兩牙遊記(三)

八月二十九日 仍然勁太陽

我地plan 左留o係Lisbon 兩日﹐所以唔使搬酒店。真好﹗o係Lisbon﹐我們所住的酒店距old town遠一點﹐平D﹗而且可以泊架車o係街。之前o係Salamanca泊街要入咪錶(不過在中午飯時候﹐亦係免費)。因為係星期日﹐葡萄牙同花旗國一樣﹐好多街都係唔洗入咪錶的。後來我們還發現﹐葡萄牙的咪錶是非常聰明的。在星期日的晚上是可以預先入定星期一的頭兩個鐘。這樣﹐我們便不用一早起身入咪錶啦﹗而且在葡萄牙星期日有很多福利﹐如過橋唔使比錢﹐去某D博物館亦是免費的。

Lisbon 的旅遊區是由四個小區組成﹕Baixa, Bairro Alto,Alfama 同Belem。今日我們全力進攻Belem同Alfama。但在我們出發Belem之前﹐是加插了一項特別節目:行超市。我都幾鍾意行唔同國家的超市﹐除o左睇o下其他國家的唔同產品外﹐仲可以了解一o下當地的生活狀況﹐如物價指數。El Corte Ingles 是一所西葡兩國都可以去到的大型百貨公司﹐有點像香江的Sogo﹐地下一層是超市﹐食市。地上面多層是賣衫﹐電器等﹐真係包羅萬有。我在這間公司都花費了不少(容後詳談)。

Belem 相距Baixa只有十五分鐘﹐我們第一站去了Mosteiro do Jeronimos﹐一所建築得十分精緻的教堂﹐它不止有教堂﹐還有花園。行完Museu Nacional de Arqueologia, Museu Nacional dos Coches, Monument to the Discoveries 同Torre de Belem都差唔多已經係下午三點幾﹐幸好西葡兩國的活動時間比較晚﹐三點幾食lunch是正常的。由Torre de Bel?m直望過海﹐可以見到Ponte 25 de Abril 大橋﹐和Cristo Rei。因為禁遠都見到這個耶穌像﹐令我十分有興趣看一看真實的大細。

Cristo Rei位於Almada﹐睇旅遊書說是可以搭船去過海然後轉巴士上山。我地因為有車﹐當然係自己駕車去啦﹗不過就要辛苦IT睇地圖同問路。個耶穌像有92ft﹐而個Monument就有260ft。在上面係可以望到整個Lisbon﹐好靚o架﹗

睇完Cristo Rei﹐都已經七點幾﹐我地先趕去Alfama﹐不過好多景點已經關門。最慘係Alfama是個古城﹐有很多上山下山的窄巷﹐D路亂到有地圖都搞唔掂。我以為跟其他車就冇錯﹐點知差點跟了人家返屋企﹐又差D入o左人家的又斜又窄私家路。好在有個好心伯伯﹐佢用西班牙語﹐我地用廣東話同身體語言﹐教我地點樣落山。(待續)

小貼士:因為會在Madrid離境﹐所以o係Lisbon我冇留意退稅的問題。正如我之前提到﹐到處可見El Corte Ingles百貨公司﹐但除這間外﹐我們是找不到第二間百貨公司的(或者係Monopoly啦﹗)禁如果想退稅﹐我提議大家要一次過係西班牙的El Corte Ingles度買﹐因為退稅要一次過買滿90 Euro先可辦理。