我的格仔手袋

今早見熱浪迫人﹐走到唐人街購買我的早﹐午﹐晚餐以便我可以整天留在公司足不出戶地工作涼冷氣。

怎料... 踏入我的至愛 - 香江餅家...
“唔該一個火腿蛋包﹐一個炒米粉﹐一個瑞士卷和一杯大港式奶茶呀﹗唔該﹗”

突然一名莫名奇妙的私拉服務員走到我的格仔手袋﹐“咦﹗無拉鏈架﹗禁咪好容易比人偷野囉﹗”

嘩﹗比佢嚇一嚇﹐回復鎮靜的我﹐下意識將手夾實手袋﹐回答“禁要小心夾實﹐就唔使驚啦﹗”

莫名奇妙的私拉服務員﹐一手拉著我的手袋﹐說“無拉鏈都係唔安全﹗”

(心想﹕嘩﹗我唔識你架喎﹗雖然係時時幫襯你﹐但係你都唔可以扮到同我好熟掂我手袋至得架﹗)

之後﹐莫名奇妙的私拉服務員繼續與其他服務員評論我的手袋﹐我當然沒有加入意見﹐拿著我的炒米粉﹐麵包﹐奶茶﹐一個箭步跑回車子去。

逢勸各位拿著格仔手袋的姊妹下次到這店舖﹐小心小心﹗

唉~我下次還是戴回我的教練手袋好了﹗