八月二十七日 勁太陽
由花旗國的東面飛往西班牙的馬德里﹐大約七小時。晚機去早上到﹐D時間都唔錯。由飛機上看見西班牙是一片黃土﹐我仲以為近機場可能有很多基建地盤﹐所以禁黃﹐後來發現唔係。可能個太陽太猛烈
﹐令到好多地方D草死晒。
馬德里的機場十分舊﹐有D似以前o既啟德。西班牙人做野比較慢。入境﹐租車﹐去ATM o禁錢﹐搞掂晒都已經差唔多十二點幾(我地係差唔多十點到)。我地租o左架Opel Merival 同美國車比﹐佢細細架﹐個樣幾Cutie架﹐而且車身又高。點知後來至發現佢大食又無力(容後詳談)﹐唉﹗
依照我地Plan o左o既行程﹐第一日﹐係由Madrid去Segovia 再去Salamanca 過夜。點知一出機場﹐我地已經盪失路。唯有出exit 問路。之前我已經有心理準備西班牙人不會說很流利的英語﹐原來係堅既。以IT的才智﹐同獎行N次的經驗﹐我地好辛苦先走出Madrid o既魔掌。
到Segovia o既時候﹐已經三點幾﹐無乜人係條街度行﹐好似個死城禁。原來所有店舖都會在兩點半至四點半放食Lunch﹐得番D賣記念品的舖頭開門。係Segovia個old town駕車都有D驚險﹐D路又窄又斜﹐有D路我仲以為係比人行﹐原來係馬路。
點知呢個都只不過係熱身。我地去o左睇Main Plaza,十六世紀的大教堂同Roman aquaduct。跟?就趕去Salamanca﹐驚天黑搵唔到路。
Salamanca 比Segovia 大得多﹐不過個樣好舊。感覺好似去o左以前o既太子道。因為我地book o左間酒店o係old town。以為o係正old town比較易搵﹐點知行來行去又獎行N次都搵唔到。最慘係D人唔識英文﹐用晒身體語言﹐都估唔到間酒店係邊。最後當然係靠IT o既美貌同智慧﹐o係酒店o既附近比我地見到個指示牌﹐指o左入去行人專用區。間酒店就係o係個禁旺中帶靜o既地方。搵到間酒店﹐我已經倦到得番半條人命。
(待續)
小貼士
﹕我地架Opel係Compact Car﹐我以為已經係細個隻﹐原來Economy 仲細。如果要租車去D old town玩﹐我提意大家租Economy﹐駕窄路比較好﹐而且無禁大食。這架Opel大食過我同IT。入半缸油就要20Euro。
No comments:
Post a Comment