我們酒店的房間是有個露台對著Placa de Catalunya的﹐IT同我對此安排感到有點意外
。雖然以酒店價錢來說﹐這酒店是全程最貴的一間﹐但相比在附近同級的酒店﹐它算是最平的﹐所以最後我歸功於IT在預訂電郵中
﹐請求比間好D view o既房過我地﹐可能就係呢一句﹐我地就有間禁意外驚喜的Hotel房﹐或者下次再訂房也可試試呢招﹐睇o下使唔使得。
對於Barcelona﹐我是十分期待的。可能是因為在流星花園II﹐看過言承旭同大S o係Barcelona的美麗風景所至。果然Barcelona 沒有令我失望。仲然有雨﹐而且天色仍然係黑黑沉沉﹐但不減我們的興致。一早便走去La Rambla行個圈﹐食個靚早餐。好早賣藝的人已經準備好﹐化晒妝企係度等遊人﹐有幾個如果唔係IT見到﹐我真係以為賣藝人係個公仔。之後便去搵遊覽巴士。
因為時間緊迫﹐只有一日在Barcelona﹐我特別要求IT一定要去Sagrada Familia同Park Guell﹐其他地方我是可以坐遊覽巴經過就得啦﹗IT好人﹐沒有異議。因為早上仍下著大雨﹐坐了遊覽巴行o左一個圈都仍然有雨﹐我們便去了Casa Mila諗住係室內﹐等雨停了先進行室外活動。小妹只係“井底之娃”﹐對於Antoni Gaudi認識不深﹐由DK天書得知﹐在西班牙﹐他是個很出名的Architect﹐看他的建築真的很特別。天才與白痴﹐只有一線之差。如果佢唔係將D Structure倒轉諗﹐Sagrada Familia就唔會禁特別啦﹗講番Casa Mila﹐o係Gaudi設計建築之一﹐天台有不同Sculpture﹐我就覺得有D似o係“天空之城”入面D機械人啦﹗唔知啊宮崎駿san係唔係參考Gaudi o既作品去做o個D機械人呢﹖
睇完Casa Mila﹐無乜雨﹐於是即刻趕去Sagrada Familia。一間還未完成的大教堂。對著這宏偉的建築﹐獨特的雕塑﹐我同IT都已經急不及待進去。由Pasion Facade 入﹐已經見到好多聖經故仔o既雕塑﹐有幾個我真係唔知佢係o係聖經邊道出現過﹐仲比IT寸我無好好讀聖經﹗唉﹗怪記得禁多咩
!正門(The Apse)看Sagrada Familia已有點殘舊的感覺﹐但入到裡面就完全係兩個世界。可能工程仍在進行中﹐在入面有很多工人行來行去﹐裡面的牆壁就比外面的新得多啦﹗行完入面﹐原來係東面的Nativity Facade還有樓梯上個塔尖。我地蠢o左﹐以為要比錢搭電梯才可上到。原來行樓梯唔使錢也可上去的﹐電梯只去到中間﹐要自己再行上去。上到去又係新天新地﹐可以望到Barcelona 舊城﹐而最好玩的是上面四個塔尖是互通的﹐由樓梯同橋連接。IT每發現新的通道都開心不已﹐還盛讚Gaudi這個設計十分獨特。行完晒﹐過對面老麥食杯雪榚﹐都已經下午三點幾﹐於是趕上遊覽巴到下一景點Park Guell。
如果你有睇流星花園II﹐對這個Park Guell 並不陌生。言承旭同大S就係o係呢度失散。由遊覽巴車站行上去﹐都要十至十五分鐘﹐條斜路都幾係野o架。這個色彩賓紛的公園﹐有著Gaudi的設計精髓。就好似條變色龍同糖果屋禁
﹐真係好特別架﹗
遊覽巴士行經Port Vell﹐被這個面對地中海的海岸吸引。所以同IT決定o係Port Vell食Dinner。o係Port Vell D餐館唔係話好高級﹐有我們想食的Paella﹐又見ITo係Granada 的Sangria 幾好飲。我地就order o左呢兩樣出名的食物。對食物我有點失望﹐可能係食唔慣Paella D 生米感覺(IT話係禁喎﹗)﹐而杯Sangria 就無乜果汁味﹐只覺得佢地將D紅酒加水。不過個景就真係好正啦﹗
(待續)
小貼士
﹕Paella是出名的西班牙菜﹐去到o個度當然係要試試。不過我地發現原來Paella係可以跟碎意紛的。如果食唔慣生米感覺﹐我提意轉跟碎意紛。我地係Madrid食過﹐覺得碎意紛仲好食。
No comments:
Post a Comment