萬聖節SALES

以前只有幾個放假節日如聖誕節﹐國慶﹐勞工節﹐感恩節等﹐百貨公司才有減價。不知是否經濟低迷﹐現在話之你係乜節﹐都有得減﹗

今年公司縮水﹐連一年一度要請公司員工小朋友的活動都被裁了。都好既﹗唔使再見到同事扮鬼扮馬﹗

今年鄭府亦不會派糖﹐放工後會合鄭生出外晚膳﹗﹗

宜家肉丸

因為怕太鹹﹐對於肉丸﹐我沒有多大的興趣。不過見人家個個讚宜家肉丸有多好味﹐於是不防一試。

幾抵食﹗好似是$2.99﹐不過我都係鍾意D薯蓉多過肉丸﹗

個CHICKEN WRAP都OK﹐ 比較乾了一點﹗﹗

你睇下鄭生件衫幾襯個盤﹗

偷得浮生一日閒

今年沒有遠行﹐沒有拿長假﹐現在差不多到年尾﹐為免有假不能拿的情況出現﹐每三兩個星期可以星期五放自己假。

星期五﹐鄭生又不用返工﹐來來去去沒有什麼想做﹐又是到紐約消費一下﹗

又係東王朝包肥﹐鄭生既至愛。之後去Midtown行o左一陣就回歸﹐真的行下﹐企下﹐又一日﹗﹗




今日落雪雨﹗﹗ 嘩!!!!十月尾就落雪雨﹐凍死人啦﹗ 今年的秋天去了那裡?﹗

Duggar家庭

昨晚與B子談起現今帶兩個小孩已經累得要死。令我想起在TLC台看過Duggar Family 的17 Kids and Counting﹐可能很多人都已經看過或聽過這個18個小孩的家庭。
看後發現他們是HOME SCHOOLING﹐而且小孩子們是不太看電視的。我想如果要小孩們身心靈健健康康成長﹐都是要少看電視為妙﹗

忙到無乜好寫

如題﹐做到好勞氣﹐激氣。不過在這段非常時期﹐還有份工作﹐有糧出總應該要感恩的﹗

午膳時﹐上FACEBOOK﹐見到魚絲舞﹐傾了一陣。我笑她搬到加州﹐高科技了很多﹐會上FACEBOOK。大家UPDATE一下近況﹐她說有好多費城人都去了探望他們。

平時我很少上FACEBOOK﹐因為覺得很花時間﹐不過近日看他們的照片﹐又與幾位朋友在FACEBOOK相遇﹐禁又幾好用喎﹗﹗

又要歌頌一下豬TALK

以前會開MSN同各位好友保持聯絡。不過近日趕PROJECT﹐要開7﹐8個WINDOW APPLICATIONS﹐為免HANG機﹐現在只開GMAIL。所以要搵我﹐請到我個人GMAIL ACCOUNT。

今日經過見到去了泰國長宣的姊妹C在GMAIL中﹐立即打兩隻字GTALK一下﹐問候一下她在泰國的日子如何﹐龜SPEED上網如何﹐有冇學SA-WA-LI-CAR之類﹗

都話世界真細小﹗﹗

哥倫比亞日在家活幹

哥倫比亞日公司放假一天﹐沒有外出﹐在家做了很多家務。
洗衫﹐洗床單﹐煲粥﹐焗雞包作午餐﹐煲涼茶﹐整豆漿﹐炒麵﹐預備主日學﹐睇YOUTUBE﹐倒垃圾。
o甘又一日!

食草

每次吃沙律﹐都有食草的感覺﹐當然吃薯仔雜果沙律例外。不過花旗人都不太喜歡這種Mayo多過薯仔雜果的沙律(而且勁肥﹗﹗) 吃的不是凱撒便是花園﹐綠草多﹐可能健康一點吧﹗

昨晚﹐買了包即食雞肉﹐兩包雜草﹐試了這款沙律醬﹐唔錯﹗﹗幾好食﹗好食過李錦記既涼拌醬﹗﹗

火鴨

以前單身的日子﹐時常會買點燒味﹐叉燒當"食送"﹐只要煮點菜﹐又一餐﹐十分方便。

鄭生咀尖﹐又不太食豬﹐婚後少買了。星期日﹐來到買"食送"時段﹐沒有什麼想吃﹐想起芥菜火鴨湯﹐於是買了一只火鴨﹐嘩﹗物價高漲﹐要$16大元﹐幸好可以將其兩腿留起﹐作午餐飯盒。其餘有肉的手撕出來炒鴨絲﹐骨用來煲湯。一鴨三吃﹗

值得一提是﹐我竟然起出半盒肥膏和皮﹗一鴨三吃比較健康﹗

喜宴 ~ 又食又拎

多謝李氏要請﹐食得飽到今早還沒有肚餓之意﹐仲要飲杯熱檸茶消消濟﹗
相~去華李氏度睇﹗食評~去CREAM頭度睇啦﹗

禁係度睇乜野?

睇回禮囉﹗

冬眠

雖然全球暖化﹐在花旗的本城﹐過了中秋沒有像香江仍然嚴熱。天氣開始轉涼﹐下班時份已經開始見不到太陽伯伯。很想冬眠...如果可以...多好﹗

希望大家小心身體﹐近日發現公司同事﹐有很多都KE KE CAM CAM。細菌傳染得很快﹗

後記:因為毒奶事件﹐我喜愛的LIPTON三合一金裝奶茶也要回收。剛好B子在五月時命蔡生帶了五盒來美。不知是幸還是不幸﹐我們只喝了半盒。現在還有四盒半唔知可唔可以搵人拎返香港回水﹗﹗

伊麵

放心﹗不是要講鄭伊麵﹗

一向喜歡吃麵﹐當中以拉麵﹐伊麵為至愛。不過人漸漸大﹐覺得伊麵油膩﹐吃得多不健康﹐於是漸漸將其疏遠﹐只在人家請飲喜慶才有機會吃(唔知呢個星期六“砍”有冇得食﹗)。

最近姊妹介紹壽桃牌伊麵﹐本城無代理﹐去到紐約都只有在寶榮行見到﹗認真誇張﹗$1.95一包﹐我用來整乾燒伊麵﹐都幾好食﹗