雖然我唔係醫護人員﹐但係就越來越覺得每個家庭成員都需要學一些家居急救學既知識﹐就算唔識急救都要識一樣野"Don't Panic"。
話說鄭生個鼻一向都會好易流血﹐佢又時時多手搞佢﹐令流血的情況越來越嚴重。有見及此﹐我哦o左佢好耐要佢睇專科醫生﹐前個星期終於睇o左。佢話醫生放o左D藥物入鼻﹐令佢唔係好舒服﹐不過醫生話過幾日D藥會自己出番黎唔使擔心。
就係尋晚食完肉球意粉﹐佢又係到搞個鼻﹐終於個鼻又出血。初初都無乜野﹐佢用D紙塞住佢都無流血。禁我就去梳洗啦﹗沖到一半聽到鄭生大叫話好多血。搞到我要o拿o拿淋沖咪個半去睇下佢乜野事。好在我以前中學時代學過下D急救既常識﹐一睇之下﹐係D血不停禁滴﹐但係唔係水柱個種﹐禁我咪要鄭生坐定﹐用手同D紙按實出血地方等半個鐘﹐睇下仲有無流啦﹗
雖然按o左半個鐘仲有流﹐不過無好似個水喉禁滴滴滴都已經好好啦﹗所以Don't Panic真係好緊要﹐就算唔知點做都要識得打電話CALL白車﹗
見佢個騰雞樣﹐我真係有D擔心﹐佢係產房會唔會暈低﹗
No comments:
Post a Comment