放假前夕

不知為何﹐放假前總是忙到九彩。未啟程前﹐要將公司的文件做好﹐今晚又要開會。仲要洗衫先有衫去旅行﹗﹗


明晚往米奇世界﹐環球片場等。因為以前去過﹐所以都不太興奮。還好﹗沒有期望﹐行程應該會舒泰一點﹗

七天之後﹐會再飛芝加哥回鄉探親﹗一熱一冷﹐已經打了FLU SHOT,希望不會著涼。

希望鄭生比我上網﹐到時再分享一下放假所見所聞﹗

柿

走過韓人超市﹐不懂怎樣分林柿還是水柿。不過爽爽甜甜﹗好好食﹗又到11月食柿的季節。

亦即是就快台慶﹐什麼歌星賀台慶一點也不吸引。一班老鬼 + 一眾扮野新秀﹐悶﹗

又係阿蘇

嘩﹗佢呢期禁紅既﹗

一年級都有電腦問題﹐仲要問電腦鍵盤C同B之間係乜﹐鬼知咩﹗但係D小朋友又會知喎﹗真係呢~ @-@
雖然呢個節目係抄外國﹐不過益智過D掌門人。

週末學習第二擊

週末和鄭生到北維州參加兩天兩晚的交友﹐戀愛﹐婚姻課程。在書本上學到的不多﹐但可以參加其他教會聚會﹐認識不同的弟兄姊妹﹐我覺得這倒值回票價。北維州的弟兄姊妹很親切﹐可能教會細(得四十人左右)﹐背景單一(個個都係PROFESSIONAL﹐講廣東話﹐仲有幾個好似鄭生禁識講唔識睇﹗)

沒有唐人街﹐大把位任泊﹐沒有“NO on CASINO”﹐不用過橋費。我問鄭生喜歡城市教會呢?還是鄉村教會。他說鄉村教會可能會悶死﹗

在課餘﹐試了TODAI日本包肥﹗對﹗又是包肥﹗鄭生的飛佛﹗和MINADO一樣﹐都是騙老外的貨色。食物OK﹐不過太貴﹐無下次﹗﹗如姊妹C說﹐北維州生活指數高﹐很多韓國人。




課程完結﹐當然要到到SUPER HMART﹐食個BULGOGI 先走﹗﹗



意外收穫﹐竟然在HMART碰上我大學時認識的一對越南姊妹﹐幸好她們還記得我係乜水﹗﹗

娛記~搵食艱難

雖然係個娛記唔o岩﹐不過有錢人又真係好失儀態﹗﹗

露荀

凡到過東岸花旗的﹐都知道這邊冬天有多乾燥﹗很容易便會乾至皺皮﹐身痕出現。

我懶﹗一向沒有定時塗上LOTION的習慣﹗最近發現手肘附近很乾﹐貌似濕疹而且痕養。醫生說可能太乾之故﹐於是著我買這無味潤膚膏。



其實家中還有大大小小的潤膚產品適合不同部位﹐好像用極也用不完。現在又話要買支新啦﹗

VOTE

今天人人都會問你﹐VOTE o左未﹐好像問你“食o左飯未?”一樣。
呵呵呵﹗我選o左啦﹗不過唔好問我選o左邊個﹗

巨蜂提子

印象中﹐好像沒有吃過巨蜂提子﹐所以並不知道巨蜂提子與大粒提子有何分別。但從其他網民形容﹐巨蜂提子應該是勁甜﹐勁多汁﹐而且是無核的。


花旗的提子大多有核﹐說無核都是騙人的﹐食食下便要吐核﹐甚麻煩﹗所以我並不愛吃提子﹐當遇上提子有核﹐我會連核吃掉﹐橫掂隔天便會排出體外。相反﹐鄭生極愛提子﹐由其是紅提﹐黑提。他說多吃能防老﹐但看他這個實驗結果﹐又唔似囉﹗﹗