今餐繼續

香趕人喜歡日本餐﹐又再一次證明我骨子裡仍然流著香趕人的血﹗

自從上次食完日本便當﹐因為無禁油﹐覺得好o岩胃口﹐所以今日試了公司附近另一間日本飯店。價錢貴少少(大約貴10%左右)﹐仍然是老外式的店子。白飯可以用糙米代替。食送比較多﹐而且多了些罐頭菠蘿作飯後果。

現在開始唔想食麥當當啦﹗幸好便當太大﹐我可以分兩餐食(唔係我食晒﹐夜晚鄭生會食咪我D口水尾﹗)﹐如果唔係﹐禁樣食法唔窮至怪﹗

是日午餐

突然任性起來﹐很想食這個


總比食麥當當好﹐但價錢是麥當當的三倍﹗﹗鄭生請繼續努力工作﹗﹗

多遊

時間過得快到你唔信﹐好似o岩o岩先同阿菜食過晚飯﹐北上消費了幾天﹐又要歸回原位﹐ 繼續苦幹﹗

四日三夜多遊﹐游閒自在。雖然要駕八個多小時(辛苦鄭生啦﹗) 但短期內都應該不會回港﹐所以唯有北上止住咳先﹗途中又遇上青蛙王子同王妃﹐多謝佢地指點迷津﹐春秋食軒飲茶的確係正呀﹗仲有營火星﹐萬錦既意大利雪糕﹐真係好好食﹗

第一天﹐約好積積先食LUNCH﹐後整容。
“嘩﹗小B你禁大個啦﹗”
“嘩﹗識得叫姨姨叔叔啦﹗”
“禁乖識得講多謝﹗﹗”
“唔好意思﹗遲o左出發﹐搞到要你地捱肚餓﹗”
一輪客氣話﹐要積積請食營火星(無法啦﹗無加紙﹐又未搵到ATM)﹐收到積積的神秘禮物一份﹗人生第一次收到這種禮物真的驚喜萬分﹗

之後趕著到預約好的美容店﹐鄭生就到對面的足底按摩店。疏乾後都已經四點幾﹐再到酒店CHECK-IN﹐沖個涼。今次住在HIGHWAY 7的HILTON GARDEN INN﹐超方便﹐有中文電視台﹐又有得免費上網﹐US$80一晚﹐好滿意架啦﹗

話禁快又到晚飯啦﹗本想會合鄭生家人一起用膳﹐但他們去了野生動物園﹐最後還是我們兩口子到了鼎泰豐。願意搭檯不用等位﹐坐底即叫豆漿﹐瑤柱小籠包﹐蒜蓉豆苗﹐紅燒牛筋麵。豆苗﹐豆漿﹐牛筋麵都超好味﹐係瑤柱小籠包發現不到瑤柱比較失望。

第二天﹐一早去春秋食軒飲茶。唔多人唔使等位﹐一睇就知係高級茶市﹐D乜餃乜餃粒粒都可以夾得起﹐唔會夾到爛晒﹗腸粉是與腸粉豉油分開上﹐收碟換碟又快。價錢只係貴少少﹗我覺得物有所值。下午鄭生家人去瀑布﹐我地去了N次﹐當然唔去﹐轉投太古商場。我睇日劇﹐家居用品﹐鄭生睇大陸古裝劇﹐各有收穫。再食個沾仔記淨雲吞﹑油菜後回酒店睡了個美人覺(係唔係好滋陰呢?)之後接到鄭生家人電召﹐晚餐食包肥﹗噢﹗我至不喜歡的包肥﹐看在鄭生家人份上﹐無法﹗

第三天﹐鄭生又說飲茶﹐鄭生家人要試其他茶市。瀨野﹗去了對面商場X王朝﹐嘩﹗與本城茶市差不多。鄭生說下次還是回春秋食軒好了﹗歡送鄭生家人回美﹐我們繼續大統華﹐太古﹐旺角行程﹐買買買﹗夜晚本來想去稻香﹐但搬了新址後見唔多人排隊﹐如果要任食都要$19.99一個人﹐鄭生又不是太肚餓﹐於是去了名味村(唔係好記得係唔係呢個名)﹐ 食物OK。

第四天﹐去證主書室﹐世界真細小遇到陳牧師朋友。之後約好回美前要見積積﹐積媽和積B多一次。去金沙茶餐﹐積B在窗口見到我們步近已經揮晒手﹐好鬼可愛。飯後同積積爭比錢﹐鄭生不敵積積﹐多謝積積﹗又要佢請我地食多餐﹗行o左一陣﹐同積B high 5, low 5 再hug hug就say goodbye la!希望係不久既將來再可以屈積積請食飯﹗


唔見得人的鄭生與乒乓球大的雲吞


正豆苗

放假前夕

又到放假前夕﹐心情係"熱切期待"。所以幾日無UPDATE﹐因為日日都想快一點完工﹐這樣可以早一點放工。

要係度多謝積積﹐辛苦你幫我地安排整容﹐腳底按摩行程。期待見到小B同你們一家的一刻﹗上次見小B時﹐佢都未出世﹐今次見唔知識唔識叫姨姨同叔叔呢?

鄭生講了好幾次要食小肥羊火鍋﹐又說要食包肥餐﹗但我提出抗議﹐只容許鄭生在當中選一﹐只係去多倫多四天﹐邊度食到禁多野呀?﹗一如以往行程應該以食為主﹐飲茶﹐ABC茶餐應該係MUST架啦﹗希望可以買D蛋卷呀禁做手信。

估你唔到

從來在挑選生果上都是以碰運氣的心情來應付。實在遇到太多外表靚靚﹐原來內裡壞透的生果。有好幾次買西瓜﹐以為重重地﹐外面無凹凸﹐深色表皮﹐應該會甜o瓜!最後還是失望將半只西瓜棄掉﹐因為全無甜味。

今次見你黑黑實實﹐從陽光充沛的加州運來﹐又認為應該好吃吧﹗點知你酸到“阿媽都唔認得﹗”鄭生問“做乜唔試下先買?”我在超市買的﹐點試喎﹗禁肉酸﹗又污穢﹗

點先至選出靚生果呢?真係難學﹗

漢堡

一向小食牛肉﹐所以對於那一家的漢堡最好吃﹐我從來沒有研究。加上我只愛麥當當薯條﹐所以來來去去都是光顧麥當當多於其他品牌。


這幾天口味有點轉變﹐在鄭生極力推介下的 Burger King Whopper Jr. 1蚊個﹐細細個又唔會太飽﹗不過因為是燒牛肉﹐有燒焦的邊﹐吃後有機會生CANCER。間唔時食下我諗OK o瓜!

磅食

從未試過到公司附近富貴超市的飲食部﹐話晒$7.49 一磅中國菜對於我是貴了一點。見無帶LUNCH﹐人一世物一世都要乜都試下﹗﹗

個盒好硬淨﹐真的可以清完RECYCLE再用。雖然食小小﹐呢度已經$4.50。D麵好咸﹗其他都OK。應該無下次啦﹗

美菰惡夢

夢境中﹐我由美菰第八期行返第三期既屋企。途中遇上握手師﹐比得李﹐執事ANNA問我做乜係度行來行去﹐仲唔快D羅紙考琴。跟住見到教琴老師ANNA媽係度安排大家考琴﹐之後我聽到有人話我考乜琴﹐今日要帶詩﹗帶詩~今日係星期日咩﹗我仲未選歌喎﹗於是走返去第三期屋企﹐途中又遇到乞兒。我唔肯比錢﹐於是佢一路沿著百老匯街追我﹐之後見到一輛綠色小巴掟o左個靚彎﹐無撞到途人。一身濕透就這樣醒了﹐仲支力過做運動﹗唔知發呢D夢可唔可以BURN到卡路里﹗

繼續...“我就喜歡”

雖然大家都好反對我喜歡你﹐
雖然你有成500卡路里﹐
但係我唔埋﹗

勁笑爆

無諗過香港先生原來係模仿大賽﹐D攝影既哥哥叫佢地做乜野POST﹐就乜野POST。勁好笑﹗﹗

晚晚有夢

最近晚晚有夢﹐極其討厭﹗因為大多數的夢境是追巴士追極都追唔到﹐有一次係見到板頭同CREAM頭去渡蜜月﹐又唔關我事既﹗都唔知發黎做乜﹗好想快點放假﹐日日等緊JULY 4TH的來臨﹗好快架啦﹗仲有三個星期﹗﹗

燒捍帽與IPOD

已經開始了兩星期﹐每天LUNCH後行二十分鐘。這是外出的必須品

不過今天開始熱﹐再熱下去就要改晚飯後才行得啦﹗

每日一杯

星期一至五﹐只要是上班日﹐早餐通常會是懶健康的脫脂乳酪一杯+半杯麥片。這習慣已經維持了好幾年。以前A媽還在的時候﹐她會每天從唐人街買一只雞尾包給我當作早餐﹐就這樣一年過後重了十多磅﹐嚇得立即叫停﹗現在食脫脂乳酪+半杯麥片﹐便便暢通﹐好過食豬油包啦﹗

最近半年﹐發現食開的DANNON的LIGHT&FIT時時出新口味﹐比較今天吃的西瓜味﹐我較喜歡早前推出的Pomegranate Berry﹐蕃石榴味幾重。這西瓜味我覺得有D假假地。還有菠蘿椰子﹐西檸未試﹐下次見到會買黎試下﹗﹗

作文~憑空想象

寫了幾天DOCUMENT﹐悶到呢~

最慘係無資料寫﹐只係比o左個新RELEASE PRODUCT 我﹐要自己作。作完比人改到七彩﹐又繼續作。希望改咪呢次可以收貨﹗呢D本末倒置既工作﹐寫到想鬧人呀﹗

吃粽的季節

幾天的回鄉探親團又完滿結束﹐今次天氣尚好﹐可以天天出街走動一下。比起上次﹐感恩節天天下雪好得多。每次回鄉節目都是大同小異﹐每天都會有港式點心(起碼隻蝦餃唔會一夾就爛)﹐香濃奶茶。

鄭生家附近最近開了間粵菜小館﹐裝修完全無﹐ 但其門如市。記得前數次經過都是沒有人影的﹐原來最近新廚頂手。又一次證明﹐只要好食﹐地方位置都是次要。這次回鄉我們還在這家小館吃了兩餐﹗ 十個食送﹑大大碟﹑只係$105找數底到爛啦﹗

今次亦試到這家“祖璵麵家”聽說這裡時常要大排長龍﹐今次相約鄭生朋友飯局﹐是間馬拉FUSION。價錢OK﹐ 點了越式牛粒紅飯﹐泰式椰青燉飯。好好味﹗不過無影到相﹗飯局中鄭生友人大談到以色列的十五天團﹐好羨慕~﹗聽說鄭生友人的教會明年會搞保羅行縱團﹐唔知到時有冇機會參加啦﹗

因為天氣好﹐我們還到了BROOKFIELD ZOO 和我BOTANIC GARDEN。D相放晒係FACEBOOK啦﹗ 去個度睇啦~

回程奶奶塞o左十幾隻粽給我們﹐今天試了她的新品種糙米粽﹐雖然買相就~ 但好好味﹗沒有普通的咸肉粽那麼膩。亦幸好有粽相伴上機﹐飛機出到跑道後﹐機長說飛機不能起飛要延遲兩小時。最後我和鄭生食o左隻鹼水粽和咸肉粽頂肚。搞到十點幾至返到屋企。

十個累~

洗手﹑洗手﹑洗手

雖然在流感疫情的陰影下﹐米國依然無人帶口罩。今晚我和鄭生回鄉探親﹐希望無人有豬流感啦﹗

前幾天公司派發消毒液﹐可以上飛機用﹗

回來再POST﹗﹗

記念日~瑪住安奴

一向記性麻麻﹗所以請不要再問我幾時與鄭生認識﹐幾時開始拍施﹐First Kiss係幾時啦﹗你去問我部PDA啦﹗白底黑字存入檔案﹐比我腦袋可靠得多。

所以對乜乜﹑物物記念日都不是太熱衷慶祝﹐可能未到金婚﹑鑽婚的年紀吧﹗今年只去了Maggiano's食個飯便了事。依然好好味﹐大大碟﹐一餐可分兩餐吃。

吃完還行了一陣MALL(因為隻錶要換電)﹐再去板頭度比番D野佢。再一齊參觀CREAM頭﹑板頭的高級住所。果然係高級住所令鄭生樂而忘返﹗﹗

凡勞苦擔重擔的...

本來是想寫下充實的週末﹐CREAM 結君實錄既﹗但呢幾日都會好忙﹐要坐下來寫幾百字不如POSTo左呢個先啦﹗

在其他BLOG見到﹐我諗都應該係基督徒開既公司


之前係韓國雜貨舖買野﹐見個膠袋有約翰福音3:16

聖經經文無處不在﹗﹗

大喜日子

雖然已經很倦﹐應該要目訓啦﹗但在這大喜日子﹐仍然想寫番幾隻字仔留個記念﹗

激賀板頭榮升師奶﹐CREAM頭榮升老襯。老土地祝你們在另一個人生階段開始﹐快快樂樂﹗

魚餐與蕉

繼續向懶~健康餐進發。煎魚比煮什麼也容易﹐將雪藏魚解凍﹐灑上海盬﹑黑胡椒﹑拍上粟粉﹐乾煎﹐搞掂﹗ 再夾多兩件魚TACO﹗~ 二十分鐘有得食﹗﹗


不是同餐發生﹐見POST開﹐POST咪~
積積講開食蕉﹐某天與鄭生一起吃蕉﹐佢食香蕉﹐我食皇帝蕉。比我發現佢係拎住長果枝柄由尾食起﹐又無好似積積所描述既“鍊爛晒絛蕉”喎﹗﹗而我就由頭將蕉皮met開食。我就覺得我個方法比較乾淨啦﹗

蘋果﹑橙

上網睇到呢部iOrgane(唔知係唔係特登串錯啦~)﹐會唔會遲D出部iStrawberry, iLemon呀禁?﹗ 祖國既發明真係~
仲有網頁﹐一D都唔差得過蘋果﹗﹗
>>www.iOrgane.com

假如我在維景

看了幾天報導有關香江維景的隔離政策﹐有人讚﹑有人彈。當然被隔離七天應該是不好受。我和鄭生說﹐假如有一天米國同樣行此政策﹐而我們又要被隔離。至要緊的是被隔離的地方有得上網。無得上網﹐鄭生無得玩TEXAS HOLD'EM。我無得上網看電視﹐我想我們會家變﹗

是日晚餐﹐近日放工後時間緊迫﹐最後還是煮西餐比較快手方便﹗士多啤梨很酸要配雪榚才好吃。但近日只買了綠茶雪榚﹐雖然綠茶配士多啤梨有點怪怪﹗無法啦﹗﹗


查看開BLOG日期﹐咦﹗昨天是開BLOG五週年紀念﹗原來自己都可以禁長情﹐寫呀寫﹗寫呀寫﹗﹗

開心大發現

係網上見到呢個亞視節目﹐無睇過天水圍﹐唔知影后鮑姐既演出如何。不過唔明白點解亞視既節目D演員演出都係超誇張~ 連鮑姐都係﹗﹗
仲有阿菜既偶像林偉辰﹐佢唔係過o左檔無記咩?﹗乜又返番去亞視啦﹗

要進入瘦腩時期

坐得多﹐肥肉通通聚在腰位。B子看了FUN CAMP照片﹐話我好似肥o左﹗唉~唯有賴“心廣體胖”啦﹗

板頭大婚日子將到﹐雖然我只係呀四﹗但都想影相影得唔好禁肥﹐亦要進入瘦腩時期﹐開始現在晚餐在七時前吃﹐減飯吃烚菜﹐還有每天行半小時。希望減到小小腩以便板頭大婚日子後回芝城再食﹗食﹗食﹗

檔案系列

尋晚睇o左呢集“吃得有價值”﹐原來提子都唔係好抗氧化﹐飲紅酒多好多﹗

起菜

唔知呀板頭同CREAM頭會唔會考慮呢首起菜。
>>WWW.EZPEER.COM

順便介紹下呢個WEBSITE。如果唔厭D歌唔係禁新﹐又一個免費歌網﹗﹗

薄荷

一年總有幾次傷風感冒發骨節。上次身體驗查時﹐已經學人注射了流感預防疫苗﹐最後還是被感染﹐看來疫苗用途不大。

今次有鼻塞﹑頭暈﹑發燒﹐背痛的徵狀。雖然吃了藥﹐但似乎情況並未好轉﹐而且鼻塞越來越嚴重。用了NASAL SPRAY﹐但o拿到死﹗說明書又說不可用多過一天﹐唯有放棄。 買了支薄荷條﹐吸幾下通鼻塞。反而比令人口乾但D鼻水不停流的感冒藥好﹗

奇怪﹗通常病都是沒有胃口﹐但今次相反﹐不知為何很想食STEAK。鄭生聽到﹐第一時間問係唔係病到痴o左﹗﹗

維基百科

雖然是OUT了一點﹐最近愛上看維基百科。事原姊妹A說起謝老四是Patrick後﹐為了證實她所說的並非虛言﹐當然一GOOGLE就會有很多關於四哥的資料。其中維基有很多LINK來LINK去﹐可以追看到底﹐ 增廣見聞﹗﹗

另一新聞由鄭生提供﹐話玩FACEBOOK會影響學業。唔知係真唔係啦﹗不過我見同學們都用好多時間上FACEBOOK﹐有影響都唔出奇﹗﹗
http://news.yahoo.com/s/livescience/20090413/sc_livesciencefacebookusersgetworsegradesincollege

祝姊妹A﹐SA﹐E 歐旅玩得開心﹗小心靚仔﹗小心被人打荷包﹗得閒就UPLOAD你地既情況去FACEBOOK﹐我會睇架啦﹗

星期日檔案 - 慳家一族

星期日檔案 - 慳家一族 - 2009-04-05 - TVB - Truveo 影片搜尋

最近阿花POST過星期日檔案的“港男講女﹑港女講男”﹐好好笑﹗再上網睇﹐原來仲有呢集講用COUPON既“慳家一族”。以為只有花旗先會有呢種情況﹐原來香江人都已經感染o左呢D風氣。

這陣子忙﹐是因為...

阿板派對﹐詳情不能盡錄﹐去板頭度﹐去FACEBOOK度睇相。

工作一般﹐都是一天過一天地上班。



收到新玩具。上年生日時﹐已經想買﹐貪其細部﹐CHEAP CHEAP地﹐可以上網﹐TAKE NOTES﹐睇電視﹐電力強。但覺得剛推出的新產品需要等價錢回落及用途改進﹐於是一等再等﹐現在見減價﹐就買了這部ASUS 1000HE。恰如所有評論一樣﹐不要與LAPTOP相比。粗用就好好啦﹗唔使心痛。LOAD 番D iTunes, RealPlayer, NJStar, VPN等搞了幾晚。

在試睇電視時﹐發現了無記的“法證先鋒II”﹐無睇過第一集。本來見到蒙嘉慧都唔係禁想睇﹐不過睇睇下又OK喎﹗我想編劇應該是支督徒﹐因為有幾個場景主角都係度祈禱。唔知係唔係無劇成日比人插唔夠專業﹐呢套D主角就成日用晒D好專業既口吻解釋D犯罪學﹐心理學﹐解剖學。覺得佢地好似背緊書禁囉﹗﹗

都是睇劇累事﹐好多教會野仲未開始做。今晚唔可以再睇電視啦﹗

本週末鄭氏劇場

希望有時間睇﹗﹗

急件

這個多星期﹐天天都忙碌﹐本想到BB&Beyond買禮物都沒有時間。昨天﹐在COUPON期滿前以及本星期六就是板頭派對了﹐真的要抽個時間買份禮。去到﹐找來找去都找不到板頭要的那禮物﹐一問之下﹐原來要在網上訂購才有。幸好及早發現﹐歸家即上亞馬遜訂購。普通免費郵遞要5-7天﹐噢﹗趕不及星期六。再見到亞馬遜有特快PROMOTION﹐免費試用三個月。嘩﹗2天就可以收到。不過這服務年費要$79大元﹐我都係CHEAP精﹐試用完畢應該不會續用。剛收到電郵﹐郵件已經寄出﹐星期四會收到﹐真係快手﹗

福音電影

這幾晚﹐晚晚也有濕碎功夫要做。一會兒又到九﹑十點。再上網看一陣電視﹐又到午夜時分。時間過得特別快﹗

上星期在圖書館借了FIREPROOF這電影﹐預訂是以為是愛情小品﹐原來是小丙之餘加插福音元素的福音電影。又要再一次歌頌這所地區性公立圖書館﹐這所小小的圖書館藏書與DVD都很多元化﹐不枉納稅人納這麼多稅。

相比港式福音電影﹐我倒覺得大家有點相似。主角表現OK﹐但大多數茄喱啡的演技生硬得不得之了。不知是否與BUDGET有關。本星期六﹐教會會播“真的戀愛了?”﹐不想在此倒米﹐但不明白為何次次都有林以諾演出囉﹗﹗

裁員潮

聽說公司要裁人已經好幾個星期﹐一直沒有什麼聲氣。還以為只裁海外員工﹐今早一入公司就收到消息﹐有好幾位同事要走。其中三位都是我平日會接觸的同事﹐所以知道消息﹐心情都是不好過。

其中一位同事﹐平日常與他的上司頂頸。所以今次無得留底﹐都算是意料中事。另一位同事平日尚算勤力﹐而且與同事相處亦幾好。他被裁後﹐有不少同事都為他不值。最後一位與我共事多年﹐而且她以前是到國語堂聚會的。剛收到她寄來的電郵﹐ 有點感動﹐ LAYOFF 不忘見證:

My dear all,

I'm laid off today. I start to take paid vacation for a while.
As a child of God, I fully understand nothing could happen on me without the permission of my heavenly Father. HE is going to make a way for me.

For those of you who does not know Jesus, I hope you don't think I'm a strong woman. It is the one who is inside of me made me different and I wish you all know Jesus in the near future. Faith really works when we go through trail and difficult times.

A lot of thanks to those who came to my office to say good words to me. It means a lot to me. I really appreciate your kindness and encouragement. For those of you I send to your company's email address, if you'd like to keep in touch, please send me your personal email address.

Tomorrow, I'll get up as late as I want.

God bless you!

Numbers 6:24-26
"The LORD bless you and keep you;
The LORD make His face shine upon you,
And be gracious to you;
The LORD lift up His countenance upon you,
And give you peace."'

本週的碎事

經濟影響心情。本週更加利害﹐匯控﹐花旗﹐幸好還有些娛樂新聞笑下﹐睇柏芝既訪問﹐謝檸檬給記者追訪﹐看他那懶有型﹐懶COOL禁﹐不明白為什麼會有妹妹仔喜歡他﹗ 身邊沒有什麼大事發生(我想應該要為這感恩吧﹗)﹐所以都沒有什麼要記下。

本週碎事包括:
車喱囂的Maggianos開張﹐巴o幣﹗要定檯否則要等兩小時喎﹗與KOP﹐DOWNTOWN的一樣有水準﹐好好味﹗一定要吃那個calamari﹐唔乾又好鬆化﹗



星期三晚﹐多謝CREAM頭﹐板頭的要請去試菜。有種與CREAM頭﹐板頭是一家人的感覺。大大碟的海蜇拼盤﹐熱辣辣蝦球還有北京鴨﹐炸子雞﹐翅等。至欣賞那個西施炒飯﹐鄭生唔食得禁多飯也吃了兩碗。預祝他們大婚當晚唔好禁辛苦﹐能夠慢慢享用美味佳餚。

星期四﹐正努力嘗試弄一些小吃。印象中﹐次次HOUSE GATHERING也是煮大盤菜﹐小吃應該是第一次。希望在板頭驟雨聚會中﹐使姊妹們吃得開心﹐玩得開心。給鄭生批評之下還是只得GRADE C﹐仍需努力改進。

今晚﹐明天和星期天的時間表已排得密密﹐好想放假﹗但又唔想使錢去旅行﹗茅盾﹗﹗

唉~到樹搖葉落

星期一大雪過後﹐日日做到無停手。在經濟低迷之下﹐天天都傳出要裁員的消息﹐令人心情欠佳。幸得彼得李的一個提醒﹐都係既﹗而家仲有份工﹐總應該以感恩的心返工才對﹐橫樹日日無心機﹑怕被裁都是無補于事。於是星期一至四都極忠心地為公司效勞。

星期五﹐終於排到我﹐拿拿聲到圖書館借碟。同鄭生睇了WALLE﹐又一個晚上。

今天團契放假﹐但報讀了華神的教會論﹐所以一連三星期也會早出晚歸。要用國語上課﹐今次應該是第一次﹐慶幸周牧師是香港人﹐所以都聽到八至九成。但同學們的提問就要極﹑極﹑極留心才聽得明白。完課後﹐即駕車到KOP﹐又到春季大酬賓﹐買LA MAR﹐有贈品﹐滿載之歸。SALES 姐姐還說若買滿一千元護膚品可享有九折優惠﹐嘩﹗邊有禁多錢買BOR!!



今晚轉早一小時﹐又少一小時睡眠時間啦﹗﹗

又一個忙到死得的一週

當檯頭日曆仍然是一月時﹐驚覺時間飛逝﹐原來已經二月尾﹐三月都黎緊啦﹗

公司改組後﹐原先由六人分擔的工作改由四人分擔。加上今年人工仍然會維持不變﹐所以大家士氣一般﹐隔鄰黑妹說要按時工作﹐見她五時便收工走人﹐好不羨慕﹗﹗

教會生活﹐還有本星期天的主日學﹐於我本學期又可以收爐休息。還未知下一學期會教什麼﹐不過仍然十分享受﹐所以都應該感恩。

教會人搵工﹐工搵人。還沒有找著個超人傳道﹐所以仍需努力﹗﹗實在太多濕碎的文書工作﹗如果有個秘書姐姐幫幫手就好啦﹗

日本電影

等我跟跟風﹗﹗
睇片頭呢套“禮儀師之奏鳴曲”好似幾感人播﹗唔知幾時出碟呢?

是日晚餐

呢部咪就係眾姊妹送比我既嫁妝囉﹗

今晚整o左魚TACO同雞TACO兩款

鄭生仲要加SALSA 食

第二輪情人節

好啦﹗第二輪到以諾。

都係放o左D相係FACEBOOK。

MS OFFICE 2007 UPGRADE

不要以為花旗國的公司很先進。又話係軟件公司﹐一直都是用MS OFFICE 2003(都2009啦﹗仲用緊2003既產品)。最近公司開始UPGRADE 去2007﹐搞了我一整天﹐皆因我的網絡系統是10MBPS﹐慢得可憐。

UPGRADE完畢﹐發現多了幾個PROGRAMS。其中ONENOTE 2007好似幾好用禁﹗﹗好似本NOTEBOOK﹐有TAB﹐又可以用唔同顏色分類。唔好笑我鄉里啦﹗仲有INFOPATH﹐ PUBLISHER 都未用過﹗﹗我要進一步用小D紙﹐將所有紙張變成FILES至得﹗﹗

夫婦團契率先搞情人節

去FACEBOOK睇相啦﹗都係飲飲食食,迫D老公講下“我愛你”禁囉﹗

勁油

昨天鄭生大壽﹐應大少爺要求到CHEESECAKE FACTORY晚餐。芝士蛋糕工場的特色是碟頭大﹐一碟可分兩三餐吃。如B子說難怪米國那麼多肥人﹐皆因一個ORDER閒閒地是其他地方的兩個ORDER。在芝士蛋糕工場不難發現有很多肥人幫襯﹐還有它用牛油煮法﹐所以特別香﹐特別好味。

今日番丁餘下的當午膳﹐嘩﹗成杯油﹗問你怕未﹗﹗


晚膳完畢﹐大少話要去篤波﹗有COUPON 半價﹗玩到十一時慶盡回府﹗﹗

大雪過後﹐WFH

如CREAM頭報導GROUNDHOG DAY﹐今年會涷多六星期。昨晚下了一整夜雪。今早六時多起床鏟雪﹐鏟呀鏟﹗鏟呀鏟﹗鏟到八時多﹐只鏟到一修通道給鄭生的車子駛出。於是又打電話給老世﹐今天又要WORK FROM HOME。





大多數鄰居都有鏟雪機﹐一會兒便鏟好雪。我們兩口子用鏟﹐鏟了兩個鐘都未鏟完。幸得鄰居用鏟雪機幫我們鏟了一半的行人路﹐等陣食LUNCH都會出到鏟多陣﹗﹗過多幾年老D都可能要買鏟雪機啦﹗

舊日的足跡

我好低要求架咋﹗連淑梅姐呢D節目﹐我都好鍾意聽。禁o岩有呢幾個支督徒﹗幾好呀﹗ 好生活化禁講下見證﹗

張晉,張蔡少芬
蘇施黃
張崇德,張劉美娟
鄭秀文

本週剪影

炆完冬菇﹐本星期繼續平淡而忙碌的生活

星期日﹐團年飯﹐ 瓊華。與阿姨一家團年﹐好不熱鬧﹐皆因大家都在這家老牌酒家團年﹐左邊一檯是弟兄A﹐右邊兩檯是阿姨的朋友。再後面一檯是鄭生的英文班學生。都未曾見過瓊華禁滿坐的。派咪利是﹐皆大歡喜﹗﹗

這邊一點新年氣氛都沒有﹐所以星期一﹑二在公司工作至七時才打道回府﹗

星期三落雪雨﹐嘩﹗有如滑冰場﹐於是打電話回公司﹐無CLOSE﹐要返工。之後打電話給老世﹐要WORK FROM HOME。一樣禁多野做﹐做到六點幾。不過就可以一面大大聲聽商台﹐一面做野囉﹗﹗

炆冬菇賀新歲

往年公司的中國同事會也會在新春籌辦一次新春團年飯。今年不知是否經濟不景所影響﹐由上館子改為百家菜。看蘇GOOD學的﹐炆冬菇﹐簡單﹐快捷﹐方便。明天一丁即可﹗﹗

星期六團契都係食呢味架啦﹗方便唔使諗﹗大方又得體﹗﹗

激賀板頭生日快樂

見佢無UPDATE個BLOG禁耐﹐等我激.....賀.....下佢。

就職典禮

又一代天子...今次好架勢﹗全球網絡廣播﹐又FACEBOOK。仲可以同朋友即場CHAT。總之你有INTERNET ACCESS就一定睇到﹗

>>CNN Live report

冰湖時期

當然與再北的地方相比﹐這又算不得什麼﹗不過真係好凍﹗﹗



後加:
有冇人睇HUDSON RIVER 飛機著陸既新聞呀?尋晚睇新聞都嚇o左一跳﹗﹗原來飛機上既緊急逃生真係可以用到架﹗下次坐機﹐係升降前後都唔好訓啦﹗萬一有乜事都可以“逃”﹗﹗ (呢樣係IT教既﹗)

半週記

因為用腦過多﹐完全提不起勁寫寫本週經過。

幾件特別事:
眼見心儀電玩﹐又減價啦﹗好開心﹗因為仲未買﹐亦不知是否會買﹗原來快樂不在乎擁有(當然如果不顧一切地擁有﹐我想我也會很快樂﹗﹗)

某天看AM730﹐咦﹗原來珠珠禁勁架﹗寫財經專欄o架﹗個TITLE仲好勁添﹗唔使拋頭靈面啦禁﹗﹗

星期日晚餐

公司﹑教會都好多野做。最慘係完全唔識做﹗禁DUN住波鐘先啦﹗

星期日的四"食送":
蒸o左條SEA BASS


XO醬豆腐


烚菜


見禁清淡﹐買半磅蜜汁排骨。嘩﹗得個十舊﹗好唔低食﹗無下次﹗﹗

ON CALL

又再突如其來叫人ON CALL﹐見老世笑著走來﹐就知一定沒有好事。又要人家守候在電腦旁隨時候命!!真係ar! 星期六﹑日仲忙過返工架馬﹗﹗

最怕就是這種不能準備的工作﹐雖然被CALL的機會只有40%左右﹐但每次聽到手電響起﹐心跳亦會突然加速。有時還會思覺失調以為電話響﹐時時望著電話﹐看有沒有錯過來電﹗

幸好本星期六除上午要到安樂樓早餐外﹐因預測會下雪﹐多數會安在家中預備主日學(晚上的團契時間都唔知會唔會取消)。如不是﹐又要浪費一個美好的週末星期六了﹗﹗

他們的2008

CREAM頭介紹星星同學會﹐等我又介紹下呢個:






係蔥頭介紹既石鏡泉BLOG看到的﹐又幾好睇喎﹗好似D一百萬人的故事禁﹐不過唔係講低下階層囉﹗﹗

年尾﹑ 年頭

多謝各方好友的祝福﹐雖然生日年年過﹐但都感恩年年有飯食﹐行得﹐走得﹐身體好﹗

大除夕﹐在家與一眾友人倒數。今年參與人數不算多﹐十七人唔算太大GROUP﹐又POTLUCK﹐所以不算辛苦﹐大家頃下﹐玩下。再開電視看十台大蘋果﹐又見到希拉利﹐ CLINTON按著大蘋果按鈕﹐倒數六十﹐五十﹐...十﹐九﹐八﹐七﹐六﹐五﹐四﹐三﹐二﹐一。就這樣又2009年了。再玩下CREAM頭部Wii﹐打下 TENNIS﹐LOK下LING﹐仲有好好玩的Mii﹐原來併樣是這樣的好玩﹗兩點幾大家番歸﹗



新年一月一日﹐睡至十二時才起床。(超正呀﹗﹗) 鄭生想到FRANKLIN MILL換衫(買了TOMMY﹐又覺得大碼太大要換中碼)﹐襯B子在FLORIDA回歸前﹐再到OUTLET MALL走一轉。在家咪咪摩摩﹗SEND EMAIL﹐搞到二點幾至出門口﹗接到B子電話﹐已經在VIRGINIA大約四小時到達。於是拿拿聲295﹐TACONY BRIDGE﹐95。鄭生換衫﹐我行ANN TAYLOR。再行多一陣﹐又間百貨執笠﹐所有TEE都係兩蚊件﹗鄭生買了兩件﹗回家入門口﹗B子一家與蔡生二哥一家就到﹗

擾擾樣樣﹐歡送他們。誰知數分鐘後﹐B子來電﹐問我們家可有食物﹐不如食埋飯至走。五分鐘後又見大家﹐四位小朋友又再高高興興走上走落﹗叮熱板頭的肉醬意粉﹐我奶奶的冷鮮羊腩煲﹐再煮雜菜豆腐﹐又一個新年晚上。

差點忘記:鳴謝各朋友們在除夕夜的滿檯食物﹐有我至喜愛的竹生素菜﹐棉花糖蕃薯﹐還有那個很多藍草莓的生日餅(太多不能盡錄﹗)。實在太美味了﹗﹗



又要多謝靚靚相贈熱水瓶﹐這個冬天我會像“阿毛”帶備熱水出街了﹗﹗

賤吉頭

我越來越相信人體內的時鐘是需要定時定候﹗每天七時起床﹑返工﹑早餐﹑工作﹑午餐﹑工作﹑下午茶﹑再工作﹑晚飯﹑上下網﹐雖然忙﹐但又不見得會病﹗

好啦﹗放假﹐ 沒有定時定候 ~ 九時起床﹑傾下﹑行下﹑食個BRUCH(多到要PACK返屋企)﹑SHOPPING下﹑飲杯MOCHA﹑再SHOP下﹑食大餐(又係多到要PACK返屋企)﹑傾下講下﹑上網搞到十一﹑二點目訓。禁樣既生活都會發病﹗真係賤吉頭啦﹗