兩牙遊記(八)

九月三日 陰天有雨﹐而且仲係大雷大雨個隻

早上看CNN的天氣報告﹐全個西班牙都有雷雨。唯有疊咪心水﹐早上行o下個old town﹐就駕車去Madrid。D雨都幾大﹐搞到無乜心情行﹐去o左Barcelona Cathedral 行o左個圈﹐再行o下D細街仔就算。

同Barcelona講拜拜﹐真係有D唔捨得。我同自己講﹐“唯有返花旗再努力工作﹐等第日再來過吧﹗”﹐當然又或者係“嫁個有錢人”﹐咁就除時都來得啦﹗

由Barcelona駕車到Madrid大約需時六個小時﹐好似我們遇著大雷雨﹐當然係會耐D。一路上我們遇見很多車禍發生﹐反車都見到兩單。所以真係要感謝神o既保守﹗在空曠的公路上﹐我地見到雷柱﹐ 有打直﹐有打橫。我同IT都看得目定口呆。

入到Madrid﹐D雨已經差不多停。終於都到達兩牙之遊的最後一站。IT說真正的假期而家至開始﹐因為連續兩天我唔洗駕車﹐IT唔洗睇地圖搵路﹐大家終於可以放o下大假。

我們的酒店位於市中心的Grand Via 大街﹐今次IT又問酒店服務員哥哥﹐可唔可以比間好D View o既房我地。唔知係唔係酒店服務員哥哥D英文唔係禁好﹐定係我地表達能力差﹐佢好似唔係好明我地講乜野﹐佢只係覺得我地唔係好鍾意佢原先比我地的310號房﹐最後佢係換o左302號房比我地。就係相片中第三層角落頭有少少突o左出來那間。
個View就係好出名Grand Via 大街o那﹗幸好我同IT都係乜野地方都可以睡的人﹐大街嘈D都冇問題。

放低行李﹐我地立即爭取時間行o下過Centro。又要多謝IT搵到間禁好的酒店﹐行去Centro都只不過係五分鐘。Madrid這個城市﹐比我的感覺是舊了一點﹐行人很多﹐同NY有得輝。係個Centro 入面有我們熟悉的El Corte Ingles百貨。成條行人專用區﹐兩旁有唔同的店舖﹐真係成個人都upbeat D。o係Madrid﹐我發現Starbucks﹐數目同係花旗NY差唔多﹐行幾個街口就有一間﹐真係利害。

行到禁上o下﹐又到食飯o既時候。同IT行o左好多間﹐間間個樣都係麻麻地﹐最後選了間有晚餐套餐(23Euro)來試試。套餐係包﹕薯仔攘紅椒﹐半只龍蝦﹐可選魚或牛扒﹐甜品﹐茶或咖啡﹐餐後酒同Zinfandel 一支。其實都幾豐富。不過食落就幾怪。賣相奇差薯仔攘紅椒﹐佢地竟然o係條紅椒上放上菠菜汁﹐我同IT睇到﹐真係又驚訝又搞笑﹐因為大家的腦袋都出現同一問題“點解禁似do do﹖”好彩味道都唔錯。龍蝦OK啦﹗Boston D 好食D﹗牛扒是沒有問我要幾成熟﹐但放在我面前的牛扒﹐我相信只有美思或者係Roy San先至食到禁生的牛扒。至於餐後酒和支Zinfandel﹐嘩﹗難飲到卑﹐最後我要order支2004年西班牙礦泉水一支。(待續)

IT話post出來,比大家睇o下係唔係好似do do喎!希望各位讀者唔會感到不適啦﹗


小貼士﹕正如IT的留言﹐Barcelona 是一個非常美麗而浪漫的地方。有很多地方我們只坐遊覽巴經過便算。如果有一星期的時間﹐我誠意推介去Barcelona 和附近地方﹐當然和自己心愛的人去就更加無得頂啦﹗