兩牙遊記(五)

八月三十一日 開始見到有一兩舊雲

經過昨天的遊覽巴士遊﹐其實我地已經鎖定目標﹐諗住今日只係去Seville Cathedral and La Giralda同 Real Alcazar。而且今日無禁熱﹐行o下個old town都可以﹐禁下午便繼續行程去Granada。

Seville Cathedral﹐又是一所很大的哥得式建築﹐要收入場費的。不過我發現他們有特別優惠比學生﹐以我的學生身份當然唔放過任何節儉的機會(容後詳談)。如果要每間房間也仔細看的話﹐是可以行成日。這間大教堂的獨特之處是有一座鐘樓﹐用斜路的設計﹐可讓遊人行上去﹐就算是傷殘人士的輪椅﹐BB車也可上到去﹐不像其他鐘樓只得一條窄窄的樓梯。IT對此讚賞不絕﹐至於點解﹐禁你就要問問她本人。在鐘樓上面可望到全個Seville的景色﹐幾靚o架﹗

去完 Seville Cathedral﹐無理由唔去埋隔離的Real Alcazar道。它是皇族以前所住的別墅之一。建築的手工同設計都十分細緻﹐都唔知D皇族花幾多錢去建這個禁靚別墅呢﹖

雖然去Granada 的車程大約兩個多小時﹐我地都唔想禁夜先去到﹐所以大約一點鐘左右就離開Seville。神奇﹐去到Granada﹐氣溫又回復26,27C﹐而且唔係好焗那種。真係同Seville有天淵之別﹐大概是因為近地中海的關係吧﹗

Granada給我的感覺有點像石硤尾﹐我們所住的酒店區更加似尖沙咀的廣東道。我幾驚我地住o既酒店係重慶大廈。雖然這城看上去是比較舊一點﹐但D人好nice。就好似遊覽巴士上的司機哥哥﹐其實佢D英文都已經好好﹐佢仲用晒所有o既身體語言教我地點樣上去Alhamba。IT仲話呢位肥肥地圓圓地o既司機哥哥好可愛添 。

小貼士:在西班牙﹐有很多地方有特別優惠給學生。如果你是學生﹐就要好好把握這個全免或半價的機會。我初初還以為他們只接受國際學生証﹐原來還未過期的花旗學生証也可以。