兩牙遊記(四)

八月三十日 仍然好太陽

由Lisbon 駕車去西班牙的Seville﹐大約需時四個鐘。葡萄牙的路牌比較清楚﹐比起前幾天的經驗﹐走出Lisbon並不十分困難。沿途並沒有像Salamanca途中那麼黃﹐有很多像果園的山頭。但氣溫卻有很大的變化﹐由27C 到40C﹐我起初還以為是溫度計壞了。

去到Seville﹐真係唔想落車﹐因為太熱。搵酒店又搵o左我地成粒鐘。頭都痛埋。因為只係Seville過一晚﹐我地join o左遊覽巴士﹐11Euro24小時﹐意思係我地四點幾買票﹐可以用到第日的四點幾。可能係太熱﹐我地唔係見到好多遊人﹐反而食飯時間(九點幾)﹐D人先開始多。

坐遊覽巴有個好處﹐不用自己駕車到每個景點﹐這樣便不用怕搵錯地方。後來我們發現每城市都有這類遊覽巴士。發覺最好的遊覽巴士是在Granada。坐了一個圈﹐再行到Seville Cathedral 都已經七點幾。其實星期一﹐我們並不寄望到任何一間博物館遊覽﹐因為大多數的博物館在星期一是休息的。行o下影o下相﹐又差唔多到食飯時候。

一食就食到十點幾﹐正如我之前講過﹐西班牙人的效率比較差。樣樣都慢慢來﹐上菜都是一樣﹐等很久才有人問你要什麼。你唔叫埋單無人會放張單係你面前。

因為唔想由old town行返酒店﹐我們便乘的士返酒店。的士唔算太貴﹐而且周街都係。坐了四五分鐘車程﹐只係三蚊Euro。不過﹐的士司機是不懂英語﹐所以最好是問酒店﹐拿定地址﹐一上車就比個司機睇﹐禁就無問題啦﹗(待續)

小貼士:在Seville有兩間不同公司經營遊覽巴士。有綠色同紅色兩種巴士﹐而兩車的路線是差不多﹐但方向是相反的。我們發覺早上搭紅巴比較好﹐太陽無禁晒﹐而下午則綠巴比較晒得無禁應。