兩牙遊記(九)

九月四日 有雲﹐太陽再次出現

對於馬德里﹐我沒有像對巴塞隆拿般的期望﹐果然沒有期望﹐就沒有失望﹐而且不時給我有意外的驚喜。可能是大城市的關係﹐我覺得在Madrid的生活時間沒有像Salamanca那麼晚(但仍然很長)。早上九時出門﹐已經見到有舖頭開門。

o係Madrid﹐我地有兩樣o野係一定要做到﹕一,係睇Flamingo Dance﹐二,係睇鬥牛。兩樣活動﹐我地之前已經開始搵資料﹐睇o下使唔使係花旗online買定票。但係網上實在有太多資料﹐而且價錢不一。所以最後我地決定去到Madrid先問酒店﹐不過因為昨日的經驗﹐我地唔係好信酒店服務員哥哥。後來行到去“行人專用區”Puerta del Sol我地見到有西班牙的旅遊發展局D檔攤﹐禁我地咪問o下﹐應該去邊度買票同睇Flamingo Dance。個旅遊發展局服務員叫我地去一間叫LT的Restaurant度睇Flamingo Dance﹐而鬥牛飛要去某士多買。可惜去到某士多(原來係間賣六合彩的舖頭)﹐個老闆好人﹐話我地知佢o個度無得賣﹐叫我地直接去鬥牛場度買。搞o左禁耐都係買唔到﹐我地決定下午等鬥牛場售票處開門至去買。鬥牛場售票處的售票時間十分奇特﹐上午十點到十二點﹐下午五點到晚上八點。

之後我地就即刻去睇睇D遊覽巴士﹐o係Madrid 的遊覽巴士叫 Madrid Vision﹐ 遊歷路線都唔錯﹐有三條﹕Historical Madrid(紅線), Modern Madrid(藍線) 同Monumental Madrid(綠線)。而紅線和綠線都o係我地酒店門口有站﹐所以十分方便。而且佢地有兩日pass (13.6 Euro) 正正o岩晒我地o既要求﹗

午餐﹐IT成日想試o下D Tapas﹐其實沿途都見過幾間﹐不過次次我地想食的時候﹐佢偏偏無開﹐所以希望o係最後兩天可以o係Madrid 試到。禁我地返去“行人專用區”試搵o下﹐比我地見到一間有不同款式的炸物﹕炸蝦﹐炸墨魚﹐炸魚仔﹐炸薯仔。入去睇點食法﹐當然又係服務員不停用西班牙語答﹐我地又不停重複用英文問﹐最後大家共識﹐order o左一碟樣樣有的Sampler。

食完﹐坐o下巴士﹐行o下影o下相又差唔多四點幾。我地就去試o下搭地鐵去Las-ventas鬥牛場買票。Madrid D地鐵比我想像中清潔而且簡單又唔係好多人搭(一定冇HK D禁迫)﹐可能我受NY D地鐵形像影響啦。(容後詳談)

買完票﹐我地就全力找尋Flamingo Dance ﹐早上旅遊發展局服務員提意我們去的LT是在Placa de Espania 附近。它的吸引之處係入場費只是15Euro不用食晚餐(還包一杯飲品)﹐而其他的有幾間要差不多65Euro包晚餐。而其中一間DK天書話好出名的Flamingo Dance restaurant 就係包晚餐那種﹐我地去到見到只是一間很普通而很舊的餐館﹐位於橫街個樣又唔係禁安全﹐所以決定去LT。Flamingo Dance係十點半至開場﹐可能住o係本城住得太耐﹐去夜街真係有D唔慣。IT還帶備她的防狼器以防萬一。

睇Flamingo Dance的LT restaurant 唔係好大﹐我地去到的時候﹐我想是Happy Hours﹐有很多年青男女飲酒食煙﹐個樣都幾雜o下。我同IT初初都有D擔心﹐禁橫掂去到﹐IT又有防狼器﹐禁死就死啦﹗見九點幾時間尚早﹐又去o左老麥走一轉﹐嘩﹗人山人海﹗Madrid D 人原來一樣係禁夜食飯。十點半﹐返去LT﹐一個鐘頭前的景象不見了﹐我地只係見D到幾檯人﹐而且有很多都是上了年紀的伯伯嬸嬸。全場的Flamingo Dance真是十分精彩﹐唯一大殺風景的是在我們前面坐了對痴男情女﹐在我們面前不停地咀﹐唉﹗真係十分嘔心﹗(待續)

小貼士﹕o係Madrid D 地鐵真係幾好﹐好容易搵唔難。因為我地要去買鬥牛票﹐所以一共要搭八程車(兩個人來回兩次)﹐單程車票要1.15Euro﹐佢地有D十程車票(5.5 Euro)﹐而且是可以多人共用同一車票的。如果有幾個人一齊搭﹐十程車票是比較“底”的。