在相學上的福興禍。唔知點解令我想起多年前看過的張佳音見證。記得當年見到書背上刊登她以前還未信耶穌﹐常接觸靈界時的相片﹐和信主後做了傳教士的相片。對比是相當的大。從那時開始﹐我越來越相信人的外貌是隨心景而變動。

哈哈﹗我眼細﹐鼻扁﹐無酒凹。可幸有耶穌基督係裡面﹐唔知禁o既樣有冇得救﹗

多謝弟兄

昨晚有兩位弟兄請食飯﹐(天時涷﹐打邊爐﹐正﹗) 請食飯的原因﹐是他們想將在巴西短宣時的經驗給朋友分享﹐我並沒有到過他們的團契(主要成員多是從小就在花旗長大的)﹐所以有很多人我也是不認識。這倒不錯﹐認識多一些不同層面的弟兄姊妹﹐的確是可以將自己的眼光擴闊一點。

其實他們的分享我已聽過好幾次了﹐在巴西聽過﹐在自己的團契聽過﹐在宣教年會聽過﹐昨晚又再聽一次。但在每個場合﹐聽眾的反應卻有不同。我不是想說“人家的飯永遠是香的﹐人家的團契永遠是好的”﹐但昨晚由聽眾的反應﹐我的確是得到較多鼓勵性與正面的想法。他們分享到如何在社區中﹐去實踐傳揚神的愛。作為神國的小僕人﹐我可作什麼來回應呢﹖

我的野蠻繼母

最近正看這本“我的野蠻繼母”。請注意﹐這本書並不是韓劇小說。作者是陳美琪﹐以前是電視藝人﹐聽說已嫁了來花旗為人繼母。買下這書﹐是因為我“八掛”想知道她作為繼母的生活是怎樣。看了幾頁覺得十分有趣﹐因為她不是以自己第一身來寫這書﹐而是將自己代入繼子的角度來寫﹐將那艱難的繼母生活寫得頗為有趣。張堅庭在序言說這叫做“角色轉移”。“這方法可從別人的角度看自己﹐這樣就可以看出自己的弱點﹐扮演別人就能欣賞別人的優點”.

我覺得幾有意思﹐我要多一點練習這“角色轉移”的絕技﹐好使我多欣賞別人的優點﹐看出自己的弱點。

生命中最重要的東西

見到某出版社舉辦“生命中最重要的東西”投搞活動﹐有人寫﹕「人生在不斷地變化，每一個生命階段的感受極不相同︰窮困的時候，財富最重要﹔被奴役的時候，公義最重要﹔迷失的時候，真我最重要﹔孤獨的時候，真愛最重要﹔傷病的時候，健康最重要﹔幼年的時候，父母最重要﹔年老體衰的時候，受到關懷備至最重要﹔如此等等。僅用一樣東西怎能代表得了﹗」亦又人寫﹕「生命中最值得珍惜的、最重要的，就是最真的我。因為它完全屬於我。」

這又令我想起詩篇二十三篇﹕「耶和華是我的牧者．我必不至缺乏。」鄺牧師講當我地擁有神的時候﹐我們就會滿足﹐不再需要其他。既是如此﹐神當然是我生命中最重要啦﹗唔係話你唔重要﹐不過一定無神禁重要囉﹗好似魚生魚太話齋﹐“First Love”一定係神啦﹗

不知道“你生命中最重要的東西”又是什麼?

免費午餐

我知﹗我知﹗唔好貪小平宜。我知﹗我知﹗世上沒有免費午餐。不過禁o岩見到﹐有好野又無理由唔講o既﹗睇o下你地邊個有興趣啦﹗

Free webcast training on ASP.NET + Free Gifts

Hello Kitty 三十大壽

在報紙上﹐看到在香江有盛大派對慶祝哈囉吉蒂的三十大壽。城中一眾名人﹐名模出席。報導說﹐大家為配合主題﹐都穿上或帶上印有哈囉吉蒂的手機﹐珠寶和服裝。我覺得最出位的﹐就是周先生夫人的司機﹐也要穿上粉紅色的制服來襯番他的粉紅色勞斯萊斯“哈囉吉蒂夢想號花車”. 標題還寫著“司機搵食艱難”

報價

先至聲明﹕我無得抽傭﹐亦無試過這間ZUJI online travel agent 好唔好。只不過禁o岩click click o下﹐見到D價錢好似幾好﹐又諗起好友們又有人返國到多處遊玩(好羡慕噢﹗),所以post出來比大家知道現在市價如何。

隨意發現

在網上隨意發現﹐D相幾靚喎﹗http://www.travellereyes.com/travellereyes/member/album/
photolist.cfm?member_id=3020&page_id=8561

小市民的一票

我相信這幾天的大事﹐莫過於“花旗總統大選”。由朝到晚﹐每個傳媒﹐每個節目都在講﹐有時都覺得“膩”。又收到好多campaign電話﹐郵件﹐直情“煩”。

終於都等到今日﹐作出決擇﹐去體現o下一人一票的選舉。說來鄉里﹐這次是我的第一次﹗

有興趣睇結果可到﹕
http://www.cnn.com/ELECTION/2004/pages/results/

宣教禱告書籤

為要找尋查經Handout,無意發現前個星期到NY參加祟拜時所派發的宣教書籤.很有意思的七日禱告．每日一題目，每題三點．既然本星期是宣教年會.我想也不防寫出書籤上的禱告,讓大家看看其他教會是怎樣禱告吧！

星期一
屬靈生命
－　屬靈操練及生命成長
－　順服遵行神的心意
－　抵抗試探，得勝引誘

星期二
家庭生活
－　持守貞潔，對配偶忠實
－　家庭情趣，增進溝通
－　經濟資源，仰望神的供應

星期三
文化溝通
－　學習語言，體驗文化
－　生活環境上的適應
－　傳講信息，深入人心

星期四
人際關係
－　與信徒，領導的團契交通
－　與當地教會，社區互合作
－　與支持者繫連妙結良好關係

星期五
傳揚福音
－　不以福音為恥，大膽傳揚
－　為主作工滿有果效
－　奮興群羊傳福音的熱誠

星期六
門徒訓練
－　教導信徒渴慕神
－　裝備門徒作主的精兵
－　激勵信徒，靈程日新

星期日
國家政府
－　政治局勢動盪或迫害
－　與當地官員的關係
－　容許宗教信仰自由

Twins 的威力

B子常說小C子每次發脾氣或大哭之時﹐一放Twins的Singing In The Twins Wonderland ﹐哭聲便會馬上停止﹐而且還會對住Twins笑。我十分好奇﹐見到promote優惠價﹐不理他人如何看我的眼光﹐ 買了下來聽聽。 噢﹗很多也是我小時候的兒歌。好多歌詞已經唔記得﹐哈哈﹗現在聽番都幾好聽﹗經典兒歌是沒有受時間空間的限制。

Baa Baa Black Sheep
Baa baa, black sheep, have you any wool?
Yes sir, Yes sir, Three bags full
One for the master, one for the dame
and one for the little boy
who lives down the lane

Mission Conference 簡簡報

好開心!這個星期五,六,日.可以聽到戴牧師的教導,羅伯的研究分享和一同到巴西的弟兄姐妹分享.接收到很多.而且很有鼓勵性(詳盡的報導,請移玉步到BL的blog看看,哈哈!原諒我有點懶,因為她已將要點寫晒出來,真係超正!)我覺得我像片海綿,不停地吸吸吸.希望這幾天所吸,可以好好保存在心中啦!

Halloween 實錄

擺設
小丑表演
畫南瓜比賽
前老細的房間
刀疤A

STM分享(十) - 生命影響生命

如果你有去上上星期的團契﹐其實我已經o係o個度分享o左小小﹐禁我D讀者又未必係個個去團契﹐作為第十篇(所有分享的總結)﹐我也想係呢度分享多一次。在巴西的時候﹐魚生帶領了一次靈修﹐分享了“生命影響生命”的道理﹐令我有很深的感受。人一生所遇過的人與事真係多不勝數﹐藉著我所講﹐所作的無論是好﹐是壞都會影響著我身邊的人。這些impact可能會令你無動於衷﹐但係亦有可能會影響你的生命有所動搖。就好似個撞撞波禁。

你可能是中間的那一個﹐又或是最後的一個。但無論你是那一個﹐你也可以將動能傳給下位。這亦提醒我千祈唔好只係做吸能量﹐而又唔去影響他人的那一位。所以如何作神所喜悅的事呢﹖真係可以窮一生的精力去學習。

所以弟兄們、我以　神的慈悲勸你們、將身體獻上、當作活祭、是聖潔的、是　神所喜悅的．你們如此事奉、乃是理所當然的。 不要效法這個世界．只要心意更新而變化、叫你們察驗何為　神的善良、純全可喜悅的旨意。(羅12：1-2)

等我又賣o下廣告﹐我剪了大約六分鐘我們在巴西的精華片段﹐會係明日的Mission Conference 度播﹐如果係本城﹐不防來看看啦﹗

萬聖節的扮野大賽

又到萬聖節﹐每年到呢個時候﹐公司都會搞o下下午聯歡會﹐讓員工可以帶他們的小朋友來公司“trick and treat”﹐因為治安唔好﹐現在已有很多家長不讓子女到自己所住的區域 trick and treat 啦﹗所以我都覺得係公司問人要糖﹐總好過係街上唔知會遇到D乜野人好。除了小朋友會扮野之外﹐有D公司同事都會扮o下野。就好似我以前老細﹐蘇聯女人﹐她每年都會十分投入。今年佢亦有率領她的部下扮鬼扮馬﹐哈哈﹗或者有機會的話﹐影D相比大家睇o下﹗

The Incredibles

o係DJ度﹐見到蔡瀾講起這套The Incredibles 電影﹐都等o左好耐﹐記得好似係o係睇 spiderman 時睇到的預告。我一向也是Pixar製作的fans﹐所以都十分期待。只係睇片頭﹐我已經笑死了。十一月五號就上啦﹗有冇人有興趣一齊睇呀﹗

STM分享(九) - 去巴西短宣必備

聖經 - 我極力推介NIV Study bible﹐因為資料詳盡﹐萬一要“食雞”(即臨時要你講道﹐帶查經﹐帶靈修)﹐都有o野可以講呀馬﹗
傳單 - 呢樣野大家都知道用來做乜﹐唔使驚會唔記得帶﹐領隊一定會提醒你的。
詩歌集 - IG幫我地整o左本好好的詩歌集﹐以前都唔覺得有禁多詩歌禁好聽﹗
怕蚊水 - 我就唔係搽了很多﹐但係啊魚太就無怕蚊水不歡o羅﹗
防晒 - 基本上﹐我逢親旅行都會帶備﹐驚會變成隻黑豬返花旗﹐無人認得我呀馬。不過﹐今次其他人都有搽﹐因為巴西D太陽都幾勁﹐唔想晒傷﹗
止癢膏 - 呢支藥膏真係好有用﹐因為D蚊實太利害﹐針一針真係腫到雞蛋禁大。
藥品 - 頭痛藥﹐感冒藥﹐止瀉藥等都十分有用。我今次就係帶小了感冒藥就病到死o下死o下返花旗。
小筆記 - 除了要記低係當地發生的一點一滴﹐仲有就係可以用來寫低人地個名﹐地址等﹐可在等日後有個聯絡。
筆- 多支不同顏色的筆會比較好﹐可以用來寫下不同的感想。
膠紙 - 用來貼你們的小紙仔的。
書籤- 帶備這些有金句的小書籤﹐可以當作卡片之用﹐寫低自己的名字和電郵地址送比人﹐好好用。

我諗仲有好多必備﹐不能盡錄...

STM分享(八) - 生活習慣

我們所到的巴西里約其實並不是個十分落後的地方﹐最小在當地的弟兄姊妹所用的手機﹐是比我們所用的先進幾倍。不過唔知係唔係佢地其他o既生活水平比較低﹐所以生活比較節儉。有很多地方﹐如餐廳﹐商店﹐的士等雖然有冷氣但係唔會開。我們去的時候﹐有幾天是差不多40C﹐真係熱力沒法擋o架﹗但佢地依然只係開著把風扇吹吹﹗而我們所用的紙杯紙碟紙巾﹐亦和花旗的相差很遠。花旗o既紙品類產品﹐有好多真係可以用完洗乾淨再用﹐而相比巴西個D就比較脆弱。有時大力一點拿著個杯都會將個杯弄破。我個人都十分支持環保﹐但我都明白﹐D碟同杯用一陣就溶的麻煩。如何在當中取得平衡﹐真係好重要。

好的開始

很耐之前﹐已經很想深入D睇o下使徒行傳同保羅書信的關係。但係人始終係有懶根﹐況且我唔止有一條﹐所以都仲係o係得個“講”字既階段。多得你地推一推我。雖然只會睇其中的部份﹐而我又唔知我有冇恆心睇落去﹐但係都叫做有個開始。或者多D分享會刺激我,勤力D睇聖經﹗

莫再悲

詞：鄭國江　唱：林子祥

莫再悲　莫再傷　遇到悲哀休誇張
誰亦要經風與浪　誰遇挫敗不受傷

逝去的　莫再想　路正崎嶇更漫長
何用嘆息風裡望　寶貴光陰笑著量

愁和哀　風與霜　不會天天都探訪
用幻想　與夢想　編織那遠大理想

斜陽好　花正香　跟那寂寞和著唱
歌聲一句句　跳越屏障赴遠方

默默的分享　默默的欣賞
路上一切美麗況
人生總會碰著悲哀苦惱
為何流淚看

幸運不希罕　熱淚不輕淌
願做真正既硬漢
何必口說快樂心中一個樣

實力派

尋日睇勁歌﹐聽到近期安仔同葉德嫻的“美中不足”﹐嘩﹗唱live真係超正。其實我都好少click去睇勁歌現場﹐因為實在有太多偶像唱到走晒音﹐所以我是比較喜歡追看勁歌的MTV多於現場勁歌(Twins 呀﹗Boy'z 呀﹗ 的MTV是比較好睇)。大家得間不防click 去睇睇﹐今年年尾D的頒獎禮﹐我又會支持安仔。希望啊Larry﹐唔好過來踩場...哈哈﹗講o下笑o者﹗

“美中不足”Live

當年情

已經好耐無玩得禁癲﹐星期六一整天的朋友S婚禮﹐聚舊﹐返回本城。星期日又再上去朋友S教會度崇拜﹐然後再和好友J見面見面﹐仲要黃昏趕返本城去STM分享會。幸好有BL陪我一齊癲﹗坐幾粒鐘上上落落 哈哈﹗其實論癲的情度﹐我是比不上BL的。

今次參加朋友S的婚禮﹐真係有幾多感想。回想當年同朋友S在揚恩的日子﹐還有一齊take circuit 101的經歷﹐真係好似剛剛發生的事一樣。人係會成熟既﹗見朋友S改變了不少﹐而且對神的心越來越堅定。怎會想到當年的他會現在為神奉獻自己的一生呢﹖而且還在主內找到他的另一半﹐一同服事主﹐真係“鄧”佢開心。今次他的婚禮﹐還見番一D老朋友﹐雖然有D在威爺的婚禮上見過﹐事隔原來已經都年幾了。日子過得真係﹗

好友J雖然在星期六已經見到面﹐但因為人太多都冇乜點頃計。所以預先已約好星期日再見﹐真係明智之舉。BL醒目﹐決定去飲茶﹐這樣便有個地方可以“飲淡茶﹐食個包”﹐慢慢頃了。我地去o左Flushing 的金豐大酒樓飲茶﹐水準唔錯嫁﹗有幾多款式的點心﹐我地都點o左十幾碟點心﹐而且在本城是沒有見過的。

我地三個女人一個墟﹐由朋友的近況到教會生活﹐由未來的動向到大家的工作大計。真係頃得好鬼開心。好友J無乜點變﹐依然是ca ca大笑﹐但做起事上來又十分有分寸。雖然今次一別又唔知幾時再見﹐但我同BL都同時間要求好友J多D上來我地個blog度﹐同多D上YM﹐禁大家咪可以成日見面囉﹗

趕到去魚生屋企﹐各位短宣的弟兄姊妹已經到達晒。約翰帶備他的無線上網卡﹐我們在魚生屋企竟然可以和巴西的姊妹啊群啊英MSN IM 上網通訊。我地又即刻影相上載上網﹐比佢地見o下我地個貓樣。哈哈﹗科技日新越異﹐越來越發覺個世界越來越細﹐神既國真係好快就到﹐我地要怎樣準備自己見神的面?噢﹗我還有很多親戚朋友還未信耶穌﹐真係為你們心急同擔心﹗

STM分享(七) - 為福音而食

有很多弟兄姊妹﹐朋友問我今次係巴西﹐在“食”方面如何﹖哈哈﹗我可以答你﹐是比我在花旗國的好。除了每日在酒店有任食超正早餐(最小吃一個木瓜﹐養顏ma﹗)﹐還有真正的巴西燒烤﹐珍姐的住家飯外﹐我們每到探訪的店舖或家庭﹐人家總是叫我們吃吃吃喝喝喝的﹐十分客氣。我們雖然搬出“唔水law”﹐但他們仍將食物﹐飲品放在我們面前。泉哥同魚生都教我地盡量食D或者飲D﹐表現得親切一點ma。

位於南美的巴西﹐生果特別正﹐而且好平。一箱木瓜都只不過是六蚊巴紙即係差唔多兩蚊美金。而任食的超正巴西燒烤都只不過是二十多元巴紙。所以大家都在此行增磅不少。幸好我們每天都要行好多路﹐都burn到唔小fat走。如果唔係真係"為福音而肥"了﹗

人肉旅遊雜誌 - 羅伯

去o左羅伯屋企食飯﹐雖然係美其名幫佢整部電腦﹐實質係去“痴o下餐”﹐食o下住家飯。羅伯同羅太同是愛好旅遊之人﹐每次去佢地屋企食飯﹐大家都會好雀躍談論近期去過邊度玩﹐佢地更加會介紹在網上發現什麼超“荀”的旅遊package。今次亦唔例外﹐我地講起去東歐﹐北歐等地。他們喜歡join團﹐因為唔使煩﹐而且佢比我睇o個D團費又唔係好貴﹐包酒店﹐機票而且又有領隊帶﹐都係幾“抵”。哈哈﹗佢講得非常吸引架﹐真係唔做sales﹐"sin"晒﹗忽發奇想﹐唔知有冇機會同佢地一齊去o下旅行﹐我諗會幾好玩。唔好睇羅伯有番禁上下﹐其實佢好玩得。

我個人唔係禁鍾意參加旅行團﹐因為要好早起身﹐自由度又無禁大﹐但係羅伯話去旅行﹐當然係要睇多D o野啦﹗禁我都明。羅太話羅伯每出外玩﹐都晨早就起身﹐玩到夜夜到唔訓。所以論體力﹐我呢D未必可以和他相比。

今次佢介紹o左以下三個sites 比我﹐我想,不如在此處和大家分享一下﹐話唔定大家會發現有超“抵”package一齊去玩﹗

http://www.go-today.com
http://www.affordablegate1tours.com
http://www.friendlyplanet.com

用倉頡,速成打中文

最近有很多朋友問我點樣學打中文﹐因為佢地都好想學識打中文﹐寫文章﹐寫電郵﹐YM都傳神一點。其實我都係打得麻麻地﹐有好多字都係查字典查番來﹐而且有好多中文字已經唔記得點寫﹐所以好多時寫錯字。而我一學就學倉頡﹐所以始終對倉頡有好感﹐不過去完巴西﹐魚生教o左我用速成﹐原來仲容易用﹐大家不防試試。其實速成同倉頡差唔多,都係用同一部首輸入﹐不過速成只需要頭尾兩個部首﹐就可以搵番個字出來﹐唔使好似倉頡要知道全部部首至出到個字。我誠意推介比想學打中文的朋友。

雖然已經電郵過比團契的email list。但我也想籍這個小小的空間﹐再post多次條link﹐
http://www.fed.cuhk.edu.hk/readwrite/typing/
除此之外﹐還有這個 http://www.ied.edu.hk/cj/ 都有很多關於倉頡輸入法的網站。希望幫到大家打中文啦﹗

p.s.如果你想知道點樣切定速成輸入法﹐可以email我。

STM分享(六) - 中秋節晚會

兩個星期的短宣﹐其中之一的重頭戲係同當地的弟兄姊妹﹐朋友﹐鄉里共渡中秋。正所謂“每逢佳節倍思親”﹐據說有很多鄉里已有很多年無玩過燈謎﹐食o下月餅。今次我地帶o左十二盒月餅﹐三十幾個燈籠加D零食呀水果禁﹐真係幾有氣氛架﹗而我最深刻印象的是一個叫做華姐o既女士﹐佢o既經歷真係幾慘架﹗唔知係唔係禁o既原因﹐我見到佢成日都係好愁眉苦臉。但係o係中秋節個晚﹐我見佢玩得好開心架﹗成個人都唔同o左。好在佢已經信o左耶穌﹐我地可以用聖經鼓勵佢。唉﹗人生唔如意的事﹐實在有太多﹐有時都會諗o下點解呢D事會發生﹐不過睇到聖經話﹕

他對我說、我的恩典夠你用的．因為我的能力、是在人的軟弱上顯得完全．所以我更喜歡誇自己的軟弱、好叫基督的能力覆庇我(林後12：9)

神容許每件事的發生都有其目的﹐以平常心去面對﹐神必會使你學到要學的功課。

<金枝慾孽>限量珍藏版DVD

最近成日係“大飲茶”﹐蘋果等度睇到呢套劇如何如何收得。昨日老死電郵來﹐因為佢o係無記度做﹐最近佢收到公司電郵話可以內部認購﹐問我有冇興趣買。嘩﹗睇o下佢地張poster﹐無記只出三千套﹐每人可以內部認購一套。如果多過三千人買﹐就要抽籤﹐認真誇張﹗

香江夜景

一向我都有追看無記的勁歌金曲MTV﹐無辨法生活苦悶﹐要看網上的MTV來調劑一下。近日看了梁炳的“艦隊”。嘩﹗有幾個鏡頭影得香江夜景幾靚。香江夜景真係正﹗
艦隊MTV

忙碌的週末

好友J電郵來說要隨夫在十一月遷移到上海﹐所以諗住在這個星期過來東岸見見D朋友。於是打個電話和她聊聊。她依然是十分可愛﹐一聽到是我就尖叫同哈哈的大笑。估唔到一轉眼又已經幾年了﹐上次大家見面是和BL參加她的婚禮。噢﹗日子過得真係快﹗哈哈﹗有D懷念以前一齊返團契﹐一齊去祈禱會的日子。大家講o下近況﹐我依然是那份工作﹐同一住所。唉﹗仲比佢笑我依然住o係D禁悶o既地方﹐無乜點變。大家已經相約好這個星期天見面﹐真係十分期待。噢﹗還有舊同學S的婚禮和STM的分享檢討會﹐這個週末真係節目多籮籮﹗

對不起﹗錯過了你的電郵

o岩o岩至得閒check check 呢個blog個email﹐嘩﹗成五十幾個電郵﹐check check o下嚇然發現一個由香江傳送過來的電郵。雖然我並不認識你﹐雖然我唔知可唔可以幫到你﹐但如果仲要我幫的話﹐再電郵我。

STM分享(五) - 你們的小紙仔(little message)

在未出發之前﹐已在本blog介紹過﹐教會和團契所給予一份愛心禮物包。內有一包小紙仔﹐是弟兄姊妹寫給我的一些鼓勵。初初打開來看時﹐是有點失望的。只得六張紙仔﹐噢﹗原來我只有這些朋友關心我的短宣。到上機o個日﹐魚太先至將其餘三十多張的小紙仔交給我。原來是分兩次比的﹐嚇得我呀﹗

o係度多謝大家的小紙仔和禱告﹐好多小紙仔都好有心思。有D係首詩﹐有D係幅畫﹐有D係書籤。有很多好搞笑o架﹐又有鼓勵性﹐睇唔出大家係禁creative。 據說我地有人收到張紙仔係有包鹽﹐真係有意思啦﹗

青蛙王子的心意

我對於詩詞歌賦真係一D都唔認識。某日青蛙王子來電﹐話想送首詩比本blog讀者。睇過之後﹐覺得青蛙王子文采頂瓜瓜﹐一D都唔似讀“Sin銀子”。

北風不來﹐
冬的逸興不飛﹐
暫惜光明一刻﹐
問問幾時舞於自然。

捕捉一縷風﹐
軟得無可追從﹐
何時變得溫馴﹖
借來人間一用。

牆的另一隅﹐
擺著神的禮讚﹐
何以至今仍幽幽﹖
何以你只在牆外﹐停留﹖

* * *

踏步﹐踏在紫色的路﹐
邁向未知的未來﹐
散溢著蓄發的神采。

願為誰在佇候﹖
聆聽水波輕奏﹐
金風玉露相逢﹐
人間依舊。

微光中的清晨﹐
寧願取長途(或窄路)
擷摘靜裡的一片溫馨﹐
多走人生幾步。

- 青蛙王子

STM分享(四) - 台山話

我們所接觸的大多數巴西新移民﹐都是來自中國大陸的四邑。所以如果你能說得一口流利的台山話﹐開平話等﹐對於和他們交談是很有建設性的。最小他們會留心聽聽你這個鄉里﹐做乜千里迢迢來到巴西去探望他﹐ 又或者o係打開話題時比較容易。他們有很多為了生活﹐離開自己的家人﹐兒女﹐偷渡到巴西。當中的辛苦﹐真係唔係每個人都可以明白。而我地探訪他們的目的﹐都只不過係聽o下佢地講野﹐比佢地訴o下苦﹐介紹耶穌基督比佢地。要知道我地跟本做唔到D乜o野﹐聽佢地訴苦都只不過聽兩三個鐘﹐點會好得過神可以廿四小時聽佢地訴苦呢﹗

後來我更加發覺﹐如果你不是鄉里﹐但懂得用鄉下話同佢地溝通﹐佢地更加會對你另眼相看。或者你下次係本城的唐人街可以試試﹐最最要緊係學識這句“係mor”,“唔水law”﹐真係十分有用。

原地搭步

和日語同學I同C講開電話﹐問起大家的近況。因為要照顧媽媽﹐已經有年幾無返日文。哈哈﹗真係連Konnichiwa都唔識講。佢地話因為老師近日都身體不適﹐所以上課的日子都不是十分穩定﹐大家依然係用緊同一本書﹐學緊同一樣o野。所以如果我上返堂﹐都唔會錯過太多。有時我覺得“學如逆水行舟﹐不進則退”。禁樣原地搭步的學習﹐我又唔係禁想﹐所以仲係掙扎緊join定唔join。懊惱﹗

STM分享(三) -我最enjoy的時間

有好多人問我﹐今次STM最鍾意係乜﹖唔﹗我最享受的是每天的靈修時間。 每天的靈修時間是這樣的﹐我們八個輪流帶自己在聖經中領受的。之後每人都會feedback一下自己的睇法。分享的不是單單聖經的經文﹐還有我們生活上的掙扎。是坦誠﹐有感動的﹐有感恩的﹐真係有血有淚兼且有virus。記得有一日﹐有人分享,行神的道路是窄的﹐會感到孤單的。但神話﹐不用怕﹐因為佢會背起你行。就好似詩篇120篇﹕

“我要向山舉目﹐我的幫助從何而來﹖我的幫助從造天地的耶和華而來”

唉﹗唔知要幾時至有機會有呢D禁正的分享時間啦﹗