。為o左寫呢十篇遊記﹐的確寫o左我不少時間﹐搞到我原來想講D其他野都無時間去做。今次旅行﹐除了要多謝神的保守
﹐給我們有不同的經歷﹐而且我地還無穿無爛可以返回花旗﹐這是值得感恩的。要多謝IT做o左好多資料搜集﹐搵酒店﹐搵租車﹐睇地圖﹐睇路牌。對不起﹗我有很多晚都先睡著﹐讓你自言自語。多謝靚靚來機場接我地﹐要佢特意從遠遠的VF駕車來接機﹐真係有d唔好意思o架﹗要多謝悶人送我去機場﹐如果無佢﹐都唔知搵邊個可以禁早放工車我去機場o那﹗仲有李老闆幫我睇住架車。
九月五日 非常晴朗
早上乘搭Madrid Vision 的綠線﹐將還未遊歷的景點﹐一一看過﹐如Templo de Debod.經過昨天一日遊﹐對Madrid 已經有大概的了解﹐今天我們又定下目標﹐首先到Palacio Real﹐這所西班牙皇宮﹐雖然從外在看來沒有什麼特別(都是地方大大﹐有個大廣場在前)﹐但內裡卻有很多有它特別主題的房間﹐而且房與房之間是互通的﹐都幾得意。
未行完個Palacio Real, 個肚已經古古聲叫餓(早餐只係食餅乾﹐所以好早就肚餓)。於是搭番車去Plaza Mayor大廣場食Lunch。這個Plaza Mayor的特點是有很多賣藝人在這裡賣藝﹐有奏手風琴的﹐玩雜技的﹐畫畫的﹐真係包羅萬有。很難找到間有英文Menu﹐又唔係好晒的露天餐廳坐下。本來我是想試試其他小吃(好似昨天的Sampler)和熱朱古力(聽說幾出名)﹐怎知道我們竟然叫o左個西班牙火腿Sampler。最搞笑係待應生伯伯唔比我order Hot Chocolate﹐佢要我飲Sangria﹐可能係我地唔識聽佢講乜﹐我講o左N禁多次要Hot Chocolate﹐佢就猛禁要我叫Sangria(可能係因為我叫o左碟火腿呱﹗Sangria襯火腿D啦﹗) 我地同佢爭持o左幾耐﹐最後唯有妥協照待應生伯伯的意思﹐要o左一杯Sangria。而IT就因為見到隔離檯杯白色飲品好似幾好﹐一問之下﹐個杯個名係Horchata。無酒﹐幾好飲﹐幾似好立克。坐在太陽傘下﹐食o下飲o下﹐聽o下手風琴﹐真係好鬼舒服﹐差D o係o個度睡著﹗
因為鬥牛是六時開始﹐食完Lunch都差不多四點﹐去一個新景點又好似差D時間﹐所以同IT行o下D shop﹐橫掂我地都未買齊記念品。比我地見到皇馬專門店。恕我又再“井底之娃”。我和IT都不是球迷﹐所以初初也不知道原來早陣子瘋魔萬千香江球迷的“皇馬”就是皇家馬德里。這間專門店所售的記念品也不少﹐而且價錢唔算太貴。若果你是皇馬球迷﹐一定不容錯過。
乘坐地鐵由SOL站到Ventas站只需十五分鐘﹐去到鬥牛場 已經見到很熱鬧的場面﹐但係唔算係好多人個隻。據IT的資料﹐我地睇o個場D 鬥牛師係Trainee﹐唔係個D好出名的鬥牛勇士﹐所以價錢是比正式的平一半。亦可能是這原因﹐個鬥牛場都坐唔滿。我們的位置是在較前排(第四行)而且是沒有太陽的﹐所以算是唔錯的位置。我是第一次看這些比較殘忍的表演﹐雖然但以理之前已經話過我知﹐在西班牙鬥牛是比較殘忍﹐因為要將牛殺死才算完成。但當我看第一隻牛死的時候﹐我D眼淚唔知點解不停禁流
。嚇親IT﹐真係唔好意思。一場鬥牛會大約殺死六隻牛﹐而鬥牛的過程是分三部份﹕首先﹐鬥牛師會用布去搞隻牛﹐引牠跑來跑去﹐將牠的精力消耗一點﹐然後一個騎著馬﹐手拿長矛的人將長矛剌向牛的背部﹐使牛不停留血﹐而鬥牛師亦會手拿短矛剌向牛的背部。最後隻牛流血流得差不多的時候﹐其中一位鬥牛勇士會拿著長劍剌向牛的頸部。第一隻就係禁七孔流血而死。哈哈﹗雖然我覺得鬥牛過程十分殘忍﹐但我和IT在這過程中真係學到不少做人道理。
小貼士
﹕買鬥牛票的時候﹐我們見到唔同位置有唔同的價錢。佢地大概分三區﹐有太陽位﹐一半一半太陽位﹐沒有太陽位。之後再分前排的比較貴﹐山頂位當然比較平。以小妹的愚見﹐買個貴D的位置是值得的。因為鬥牛勇士會盡量引導牛在沒有太陽的位置表演﹐想睇得清楚﹐聽得清楚﹐比多幾蚊都係值。
No comments:
Post a Comment