本來話落雨﹐最後還是好天到爆的星期六

沒有參與櫻花節(費事o左住人地一家大細啦﹗)﹐難得鄭生完成了2007的稅務﹐總要想個節目去慶祝一下。去了MINADO食放題﹐我當然不太願意﹐不過是為鄭生慶祝﹐唯有由他發版。

沒有什麼驚喜﹐都是給老外的日本飯卷﹐有一點熱食。最驚喜的還是在焗雜海鮮內有一條銀色膠條﹗好在醒目﹐無食咪落肚﹗


之後去KOP行街﹐沒有什麼好買﹗又是鄭生買到荀野﹗$9.99一條西褲﹗回程時﹐只是四時多﹐見好天﹐鄭生去打悶到死﹐有姿勢無實際的高爾夫。我﹗唯有一面睇書﹐一面等﹗

港台節目

幾時都禁鍾意睇港台節目﹐以前都介紹過一兩個節目。今次睇o左“天下父母經”

好感人﹗而家做父母真難﹗

神奇﹗當中有禁多支篤家庭o既?﹗仲有黃秋生好搞笑

蛇果店

係CHERRY HILL間蛇果店開o左幕啦﹗唔多人﹐好多機任玩﹗無錢買都可以玩餐飽﹗

淹尖夫婦遊法拉盛

因為親戚回港﹐要送兩老到JFK Airport。都有幾年沒有到個這機場﹐上一次應該是送B子兩母女回日。算一算都應該有四五年了。

當然已經去到JFK﹐又沒有理由不到法拉盛行一行。況且要醫肚﹐又見東王朝造緊半價優惠包肥餐﹐鄭生見到兩眼發光啦﹗“嘩﹗”法拉盛一如以往都是車多人多。搭正中午時分﹐在停車場是沒有可能找到位置的﹐於是一直找車位直到街尾的公園。幸好﹐東王朝也是在街尾附近。

又一個“嘩”﹗這麼多人﹗雖然半價﹐但都要錢的﹗我想問問要等多久也不能插入人群中﹐而且個肚餓到偏﹐心火盛﹗還是去另一食市好了。最後還是回到常到的潮舫﹐一進去便有位﹗好過排餐懵食BUFFET啦﹗

之後都是例行公事﹐超市﹐影碟﹐商場。不過沒有收獲﹗因為大家都淹尖囉﹗我們還發現好像多了點小吃食市﹗就連北京鴨也可以一件件買﹗$0.75一件﹗我是想買幾件回來讓大家試試的﹐但鄭生又話d鴨皮肥﹗禁食北京鴨就是這樣麻﹗更加不用提想吃蟹粉小籠包啦﹗

意外收穫

阿板既意外收穫是因為中招與舊朋友聯絡上﹐我呢﹗因為轉Yahoo Mail個interface。亦與數位很久沒見的朋友聯絡上﹐Chat Chat下先知朋友已經搬回香江。難怪近幾年沒有在MALL或強人街碰上。

“那麼遠﹐這麼近”的網絡世界﹐恐怕再沒有失散這回事了﹗

後記:我會漸漸將Yahoo Mail辭退(因為無得POP3 收信啦﹗)﹐取而代之將會係GMAIL。有乜緊要事﹐請電郵至我個人GMAIL啦﹗謝﹗

電視劇

忙了幾天﹐晚晚也要OT一點點。還好﹐這陣子教會那邊總算告一段落!
沒有電影節﹐唯有看YOUTUBE﹐有太極﹐最美麗的第七天﹐仲有古靈精探﹗全部看了一兩集已經不想看了﹗不知是不是太眼訓之故﹗

First Day of Spring

越來越鍾意Google 的logo設計﹐只是小小的改動﹐就可以提醒大家今日係乜野日子﹗



冬天終於過去﹐春﹐夏﹐秋﹐我等著你回來﹗

蝦米

因為A媽的關係﹐自小很少吃蝦米﹐飲茶亦不會叫蝦米腸﹗

在嫁雞隨雞之下﹐飲食習慣亦有所改變。鄭生雖然有敏感証﹐不可以吃蝦蟹類﹐但不知為何又可以吃蝦米﹐而且還是他的至愛﹗不知是不是曬過可以清除毒素呢?﹗

賴床夢

今早夢見微茄跟蔥頭在我家中﹐我正在趕返工之時﹐見到屋頂漏水﹐於是向微茄求救﹐但她沒有理會我﹐只是指指蔥頭﹐當我走向蔥頭之際﹐蔥頭消失了。等我要拿著部DV在屋頂照照那裡漏水(神奇﹗唔知點解係部DV﹐唔係電筒﹗)﹐照照下﹐突然醒起要急著返工﹐就是這樣醒了。起身倦到死﹗幸好已信主﹐如不是﹐我仲以為比鬼扎﹗

我知賴床不是好習慣﹐不過鄭生比較早起上班﹐我見他出門口時還比我目標起床的時間還要早﹐於是我通常趟在床上。就在這半夢半醒之間﹐時時會發夢﹗次次也是要"爭扎一番"的夢﹗好鬼辛苦﹗

小食多餐

記得之前阿花說過她的父親大人養生之道是“小食多餐”﹐最近我亦開始這養生之道﹐將所有用膳減半﹐加入下午茶時段﹐現在一日四餐。的確對胃氣問題有點幫助。

早餐:乳酪+1/4杯cereal
午餐:一碗食送 + 2 匙糙飯
下午茶:兩片麥包
晚餐:一碗食送 +2 匙糙飯

好啦﹗再見啦﹗包肥餐﹗

神奇﹗體重無減﹗仲肥o左添﹗﹗

流感

B子話因為流感爆發﹐香江的中小學停課兩週。這邊都有流感爆發的蹟像﹐不過就算有都不會停工兩週。因為有VPN﹐幾時都要上班。

各位將會返香江既小心D﹐帶定多D維C+雜B回去﹐以防萬一﹗

超聲波

大家不要唔會﹐不是有o左﹗
近日因為胃部有點不適﹐醫生寫紙要照超聲波看看腹部有沒有問題。總覺得人類發明這些科技﹐真的很利害﹐將一些電波貼近肚皮﹐經反射就可看到腸胃的大細。

那個技術員﹐一手拿著儀器﹐一手按著鍵盤﹐一面還看著那黑白的銀幕﹐我其實想問她我的胃﹐膽在那裡。不過為免令她分心﹐都是乖乖的心呼吸﹐吹氣好了。

照了不到十五分鐘﹐認真快手﹗等我仲話比老世知我遲返﹗點知返到公司仲早過我平日上班時間﹗

人人讀經 ~ 第五回﹐ 追呀追﹗追呀追﹗﹗

你地追得辛唔辛苦呀?

詩篇研讀

最近聽唐佑之的詩篇研讀﹐勁正﹗﹗有讚美詩﹐感恩詩﹐信靠詩﹐懺悔詩﹐訓悔詩﹐唱新歌﹐迎主來。七個多小時﹗

有興趣的﹐可到以下網站收聽:
>>詩篇研讀

打咭

老世電郵來最新Timesheet Code﹐水蛇春禁長﹐分得極為仔細﹗ 煩死﹗
因為現在所做的Project是每一秒都要跟客戶計錢﹐老世們特別緊張。時代雖然進步﹐不用打咭﹐但打咭精神仍然存在﹗

MUJI

最喜歡無印的簡簡單單﹐可惜這邊的新店簡單到無乜野賣﹗

康熙來了

見MB講開南北媽打話好笑﹐其實我對笑片不大興趣(但鄭生就勁鍾意﹗)﹐反而喜歡這些輕輕鬆鬆的訪問節目﹐雖然內容與“志雲飯局”差不多﹐但呢個好笑D﹗

又有人生日啦﹗

激賀天下第X美人既灰姑姑小B媽﹐身壯力健。小B快高長大﹐聽聽話話﹗至於灰姑爺﹐都係聽聽話話啦﹗

各家自掃門前雪

在新屋的第一個剷雪天。相比起積積的北川地帶﹐我呢D真係小兒科﹗


剷完雪﹐手痛。鄭生﹐我今晚唔煮得飯啦﹗更加唔會有按摩服務!

一個母親的偉大

多謝肥姐﹐因為不用再看人照事件﹐再看冠希﹐再看下去真係會悶死﹗

以前尋找肥姐的電視節目﹐沒有太多POST出來。不過人一走﹐網民便陸陸續續放上網。一個一個感人的片段﹐有真情的訪問。好感人﹗﹗就算去到死門關﹐都會記掛著自己的女兒會唔會紅﹐有冇人照顧﹗

人人讀經~第二回

上星期五﹐本來想寫寫讀過馬太8 - 14的問題。但一個忙忙的週末﹐唯有延至今天補上。

8-9﹐ 耶穌行神蹟﹐呼召門徒。不是太明白為何耶穌叫“不可以告訴別人”
10﹐ 如何成為門徒
11﹐講及進天國﹐還有幾個城市的名稱: 推羅、西頓﹐要串返去舊約
12﹐談論安息日﹐仲有好多被鬼附的病人
13﹐又係比喻﹐14章又係行神蹟﹐五餅二魚。

有冇人睇o左呀?

一個忙忙的週末

之前預備主日學﹐今次雖早在兩星期前開始看﹐但因手腳慢﹐最後還是做到星期六半夜。(星期六只係同Tiger食了晚飯﹐見你又病病地﹐我又要趕返屋企。禁下次香港見啦﹗)

星期日﹐有各位粵語堂的夫婦飯局會議。出色的師母們與姊妹入得廚房﹐出得廳堂。師母說:“都唔知你識得煮飯喎﹗”哈﹗哈﹗哈﹗當然啦﹗我這等是外表智慧型麻﹗(都話無版頭禁好係賢淑型啦﹗)魚目仲加一句﹐“D食送有好多款式喎﹗”呵﹗呵﹗呵﹗當然啦﹗我識上網問人點煮架馬﹗要多謝魚絲舞幫鄭生洗碗﹐雖然是用洗碗碟
機﹐但要知道鄭生對家務是越幫越忙的。好在有魚絲舞咋﹗﹗又一個開心的晚上。

忙完週末﹐還好﹗有一天假放﹐可以補一補不足的睡眠。起身已是差不多午飯時分﹐以鄭生的喜好﹐午餐是車仔麵。當然是自家煮﹐放入魚蛋﹐牛肋丸﹐墨魚丸﹐菜﹐芽菜豆腐再加一丁麵(如阿菜說﹐一般既師奶煮法﹐見雪櫃有乜落乜)。當然好味啦﹗所以平日我極不願意幫襯唐人街的車仔麵檔﹗

下午見天氣好﹐本來想到公園走走。怎知去到附近的郊野公園﹐“咦﹗禁細既?﹗仲以為好大添﹗”加上大風﹐最後去了附近看新屋的示範單位。放心﹗不是想搬﹐只係發現在附近建了很多房子﹐想知道樓市如何﹗

之後打道回府﹐鄭生要睇電視劇“薛仁貴”﹗

情人節樂樂

今早老世電郵全組:
“不要忘記﹐今天是情人節。我知道大家很用功工作可能會忘記﹗這只是溫馨提示﹗”

隨後有人回覆:
“除了花﹐有乜主意?”

老世回答:
“朱古力或者鑽石...他們說‘鑽石是女士們的朋友’”

我撐你﹗﹗

這幾晚都忙著準備主日學﹐加上落雪雨﹐凍爆﹐前晚駕了兩小時才回到家﹐晚晚都搞到夜夜先可以安靜坐下。

坐下後又看一陣新聞。最近香江大新聞當然是人照事件(你睇阿菜有報導就知啦﹗)其實對於人照﹐我沒有興趣看。不過近日鋪天蓋地的A1﹐我倒有興趣看香江人的回應。

在YOUTUBE睇當時人的記招﹐嘩﹗禁多FANS“支持你﹗支持你﹗”更有人在網上話“我撐你”﹐好好笑﹗不知是否近年香江被黑社會片影響﹐ 興晒馬﹗

年初五食齋

多謝魚目同魚絲舞的齋菜﹐好好味﹗最鍾意食菇菇架啦﹗不過我食到好似有魚蛋片既?乜齋可以落魚蛋片架咩?﹗

溫故知新

追隨大會﹐在本星期初已經開始了讀經運動劃﹐希望不要有頭威無尾陣﹐有恆心的每日讀一讀。

再重讀馬太福音﹐果然是可以溫故知新的。不知其他弟兄姊妹可有同樣問題:
~人名那麼多﹐還分十四代﹐十四代的記載﹐幾有趣﹗
~耶穌的降生的預言﹐有很多引用了舊約先知所講的說話﹐好特別﹗
~耶穌受洗﹐從天上有聲音。當時有冇人被嚇親架?
~彼得的西門和安得烈信主的經過﹐有冇內心掙扎?
~第五﹐六﹐七章都是耶穌的教訓﹗嘩﹗好多呀﹗

如果你都有睇﹐可否留個言交流下﹐讓讀經運動無禁悶﹗

米奇年

恭賀大家新春快樂﹗身體健康﹗

雖然沒有新春的節日氣氛﹐但晨早外藉同事走來我的辦公格說了句似英文的“恭喜發財”﹐提醒我今天是新年年初一。同事還問我﹐今年是他的本命年﹐要怎樣做才可洗退衰氣? o下﹗我從未聽過這個傳說﹐所以只好叫他自己Google一下﹗

車展

我不是汽車的朋友﹐鄭生也不是﹐所以每年的車展都沒有太大意欲買票入場。

今年又有弟兄A的免費門票﹐見悶悶地﹐完了崇拜﹐飲完茶便和鄭生行下﹐當是飯後運動吧﹗

第一次去車展﹐但我相信會是最後一次了。皆因本城車展沒有什麼特別﹐只是將所有汽車品牌的Dealer搬到會議廳而已。一點驚喜也沒有﹐而且人又多﹐看的都是2008款式﹐無乜新意。

唔知會唔會有人比十二蚊入場既呢?

一目了然

最近很喜歡用igoogle﹐因為貪其方便﹐只要一個網頁便可看整各人的部落格。還有TAB﹐可以一個TAB係BLOG﹐一個TAB係NEWS﹐一個TAB係EMAIL。真係好方便﹗﹗

屋漏兼逢夜雨

祖國大雪﹐本城大雨。搞到公司屋頂漏水﹐周圍一個二個垃圾桶﹐仲會聽到“冬冬”水聲﹗

大雪與民工

繼阿菜寫了“慘慘的中國人”﹐有感而發﹐到處尋找大雪與民工的新聞。對於祖國國情不熟﹐所以有點不明白當中民工的高漲情緒。

相比之下﹐再一次覺得自己太幸福﹐大雪嗎?第一時間可以趕回家﹐雖然有時還要Work From Home﹐但亦可以un un 腳安在家中看電視﹐看天氣報告。

但願大雪快點完結﹗新年應該是要高高興興地過﹗

利利是是

很快便踏入鼠年。會嘗到第一次派利是的感覺~窮﹗出血﹗

B子問“要唔要四叔D利是封呀?”
我:“四叔既利是封你都有??”
B子:“徐子琪都係用呢D利是封黎封利是架﹗﹗﹗”
我:“你又知?? ” 心想:“四叔D利是封又唔係會變錢既﹗”

不過在花旗利是封要買的﹐十分珍貴﹐所以利是封是會變錢﹗幸好花旗習俗﹐不是人人派利是﹐要用的有限。我今年在超市買滿六十大元﹐收到兩疊﹐剛好夠用﹗

係無四叔D禁靚架啦﹗張就o下啦﹗

萬能俠

做了這麼多年工﹐多勞未必可以多得的道理早已知道。但是也沒有理由個個 Release有事都關我事o架﹗你估我萬能o架咩﹗(唉﹗真係做到發晒老脾﹗)

夫婦小組

踏入2008﹐我和鄭生繼續慢慢地轉形。昨天已是第二次參加夫婦小組。當中有七對夫婦﹐不過其中兩對好忙﹐仍未能加入。十個人的小組算是不錯﹐ 主題是看“The Power of Praying Wife" 同 “The Power of Praying Husband”。再次多謝版頭之前相贈此書﹐的確是本好書﹗因為有太多其他的要讀﹐遲遲未能將書看完。今次有小組的壓力﹐希望可能將此書看畢﹐不要辜負版頭的一番美意。

除了看書分享﹐還有遊戲增加彼此了解。第一次參與夫婦小組感覺很特別﹐雖然與弟兄姊妹都有相當的認識﹐但當弟兄姊妹是以一對對的形式出現時﹐又有不同的境象。

期待下次的小組聚會﹐呵﹗呵﹗呵﹗因為是我和鄭生負責分享讀書那部份麻﹗

從尼希米我學到...

新一期的主日學已經去到第四堂

今日姊妹A提到撒旦喜用在事奉上打擊我們的技倆﹐是一個好好的提醒
當遇到嘲笑: 面皮要厚﹐要堅持﹐要有決心種身的心志
當遇到陰謀: 在困境中必需一邊禱告﹐一邊繼續警醒努力不懈向前進
當遇到擾亂人心: 不要灰心喪志﹐要知道掌權的是神

求神給我智慧﹐繼續學習﹗

Why are you waiting?

最近看了“Hour to Live, an Hour to Love”﹐ 一本心靈雞湯書。薄薄一本60頁。


作者問:“當人生走到最後的一小時﹐你會做什麼呢?”

很喜歡作者說“We need to make choices in our lives right now based on what's truly important. So, who would you speak to if you had only an hour to live? What would you talk about in that final hour? Most importantly, why are you waiting?”

是的﹐很多時都不知自己等什麼﹗

零號褲

最近在蕉共買了條牛仔褲﹐終於在季尾買到了﹗

咦~椅~﹗係零號﹗自知近日太過養尊處優﹐在食得開心﹐食得放心下﹐肥了好幾磅。仲著到零號褲﹐有點驚喜﹗都不知是否錯碼。

花旗尺碼一向比亞洲地區大﹐在香江我要著中碼﹐七號褲。足足差了七個碼﹗

花旗褲著後使人失去肥伴警覺性﹐成日以為“有房﹗有房﹗”各位姊妹﹐小心中計﹗﹗

激賀版頭身壯力健

我無阿花禁講粗口架﹗哈哈哈﹗

詩詞

>>http://hk.news.yahoo.com/080121/12/2ni2n.html
祖國的同胞們文筆真的好幾百倍。

...“響應「青春不常在、抓緊時間談戀愛；該出手時就出手，千萬別讓她溜走！」的大會口號。”...

睇完﹗我笑o左好耐﹗

Laptop袋

早陣子聽過CREAM頭講起﹐不明白為何花旗的Laptop袋總是老老土土﹐想找一個合時合款合心意的﹐機會差不多是零。
當我看到這個由可將紙箱變Laptop袋的同時﹐時代最尖端的蛇果出了部薄如紙的MacBookAir﹐仲可以用雞皮紙袋袋著。

唔使買Laptop袋啦﹗

來自都市日報的經濟版

估不到現代婚姻都會搞成禁“經濟效益”﹗

CEO 實 戰 手 充 記 ： 嫁 好 老 公 要 先 買 未 來 馬

我 們 富 利 堡 經 常 有 一 些 四 十 多 歲 ， 身 材 健 碩 ， 坐 著 名 貴 房 車 或 七 人 車 來 買 車 。 一 些 靚 女 經 紀 都 會 問 我 ： 「 佢 結 左 婚 未 ？ 」 問 十 次 、 答 十 次 都 是 已 經 結 婚 了 。 而 最 奇 怪 的 是 我 的 女 同 事 都 會 問 同 一 個 問 題 ： 「 點 解 他 們 的 老 婆 其 貌 不 揚 ？ 點 解 會 選 這 樣 的 女 人 ？ 」 我 的 回 應 是 ： 「 娶 妻 求 淑 女 ， 美 麗 並 不 代 表 一 切 。 」
很 多 人 ， 尤 其 是 女 性 ， 只 會 看 到 自 己 的 賣 點 ， 她 們 的 擇 偶 條 件 都 要 求 對 方 有 經 濟 能 力 、 有 智 慧 、 有 個 人 能 力 和 有 思 考 力 ， 但 從 沒 想 過 這 些 人 在 「 市 場 上 」 已 經 買 少 見 少 。
我 聽 過 一 個 比 喻 ： 用 不 同 的 球 類 來 形 容 不 同 階 段 的 女 性 。 十 幾 廿 歲 的 女 性 比 喻 為 足 球 ， 同 一 時 間 廿 二 人 為 她 追 追 逐 逐 ； 廿 幾 歲 的 女 性 是 籃 球 ， 只 剩 下 10 人 為 她 東 奔 西 跑 ； 三 十 歲 的 女 性 就 是 乒 乓 球 ， 兩 個 人 你 推 我 推 ； 三 十 幾 歲 的 女 性 就 是 壁 球 ， 只 剩 餘 一 人 獨 打 ； 最 後 ， 四 十 歲 的 女 性 就 是 高 爾 夫 球 ， 把 她 打 得 越 遠 越 好 ， 最 好 一 去 沒 回 頭 。
其 實 婚 姻 不 應 以 配 偶 的 事 業 、 成 就 、 身 家 來 衡 量 ， 應 該 是 找 一 個 可 以 陪 伴 你 長 相 廝 守 ， 情 定 終 身 的 伴 侶 。 很 多 其 貌 不 揚 、 學 歷 與 收 入 也 不 高 的 女 士 往 往 都 能 夠 嫁 入 豪 門 或 找 到 一 個 好 老 公 ， 箇 中 的 奧 秘 就 是 當 機 立 斷 「 先 買 未 來 馬 」 (Black Horse) 。
但 要 怎 樣 揀 選 「 未 來 馬 」 呢 ？ 最 重 要 是 看 對 方 是 否 值 得 信 賴 及 付 託 終 身 的 人 。 可 能 這 一 刻 眼 前 他 未 必 成 才 ， 可 能 他 只 是 擔 演 一 個 小 角 色 ， 但 你 可 以 從 一 些 細 微 的 事 上 看 出 他 將 來 的 前 景 。 靚 仔 通 常 無 本 心 ， 因 為 他 們 多 是 恃 寵 生 驕 ， 身 邊 圍 著狂 蜂 浪 蝶 ； 這 樣 可 能 令 他 們 不 能 專 注 發 展 事 業 和 腳 踏 實 地 為 自 己 打 拚 。
很 多 成 功 人 士 ， 你 覺 得 他 們 有 型 、 靚 仔 ； 其 實 他 們 年 少 時 都 是 其 貌 不 揚 ， 他 們 有 今 日 的 形 象 是 因 為 賺 到 錢 以 後 懂 得 打 扮 和 「 打 理 」 的 身 型 。 與 女 人 不 同 ， 男 人 的 年 紀 越 大 ， 他 們 的 吸 引 力 會 不 斷 提 升 。 如 果 你 要 「 先 買 未 來 馬 」 ， 想 找 到 一 個 有 潛 質 的 男 子 的 話 ， 第 一 件 事 你 要 注 意 他 的 可 持 續 進 修 能 力 。 如 果 他 一 有 時 間 就 是 打 機 ， 這 個 男 人 不 要 也 罷 ； 如 果 他 用 空 閒 時 間 來 進 修 ， 不 斷 學 習 ， 這 個 男 人 就 是 可 造 之 材 。
第 二 ， 做 人 有 遠 見 、 有 目 標 、 有 專 注 力 及 毅 力 ， 這 種 人 經 常 與 你 分 享 將 來 想 得 到 的 成 就 ， 要 帶 給 家 庭 怎 樣 的 生 活 。 同 一 時 間 ， 他 們 能 夠 有 講 有 做 ， 而 不 是 空 想 空 說 。 這 樣 ， 你 犧 牲 少 少 羅 曼 蒂 克 也 是 值 得 的 。
第 三 ， 時 間 管 理 。 一 個 成 功 的 男 士 ， 他 會 在 適 當 的 時 候 做 適 當 的 事 ， 絕 不 會 倒 轉 行 。 你 想 他 多 些 時 間 陪 你 拍 拖 ， 還 是 多 些 時 間 用 來 發 奮 上 進 呢 ？ 如 果 你 要 他 陪 你 、 又 想 他 前 程 錦 繡 ， 這 個 可 能 性 是 極 低 。 時 間 管 理 是 一 個 關 鍵 的 要 素 ， 又 不 能 得 失 你 、 那 邊 又 要 努 力 工 作 ， 所 以 ， 一 定 要 配 合 得 很 好 。
英 文 有 句 說 話 ： 『 Good deal never stay long 』 。 好 多 「 恃 靚 行 兇 」 的 女 性 都 覺 得 自 己 擁 有 非 凡 的 本 錢 – 美 貌 與 智 慧 並 重 ， 所 以 ， 她 們 都 喜 歡 Shopping around – 不 停 地 揀 。 就 如 上 一 篇 文 章 的 以 投 資 角 度 來 說 ， 「 美 麗 」 是 生 命 中 的 「 負 資 產 」 ， 「 美 麗 」 不 會 隨著 時 間 而 增 值 。 最 關 鍵 是 手 快 有 、 手 慢 無 ， 好 東 西 不 會 留 得 長 ， 想 當 年 我 問 我 太 太 願 不 願 意 嫁 給 我 時 ， 她 想 也 不 想 ， 不 夠 一 分 鐘 便 答 應 了 。 不 過 轉 頭 她 到 黃 大 仙 求 籤 ， 問 神 究 竟 我 是 否 嫁 得 過 。 當 然 ， 嫁 不 過 ， 就 沒 有 今 日 。 最 後 ， 祝 大 家 好 運 ！

心散

最近有點心散﹐自從放完聖誕﹐新年假﹐早上老是不太願意早起。每日遲小許﹐使本返八時半變成九時半。本星期﹐蘇聯老闆放新年﹐我更加的事無忌大。反正要趕的Project﹐在沒有Database下﹐我又不能做什麼。日日都是對著程式﹐有點不知從何入手的感覺。

另一邊的腦袋﹐每天都在思想尼希米記第三章。沒有土木工程的背景﹐起樓起橋不是我的本行﹐但感謝神﹗方間實在有很多參考資料﹐希望這星期可以將資料看畢﹐然後進行整理。

題外話﹐安裝了Google的筆記本﹐很多網民認為是廢的﹐但我卻覺得挺好用。COPY & PASTE﹐將資料記錄好﹐只要進入Google﹐便可看到。不用再左抄右抄﹗email來email去﹗

學得太遲

最近公司有很多Class session﹐在蒙查查下﹐報了“Success in Global Environment”。

昨天﹐一整天上課。講的是如何與不同地域國藉的同事共事。這個課題﹐早就應該在數年前﹐公司將部份工序搬到印度時﹐讓每個同事學習如何在不同的文化背景下溝通。拖到今天﹐這課題都不是每個員工必上的課﹐注定大家繼續為文化不同而受氣。

How-to

有什麼不懂﹐可以上網搵。煮飯﹐洗衫﹐整電腦...想不到連說“我愛你”都有網頁教你如何說。難怪越來越多電車男女﹗仲有貼士和警告﹐禁搞野既﹗

http://www.wikihow.com/Say-I-Love-You

不稱職的Project Manager

上年尾﹐誠蒙魚絲舞要請﹐幫手教會2008年曆。還以為是件輕而易舉的事﹐最後還要勞煩阿花越洋相助。搞到今天﹐總算看見初稿﹐希望印刷公司可以在八日內起貨。2008日曆嚴重超時﹐睇黎我都係無做PM既細胞。希望仲有人會買﹗


你睇下個封面幾靚﹐有阿花一半禁靚﹗


認唔認得係邊個個仔呀?咪就係姊妹M同弟兄D個仔囉﹗我都無見過佢真人架﹐次次係街撞到都係包到實一實﹗

2008的第一個工作天

踏入2008第一個工作天﹐正如之前所料~“忙”。開了兩個會﹐老世都是不停地提出死線在六月﹐四月中要交貨。而同事J又不停的說“沒可能﹗沒可能﹗”我這等小薯角色﹐唯聽他們“你一言﹐我一語”。其實老世話幾時﹐我們就要幾時交貨。粗俗一點“點死都要死比佢架啦﹗”爭咬無謂。

2007回顧與前瞻

今年這篇回顧與前瞻來得比較遲﹐忙呀馬﹗

當回看“2006回顧與前瞻”和“2007要做D乜 ”感恩的實在太多﹗﹗當然有很多事沒有如願進行﹐但亦有不少意想不到的收穫。

感情上﹐FUN前FUN後的確有很大的變化﹐很多朋友都會問我們FUN後如何? 誠言﹐在最初的一兩個月是有點辛苦。要多謝身邊的導師和長輩朋友﹐他們的聆聽和分享帶給我們很多鼓勵。要學習“愛與尊重”將會成為我和鄭生2008的目標。

事業上﹐自從好男人離職﹐和現時有如大雜工的工作岡位﹐有一段日子﹐我是極極極情緒低落﹐不過幸好有李老闆間唔時開解一下﹐在GMAIL又可以和板頭“伸”下﹗對2008年﹐同一工作岡位沒有太大的期望﹐已經知道在六月前有一大project要完成﹐但六月後方向未明。而且公司口口聲聲話轉用JAVA﹐又無培訓﹐又無資源﹐只好做得一日等一日。

教會生活上﹐因為FUN前FUN後﹐放了差不多半年假﹐不需要負責太多的事奉﹐又不用在Core Group和任何Team開會﹐開會又開會﹗(只是很多時鄭生要開﹐我只是陪坐等﹗)事奉生活輕鬆了不少﹗﹗2008。我將會又再從投CSMT的懷抱﹐當然我是極不願意開會﹐但願大家開會有建設性﹐唔好超時﹗

踏入2007下半年﹐繼續和姊妹A查經﹐妳最後決志信主﹐為妳高興﹗﹗2008﹐繼續和妳查經﹐希望妳會更明白神的心意。若果神許可的話﹐我是想與其他姊妹有福音性查經的﹐繼續為你們禱告﹗

今年的尼希米52~團契人生﹐只參與“看”的部份。雖然沒有像去年那麼多活動﹐但總算看畢全書。聽說2008﹐會有“事奉人生”﹐十分期待﹐希望大家可以在事奉方面有進步﹐不用一些弟兄姊妹事奉都氣咳﹗

感謝主給我“期望已久”的事奉機會。教主日學﹐帶領團契查經一點也不容易﹐而且每次都戰戰兢兢。白頭髮﹐脫髮亦又此起﹐不過相對自己所學到的亦是很多。2007上半年為小組準備﹐所以只上堂﹐不用教。下半年﹐教了三課﹕“從舊約看聖經人物禱告” 雖然每準備都用上很多時間﹐不過“No Pain, No Gain”。2008﹐已經應承了第一季的“尼希米記”﹐再與板頭合作﹐不過今次再加上彼得李和神學生姊妹A一起教﹐我肯定所得的比付出的多。(因為彼得李已有很多年Reading assignment 比大家啦﹗)

至於團契﹐來年將會返兩個團契。雖然我和鄭生都是不太願意﹐不過人生走到某一階段是需要不同的成長環境。希望可以適應。

飯局一星期

放聖誕﹐一個接一個的大小飯局﹐令本來過得很快的時間更像光速的流走。

平安晚﹐本來悶悶地﹐幾個電話便有十幾位弟兄姊妹朋友賞面出席的飯局。

聖誕夜﹐李老闆一家﹐歐陽家的飯局終於食得成﹐差丁點兒又要電喚板頭﹐Cream頭補上。

Boxing Day﹐B子一家想食住家飯﹐於是煮個菜﹐食舊(食送)﹐三(食送)一湯﹐估不到的是﹐就連E太郎也可以食一碗飯﹐我這個姨媽﹐還以為你們只吃小小便飽肚﹐沒有準備多點米飯﹐(因為姨媽姨丈都只是吃半碗飯而已﹗)原來你們是這般的大食﹗﹗

星期四﹐驚喜的菜頭﹐華頭出現﹐當然還有板頭一家+Cream頭。於是變成了blog友版聚。希望不會使菜頭﹐華頭覺得招呼不周﹐因為是晚飯局﹐我當“你地係一家人”﹐要自己夾(食送)囉汽水﹗

星期五﹐又輪到親戚飯局。飲茶﹐打邊爐。食得飽飽又一晚。

星期六﹐終於去了婚後都沒有到過的KOP Mall。大出血的B子﹐買的盡是小朋友用品﹐而我﹐為了用掉姊妹在婚前送的禮物卷﹐買了瓶聲稱可以減眼紋的La Mer眼霜。可惜在付錢時才發現貴氣十足的百貨公司原來是不接受VISA禮物卷。搞了一大輪﹐最後還要以AE付款。之後到了Morton's The Steakhouse鋸扒﹐貴囉﹗不過幾美味﹗

星期天﹐歡送B子一家後﹐又再擔起灰姑娘的角色(當然係做家務那一部份﹐不是坐南瓜車那段)﹐收拾一下﹐吸塵﹐洗廁所﹐洗床單。多謝Jac Jac的電賀。最後和鄭生吃Hibachi。不知是否市道好﹐Hibachi店滿坐﹐連帶那些Hibachi師傅的表演都有點“求求其其”的感覺。

相信﹐未來一星期﹐除了今晚會去靚靚和stitch家倒數﹐應該會晚晚留在家中清清靜靜的渡過。“Chur”得太盡﹐好鬼倦﹗

安份守紀

過了星期天的主日學﹐領詩﹐教會的事奉都過得八八九九﹗還以為可以在公司安安份份等收爐。誰不知突如其來的一個人為問題﹐搞了好幾天﹐由上班的一刻﹐做到這幾天也要在家進入公司網絡繼續那未完成的工作。工作本身不難應付﹐是人事上令我身心疲倦。不禁又問自己“為乜”。

沒有像華子般灑脫﹐所以還是繼續苦幹﹐希望星期五早點來臨。下星期放聖誕﹐等B子一家回國﹐還有不同的大小飯局。還有兩天便可脫離人間地獄啦﹗我會努力忍咪佢﹗

拍施要唔要成日見?

和姊妹談起拍施需不需要日日見。

當然陷入熱戀階段的男女﹐總是24小時想起對方﹐但我總覺得見得太多會有反效果。可能性格使然﹐我不喜歡痴纏關係。要日對夜對我會悶死﹐況且對得太多﹐被發掘缺點的機會也會越多。

平衡發展﹐當有共同信仰﹐共同為神一起工作﹐一起事奉﹐這樣和行街﹐食飯﹐睇戲的拍施節目一樣的好。

仲有一堂

本星期要教主日學﹐當然又要忙碌地將所看過的資料一一整理﹐而且腦袋會時時刻刻的想著要教的題目。

今次要學哈巴谷的禱告﹐三章聖經其實不太多﹐但要處理歷史問題﹐有點吃力。(我D中西史都好差﹐鄭生D中史仲好過我﹗)仲有一堂咋﹗真係時光飛逝﹗

聖誕限量版

各大商場﹐電台﹐天天都播放著聖誕廣告﹐還有各大品牌﹐糖果爭相出聖誕限量版禮物包。紅色﹐綠色﹐真的看膩了。這天頭重重﹐去買藥﹐咦﹗又係紅色﹐綠色既﹗唔會係聖誕限量版呀?﹗

選舉論壇

對於政治﹐一向都沒有深究。

但最近看著香江舖天蓋地的兩太之爭的補選﹐原來香江現在也有像花旗的選舉論壇。好睇過台慶十倍。

看完這場非常搞笑的的論壇﹐八位候選人﹐除兩位阿太﹐有個菲傭﹐有個黃師傅(連助選的都穿唐裝長衫)﹐有個台灣阿扁﹐有個生意人﹐有個維園阿伯(連助選團都無)﹐有個自由行。

其中有幾個好笑位﹐好似當葉太介紹自己既時候﹐後面有位助選既妹妹仔不停搖旗﹐真係葉太一面講﹐個4號牌不停搖。之後佢格離位阿伯要叫佢停先停。

而維園阿伯o係提問既時候﹐問D問題真係超低能。唔知廣大既市民睇完佢既發問﹐會唔會選佢啦﹗

至於拿著碗的黃師傅﹐去賣“家和萬事興”既廣告就非常適合啦﹗

葉太其實都好慘﹐天生個樣太招積﹐比起陳四萬既可愛笑容﹐比我不懂政治的都會選陳太﹗

1540

從來都沒有聽過李老闆的福音節目﹐你既然電郵傳來﹐當然要留心細聽。首先﹐我要佩服李老闆的事奉心志﹐相比下﹐我體貼自己多於先放神在首位。因為面皮薄﹐一早推卻了事奉的機會。

好啦﹗讚完﹗等我笑爆o下﹗
我聽唔到佢既節目係乜野“寶區”﹐不過佢一話自己係“安仔﹐我差D跌落地﹗好在我唔係“唯獨你是不可取替”的mi o者﹗﹗
唔知電台有冇比版稅﹐如果有﹐做乜唔播D全城熱爆既“演唱會”既?﹗播天下無雙好OUT囉﹗
仲有節目訪問路易士﹐聽熟朋友既訪問﹐感覺總是覺得怪怪。

希望安仔見諒﹐不過真係好好笑﹐多謝你在這星期五的下晝﹐送給我一段笑爆的時光﹗

>>收聽

唐佑之書籍半價

有買襯手

勵志文萃-箴言精讀
創始與成終-創造神學與倫理
主日的禮讚
南山日久長

頻頻撲撲

嫁雞隨雞﹐感恩節當然是與鄭生回鄉探親。雖然在鄉下的日子每天如常的飲茶﹐睇美東﹑美西﹐行公司﹐生活無聊﹐不過無聊生活都可令身體疲累不已﹗

早已知道芝加哥很冷﹐不過今次回鄉﹐又下雪又下雨﹐所以比平日冷多一點。最後鄭生亦抵不住寒風買了件米之蓮羽縷﹐我呢﹐亦要破費買了冷帽抵擋冷風。


今次去了兩間新茶樓﹐食物當然好本城十倍﹐價錢還比紐約平。吃了新款的脆皮腸粉和玉子豆腐腸粉﹐非常美味﹗﹗還有綠茶椰汁蒸﹐我相信這個可以自己試試弄。

你睇下張點心紙﹐有好多款點心﹐好好味﹗

至於美東美西台的節目﹐去Cream頭度睇啦﹗佢講晒我想講既野。

今次回鄉﹐我準備了手信行奶奶政策。哈哈哈﹗非常成功﹗一向覺得會弄蛋糕西餅的主婦特別賢淑(所以我一向話板頭係賢淑型﹗)經過今次﹐我會好好向這方面下點功夫﹐務求賢淑指數繼續上升。

飛機Delay

搭七點九機變了九點二﹗好在有無線上網﹐睇台慶。不過今晚無得打邊爐啦﹗

北上尋歡

因為表姊要剪髮(噢﹗連表姊都要北上剪髮﹐本城既飛髮事業真係越來越唔掂﹗)﹐上星期六﹐飛起鄭生同表姐夫﹐兩個小女人北上消費。


因為無鄭生和表姐夫在身邊“提點”﹐我們當然不會錯過Shopping機會。時間緊迫﹐只去了附近的日本豬魚村UNIQLO。依然像行花市般其門如市。其實UNIQLO所買的貨色﹐只是顏色搶眼的毛衣衛衣。相比GAP﹐蕉共可以說是豪無款式。但我想紐約人就是喜歡那種“簡單就是最好”﹐一款十色。換轉在其他的窮鄉僻壤﹐絕對沒有紐約人的時尚﹐一早便要關門(聽說在新澤西那間已經關門大吉了)。

至於食﹐無鄭生在旁﹐一定唔會飲茶。其實來來去去都是那幾間﹐未試過午飯食煲仔飯。就是那間數碼煲仔飯﹐不知是否已經轉手﹐照呼的人不同了(操國語的)﹐個煲不同了﹐連帶以前很香的煲仔飯味都沒有了﹐無下次啦﹗

下午茶﹐香港站啦﹗發現原來開多o左間係鹿鳴春附近﹐港式奶茶仍舊香濃。因為太飽﹐所以無叫奶醬多。

表姐要外買小籠包﹐一張訂單﹐要了九籠(有兩籠係我既﹗)未試過買未蒸的小籠包﹐不過始終是堂食好﹐難怪無論什麼時分﹐店小二的服務多麼的差﹐那間小店依然被人龍包圍。

十分愉快﹐十分滿足﹐如果可以每三﹐四個月有一次這樣的“女人北上尋歡”禁就爽囉﹗

靜了幾天

嘩﹗成個星期無掂過個blog﹐印象中﹐好少發生。無辦法啦﹗公司忙到死﹗教會﹗好多應承o左既計劃﹐要交貨啦﹗屋企﹗鄭大少一聲令下﹐經過週年檢查﹐三角膽固醇高了點﹐下令要介飯﹐所以日日煮菜﹐真係做到無停手。

本來想寫下與表姊的NY遊﹐聽o左廣播劇~東京鐵榙的感受(幾好聽呀﹗所以而家o拿o拿聲係YOUTUBE搵下有冇得睇﹗)仲有好多感恩既事要分享﹐睇來都要得到下星期放假至有時間寫啦﹗

講飲講食

我喜歡看香港食評﹐因為香港多野食﹐只看人家的食物相片已經好滿足(自從成為FUN後的女人﹐飲食習慣被迫改了很多﹗無得食﹐睇下都係好既﹗)。

最近看了openrice.com的:
>>http://www.openrice.com/restaurant/userinfo.htm?userid=10604
呢個食評家﹐真係日日都有update﹐唔知佢係唔係一日三餐都係街食。D相仲好睇過飲食男女。
>>http://hk.where.yahoo.com/dining_home.html
呢個Yahoo 去邊度網站都幾好﹐D 相都好吸引﹗

唔知蔥頭﹐BBT返o左香港未(我估未﹐因為仲見到佢地有update個blog。我記性差﹐佢地之前提過日子﹐但係我都唔記得﹗)唔知佢地做好香港遊既功課未呢?未既去個度睇下啦﹗

60歲的情書

已經聽說過這本書好幾年﹐上次回港在書局沒有遇上。最近在網上書店看到﹐買了下來。

這書是本集結了百多篇60多歲公公婆婆的情書﹐日文翻譯。日本人真的比香港人有詩意。

看了幾篇﹐再次感受到要白頭到老並非容易。有的在情書中感謝對方多年的照顧﹐有的在叮囑另一半好好照顧自己。

不知道自己可否有60歲﹐就算有又可否像這些公公婆婆寫起情書來。

鄭府宴客之火鍋篇

我對火鍋的興趣麻麻﹐因為不喜歡那種熱騰騰和每次都會食到120%飽的感覺。但鄭生卻十分之喜歡﹐而且時常提意就算得我們兩口子﹐也可火鍋一番。當然我沒有理會。

今晚鄭府宴客第五輪﹐請鄭生在第一州的朋友﹐成存鄭生既心願~烚下烚下﹐昨晚洗菜洗o左我成個幾鐘﹐成雪櫃都係菜同丸。

無香江人禁招積﹐今晚湯底係芫茜豆腐湯和青紅蘿蔔竹絲雞湯﹗

主日學

忙了幾天準備主日學﹐想花點時間寫寫blog都沒有機會。不過都想在這裡記下我所學到的﹐好使鼓勵一下板娘和錢生﹐佢地真係教得好好﹗
今期主日學講“從舊約人物看禱告的操練”﹐雖然預備是辛苦﹐但自己學了很多關於禱告和各舊約人物與神對話的一點一滴。
第一課:亞伯拉罕的禱告
我就覺得亞伯拉罕不愧為神的朋友﹐他為罪惡之城求﹐他知道神的心意。我祈禱未必知道神的心意。
第二課:哈拿的禱告
哈拿的信心真的很大﹐相比如果我是哈拿﹐我未必可以做到奉獻兒子終生給神﹐話晒神只答應給她一個兒子而已。
第三課:雅各的禱告
一個死都唔肯認輸﹐最後都要神祝福他的人。我會不會也會像雅各﹐用盡自己的方法去解決事情﹐原來最後神已經幫我解決一切困難呢?
第四課:摩西的禱告
至於摩西﹐一個零自信的人﹐如何帶領成千上萬的以色列人出埃及﹐全因為神對他的應許。在事奉上﹐我對神又係唔係零自信呢?

而本星期我會講雅比斯。嘩﹗得一句祈禱﹐仲難講過第一堂。或者神就是要我禱告﹐禱告再禱告才可分享這一課。

電視節目

最近睇緊呢幾個節目﹐好好笑﹗

爭分奪秒之午飯時間

雖然自己所做的工種不用打卡放食飯﹐但都有不明文規定放飯一小時。這一小時我都會盡量充份利用﹐匆匆忙忙渡過。

因為自己帶飯﹐少了排隊買飯的情況﹐但就要排隊“o都”飯。一面食飯一面會上網看電郵﹐回電郵。看蘋果新聞﹐看靈修小品﹐同阿花﹐阿菜MSN一下聯誼聯誼一番。有時寫咪個Blog。如當日是出外買'食送'日﹐便會順便去埋Target買日用品。有時亦要去銀行一趟。

至於今日的午飯時間﹐ 我到了圖書館借“The Lives of Others”今個週末看。話晒都係Academy Award得獎作品﹐ 希望好睇。再行過隔離的郵政局寄信﹐買郵票。是花花郵票﹐十款花花。十分漂亮。

午飯時間仲忙過返工﹗

保險

在花旗生活﹐買保險已成生活的一部份。不論是人壽保險﹐醫療保險(還分牙齒﹐眼科和普通醫療)﹐意外保險(又分工作意外和旅行意外)﹐有車的一定要買汽車保險﹐有屋又要房屋保險。幸好我無蕃狗﹐有的話真不知要否為寵物買保險(唔知靚靚有冇買?)。就是這樣一份糧已經去了幾成。

保險還有分等級﹐不是買了就不用付賬。買了保險,看醫生還需要付一點錢。而且不是每位醫生都接受所有保險。年尾﹐因為改用鄭生公司的醫療保險﹐我所有的家庭醫生﹐專科醫生都要轉換﹐煩到呢﹗

保險我對你又愛又恨﹗

網絡勢力

終於輪到我講Facebook(haha! out到唔out) ﹐其實對這個個都會加入的網絡﹐我又不是太有興趣。一來要花時間去開戶口﹐加入什麼圈子等﹐家庭煮婦那有時間搞這些小玩意呢﹐二來總覺得加入後會收到大量廢電郵(希望唔會﹗)我的雅虎電郵不知從那時開始﹐每日收十幾廿個廣告﹐真的不想連豬電郵也是如此。

不過表姊表妹有玩Facebook﹐好像BL一樣﹐好啦﹗好啦﹗我加入啦﹗加你地啦﹗移椅﹗見到林積﹐邊個係西門陳呀?哎呀﹗原來係你﹗見到你個女張相先知你姓陳﹗仲有華華﹐呀deeb﹐禁其實除o左睇到你地D相﹐有乜好玩o者﹗

激賀BB蕃茄生日快樂

遲o左兩日﹐唔好意思﹗
大個女啦﹗越大越靚唔在講﹗(都做人地個波士囉﹗)
祝你靈命都越來越成長﹐多D同“你既下屬”一齊事奉﹐互相認識多D﹗
健健康康﹗(先至會靚o架﹗)

時間溜走﹑他來自上海﹑300

一次過寫幾日既事...

不經不覺﹐時間溜走得太快。星期六忙完團契﹐星期日再忙崇拜﹐睇過兩位好姊妹的Blog,我不禁又要加一句﹐週末的確是忙過週日上班的日子。

來自上海的Lenovo 終於到達﹐衰身痕﹗要了Vista。搞了兩日﹐好多用開的軟件支持不到﹐唉﹗又要使多一筆﹐Upgrade軟件﹐又要買RAM。一闊三大﹗

300﹐在圖書館排了兩個月﹐終於輪到我借。都唔明白鄭生猛禁話好睇﹗太血腥啦﹗太三級啦﹗好在背後亦有點意義﹐不過下次呢D古裝片真係唔好搞我﹗

收買人心的禮物 - 好過無啦﹗

我知﹗我知﹗不可在蛋裡挑骨頭。
為了報答這陣子開夜﹐過時無補水﹐趕工。老世給了五十元禮物卷。
有少少獎勵好過無啦﹗
但想到今年無人工加﹐又無雙糧﹐心又沉了﹗

激賀靚靚生日樂樂

一年靚過一年
愛情﹐健康﹐學業﹐事業﹐今年勝舊年﹗
嘩﹗再講就會話龍馬精神架啦﹗

補充:做乜近排大家好似鷹狼傳奇禁﹗連電話都講唔到﹗

藍o者喱

近日手腕附近時常忍忍作痛。極其擔心自己患上電腦職業病。於是火速上網購買這保護手腕的藍o者喱。用了兩天﹐手腕沒有那麼痛了。不過覺得好麻煩﹐移動滑鼠時要與o者喱一同移動。Keyboard那條o者喱還會阻住keyboard。希望遲D會慣。

鄭府宴客

昨天鄭府宴客﹐雖然很多好友公私繁忙未能出席﹐但都有成廿個人。希望大家都食得開心﹐玩得暢快。再次要鳴謝朋友S同姊妹A啦﹗幫我又煮又洗。我還是雞手鴨腳在廚房﹐幸好有她們相助才可七時入席。又要鳴謝姊妹W借出十張摺椅﹐不用玩 Musical Chair。


當然要多謝你們的禮物﹐星爺發揮其喜劇之王本色﹐送上一箱好大個既水晶梨。


甜品當然有富貴超市的Fruit Tart 和Fruit Top Cheese Cake 啦﹗不過鏈人話個Cheese Cake 太軟﹐硬D會好食D。

因為太忙招呼賓客﹐所以遺忘了影下食物相片。不過睇呢張“Trash in the Party”就知我地有幾大食啦﹗

手提電腦

自從在教會事奉﹐因為要為退修會籌劃﹐我購買了人生第一部手提電腦 - IBM ThinkPad。大大話話這部當時Bottom of the line既手提電玩為我服務了四年﹐最後換掉是因為他的容量不夠用﹐只得10GB。經過兜兜轉轉﹐由C太郎轉到表外甥。現在那部IBM ThinkPad仍然活得好好﹐只是老一點﹐行動緩慢一點。難怪以前林牧師 (一名ThinkPad 死心粉絲) 換來換去﹐都是用回ThinkPad。

ThinkPad過後﹐以為平平地﹐買部DELL﹐有齊心儀功能﹐卻比ThinkPad平一大節。好啦﹗證實平野係Cheap D 既﹗用了兩年幾﹐除了大食(舊電用唔夠半個鐘就話無電)﹐熱D唔得(而家我買多o左把專用風扇比佢)﹐有 時個“芒”會跳之外﹐都尚算可以。

等了又等﹐終於等到減價6折。我又回復ThinkPad的懷抱﹐但今次ThinkPad已經嫁了到祖國﹐改了姓Lenovo。希望他不會像假蛋﹐假髮菜﹗我諗住會用三﹐四年架﹗

討厭有線

上星期四﹐有線上網又出現問題。搬入新居﹐整了四次﹗好麻煩﹗打電話叫人黎整﹐又要有人係屋企﹗我都話唔關我屋入面既事﹗ 我地都無掂過Modem。我同鄭生都要早出晚歸﹐邊有人係屋企等你喎﹗星期五晚呢? 無人得閒﹗星期六有冇人可以黎整呀?無﹗星期日呢?放晒假﹗終於要等到星期一晚。

無得上網﹐好唔開心﹗乜都做唔到﹐睇唔到YOUTUBE﹐check 唔到電郵﹐做唔到主日學的預備。好啦﹗終於尋晚七點幾黎到。哪﹗哪﹗哪﹗都話唔關我屋入面既事啦﹗係你出面有條線痴o左﹗唔明白點解佢地唔可以搵人Check出面既線先至入屋﹗

浪費大家既時間﹗如果唔係因為裝唔到DSL﹐我一定唔會用有線﹗

甜甜圈的誘惑

花旗老世都喜歡請吃甜甜圈作為早餐﹐顏色鮮艷﹐花款多多﹐的確十分吸引﹗不過一件甜甜圈差不多有三百幾卡路里﹐就算不是甜到漏﹐有果醬的都有二百幾。食後會後悔死﹗(我又唔係Cream叔﹐呀菜禁有本錢) 老世﹐下次請食早餐﹐可不可以買D無禁肥。

發夢:如果是白粥炸樑就無得頂啦﹗

唐伯虎野史

我終於明白﹐為何當日上達文西密碼電影時﹐各方教會都十分緊張。恐防各人因電影的虛構情節而將真實的史實混淆。

話說某日同鄭生談起唐伯虎﹐鄭生第一時間搶答唐伯虎點秋香的情節。他以為唐伯虎真的有三妻四妾﹐有“求神﹗求神﹗...”禁去點秋香﹗野史電影影響深遠。

插曲: 鄭生還問我"係唔係仲有個蘇丁多呀?" o下!佢叫"蘇東坡"唔係蘇丁多呀!

大牙祭

今日中秋﹐中國人同事們搞了個中秋大牙祭。什麼“大牙祭”?“尾牙”就聽過(好似係新年好闆請食飯)。台灣妹話“大牙祭”即是大吃一頓的意思。中國人始終都是食﹐食﹐食﹗

激賀魚絲舞大壽

你地得閒既,送個貓比佢﹐Dum o下佢歡喜啦﹗雖然"Dum佢歡喜"應該係魚木做既﹗

Mooncake

好想食月餅﹐不過始終過不到“好肥架喎﹗”既提醒。好啦﹗唔食﹐望o下都好﹗

月下獨吃中秋月餅

出書

多謝B子﹐雖然只是實驗性質﹐但是蘋果的包裝﹐的確是美麗過其內涵。
有BL同Cream叔既文章﹐Sorry!無版稅比番你地﹗

頻果娛樂版

平時睇娛樂大八掛﹐睇完就算﹗不過今次好好笑囉﹗記者只係抄都抄錯﹗去費城使乜十個鐘呀?問華子就知大西洋城同費城有幾近啦﹗

紅 Blog Blog ： 方 力 申 為 牛 扒 撐 10 粒 鐘

方 力 申 去 了 美 國 登 台 可 能 不 是 太 多 人 知 道 ， 他 曾 經 在 費 城 住 過 一 段 長 時 間 的 事 更 加 是 聞 所 未 聞 ， 不 過 日 前 凌 零 發 瀏 覽 小 方 的 網 誌 ， 就 發 現 了 他 透 露 這 個 秘 密 ， 更 張 貼 了 今 次 出 訪 美 國 的 照 片 ， 當 然 不 少 得 長 伴 他 左 右 的 緋 聞 女 友 鄧 麗 欣 （ Stephy ） 啦 ！

Stephy 伴 登 台 小 方 先 到 大 西 洋 城 登 台 ， 更 有 與 他 《 好 好 戀 愛 》 的 拍 檔 Stephy 同 場 。 完 騷 之 後 ， 小 方 坐 了 10 小 時 車 到 費 城 去 探 望 姑 媽 姑 丈 ， 他 在 最 新 的 網 誌 中 ， 更 張 貼 了 多 張 在 當 地 出 名 的 牛 扒 店 大 啖 心 愛 芝 士 牛 扒 的 照 片 ， 他 更 說 為 了 這 的 牛 扒 才 會 千 里 迢 迢 回 到 費 城 ， 若 凌 零 發 是 小 方 的 姑 媽 姑 丈 ， 聽 到 這 番 話 實 會 激 死 ！
方 力 申 Blog
http://hk.myblog.yahoo.com/alex-fong

錫身

看了梁芷珊一篇寫有關下屬離職的一篇Blog

嘩﹗新鮮畢業的確不同。一星期七日﹐一日二十四小時。
起初畢業﹐第一份工作的確是可以這樣做。
老闆問: “可不可以加班”
答: “無問題﹗”
老闆問: “可不可以返夜”
答: “無問題﹗”
老闆問: “可不可假期返工”
答: “無問題﹗”
老闆問: “可不可以到其他城市工作”
答: “無問題﹗”

當工作了幾年﹐有了經驗。
老闆問: “可不可以加班”
答: “最好唔好啦﹗有冇OT先﹐無既採你都傻﹗”
老闆問: “可不可以返夜”
答: “最好唔好啦﹗﹗返夜傷身﹐又危險﹐有事邊個負責?﹗”
老闆問: “可不可假期返工”
答: “最好唔好啦﹗我有好多其他野做架馬﹗”
老闆問: “可不可以到其他城市工作”
答: “無可能啦﹗我一家大細”

頻果愚見

見Cream叔提起﹐等我呢個小女人講下對新一系列既感受。

一向很喜歡看Steve Jobs介紹新產品﹐因為經佢一講﹐本多平平無奇既shuffle,classic, 都會變成好勁﹐令你好想擁有一部。

新一系列的shuffle, 只係多o左顏色。無乜特別﹐(我都有舊既shuffle,都仲未壞﹗)唔買﹗

nano就多o左個兩寸既營光幕。講真﹐係ipod Classic睇我都厭佢細﹐而且nano得8GB,太細啦﹗都唔夠用﹗我就唔買囉﹗

Classic﹐薄o左﹐而且容量大o左﹗160GB夠用架啦﹗不過就要三百幾。而且睇Video﹐好快就無電﹗

至於部iTouch﹐係型既﹗不過得個8GB,都係個句﹐唔夠用囉﹗而且個WIFI function,無join D 上網plan 都係無用既﹐係屋企﹐公司﹐我部PDA都可以做到Streaming啦﹗唔使買佢﹗

部iPhone啦喎﹗減價係件好事黎﹗證明佢真係唔值六百幾蚊。重要只係一家AT&T電話用得﹐最憎就係呢D獨使生意﹗

講到尾﹐呢D新潮玩兒無十全十美﹗都係句“不在乎天長地久﹐只在乎曾經擁有”禁咪大家都開心囉﹗

國粹

說起來有點羞愧﹐身為中國人﹐對於麻雀﹐象棋這等國粹不精而且不太通。但偏偏鄭生這不太懂中文的人﹐對這兩項玩兒十分雀躍。這幾晚他沒有打他的三國PS2了﹐但要我陪他下棋。好悶﹗你知我啦﹗唱K搵我啦﹗要用腦既﹗唔使預我﹗

暑假過後

聽說在香港過了中秋便開始涼快﹐花旗比香江早﹐過了勞工節便會進入“秋去秋來”的季節(唉﹗又傷感啦﹗)。

以往幾年都會在長週末出外﹐今年反傳統。在家打掃油牆渡過﹐終於廁所﹐廚房都完成了。還有客廳﹐飯廳。現在正想怎樣可以偷懶油少一點。那麼﹐十月假期﹐便可要請朋友到訪BBQ了。


插曲﹐本來是出外用膳,但在勞工節 on sale 最後的一小時﹐終於賣了梳化(最後只吃了個寶加勁的一蚊雞包作晚餐)。客人到訪﹐(希望)不用自備椅子。鄭生和我都喜歡這可以彈出剩腳的梳化。方便可以躺 臥著看電視﹐看書。爽呀﹗