回歸行~購物篇

回歸沒有理由不購物。買得最多應該是Christian中文書﹐其次是影音VCD﹐ Bossini長袖T和三合一奶茶。因為在回花旗時﹐要停一停鄭家村﹐所以今次回歸比較忍手﹐加上同鄭生一齊﹐總是沒有太大雅興購物﹐反而和B子或獨自出動時﹐收獲比較豐富。

十一月份的香江﹐普遍沒有大減價熱﹐我發現大多舖頭的推鎖法是凡顧客買滿$Y加$X可換購另一產品﹐上至Jusco下至優X良品﹐都以同一手法務使顧客買滿某金額。煩到死﹗某回我和B子到Jusco買了六百多元兒童用品﹐那位收銀姐姐數口之快令人拍案叫絕。

收銀姐姐: “那...你買呢樣呢樣加呢樣出一張單﹐三百蚊﹐可以落樓下換兩張抽獎卷﹐加廿蚊可以換聖誕樹”

收銀姐姐:“那...而你又可以呢樣呢樣出一張單﹐百七蚊﹐落樓下換一張抽獎卷﹐加錢可以換其他禮品”

收銀姐姐:“那...再呢樣呢樣出一張單﹐百五蚊﹐落樓下都係換一張抽獎卷﹐再加D錢就換多份禮品”

一向對數字不精明的我聽完﹐望著B子說“總之就係要你買多D,多D,再多D啦﹗”

回歸行~飲食篇

你問我﹐回歸祖國有沒有吃鮑參翅肚?我都想﹗不過﹐連碗仔翅都沒有時間吃。

可能神知我貪吃﹐與華子相聚之前﹐其實想吃的都吃得七七八八了。芝麻糊﹐芒果腸粉﹐芒果西米露﹐摩斯飯包﹐大家樂厚西多下午茶餐﹐義順蓮子雙皮奶﹐蟹粉小籠﹐清蒸鮑魚仔﹐游水蝦...等等數之不盡。都好滿足了。

值得一提是﹐今次因腸胃炎﹐有幾天不能吃正常食物﹐食白粥又無味。B子叫我到健康工房買湯飲。真的不錯﹐又無味精﹐好好飲﹐好滋補﹗

(在此鳴謝B子百忙裡除了要照顧兩隻小魔怪﹐還要煲粥比我食﹐真係唔好意思啦﹗仲要多謝呀蔡San﹐禁忙都要佢買菜煮飯﹐有蝦有魚有菜﹐雖然唔食得﹐但見呀鄭生大淡大淡禁食﹐就知係好好味啦﹗)

<--請注意﹗阿鄭生食o左碗椰汁涼粉﹐仲唔夠﹐要叫多碗芒果西米加椰汁榚
<--清蒸鮑魚仔﹐好鮮甜﹗
<--游水蝦﹐好好食﹗
<--我既至愛焗荔茸西米布甸
<--另一至愛芝麻糊
<--阿鄭生食o左兩個先至夠飽既摩斯帶子天婦羅飯包
<--就係呢包滋補湯包
<--你睇﹗見到個名架

Blog 人

今次回歸忽忽忙忙﹐與表姐只交換了MSN留待回花旗在網上詳談。講起寫Blog﹐表姐說不是她的年代。湊巧﹐看了蛇果一篇報導:

女 性 佔 六 成 　 愛 分 享 生 活 片 段
專 題 報 道 ： 微 軟 調 查 　 200 萬 人 港 寫 blog 在 香 港 ， 每 七 個 人 有 兩 人 有 上 網 寫 blog （ 網 誌 ） 的 習 慣 ； 在 這 200 萬 名 blogger （ 網 誌 主 人 ） 當 中 ， 又 有 14 萬 人 每 周 寫 blog 或 睇 blog 超 過 10 小 時 。 Blogger 以 25 歲 以 下 的 年 輕 人 及 女 性 佔 大 多 數 ， 大 部 份 人 都 是 為 了 與 親 友 分 享 生 活 片 段 而 寫 blog 。 <--我咪係囉﹗
今 日 你 blog 未 ？ 　 記 者 ： 蔡 元 貴 　 麥 志 榮

以 前 一 人 一 本 日 記 簿 ， 臨 睡 前 床 頭 上 月 光 下 用 筆 用 紙 抒 發 少 女 心 事 的 時 代 ， 好 像 已 經 終 結 了 。 當 今 香 港 新 世 代 ， 已 是 一 人 一 部 電 腦 ， 書 房 內 彩 芒 前 用 鍵 盤 用 滑 鼠 記 錄 自 己 的 近 況 。 微 軟 在 線 服 務 集 團 兩 月 前 的 調 查 顯 示 ， 香 港 有 200 萬 人 擁 有 自 己 的 網 誌 。

星 洲 博 客 冠 亞 洲 該 項 調 查 訪 問 了 亞 洲 七 個 國 家 或 地 區 合 共 2.5 萬 名 網 民 ， 包 括 約 1100 名 香 港 網 民 。 雖 然 香 港 網 民 中 blogger 比 率 多 達 56% ， 但 在 亞 洲 並 不 算 很 高 。 全 亞 洲 最 流 行 寫 blog 的 國 家 是 新 加 坡 （ 68% ） ， 其 次 是 韓 國 （ 65% ） ， 台 灣 也 有 59% 。 微 軟 在 線 服 務 集 團 香 港 區 主 管 朱 會 泳 指 出 ， 寫 blog 風 氣 在 香 港 仍 在 發 展 階 段 ， 尚 未 成 熟 ， 目 前 的 blogger 的 人 數 ， 高 處 未 算 高 。 電 腦 用 途 ， 男 女 有 別 。 男 生 多 數 沉 迷 打 機 ， 女 生 則 每 多 分 享 生 活 。 本 港 的 blogger ， 有 62% 是 女 性 。 朱 會 泳 說 ， 大 概 是 女 性 較 愛 與 人 傾 訴 心 事 ： 「 男 仔 通 常 硬 淨 ， 有 都 收 收 埋 埋 ， 唔 會 同 人 講 。 」 <--呢個我信﹗

寫 blog 跟 寫 日 記 不 同 ， blog 是 公 開 的 ， 也 因 此 ， 透 過 網 誌 世 界 ， 網 絡 上 每 一 角 落 的 人 都 可 以 維 繫 感 情 。 調 查 顯 示 ， 最 多 人 開 始 寫 blog 時 是 為 了 與 親 友 分 享 日 記 與 生 活 照 片 ， 56% 網 友 睇 blog 是 為 了 想 知 道 親 友 的 近 況 。 「 blog 已 經 唔 係 一 本 網 上 日 記 簿 咁 簡 單 ， 仲 可 以 兼 具 討 論 區 功 能 。 」 萬 維 網 專 業 人 員 協 會 政 策 小 組 主 席 林 永 君 說 ， 年 輕 人 已 經 把 blog 視 為 一 種 不 可 或 缺 的 溝 通 工 具 ： 「 blog 就 等 於 上 一 代 人 電 話 號 碼 ， 係 身 份 記 號 ， 萬 萬 不 能 隨 便 改 動 ， 因 為 只 要 你 留 低 用 開 電 話 號 碼 ， 好 耐 冇 見 朋 友 都 可 以 搵 得 番 你 。 同 樣 道 理 ， 家 年 輕 人 一 定 要 擁 有 一 個 blog ， 用 來 維 繫 朋 友 。 」 <--係啦﹗有人用Blog談情添啦﹗﹗

寫 blog 已 成 為 年 輕 人 的 普 遍 溝 通 方 式 ， 58% 香 港 blogger 年 齡 在 25 歲 以 下 ， 25 至 34 歲 有 34% ， 但 35 歲 或 以 上 的 則 只 有 8% 。長 此 下 去 ， 網 誌 會 否 完 全 取 代 日 記 簿 ？ 次 文 化 堂 社 長 彭 志 銘 則 表 示 不 會 ： 「 好 多 人 寫 blog 係 為 吹 噓 ， 而 唔 係 記 錄 真 正 心 事 ； 好 多 人 根 本 唔 想 俾 人 知 道 自 己 心 事 ， 相 信 佢 會 用 日 記 簿 抒 發 。 」 <--我都有寫D真感情架喎﹗

返工啦﹗返工啦﹗

再次回復苦悶平淡的生活﹐總結兩星期的回歸探親團﹐我覺得與香江生活越來越遠了﹐可能是水土不服加上天氣又不好。讓我整理一下相片(其實不是影了很多)再和大家分享一下今次的趣事。
今天帶著優X良品的XO口味肉鬆蛋卷回公司作手信﹐同事們只吃了一點點﹐哈哈哈﹗仲好﹗益我可以食多D。

蘇sick

估唔到同華頭食完個午餐,中招!
真係乜都呵晒出?!仲要睇醫生比兩舊!
希望華頭無乜事啦!
唔好再去澳x茶餐啦!

勁辛苦

幾日係香江,日日行到無停腳.今日有d時間係屋企休息o下.等我得間d再upload我地個死樣比大睇啦!

笑可以傳染

唔知點解﹐一路睇一路笑﹗

回歸必做~K歌之王

好想唱K﹐但今次回歸結伴的﹐不是BL﹐靚靚(好懷念上次三個人係Neway個間坐到成十幾人既K房﹐仲有自己獨立廁所﹐唔使出o左房迷路﹗)。又不是啊菜與Cream, 睇黎都係無得K架啦﹗嘩﹗剛剛看到有人報導﹐唔唱食Buffet都底啦﹗仲有二人房﹗

好唔好“握”啊鄭生話食Buffet﹐其實係唱K呢﹗呵呵呵﹗

回歸必做~剪頭髮

講完吃﹐不如說說剪頭髮吧﹗

熟悉本市的街坊也會知道﹐本市剪髮一向都沒有水準可言。唯一可取是價錢比較平宜。但始終頭髮要見人﹐如果可以﹐我盡量會到紐約剪。無畏剪得差而令自己鬱鬱不歡。但紐約剪髮也不便宜﹐做一次負離子電髮要三百多元﹐還未計這兒的十至十五個巴仙小費。

難得回歸﹐當然要剪個靚頭見街坊。本來想找上次BL好友介紹位於中環的Hair Corner﹐怎料上次幫我剪髮的髮型師已轉了工。接待處的小姐又一再強調價錢已經調整至剪髮HK$480﹐負離電要另加$1800。嘩﹗都幾貴播﹗唯有急電中學同學﹐那裡剪髮好。同學介紹了這位於利舞台的Salon Esprit,

咦﹗集團經營喎﹗
嘩﹗個網頁影到D髮型師個個都好似D新星禁既﹗
嘩﹗有特價喎﹗
o岩我﹗

已經預約了十號﹐到時再同大家報導。

咦﹗仲有得無線上網﹗禁我要唔要帶部電腦返香江呀?﹗

回歸必做~ 飲飲食食- 甜品篇

上次回歸﹐因為行程緊密﹐為要食盡所有甜品﹐曾經試過一天三餐都是生果甜品。今次希望不會有同類事件發生(費事鄭生以為我痴o左條甜品線)﹐所以要有計劃﹐每天食一樣﹐以下是我鎖定的目標:

芝麻糊
要查查邊間出名

芒果河粉/腸粉



豆腐花
應該會去深水土步﹐行一轉黃金﹐高登呀禁﹗順路食o 米個豆腐花

雞蛋兒子
上次食完松記﹐附近有間都好好味﹐有士多啤梨﹐芝麻﹐朱古力味﹗

蛋撻
今次一定要去泰昌﹗

生果撈


仲有梳乎里, 楊枝甘露 ... 諗起都開心呀﹗

女王之教室

這幾天沉迷在這套女王之教室日劇﹐已經很久沒有這樣放肆地看﹐放肆地看到哭眼昏花。對上一次應該是“在世界中心呼喚愛”。

時移勢易﹐ 原來在什麼地方當老師的﹐都會面對著時下年青人的問題。如今當老師的﹐一點也不簡單﹗