一拖再拖

原來寫BLOG唔可以拖﹐一拖就開始唔想寫﹐而且新野不停發生﹐真係拖拖下都唔知由邊度講起。

一向唔鍾意放題﹐但係偏偏鄭生又鬼禁鍾意﹐所以間唔時都會去佢認為好食既放題放肆一下﹗我覺得米國既放題大多數都係唔好食﹐米國人CHEAP﹐貴既放題唔捨得食﹐人家將價就貨﹐變了一大堆都要十幾蚊落樓既祖國放題。至於食壽司放題﹐得個一兩間﹐閒閒地亦都要廿蚊落樓﹐晚市更加去到成三十蚊位﹐我寧願去D貴餐廳叫餐好過啦﹗

好啦﹗講下上星期五去過既新開張壽司放題﹐以十多元的午餐來說﹐算係抵啦﹗門口寫十一時半開﹐我地十一點九去到﹐D野食先o岩o岩出﹐見到幾檯外國人都係坐係度等﹐只有鄭生第一個去睇下有冇野食﹗真係失禮街坊﹗食到十二點半﹐D野食先出齊﹗

鄭生同我都唔食生野﹐果D三文魚﹐吞拿魚既壽司無食﹐所以唔知新唔新鮮。食D熟既ROLL﹐即係富貴超市賣既7元8粒熟ROLL呢﹗都有四﹑五款選擇。我反而對熱食比較欣賞。有蝦﹑有蟹﹑有蜆﹐無食﹗不過睇落都幾好既﹗鄭生食o左幾多蜆﹐因為唔係個D豆豉醬蜆﹐而係好清既蒜容蜆﹗ 魚有四款:薑蔥龍琍﹐teriyaki三文﹐炸flounder卷同甜酸flounder卷。唔知係唔係祖國人開﹐始終都會有D蒸物﹐好似燒買﹐蝦餃﹐仲有奶皇包﹗ 湯例牌都有酸辣湯﹐蛋花湯同麵豉湯﹐鄭生好衰﹐BUTT 了碗有很多紫菜的麵豉湯。BUTT 晒D渣﹗﹗





甜品唔係太出色﹐不過都有紅豆雪糕﹐綠茶雪糕﹗當然唔係話好好食﹗紅豆雪糕無紅豆味﹐綠茶雪糕無綠茶味﹗但係有鄭生鍾意食既糯米慈﹐鄭生食o左三個﹗總括不太識食既鄭生就好滿意啦﹗我都覺得OK﹗話晒十一蚊一個人想點呀﹗



食完LUNCH就去JACKSON個OUTLET MALL﹐個MALL唔係好大﹐不過都有晒我要行既店舖。因為有雨天陰陰﹐行一陣又無乜野減價就返屋企訓啦﹗晚飯都只係飲湯就算啦﹗可能食到o齊o左﹗﹗

食舊餸的晚上

昨晚因為家中還剩下舊餸﹐鄭生今天又不用帶午餐﹐所以晚餐我只吃了湯渣+兩粒餃子便飽﹐省時省力。八時已經可以安安樂樂上網看FACEBOOK﹗

睇睇下﹐諗起前幾日買了幾個蕃薯。因為在靚靚生日飯吃過很好味的蕃薯伴碟﹐想試試自己整一個。材料很簡單﹐蕃薯+粟米片。因為怕肥﹐無加牛油﹐只係加了少少黃糖去焗。係無禁香﹐不過都OK喎﹗﹗算是飯後甜品﹗﹗


唔知呀靚仲記唔記得佢送既兩個花盆?

近排好懶﹐好耐無真真正正拎起本書睇﹐食完甜品想睇書﹐拎起本陳濟民既“保羅神學的十堂課”講因信稱義與信徒行為既矛盾。希望有心機睇晒佢﹗﹗

雨過天晴之後

過了三天又凍又濕的天氣﹐好天氣終於回來。這幾天都忙忙地﹐事原老世唔記得借o左我比TESTING﹐但又安排我其他工作﹐就係禁﹐一人分演兩角﹐要係D休息位做咪TESTING組D野﹐好在死線是下星期﹐仲有時間﹗﹗

週末因為天陰有雨又凍﹐雖然放假但係都無乜出街。唔出街係屋企就會身痕整野食﹗﹗

星期五的午餐整o左焗三文魚+炒意粉

星期五的下午茶﹐見支豆漿要飲就快過期﹐整了豆腐花。就禁買支豆漿整豆腐花都OK喎﹗不失為一個偷懶既方法﹗﹗


差D唔記得﹗﹗多謝菜氏夫婦既禮物﹗﹗好鬼潮﹗﹗好鍾意﹗﹗我會用佢去儲o個四百萬﹗﹗祝我成功啦﹗﹗

放假之後

唔知係唔係哥倫比亞日訓得多o左﹗之後個日訓得好差﹐醒o左又訓唔番﹗唔通真係食幾多﹐訓幾多係整定既??

自從鄭生與同事CARPOOL返工後﹐朝朝未夠六點就要起身﹐連累我亦被嘈醒。平日攰到隻積禁就可以訓番﹐一夠訓就訓唔番唯有起身﹐早D返工。

因為早起﹐食完午餐就想訓﹐再出去行o左陣﹐就更加想訓。捱到五點幾都係頂唔順早D收工﹐返到屋企﹐已經見到鄭生訓o左﹗ 我~為免夜晚又訓唔著﹐當然係去煮飯叫大少食飯﹐之後睇三福﹐玩o左一陣CAFE WORLD (又話無聊又要玩﹗﹗)都搞到十一點至訓。攰到呢﹗訓到好似死屍禁﹗今朝又回復八點先起身既情景﹗﹗

睇呢我都係賤命一條﹗﹗

哥倫比亞日

今日都做o左好多野﹐成十二點先起身﹐CHECK o下CAFE WORLD﹐FACEBOOK。煮個麵食D舊餸之後就去CHERRY HILL MALL 行下。想買運動褲。去了GAP﹐入o左D貨。再去FOOT LOCKER﹐又買o左兩條黑色運動褲做百搭﹗再行咪蘋果睇下部NANO好唔好玩﹗又行下蕉共﹐MACY’S。夠晒運動﹗﹗還是喜歡一個人行街買野﹐可以快快手手﹐又唔使人多意見多﹗﹗

再去美東買豬骨煲湯﹐奶奶教我煲黃黑豆豬骨﹐加幾片薑﹐都唔錯﹐又易煲﹗聽聞呢個湯水對女性好﹐黑豆可以預防頭髮變白﹗

去完美東再去SUPER-WALMART﹐最近在家附近開了一間SUPER-WALMART二十四小時服務﹐好方便又有SUPERMARKET 野買﹗不過無富貴超市D野禁新鮮﹗﹗

之後拿拿淋回歸準備晚餐﹐清蒸豆腐+竹笙雲耳素菜。初初唔識點切﹐上網CHECK CHECK﹐第一次整竹笙都OK喎﹗包竹笙買o左好耐都未有時間煮﹗今日終於開齋﹗﹗

再上網CHECK o下個CAFE WORLD﹐我覺得呢D禁既GAME真係有D無聊﹗又大食﹗開o左個GAME就唔使用部NETBOOK做其他野啦﹗

呢幾日

都係禁過啦﹗無乜特別﹗係晚晚有夢﹐搞到我十點半訓﹐八點半都唔願醒﹗攰到呢~

過了中秋﹐知道天氣一路會冷下去唔會再熱。昨晚就一於換被﹐薄羽絨換厚羽絨﹗係暖o左﹐唔使再訓到朝早變蝦米﹐但係張被重o左﹐轉身﹐反身就更覺難度﹗﹗

近排工作唔算好忙﹐同事J時時走過黎吹吹牛。這個同事J是上海人﹐都好好傾下﹐時時會講下佢眼中既中國上海﹐又講下佢工餘教既圍棋班係點樣訓練思維。我不懂圍棋﹐象棋亦不精﹐所以每次都係得個聽字。

星期一﹐哥倫比亞日﹐有得放假﹐但係鄭生要返工。睇黎都會留係屋企做屋企野﹗

中秋週末﹐紐約還是馬利蘭

星期五請了假。原先想放假不如去海灘啦﹗去馬利蘭海洋市啦﹗不過早幾日開始冷﹐去海灘怕冷死﹗禁不如去內陸睇鐘雨石啦﹗雖然我去過...但係鄭生又唔係話好感興趣﹗所以最後都係去MITSUWA食下野﹐再去紐約唐人街食晚飯就算﹗

好耐無去MITSUWA﹐原來裝修過晒﹐唔止食堂大o左光猛o左﹐連個廁所都大o左好多﹗同鄭生食o左炸物飯﹐我點了炸雞扒﹐鄭生食炸蠔﹑炸魚﹗一時唔醒起鄭生唔食得飯﹐最後我食o左一碗半飯﹐好飽﹗鄭生之後再去買煎餃子﹐食完仲話唔飽又叫多個紅豆雪糕﹗兩個人食LUNCH都食o左成$30﹐真係大食﹗﹗

之後行下超市﹐書局﹐碗碟舖﹐無乜野想買。鄭生話去下隔離既DRIVING RANGE睇下貴唔貴。一籃70個波$10﹐價錢OK﹐當然相比我家附近的高球場﹐這裡比較貴﹐不過風景宜人﹐可以望到河景﹐鄭生話D波仲好乾淨下。鄭生二話不說就買了一籃波﹐租了球掍﹐打到四點﹗

之後再去NY﹐都幾好無乜塞車。四點幾就去到唐人街﹐又未夠鐘泊免費街位﹐於是泊入停車場。嘩﹗貴o左一倍﹐之前$4﹐ 4個鐘而家要$8。唔怪得停車場有大把位﹗

未禁早食飯﹐要鄭生陪我行UNIQLO﹐嘩﹗唔係呀﹗要排隊入﹐好在都係排o左兩分鐘就入到去﹗人頭湧湧﹐有金濕咩?﹗個個原來係睇條新LINE +J﹐點知...唔知係唔係唔夠人手﹐女裝部CLOSEo左﹗真係頂頂上心頭﹗唔夠幾分鐘就兩手FING FING出翻去﹐又行翻去唐人街食飯...運吉﹗﹗

鄭生想叫餸食飯﹐我就無所為﹐唔係BUFFET就得啦﹗但係好耐無o係唐人街叫餸食飯﹐唔知邊間好﹐邊間唔搵笨喎﹗於是每行過一間所謂既酒家都望一望入去﹐睇下有冇唐人食先﹗最後行到一家叫三哥既酒家﹐見到三﹑四圍唐人﹐應該無錯啦掛﹗又有大大隻字寫住鄭生想食既一魚兩吃。就係禁﹐係間三哥叫o左一魚兩吃﹐蒜蓉豆苗﹐XO醬炒花蜆。一魚兩吃OK喎﹐豆苗都唔錯﹐係個花蜆唔係好得﹐都無XO醬既﹗食o左五十幾蚊﹐算係做節啦﹗

之後去買豆腐花﹐又去達昌買熟餸﹐好低喎﹗臨收工既熟餸﹐$2.5就一大盒﹐買咪佢星期六唔使煮飯就有得食﹐又去寶榮行買冬菇。拎住好鬼多野返車﹐下次真係要帶架買餸車去買餸﹐唔使拎到死死下﹗

次次宴客都有野學

星期天鄭府又開飯局﹐今次只係要請了BERTS氏夫婦﹐所以唔使好早準備﹐又係煮D瓜瓜菜菜就得啦﹗唔係好難﹗不過因為去完崇拜﹐又有鏈人既BABY SHOWER﹐所以時間都好趕。

BERTS氏夫人唔食得糖﹐所以無煮甜餸﹐我地仲特別買了代糖雪糕做甜品。我以前未買過﹐一心諗住代糖雪糕應該是SUGAR 0g 至係。點知搵黎搵去都無﹗最後唯有買o左EDY’S牌﹐最少都有 3g 糖﹗我同鄭生講﹐如果真係一D糖都唔食得咪好慘囉﹗又話NO SUGAR ADDED﹐其實都有糖﹗



飯後﹐將我地尋找既經過話比BERTS氏夫婦﹐BERTS氏夫婦解釋﹐原來雪糕點整都會有糖﹐因為牛奶有好多糖﹗而家時時飲既牛奶無論係WHOLE MILK﹐2%﹐定係SKIM MILK都有好多糖﹐BERTS氏夫婦話D糖唔係人加入去既﹐係牛奶本身有糖﹗哦﹗牛奶有糖我都係第一次聽﹐我再望望我0個一加侖SKIM MILK﹐嘩﹗有成12g糖﹗咁咪好肥囉?

話時話﹐個隻EDY’S牌代糖雪糕幾好味﹗一D都食唔出係代糖﹗

炒一丁

不知是不是趕人發明的﹐一個本來是湯麵食﹐變做炒都好好味﹗自從一丁入唔到美國境﹐我都好少炒。鄭生想食o左好耐﹐係街又無得買﹐試了用韓國公仔麵去炒﹐都幾好喎﹗唔會太霖﹗﹗

咪就係星期六完o左三福﹐拿拿聲在滿天煙霧彌漫下衝去買叉燒同韭菜花
加入半磅叉燒﹑韭菜花一扎:



話時話啦﹗做乜所有D一丁都唔入得口既?早知上次去楓葉國時入D貨啦﹗

BACK LOT PICNIC

以前公司兼得多錢時﹐仲多野搞﹐今年乜都無﹗得番個後園燒烤﹗

唔好以為好似香趕禁燒烤有好多野食﹐米國人D燒烤得漢堡同熱狗﹐無其他野燒啦﹗有菜沙拉﹐薯仔沙拉﹗薯片﹗好唔o岩我食﹗好在仲有雪糕車﹐我今次叫o左杯士多B梨奶式﹐好耐無飲過啦﹗肥死就肥死啦﹗

結婚BLOG

最近好鍾意睇YAHOO BLOG既人氣榜﹐睇下時下既網上人鍾意睇D乜野BLOG﹐隨o左D明星﹐明人﹐好多人鍾意飲食BLOG﹐旅遊BLOG﹐結婚BLOG﹐婚後生活BLOG﹐同仔女BLOG。

今次講住結婚BLOG先。聽說好多香趕既情侶會影超過一輯既婚紗相﹐又會拍影片﹐玩新郎呢D一定唔小得﹗終於明白華菜聯婚既一切從簡﹐相比其他人又真係好簡﹗禁係香趕結婚咪要使好多錢囉﹗香趕真係多有錢人﹗﹗

星期五﹑六﹑日

星期五﹐放假唔使返工﹐無PLAN要做D乜﹐行行企企﹑準備一下﹑等到夜晚鄭府宴客。不過一星期返四日工真係好爽。因為宴客﹐弄了六食送一湯﹐糙飯任裝﹗唔想嚇親AUNTIE﹐UNCLE﹐無影相。只係早上同碟齋影o左一幅﹗好耐無整呢D發菜冬菇支竹齋﹐煮好鄭生試味話唔係好入味﹐不過等到夜晚食﹐我又覺得OK喎﹗前一晚要出唐人街﹐順便買條鱸魚﹐未試過切開一半呢蒸﹐原來蒸好食過焗好多﹐以後都係切開一半呢蒸﹐唔焗啦﹗焗會老﹐又怕中間唔熟。

星期六﹐安樂醒﹐睇一陣三福既功課﹐食咪D隔夜食送(D齋呀﹐排骨仲好味過尋晚)﹐又要出唐人街上課。探訪完已經四點幾﹐再返CHURCH同板頭﹐姊妹I﹐A﹐M傾兩句又五點幾﹐本來諗住買個夏門炒米返屋企食﹐點知記起LA MER PROMOTION﹐見時間尚早都係拿拿林去KOP買咪佢一了百了。點知76勁塞﹗好在我唔係住係KOP個頭﹐要時時塞車﹐我實唔去唐人街。最後搞到七點半先返到屋企﹐煮D菜﹐食夏門炒米又一晚﹗

星期日﹐主日學﹐中傑牧師教﹐分享好好﹗講到好似一堂講道禁﹐無訓著﹗跟着崇拜﹐好鬼眼訓﹐ABC傳道講道。其實個題目好好﹐不過唔知點解就係好眼訓﹐比鄭生met o左幾下都唔醒。鄭生話因為無內容﹐所以唔知ABC想講乜﹐我訓鬼o左更加唔知講乜﹗之後都係大圍食飯﹐買食送返歸﹗本來諗住去IKEA行下都無去﹐好鬼眼訓麻﹗﹗訓晏教﹐晚上三食送一湯﹐越來越鍾意蒸魚﹐又快手﹐又好食﹐半個鍾就煮好﹐食完飯都係七點幾﹗ 睇o左一集蘇GOOD+絕代雙蕉﹗ 又要迎接星期一既來臨﹗﹗

等醫生

係米國睇醫生要先預約﹐好少可以就禁行入去睇。如果個醫生禁無客就禁行入去都有得睇﹐我諗都轉過個醫生為妙﹗

雖然預約了﹐但往往醫生是大忙人﹐預約了十時﹐十時半才會叫名見到護士﹐量血壓﹑量體重﹑探熱﹑問你做乜要見醫人﹐十時四十五分才會見到醫生真人﹐無乜大件事的話十分鐘後就會睇完。有好幾次在等醫生真人出現時倦極了﹐訓著o左﹗

幸好一年不用見太多次醫生﹐不用浪費太多時間﹗﹗

絕代雙蕉

B子話好睇﹐好好笑﹗連佢老爺係海外華僑都識笑﹐仲笑到o卡o卡聲﹗於是週圍搵黎睇﹗無TVB.COM﹐無得睇重播﹐好在有廣大既網絡﹗

真係幾好笑﹗雖然唔係話好鍾意黃子華﹐但係佢做咪呢D衰形衰格既角色的而且確好適合佢﹗蛇詩曼都OK﹐係李以紅﹐好耐無拍劇﹐表情有D怪﹗鄭生一聽到佢把聲就識出佢係當年同黎明拍過劇既港姐﹗仲問我佢係第幾名﹐真係考起﹗

係頭兩集悶D﹐大家既演技誇o左D之外﹐睇到第三集開始好笑啦﹗希望唔好虎頭蛇尾﹗

係唔係收得好密呢?

無無聊聊禁又過o左幾日﹗

放完週末假﹐話禁快又到星期三。星期六紐約行﹐無乜特別﹐都係食野﹐我剪頭髮﹐鄭生足底按摩。只是今次加埋姊妹I同弟兄T。晚上去了台式小菜館﹐又應該無下次啦﹗招呼仲差過鹿鳴春﹐我地又唔係台人﹐叫了不太好吃的台(食送)。下次都係去返潮舫或旺角比較穩陣﹗

星期六﹐行了一整天﹐成個人散晒﹗星期日﹐無主日學又唔記得。好在出門口時﹐一時醒起﹐去完崇拜﹐想去KOP行下﹐點知去到KOP食完LUNCH都係太(支力)﹐最後回歸休息﹗煲下碟好過﹗

星期一﹐無諗住去邊。去買(食送)﹐煲湯﹐煮飯又一日﹐繼續煲碟﹗終於睇完兩套日劇﹐無無聊聊又過o左幾日﹗本來想講下FACEBOOK與私隱既問題﹐不過又唔知其他人點睇﹐都係唔寫啦﹗寫番D 無聊野﹗

要放假

老世放了三星期假﹐昨日終於回朝﹐ 沒有老世的日子又要終結。計計下今年我都無乜放假﹐一年十七天的有薪假期只放了五天。未來日子又無諗住放長D假去遠D地方﹐唯有要求放星期五﹐所以十月我會一星期返四日工﹐十一月又有感恩節﹐十二月有聖誕節﹐一定放假放到個心散晒﹗

苦家

多謝姊妹C既苦瓜﹐真係好新鮮。切落o爽o爽聲﹗用o左盬o拿過﹐又拖過水。我試o左小小﹐都係覺得苦﹗唔o岩我﹗鄭生食晒成碟話個苦瓜好味﹗﹗

講起苦瓜﹐大家都話如何阿花係度﹐佢一定會要一條黎榨汁飲﹗﹗

拍拖時捨得使錢D﹑到結o左婚就完全CHEAP晒﹗

唔知係唔係常理﹐不過睇到板頭話BUY EXPERIENCE﹐NOT BUY STUFF。我都有D認同。而家自己想買既野鄭生會極力反對﹐到鄭生話想買D野比我﹐我又極力反對。到最後生日呀﹗什麼週年都只係食下飯﹐行下街就算﹗

笑鬼死我﹗

【本報訊】名店林立的置地廣場突然有人跳樓，昨日在現場出席新錶發佈會的藝人、名媛得知後均驚愕萬分，其中徐濠縈知悉事件不禁叫出來：「好慘喎！」稍後在商場出席另一秋冬化妝品發佈會的藝人黃婉佩（ Race）則說：「仲以為係女人冇錢 shopping（購物），要死o係置地。」

老餅一番

星期五下午﹐無拿拿想起華華講葉倩文﹐跟着無拿拿諗起呢一大堆舊歌。
仲估唔到WWW.EZPEER.COM有齊呢D勁舊歌﹗

偶遇
風爭
幾分鐘的約會
荳芽夢
彩雲曲

又諗起荳芽夢個o個識打TENNIS既RONALD。

MEMORIAL SERVICE

早陣子公司有同事病逝﹐同事五十幾歲﹐其實知她患病多年﹐但見她如常返工﹑放工﹑加班﹐總沒想到不到一年就已經唔係到啦﹗

今日公司搞了個MEMORIAL SERVICE記念這位同事﹐還將其中一間會議房間以同事名字命名。同事的姊姊在SERVICE中分享﹐同事生前仍希望可以返回工作岡位繼續工作。聽到呢度﹐覺得同事佢真係敬業樂業﹗不知是否與同事無結婚生仔有關。

真我總於回歸

終於都可以煲番D鍾意飲既湯。估唔到急凍既則魚都可以做到奶白魚湯既效果﹗


豆腐節瓜滾則魚

不過最近好想食甜野﹗我要忍﹗﹗

野菜湯 + XO醬白菜雞肉餃

多謝靚靚既指導﹐早前煲落的野菜湯可以混在餃子中吃﹐省了不少時間﹗



餃子是自己包﹐無味精。加入白菜﹑XO醬好食好多﹗但價錢就貴過買現成餃子啦﹗
近日發現自己越來越似A媽﹗以前A媽喜歡吃有湯的如湯麵﹑湯餃﹑湯飯﹗取其濕濕地易入口﹗我仲未去到食湯飯﹐不過就好鍾意湯麵﹑湯河﹑湯餃﹑湯烏東﹗

米蘭路

一向好甜﹐其中呢隻曲奇好得我歡心。好耐無食﹗好好味﹗

林9

o岩o岩見到林9既新搞作﹐咪就係正正講而家D結婚囉﹗有D VIDEO 好好笑﹐呀~點解有人會POST自己D結婚精華片段上網架?嘩﹗有個仲好似做SHOW禁﹗

http://www.my903.com/my903/janlambIdo/profile.jsp

豬展尾聲

尋晚我睇BLOOMBERG﹐講HK BOOKFAIR。主持人問主辦單位高層對o靚摸寫真有乜睇法。最後主持人問高層有冇買周秀蘭寫真呀?佢話無﹐主持人叫高層襯豬展最後一天買番本﹐之後鏡頭影住大大張周秀蘭夏日POSTER。我覺得張POSTER影得佢幾靚喎﹗不過睇番蘋果D相﹐佢又唔係禁靚o者﹗唔知邊個係攝影師同化妝師呢?

豬展

真係呢﹗未見過禁多娛樂頭條講豬展﹗仲有就係好多財女啦﹗o靚巫架禁﹗睇到人地眼花繚亂﹗想問下呢?個D財女﹑o靚巫既書有冇字架?

華華﹐你快D出書對抗呢D o靚巫風氣啦﹗

咳到死﹗

這幾天咳到死﹗都咳o左差不多成個星期。又無痰﹗ 講野既時期先咳多D﹐唔講野﹐可以忍到咳﹗睇醫生﹐佢話我可能敏感又或者係飲唔夠水﹐叫我去買ALLERGY 藥。不過食o左好眼訓﹐訓o左當然無咳(就算唔食藥訓o左都無咳﹗) 返到公司﹐見幾個同事都有差唔多既病精﹐係到“key key kam kam”唔知係我野佢地﹐定係佢地野我。鄭生問我會唔會豬流感﹗比佢激死啦﹗都無睇新聞既﹗豬感會發燒架馬﹗我都無﹗又無鼻水﹗

我睇今晚都係要燉番D雪梨南北杏食下﹐睇下有冇幫助﹗

今餐繼續

香趕人喜歡日本餐﹐又再一次證明我骨子裡仍然流著香趕人的血﹗

自從上次食完日本便當﹐因為無禁油﹐覺得好o岩胃口﹐所以今日試了公司附近另一間日本飯店。價錢貴少少(大約貴10%左右)﹐仍然是老外式的店子。白飯可以用糙米代替。食送比較多﹐而且多了些罐頭菠蘿作飯後果。

現在開始唔想食麥當當啦﹗幸好便當太大﹐我可以分兩餐食(唔係我食晒﹐夜晚鄭生會食咪我D口水尾﹗)﹐如果唔係﹐禁樣食法唔窮至怪﹗

是日午餐

突然任性起來﹐很想食這個


總比食麥當當好﹐但價錢是麥當當的三倍﹗﹗鄭生請繼續努力工作﹗﹗

多遊

時間過得快到你唔信﹐好似o岩o岩先同阿菜食過晚飯﹐北上消費了幾天﹐又要歸回原位﹐ 繼續苦幹﹗

四日三夜多遊﹐游閒自在。雖然要駕八個多小時(辛苦鄭生啦﹗) 但短期內都應該不會回港﹐所以唯有北上止住咳先﹗途中又遇上青蛙王子同王妃﹐多謝佢地指點迷津﹐春秋食軒飲茶的確係正呀﹗仲有營火星﹐萬錦既意大利雪糕﹐真係好好食﹗

第一天﹐約好積積先食LUNCH﹐後整容。
“嘩﹗小B你禁大個啦﹗”
“嘩﹗識得叫姨姨叔叔啦﹗”
“禁乖識得講多謝﹗﹗”
“唔好意思﹗遲o左出發﹐搞到要你地捱肚餓﹗”
一輪客氣話﹐要積積請食營火星(無法啦﹗無加紙﹐又未搵到ATM)﹐收到積積的神秘禮物一份﹗人生第一次收到這種禮物真的驚喜萬分﹗

之後趕著到預約好的美容店﹐鄭生就到對面的足底按摩店。疏乾後都已經四點幾﹐再到酒店CHECK-IN﹐沖個涼。今次住在HIGHWAY 7的HILTON GARDEN INN﹐超方便﹐有中文電視台﹐又有得免費上網﹐US$80一晚﹐好滿意架啦﹗

話禁快又到晚飯啦﹗本想會合鄭生家人一起用膳﹐但他們去了野生動物園﹐最後還是我們兩口子到了鼎泰豐。願意搭檯不用等位﹐坐底即叫豆漿﹐瑤柱小籠包﹐蒜蓉豆苗﹐紅燒牛筋麵。豆苗﹐豆漿﹐牛筋麵都超好味﹐係瑤柱小籠包發現不到瑤柱比較失望。

第二天﹐一早去春秋食軒飲茶。唔多人唔使等位﹐一睇就知係高級茶市﹐D乜餃乜餃粒粒都可以夾得起﹐唔會夾到爛晒﹗腸粉是與腸粉豉油分開上﹐收碟換碟又快。價錢只係貴少少﹗我覺得物有所值。下午鄭生家人去瀑布﹐我地去了N次﹐當然唔去﹐轉投太古商場。我睇日劇﹐家居用品﹐鄭生睇大陸古裝劇﹐各有收穫。再食個沾仔記淨雲吞﹑油菜後回酒店睡了個美人覺(係唔係好滋陰呢?)之後接到鄭生家人電召﹐晚餐食包肥﹗噢﹗我至不喜歡的包肥﹐看在鄭生家人份上﹐無法﹗

第三天﹐鄭生又說飲茶﹐鄭生家人要試其他茶市。瀨野﹗去了對面商場X王朝﹐嘩﹗與本城茶市差不多。鄭生說下次還是回春秋食軒好了﹗歡送鄭生家人回美﹐我們繼續大統華﹐太古﹐旺角行程﹐買買買﹗夜晚本來想去稻香﹐但搬了新址後見唔多人排隊﹐如果要任食都要$19.99一個人﹐鄭生又不是太肚餓﹐於是去了名味村(唔係好記得係唔係呢個名)﹐ 食物OK。

第四天﹐去證主書室﹐世界真細小遇到陳牧師朋友。之後約好回美前要見積積﹐積媽和積B多一次。去金沙茶餐﹐積B在窗口見到我們步近已經揮晒手﹐好鬼可愛。飯後同積積爭比錢﹐鄭生不敵積積﹐多謝積積﹗又要佢請我地食多餐﹗行o左一陣﹐同積B high 5, low 5 再hug hug就say goodbye la!希望係不久既將來再可以屈積積請食飯﹗


唔見得人的鄭生與乒乓球大的雲吞


正豆苗

放假前夕

又到放假前夕﹐心情係"熱切期待"。所以幾日無UPDATE﹐因為日日都想快一點完工﹐這樣可以早一點放工。

要係度多謝積積﹐辛苦你幫我地安排整容﹐腳底按摩行程。期待見到小B同你們一家的一刻﹗上次見小B時﹐佢都未出世﹐今次見唔知識唔識叫姨姨同叔叔呢?

鄭生講了好幾次要食小肥羊火鍋﹐又說要食包肥餐﹗但我提出抗議﹐只容許鄭生在當中選一﹐只係去多倫多四天﹐邊度食到禁多野呀?﹗一如以往行程應該以食為主﹐飲茶﹐ABC茶餐應該係MUST架啦﹗希望可以買D蛋卷呀禁做手信。

估你唔到

從來在挑選生果上都是以碰運氣的心情來應付。實在遇到太多外表靚靚﹐原來內裡壞透的生果。有好幾次買西瓜﹐以為重重地﹐外面無凹凸﹐深色表皮﹐應該會甜o瓜!最後還是失望將半只西瓜棄掉﹐因為全無甜味。

今次見你黑黑實實﹐從陽光充沛的加州運來﹐又認為應該好吃吧﹗點知你酸到“阿媽都唔認得﹗”鄭生問“做乜唔試下先買?”我在超市買的﹐點試喎﹗禁肉酸﹗又污穢﹗

點先至選出靚生果呢?真係難學﹗

漢堡

一向小食牛肉﹐所以對於那一家的漢堡最好吃﹐我從來沒有研究。加上我只愛麥當當薯條﹐所以來來去去都是光顧麥當當多於其他品牌。


這幾天口味有點轉變﹐在鄭生極力推介下的 Burger King Whopper Jr. 1蚊個﹐細細個又唔會太飽﹗不過因為是燒牛肉﹐有燒焦的邊﹐吃後有機會生CANCER。間唔時食下我諗OK o瓜!

磅食

從未試過到公司附近富貴超市的飲食部﹐話晒$7.49 一磅中國菜對於我是貴了一點。見無帶LUNCH﹐人一世物一世都要乜都試下﹗﹗

個盒好硬淨﹐真的可以清完RECYCLE再用。雖然食小小﹐呢度已經$4.50。D麵好咸﹗其他都OK。應該無下次啦﹗

美菰惡夢

夢境中﹐我由美菰第八期行返第三期既屋企。途中遇上握手師﹐比得李﹐執事ANNA問我做乜係度行來行去﹐仲唔快D羅紙考琴。跟住見到教琴老師ANNA媽係度安排大家考琴﹐之後我聽到有人話我考乜琴﹐今日要帶詩﹗帶詩~今日係星期日咩﹗我仲未選歌喎﹗於是走返去第三期屋企﹐途中又遇到乞兒。我唔肯比錢﹐於是佢一路沿著百老匯街追我﹐之後見到一輛綠色小巴掟o左個靚彎﹐無撞到途人。一身濕透就這樣醒了﹐仲支力過做運動﹗唔知發呢D夢可唔可以BURN到卡路里﹗

繼續...“我就喜歡”

雖然大家都好反對我喜歡你﹐
雖然你有成500卡路里﹐
但係我唔埋﹗

勁笑爆

無諗過香港先生原來係模仿大賽﹐D攝影既哥哥叫佢地做乜野POST﹐就乜野POST。勁好笑﹗﹗

晚晚有夢

最近晚晚有夢﹐極其討厭﹗因為大多數的夢境是追巴士追極都追唔到﹐有一次係見到板頭同CREAM頭去渡蜜月﹐又唔關我事既﹗都唔知發黎做乜﹗好想快點放假﹐日日等緊JULY 4TH的來臨﹗好快架啦﹗仲有三個星期﹗﹗

燒捍帽與IPOD

已經開始了兩星期﹐每天LUNCH後行二十分鐘。這是外出的必須品

不過今天開始熱﹐再熱下去就要改晚飯後才行得啦﹗

每日一杯

星期一至五﹐只要是上班日﹐早餐通常會是懶健康的脫脂乳酪一杯+半杯麥片。這習慣已經維持了好幾年。以前A媽還在的時候﹐她會每天從唐人街買一只雞尾包給我當作早餐﹐就這樣一年過後重了十多磅﹐嚇得立即叫停﹗現在食脫脂乳酪+半杯麥片﹐便便暢通﹐好過食豬油包啦﹗

最近半年﹐發現食開的DANNON的LIGHT&FIT時時出新口味﹐比較今天吃的西瓜味﹐我較喜歡早前推出的Pomegranate Berry﹐蕃石榴味幾重。這西瓜味我覺得有D假假地。還有菠蘿椰子﹐西檸未試﹐下次見到會買黎試下﹗﹗

作文~憑空想象

寫了幾天DOCUMENT﹐悶到呢~

最慘係無資料寫﹐只係比o左個新RELEASE PRODUCT 我﹐要自己作。作完比人改到七彩﹐又繼續作。希望改咪呢次可以收貨﹗呢D本末倒置既工作﹐寫到想鬧人呀﹗

吃粽的季節

幾天的回鄉探親團又完滿結束﹐今次天氣尚好﹐可以天天出街走動一下。比起上次﹐感恩節天天下雪好得多。每次回鄉節目都是大同小異﹐每天都會有港式點心(起碼隻蝦餃唔會一夾就爛)﹐香濃奶茶。

鄭生家附近最近開了間粵菜小館﹐裝修完全無﹐ 但其門如市。記得前數次經過都是沒有人影的﹐原來最近新廚頂手。又一次證明﹐只要好食﹐地方位置都是次要。這次回鄉我們還在這家小館吃了兩餐﹗ 十個食送﹑大大碟﹑只係$105找數底到爛啦﹗

今次亦試到這家“祖璵麵家”聽說這裡時常要大排長龍﹐今次相約鄭生朋友飯局﹐是間馬拉FUSION。價錢OK﹐ 點了越式牛粒紅飯﹐泰式椰青燉飯。好好味﹗不過無影到相﹗飯局中鄭生友人大談到以色列的十五天團﹐好羨慕~﹗聽說鄭生友人的教會明年會搞保羅行縱團﹐唔知到時有冇機會參加啦﹗

因為天氣好﹐我們還到了BROOKFIELD ZOO 和我BOTANIC GARDEN。D相放晒係FACEBOOK啦﹗ 去個度睇啦~

回程奶奶塞o左十幾隻粽給我們﹐今天試了她的新品種糙米粽﹐雖然買相就~ 但好好味﹗沒有普通的咸肉粽那麼膩。亦幸好有粽相伴上機﹐飛機出到跑道後﹐機長說飛機不能起飛要延遲兩小時。最後我和鄭生食o左隻鹼水粽和咸肉粽頂肚。搞到十點幾至返到屋企。

十個累~

洗手﹑洗手﹑洗手

雖然在流感疫情的陰影下﹐米國依然無人帶口罩。今晚我和鄭生回鄉探親﹐希望無人有豬流感啦﹗

前幾天公司派發消毒液﹐可以上飛機用﹗

回來再POST﹗﹗

記念日~瑪住安奴

一向記性麻麻﹗所以請不要再問我幾時與鄭生認識﹐幾時開始拍施﹐First Kiss係幾時啦﹗你去問我部PDA啦﹗白底黑字存入檔案﹐比我腦袋可靠得多。

所以對乜乜﹑物物記念日都不是太熱衷慶祝﹐可能未到金婚﹑鑽婚的年紀吧﹗今年只去了Maggiano's食個飯便了事。依然好好味﹐大大碟﹐一餐可分兩餐吃。

吃完還行了一陣MALL(因為隻錶要換電)﹐再去板頭度比番D野佢。再一齊參觀CREAM頭﹑板頭的高級住所。果然係高級住所令鄭生樂而忘返﹗﹗

凡勞苦擔重擔的...

本來是想寫下充實的週末﹐CREAM 結君實錄既﹗但呢幾日都會好忙﹐要坐下來寫幾百字不如POSTo左呢個先啦﹗

在其他BLOG見到﹐我諗都應該係基督徒開既公司


之前係韓國雜貨舖買野﹐見個膠袋有約翰福音3:16

聖經經文無處不在﹗﹗

大喜日子

雖然已經很倦﹐應該要目訓啦﹗但在這大喜日子﹐仍然想寫番幾隻字仔留個記念﹗

激賀板頭榮升師奶﹐CREAM頭榮升老襯。老土地祝你們在另一個人生階段開始﹐快快樂樂﹗

魚餐與蕉

繼續向懶~健康餐進發。煎魚比煮什麼也容易﹐將雪藏魚解凍﹐灑上海盬﹑黑胡椒﹑拍上粟粉﹐乾煎﹐搞掂﹗ 再夾多兩件魚TACO﹗~ 二十分鐘有得食﹗﹗


不是同餐發生﹐見POST開﹐POST咪~
積積講開食蕉﹐某天與鄭生一起吃蕉﹐佢食香蕉﹐我食皇帝蕉。比我發現佢係拎住長果枝柄由尾食起﹐又無好似積積所描述既“鍊爛晒絛蕉”喎﹗﹗而我就由頭將蕉皮met開食。我就覺得我個方法比較乾淨啦﹗

蘋果﹑橙

上網睇到呢部iOrgane(唔知係唔係特登串錯啦~)﹐會唔會遲D出部iStrawberry, iLemon呀禁?﹗ 祖國既發明真係~
仲有網頁﹐一D都唔差得過蘋果﹗﹗
>>www.iOrgane.com

假如我在維景

看了幾天報導有關香江維景的隔離政策﹐有人讚﹑有人彈。當然被隔離七天應該是不好受。我和鄭生說﹐假如有一天米國同樣行此政策﹐而我們又要被隔離。至要緊的是被隔離的地方有得上網。無得上網﹐鄭生無得玩TEXAS HOLD'EM。我無得上網看電視﹐我想我們會家變﹗

是日晚餐﹐近日放工後時間緊迫﹐最後還是煮西餐比較快手方便﹗士多啤梨很酸要配雪榚才好吃。但近日只買了綠茶雪榚﹐雖然綠茶配士多啤梨有點怪怪﹗無法啦﹗﹗


查看開BLOG日期﹐咦﹗昨天是開BLOG五週年紀念﹗原來自己都可以禁長情﹐寫呀寫﹗寫呀寫﹗﹗

開心大發現

係網上見到呢個亞視節目﹐無睇過天水圍﹐唔知影后鮑姐既演出如何。不過唔明白點解亞視既節目D演員演出都係超誇張~ 連鮑姐都係﹗﹗
仲有阿菜既偶像林偉辰﹐佢唔係過o左檔無記咩?﹗乜又返番去亞視啦﹗

要進入瘦腩時期

坐得多﹐肥肉通通聚在腰位。B子看了FUN CAMP照片﹐話我好似肥o左﹗唉~唯有賴“心廣體胖”啦﹗

板頭大婚日子將到﹐雖然我只係呀四﹗但都想影相影得唔好禁肥﹐亦要進入瘦腩時期﹐開始現在晚餐在七時前吃﹐減飯吃烚菜﹐還有每天行半小時。希望減到小小腩以便板頭大婚日子後回芝城再食﹗食﹗食﹗

檔案系列

尋晚睇o左呢集“吃得有價值”﹐原來提子都唔係好抗氧化﹐飲紅酒多好多﹗

起菜

唔知呀板頭同CREAM頭會唔會考慮呢首起菜。
>>WWW.EZPEER.COM

順便介紹下呢個WEBSITE。如果唔厭D歌唔係禁新﹐又一個免費歌網﹗﹗

薄荷

一年總有幾次傷風感冒發骨節。上次身體驗查時﹐已經學人注射了流感預防疫苗﹐最後還是被感染﹐看來疫苗用途不大。

今次有鼻塞﹑頭暈﹑發燒﹐背痛的徵狀。雖然吃了藥﹐但似乎情況並未好轉﹐而且鼻塞越來越嚴重。用了NASAL SPRAY﹐但o拿到死﹗說明書又說不可用多過一天﹐唯有放棄。 買了支薄荷條﹐吸幾下通鼻塞。反而比令人口乾但D鼻水不停流的感冒藥好﹗

奇怪﹗通常病都是沒有胃口﹐但今次相反﹐不知為何很想食STEAK。鄭生聽到﹐第一時間問係唔係病到痴o左﹗﹗

維基百科

雖然是OUT了一點﹐最近愛上看維基百科。事原姊妹A說起謝老四是Patrick後﹐為了證實她所說的並非虛言﹐當然一GOOGLE就會有很多關於四哥的資料。其中維基有很多LINK來LINK去﹐可以追看到底﹐ 增廣見聞﹗﹗

另一新聞由鄭生提供﹐話玩FACEBOOK會影響學業。唔知係真唔係啦﹗不過我見同學們都用好多時間上FACEBOOK﹐有影響都唔出奇﹗﹗
http://news.yahoo.com/s/livescience/20090413/sc_livesciencefacebookusersgetworsegradesincollege

祝姊妹A﹐SA﹐E 歐旅玩得開心﹗小心靚仔﹗小心被人打荷包﹗得閒就UPLOAD你地既情況去FACEBOOK﹐我會睇架啦﹗

星期日檔案 - 慳家一族

星期日檔案 - 慳家一族 - 2009-04-05 - TVB - Truveo 影片搜尋

最近阿花POST過星期日檔案的“港男講女﹑港女講男”﹐好好笑﹗再上網睇﹐原來仲有呢集講用COUPON既“慳家一族”。以為只有花旗先會有呢種情況﹐原來香江人都已經感染o左呢D風氣。

這陣子忙﹐是因為...

阿板派對﹐詳情不能盡錄﹐去板頭度﹐去FACEBOOK度睇相。

工作一般﹐都是一天過一天地上班。



收到新玩具。上年生日時﹐已經想買﹐貪其細部﹐CHEAP CHEAP地﹐可以上網﹐TAKE NOTES﹐睇電視﹐電力強。但覺得剛推出的新產品需要等價錢回落及用途改進﹐於是一等再等﹐現在見減價﹐就買了這部ASUS 1000HE。恰如所有評論一樣﹐不要與LAPTOP相比。粗用就好好啦﹗唔使心痛。LOAD 番D iTunes, RealPlayer, NJStar, VPN等搞了幾晚。

在試睇電視時﹐發現了無記的“法證先鋒II”﹐無睇過第一集。本來見到蒙嘉慧都唔係禁想睇﹐不過睇睇下又OK喎﹗我想編劇應該是支督徒﹐因為有幾個場景主角都係度祈禱。唔知係唔係無劇成日比人插唔夠專業﹐呢套D主角就成日用晒D好專業既口吻解釋D犯罪學﹐心理學﹐解剖學。覺得佢地好似背緊書禁囉﹗﹗

都是睇劇累事﹐好多教會野仲未開始做。今晚唔可以再睇電視啦﹗

本週末鄭氏劇場

希望有時間睇﹗﹗

急件

這個多星期﹐天天都忙碌﹐本想到BB&Beyond買禮物都沒有時間。昨天﹐在COUPON期滿前以及本星期六就是板頭派對了﹐真的要抽個時間買份禮。去到﹐找來找去都找不到板頭要的那禮物﹐一問之下﹐原來要在網上訂購才有。幸好及早發現﹐歸家即上亞馬遜訂購。普通免費郵遞要5-7天﹐噢﹗趕不及星期六。再見到亞馬遜有特快PROMOTION﹐免費試用三個月。嘩﹗2天就可以收到。不過這服務年費要$79大元﹐我都係CHEAP精﹐試用完畢應該不會續用。剛收到電郵﹐郵件已經寄出﹐星期四會收到﹐真係快手﹗

福音電影

這幾晚﹐晚晚也有濕碎功夫要做。一會兒又到九﹑十點。再上網看一陣電視﹐又到午夜時分。時間過得特別快﹗

上星期在圖書館借了FIREPROOF這電影﹐預訂是以為是愛情小品﹐原來是小丙之餘加插福音元素的福音電影。又要再一次歌頌這所地區性公立圖書館﹐這所小小的圖書館藏書與DVD都很多元化﹐不枉納稅人納這麼多稅。

相比港式福音電影﹐我倒覺得大家有點相似。主角表現OK﹐但大多數茄喱啡的演技生硬得不得之了。不知是否與BUDGET有關。本星期六﹐教會會播“真的戀愛了?”﹐不想在此倒米﹐但不明白為何次次都有林以諾演出囉﹗﹗

裁員潮

聽說公司要裁人已經好幾個星期﹐一直沒有什麼聲氣。還以為只裁海外員工﹐今早一入公司就收到消息﹐有好幾位同事要走。其中三位都是我平日會接觸的同事﹐所以知道消息﹐心情都是不好過。

其中一位同事﹐平日常與他的上司頂頸。所以今次無得留底﹐都算是意料中事。另一位同事平日尚算勤力﹐而且與同事相處亦幾好。他被裁後﹐有不少同事都為他不值。最後一位與我共事多年﹐而且她以前是到國語堂聚會的。剛收到她寄來的電郵﹐ 有點感動﹐ LAYOFF 不忘見證:

My dear all,

I'm laid off today. I start to take paid vacation for a while.
As a child of God, I fully understand nothing could happen on me without the permission of my heavenly Father. HE is going to make a way for me.

For those of you who does not know Jesus, I hope you don't think I'm a strong woman. It is the one who is inside of me made me different and I wish you all know Jesus in the near future. Faith really works when we go through trail and difficult times.

A lot of thanks to those who came to my office to say good words to me. It means a lot to me. I really appreciate your kindness and encouragement. For those of you I send to your company's email address, if you'd like to keep in touch, please send me your personal email address.

Tomorrow, I'll get up as late as I want.

God bless you!

Numbers 6:24-26
"The LORD bless you and keep you;
The LORD make His face shine upon you,
And be gracious to you;
The LORD lift up His countenance upon you,
And give you peace."'

本週的碎事

經濟影響心情。本週更加利害﹐匯控﹐花旗﹐幸好還有些娛樂新聞笑下﹐睇柏芝既訪問﹐謝檸檬給記者追訪﹐看他那懶有型﹐懶COOL禁﹐不明白為什麼會有妹妹仔喜歡他﹗ 身邊沒有什麼大事發生(我想應該要為這感恩吧﹗)﹐所以都沒有什麼要記下。

本週碎事包括:
車喱囂的Maggianos開張﹐巴o幣﹗要定檯否則要等兩小時喎﹗與KOP﹐DOWNTOWN的一樣有水準﹐好好味﹗一定要吃那個calamari﹐唔乾又好鬆化﹗



星期三晚﹐多謝CREAM頭﹐板頭的要請去試菜。有種與CREAM頭﹐板頭是一家人的感覺。大大碟的海蜇拼盤﹐熱辣辣蝦球還有北京鴨﹐炸子雞﹐翅等。至欣賞那個西施炒飯﹐鄭生唔食得禁多飯也吃了兩碗。預祝他們大婚當晚唔好禁辛苦﹐能夠慢慢享用美味佳餚。

星期四﹐正努力嘗試弄一些小吃。印象中﹐次次HOUSE GATHERING也是煮大盤菜﹐小吃應該是第一次。希望在板頭驟雨聚會中﹐使姊妹們吃得開心﹐玩得開心。給鄭生批評之下還是只得GRADE C﹐仍需努力改進。

今晚﹐明天和星期天的時間表已排得密密﹐好想放假﹗但又唔想使錢去旅行﹗茅盾﹗﹗

唉~到樹搖葉落

星期一大雪過後﹐日日做到無停手。在經濟低迷之下﹐天天都傳出要裁員的消息﹐令人心情欠佳。幸得彼得李的一個提醒﹐都係既﹗而家仲有份工﹐總應該以感恩的心返工才對﹐橫樹日日無心機﹑怕被裁都是無補于事。於是星期一至四都極忠心地為公司效勞。

星期五﹐終於排到我﹐拿拿聲到圖書館借碟。同鄭生睇了WALLE﹐又一個晚上。

今天團契放假﹐但報讀了華神的教會論﹐所以一連三星期也會早出晚歸。要用國語上課﹐今次應該是第一次﹐慶幸周牧師是香港人﹐所以都聽到八至九成。但同學們的提問就要極﹑極﹑極留心才聽得明白。完課後﹐即駕車到KOP﹐又到春季大酬賓﹐買LA MAR﹐有贈品﹐滿載之歸。SALES 姐姐還說若買滿一千元護膚品可享有九折優惠﹐嘩﹗邊有禁多錢買BOR!!



今晚轉早一小時﹐又少一小時睡眠時間啦﹗﹗