舊日的足跡

我好低要求架咋﹗連淑梅姐呢D節目﹐我都好鍾意聽。禁o岩有呢幾個支督徒﹗幾好呀﹗ 好生活化禁講下見證﹗

張晉,張蔡少芬
蘇施黃
張崇德,張劉美娟
鄭秀文

本週剪影

炆完冬菇﹐本星期繼續平淡而忙碌的生活

星期日﹐團年飯﹐ 瓊華。與阿姨一家團年﹐好不熱鬧﹐皆因大家都在這家老牌酒家團年﹐左邊一檯是弟兄A﹐右邊兩檯是阿姨的朋友。再後面一檯是鄭生的英文班學生。都未曾見過瓊華禁滿坐的。派咪利是﹐皆大歡喜﹗﹗

這邊一點新年氣氛都沒有﹐所以星期一﹑二在公司工作至七時才打道回府﹗

星期三落雪雨﹐嘩﹗有如滑冰場﹐於是打電話回公司﹐無CLOSE﹐要返工。之後打電話給老世﹐要WORK FROM HOME。一樣禁多野做﹐做到六點幾。不過就可以一面大大聲聽商台﹐一面做野囉﹗﹗

炆冬菇賀新歲

往年公司的中國同事會也會在新春籌辦一次新春團年飯。今年不知是否經濟不景所影響﹐由上館子改為百家菜。看蘇GOOD學的﹐炆冬菇﹐簡單﹐快捷﹐方便。明天一丁即可﹗﹗

星期六團契都係食呢味架啦﹗方便唔使諗﹗大方又得體﹗﹗

激賀板頭生日快樂

見佢無UPDATE個BLOG禁耐﹐等我激.....賀.....下佢。

就職典禮

又一代天子...今次好架勢﹗全球網絡廣播﹐又FACEBOOK。仲可以同朋友即場CHAT。總之你有INTERNET ACCESS就一定睇到﹗

>>CNN Live report

冰湖時期

當然與再北的地方相比﹐這又算不得什麼﹗不過真係好凍﹗﹗



後加:
有冇人睇HUDSON RIVER 飛機著陸既新聞呀?尋晚睇新聞都嚇o左一跳﹗﹗原來飛機上既緊急逃生真係可以用到架﹗下次坐機﹐係升降前後都唔好訓啦﹗萬一有乜事都可以“逃”﹗﹗ (呢樣係IT教既﹗)

半週記

因為用腦過多﹐完全提不起勁寫寫本週經過。

幾件特別事:
眼見心儀電玩﹐又減價啦﹗好開心﹗因為仲未買﹐亦不知是否會買﹗原來快樂不在乎擁有(當然如果不顧一切地擁有﹐我想我也會很快樂﹗﹗)

某天看AM730﹐咦﹗原來珠珠禁勁架﹗寫財經專欄o架﹗個TITLE仲好勁添﹗唔使拋頭靈面啦禁﹗﹗

星期日晚餐

公司﹑教會都好多野做。最慘係完全唔識做﹗禁DUN住波鐘先啦﹗

星期日的四"食送":
蒸o左條SEA BASS


XO醬豆腐


烚菜


見禁清淡﹐買半磅蜜汁排骨。嘩﹗得個十舊﹗好唔低食﹗無下次﹗﹗

ON CALL

又再突如其來叫人ON CALL﹐見老世笑著走來﹐就知一定沒有好事。又要人家守候在電腦旁隨時候命!!真係ar! 星期六﹑日仲忙過返工架馬﹗﹗

最怕就是這種不能準備的工作﹐雖然被CALL的機會只有40%左右﹐但每次聽到手電響起﹐心跳亦會突然加速。有時還會思覺失調以為電話響﹐時時望著電話﹐看有沒有錯過來電﹗

幸好本星期六除上午要到安樂樓早餐外﹐因預測會下雪﹐多數會安在家中預備主日學(晚上的團契時間都唔知會唔會取消)。如不是﹐又要浪費一個美好的週末星期六了﹗﹗

他們的2008

CREAM頭介紹星星同學會﹐等我又介紹下呢個:






係蔥頭介紹既石鏡泉BLOG看到的﹐又幾好睇喎﹗好似D一百萬人的故事禁﹐不過唔係講低下階層囉﹗﹗

年尾﹑ 年頭

多謝各方好友的祝福﹐雖然生日年年過﹐但都感恩年年有飯食﹐行得﹐走得﹐身體好﹗

大除夕﹐在家與一眾友人倒數。今年參與人數不算多﹐十七人唔算太大GROUP﹐又POTLUCK﹐所以不算辛苦﹐大家頃下﹐玩下。再開電視看十台大蘋果﹐又見到希拉利﹐ CLINTON按著大蘋果按鈕﹐倒數六十﹐五十﹐...十﹐九﹐八﹐七﹐六﹐五﹐四﹐三﹐二﹐一。就這樣又2009年了。再玩下CREAM頭部Wii﹐打下 TENNIS﹐LOK下LING﹐仲有好好玩的Mii﹐原來併樣是這樣的好玩﹗兩點幾大家番歸﹗



新年一月一日﹐睡至十二時才起床。(超正呀﹗﹗) 鄭生想到FRANKLIN MILL換衫(買了TOMMY﹐又覺得大碼太大要換中碼)﹐襯B子在FLORIDA回歸前﹐再到OUTLET MALL走一轉。在家咪咪摩摩﹗SEND EMAIL﹐搞到二點幾至出門口﹗接到B子電話﹐已經在VIRGINIA大約四小時到達。於是拿拿聲295﹐TACONY BRIDGE﹐95。鄭生換衫﹐我行ANN TAYLOR。再行多一陣﹐又間百貨執笠﹐所有TEE都係兩蚊件﹗鄭生買了兩件﹗回家入門口﹗B子一家與蔡生二哥一家就到﹗

擾擾樣樣﹐歡送他們。誰知數分鐘後﹐B子來電﹐問我們家可有食物﹐不如食埋飯至走。五分鐘後又見大家﹐四位小朋友又再高高興興走上走落﹗叮熱板頭的肉醬意粉﹐我奶奶的冷鮮羊腩煲﹐再煮雜菜豆腐﹐又一個新年晚上。

差點忘記:鳴謝各朋友們在除夕夜的滿檯食物﹐有我至喜愛的竹生素菜﹐棉花糖蕃薯﹐還有那個很多藍草莓的生日餅(太多不能盡錄﹗)。實在太美味了﹗﹗



又要多謝靚靚相贈熱水瓶﹐這個冬天我會像“阿毛”帶備熱水出街了﹗﹗

賤吉頭

我越來越相信人體內的時鐘是需要定時定候﹗每天七時起床﹑返工﹑早餐﹑工作﹑午餐﹑工作﹑下午茶﹑再工作﹑晚飯﹑上下網﹐雖然忙﹐但又不見得會病﹗

好啦﹗放假﹐ 沒有定時定候 ~ 九時起床﹑傾下﹑行下﹑食個BRUCH(多到要PACK返屋企)﹑SHOPPING下﹑飲杯MOCHA﹑再SHOP下﹑食大餐(又係多到要PACK返屋企)﹑傾下講下﹑上網搞到十一﹑二點目訓。禁樣既生活都會發病﹗真係賤吉頭啦﹗

又過聖誕

話禁快﹐聖誕又過去﹐B子回歸數天﹐天天早出晚歸。十分勞累﹗真能體驗作父母的辛苦。都無同小C子﹐E太郎影相﹗﹗佢地就趕住去迪迪尼啦﹗

多謝公司

以前﹐每逢差不多到生日的日子﹐公司會送盒古古力賀壽。我對古古力麻麻﹗所以最後受益的是C太郎。這幾年﹐人事部改朝換面﹐連賀壽禮品亦相繼換了。上年收到十五大元DUNCAN DONUT GIFT CARD一張。好過古古力好多﹗不過我也很少幫襯DUNCAN﹐最後受益者是鄭生。

今年﹐登﹗燈﹗登﹗凳﹗十五大元STARBUCKS GIFT CARD一張。總於自己可以享用了﹗﹗

擇偶條件

還以為忙完星期天的主日學﹐今年便可以收爐等B子一家回歸過聖誕新年。原來還要準備本週六的小組﹐本星期會講擇偶條件﹐以往對這題目都沒有深究。只知道要“同負一軛”﹐要早早為自己的未來伴侶祈禱﹐原來還有數點是以前沒有留意到的。

本課題於我可能已經學得太遲了﹐但願弟兄姊妹在本星期有所得著啦﹗

佳人﹑才子

連分手也要寫文章﹐做公眾的才子佳人真辛苦﹗﹗

還有那一句“為了令公眾安心，為了顯示我的後悔和承擔，我決定引疚分手，和慧敏結束情侶關係，做回知心的朋友。”- 拍施問責制﹐ 好好笑﹗﹗

http://hk.news.yahoo.com/article/081211/4/9ou6.html

其實我對才子佳人分手無什興趣﹐反而想睇下本雜誌影到D乜野偷食相禁巴弊﹗

馬戲團

感恩節回鄉﹐通常都是食﹑食﹑食﹐行行百貨(我在芝城沒有購物慾﹐因為樣樣都要稅﹐而且稅高過本城﹗)而己﹗今年比較特別﹐鄭生的姊姊們興致勃勃帶小朋友和奶奶老爺看馬戲﹐還叫我們一齊同去。

我對馬戲不感興奮﹐只記得小時候隨學校旅行在海洋公園看過一次。見到老虎﹐大象表演要好似人用兩腳行走﹐在地滾來滾去﹐總覺得有點殘忍。山頂位只是$19﹐見假期都是倍家人的﹐於是隨隊出發。

年紀漸長﹐看小丑表演已不太好笑﹐我和鄭生差點在這環節睡著。不知是否現代人的娛樂太豐富了﹐空中飛人一點也不吸引。唯一七架電單車在一個球狀鐵籠中表演的花式有點睇頭。應該無下次啦﹗

迪迪尼後記

放假十數天﹐星期二回來後仍沒有時間寫BLOG報平安﹗

將十數天的工作推前推後來換取假期﹐回來後當然要還債﹗未去之前﹐還以為會去環球片場(我同鄭生都忙到連行程都無編就上機)﹐去到機場鄭生先話六日都去米奇世界﹗就這樣六天﹐五天在米奇世界渡過﹐一天行OUTLET。


每天早上都安樂醒﹐食個靚早餐﹐十一﹐二點才入迪迪尼。四個主題公園﹐其實一日一公園也夠時間玩﹗本來鄭生想六天也到迪迪尼﹐而且六天和五天的價錢只差三元。於是買了六天入場券﹐但泊車都頗貴每天$12﹐所以在第五天見天陰陰﹐我們去了迪迪尼的MARKETPLACE﹐省$12元泊車費


不知是否很久沒有長時間步行﹐頭兩天﹐行到腳痛。還以為十一月﹐學校未放假﹐而且經濟差﹐應該不會太多人﹗怎料仍然人頭湧湧。多得FASTPASS﹐很多時都不用等太久﹐不過就要計好時間﹐幾時拿快証﹐幾時排隊。其實我對機動遊戲麻麻﹗唔玩過山車﹐唔玩跳樓機﹐又唔要濕身﹐所以可以一天玩齊要玩的﹗還有例牌的巡遊﹐煙花﹗二百多美元入場費﹐算低玩﹗

場內食品不算太貴﹐很多家庭帶備手提冰箱﹐野餐一番﹗鄭生發現美食TURKEY LEG﹐$6.5好低食﹗但飲品就貴$2一支20oz.可樂﹗

但在EPCOT 就有奇怪口味汽水任飲﹗


不知是否配合聖誕假期﹐樂園附近的大型MALL﹐OUTLET MALL都十一點關門。樂園八﹐九時關門﹐之後去食飯﹐飯後仲可以行MALL才打道回府。晚晚十一﹐二點至返酒店﹗

相片已經上載在MSN﹐你會見到相片大多都是鄭生是主角﹐無法啦﹗我覺得我食肥o左﹐ 為免大家以為我懷願﹗ 都係上少D鏡啦﹗

放假前夕

不知為何﹐放假前總是忙到九彩。未啟程前﹐要將公司的文件做好﹐今晚又要開會。仲要洗衫先有衫去旅行﹗﹗


明晚往米奇世界﹐環球片場等。因為以前去過﹐所以都不太興奮。還好﹗沒有期望﹐行程應該會舒泰一點﹗

七天之後﹐會再飛芝加哥回鄉探親﹗一熱一冷﹐已經打了FLU SHOT,希望不會著涼。

希望鄭生比我上網﹐到時再分享一下放假所見所聞﹗

柿

走過韓人超市﹐不懂怎樣分林柿還是水柿。不過爽爽甜甜﹗好好食﹗又到11月食柿的季節。

亦即是就快台慶﹐什麼歌星賀台慶一點也不吸引。一班老鬼 + 一眾扮野新秀﹐悶﹗