鮮花語錄 (二)

靚靚: Angie去左巴西成個星期, 好掛住佢呀!
四月: 係呀, 巴西咁曬, 唔知佢支 sun block 45 頂唔頂得住呢? 希望佢返黎唔駛狂補 La Mer 啦. IT, 你有冇掛住佢呀?
IT: 何只掛住, 簡直係無邊的思憶呀! 不過… 一諗到佢返黎就會收番個 blog 自己寫, 又真係希望佢係巴西留耐D.
四月: 我好明白你心情, 話晒 (同個 blog) 有感情嘛.
靚靚: 我咪仲慘, 岩岩先冇咁懊惱, 打中文打得快左 D, 又話要比番個 blog 佢.
IT: Hey, 唔知可唔可以搵我地 D 名人 fans 例如蘇東坡, Dr. Phil, 又或者小鳳姐代我地同 Angie 斟斟, 睇下可唔可以續約.
靚靚: 好喎! 搞個名人簽名撐三花運動, 實店!!!
四月: 亞靚, 我地駛唔駛靠依 D 呀! 我地 D 話題咁受歡迎, 仲有我 D 詩詞歌賦, 邊駛靠 D 花巧野!
IT: 係呀, 寫得唔吸引, 就唔會亞蛇都捧場啦.
靚靚: 亞蛇???
IT: 33950, 33645, 同 33919 呀. 不過我懷疑佢地可能係 Angie 派黎睇下我地有冇講佢壞話.
靚靚: 睇得我地咁蠢??? 壞話都唔會係度講啦!
四月: 不如睇睇各位新舊 fans 今個星期 D 反應, 會唔會叫 Encore 先講啦!

鮮花魅力誰能擋 日日要睇自由講